شنو شريتي كتب ... ؟ حياكم

[Eng.shosha]

مشـكوووورهـ على هذا الموضوع

وصج انا اموووت على القراءه بعد

لي عوده مع كتبي .. واساميهم ..! واخر كتاب ..!

هلا حبيبتي .. ناطريييينج

اخر مره شريت كتب قبل اسبوعين:

وحطيت صورهم..

اهما حكاية عالم اخر..

وليلة الجنون..

والان نفتح الصندوق 2..

عاد ام حسون مايمدحون العجيري وانا ماحبها بعد اللي حبيتها الظمني وحبي الاول فيرجن

وبالعافيه يارب بنات..

عليج بالعافيه .. ايييي قلت بشوفها ولا مره رحتلها .. صاجه ماكو على فيرجن وجرير:>

 

[Eng.shosha]

شريت روايتين لـ اجاثا كريستي

وطبعا ما مر 3 ايام الا وانا مخلصتهم



سعر الرواية = دينارين

::

وهذي الرواية اللي الحين اقراها



سعرها = 4.700 دينار

واصلة تقريبا لـ ربعها

ومحتوي الرواية ان هناك رجل بريطاني عسكري تقاعد واصبح صاحب مكتبة لبيع الكتب القديمة والاثرية .. وصل له بالايميل رسالة تهديد .. يقولون فيها [ في شي عندك احنا نبيه ضروري وإذا ما وفرته لنا بنذبح ولدك ] وفعلا ولده انخطف .. وهو مسكين ما يدري هـ الناس شنو تبي بالضبط ..

بس حلوة الرواثة فيها تشويق


::

هذي الرواية إلى الآن ما قريتها



سعرها = 4,600 دينار

شدتني لانها عبارة تسجيل لسيرة الفاتح المخولي جنكيز خان ..

احب اقرى الروايات التاريخية



::

هذي الكتب الأخيرة اللي شريتها

وان شاء الله بعد ما اخلص منها .. بتكون لي زيارة للمكتبة وشراء كتب غيرها .. وبشارككم فيها هني

​

علييييييييج بألف عاااااااافيه .. مشالله روايتج شكلهم حلوييييييين .. يبييله اجااثاا

مشكووووره عالمرور

خوش موضوع يا ام ميمو
انشالله اصور اللي عندي واحط صورهم

بنات عندي اقتراح لكم:
ترا بعض المرات الصور ما تطلع
فشرايكم لو تحطون الصورة وتحتها تكتبون اسمها والمؤلف
عشان اذا الله لا يقوله ما طلعته الصورة على الاقل اسمها موجود

عبد المحسن ما يرضى أحد يسميه ميمو :tomato2:
حسون احسن لوووول >>اتشرط ويا ويهي

ايييي صح كلامج .. الحين الصور كلهم طالعين عندج ؟ ولا في صور لأ ؟
وحياج الله .. نبيج تشاركينا بعد :klhfl:

 

[C'est La Vie]

علييييييييج بألف عاااااااافيه .. مشالله روايتج شكلهم حلوييييييين .. يبييله اجااثاا

مشكووووره عالمرور


عبد المحسن ما يرضى أحد يسميه ميمو :tomato2:
حسون احسن لوووول >>اتشرط ويا ويهي

ايييي صح كلامج .. الحين الصور كلهم طالعين عندج ؟ ولا في صور لأ ؟
وحياج الله .. نبيج تشاركينا بعد :klhfl:

اي حبيبتي كلهم طالعين

 

[Eng.shosha]

زين اشووووى

 

[Artist Q8]

بعدي ما خلصت منهم غير كتابين

5 كتب لنجيب محفوظ
1 لتوفيق الحكيم

خوش موضوع يا عسل

 

[Eng.shosha]

مشالله كل لنجيب محفوط .. يعني طريقته بالكتابه مثل منوو ؟؟

تقرينهم بالعاافيه ... حياج الله قلبي منوره

 

[فراشه]

انا حاليا اقرا كتاب لك القرار اهوه كتاب يتكلم عن الاسلام يقنع الغير مسلمين بدخول الاسلام ويتكلم بالعقل والاشياء المنطقيه اهوه حق الغير مسلمين بس هم فادني وايد استفدت اشياء اول مره اعرفها عن الاسلام صج دينا عظيم

والكتب الي حاطه ابالي اشتريها ان شاء الله

الرحيق المختوم
اغنى رجل في بابل
حقائق جديده عن الالياف
بوصلة الشخصيه

طبعا كل هالكتب عرفتهم من المنتدى

ومشكووره على الموضوع الحلو

 

[.]

هلا حبيبتي .. ناطريييينج



عليج بالعافيه .. ايييي قلت بشوفها ولا مره رحتلها .. صاجه ماكو على فيرجن وجرير:>

سوري ام حسون خربطت قصدي مايمدحون جرير وانا بعد ماحبها ..

والعجيري رفيجتي تمدحها وتحصلين فيها شغلات مو موجوده باي مكان..

والله يعافيج يارب..

الظمني باجليهم 5 ايام على تنزيلاتهم ..

اذا بتروحين روحي لها اهالفتره او نطري عقب بيردون يوصلون للبت اذا ماخب ظني..

 

[ناعم العود305]

حلو الموضوع

انا من زمان ما شريت كتب اخر مره من شهرين كتابين خذيتهم من مكه والمدينه

اول كتاب الشمايل المحمديه تاليف الامام الترمذي

والثاني منازل الحور العين في قلوب العارفين برب العالمين
تاليف عبد الكريم بن صالح الحميد
للاسف ما عندي صوره له

وان شاء الله اذا شريت كتاب جديد راح انزله بالموضوع

 

[Eng.shosha]

حيااااااااااكم الله بنات .. مشكورين عالمرور

هلا رونه .. بالعكس رحت العجيري مو مرتبه وكتبهم مغبره
وبالغصب طلعلي الكتب ..
والظمني بعيييده علينا ما اعتقد بهد جرير وفيرجن واتعنى الظمني :>
حياج مره ثانيه حبيبتي

 

[النـجـلآ]

من اجمل الكتب اللي قريتها كتاب(عاشق) للشيخ عائض القرني صرررررراحة رائع

انصحكم تقرونه

 

[Eng.shosha]

حلو الموضوع

انا من زمان ما شريت كتب اخر مره من شهرين كتابين خذيتهم من مكه والمدينه

اول كتاب الشمايل المحمديه تاليف الامام الترمذي

والثاني منازل الحور العين في قلوب العارفين برب العالمين
تاليف عبد الكريم بن صالح الحميد
للاسف ما عندي صوره له

وان شاء الله اذا شريت كتاب جديد راح انزله بالموضوع

مشكووووووووره حبيبتي عالمروور .. وقرااءه ممتعه

من اجمل الكتب اللي قريتها كتاب(عاشق) للشيخ عائض القرني صرررررراحة رائع

انصحكم تقرونه

اشكرج اختي عالمرور والافاده .. منوووره

 

[.]

حيااااااااااكم الله بنات .. مشكورين عالمرور

هلا رونه .. بالعكس رحت العجيري مو مرتبه وكتبهم مغبره
وبالغصب طلعلي الكتب ..
والظمني بعيييده علينا ما اعتقد بهد جرير وفيرجن واتعنى الظمني :>
حياج مره ثانيه حبيبتي

بس فيها شغلات مو موجوده الا فيها اقصد العجيري حتى الممنوع بجرير تحصلينه هناك وهم كتب مصر و روايات الجيب مثل ماوراء الطبيعه وفانتازيا وفلاش و رجل المستحيل ماحصلنهم الا عندهم وبالظمني ..

وكتب مصر مثل ملوت معاطي وانيس منصور مو موجودين بكل مكان ..

اي اذا ماتحبين هالسوالف لاتروحين ماتسوى ..

الله يحيج مرسي..

 

[نيــلــوفــر]

بنات انا رايحة الضمني قبل جم يوم و قاللي اللي يشتغل هناك يمكن بعد التنزيلات بيسكرون المكتبة
و اذا ما قدروا يسكرونها ما رح يسكرونها بس مافي توصيل للبيت .. ضاق خلقي
عاد توني طايحة عليها
بس والله خوش خصم
يعني انا شارية كتب بقيمة 17 دينار و خردة
طلعوا علي ب 7 دنانير بعد الخصم
خميت شكثر كتب ,, بس اغلب الروايات ما عندهم يعني كنت ابي حق دانيال ستيل و الخيميائي و المنفلوطي و مجموعه كتب والله ما اتذكر حتى سويت لستة طويلة و تحبطت لما قاللي ماكو منهم قلت يالله ما عليه اروح ادور لي كتب و دورتلي كتب و طلعت بهذووول




مختارات المنفلوطي اسم الكاتب المنفلوطي
ارض النفاق اسم الكاتب يوسف السباعي
لن يعود اسم الكاتب بيار روفايل ( انا اخترتها مني و الطريج )
ضاع عمري اسم الكاتب بيار روفايل


الفضيلة اسم الكاتب المنفلوطي
السراب الكاتب نجيب محفوظ
السمان والخريف الكاتب نجيب محفوظ
خبز و دمع الكاتب بيار روفايل
سمبلين الكاتب شكسبير ( حتى هذي اخترتها مني و الطريج)


روايتين لاغاثا كريستي
المصيدة و ذات الوجهين

اخر رواية اللي اهي ح تشالرز ديكنز
اسلوووبه رووعة ان شاء الله رح احط لكم رواياته تحميلها من النت بعد شوي
انا ليحين ما قريت منها الا اول 6 او 7 صفحات بس عجبني الاسلوب


وليحين ما قريت منهم الا سمبلين لشكسبير ( الحبكة حلوة والقصة احلى بس بصراحة اصعب شي اسامي الشخصيات دوستوريوس بستيموس ياشيمو يعني يخربط شووي ) و قصة مدينتين حق تشارلز ديكنز ما كملتها ليحين ان شاء الله بحاول اقراها و اعطيكم الفيد باك

 

[.]

بالعافيه يارب نيلوفر ..

اهي اهي لا يسكرونها الظمني حبيتها ..

كنت ابي ارض النفاق وخذيتها ولما رديت البيت مالقيتها

اذا قريتيها لوسمحتي ابي رايج فيها ..

ومشكوره..

 

[نيــلــوفــر]

بالعافيه يارب نيلوفر ..

اهي اهي لا يسكرونها الظمني حبيتها ..

كنت ابي ارض النفاق وخذيتها ولما رديت البيت مالقيتها

اذا قريتيها لوسمحتي ابي رايج فيها ..

ومشكوره..

اي والله حتى انا ضاق خلقي لما قاللي جذي
ان شاء الله افا عليج
انا حاليا اقرى قصة مدينتين اذا خلصتها ان شاء الله ببلش بارض النفاق و رح اقولج رايي فيها
تره جنه جنه انا لقيت موقع فيه رابط تحميلها اذا تبينه قوليلي
:tek:

 

[ذكريات]

ما وراء الطبيعة روحي الظمني الشهر اللي طاف ريلي شاري 100 قصة !!! و بسعر رخيييييييييييص

و العجيري حتى انا ما احبها كل ما اروحلها عفسة و غبار و قاعدين يعدلووووووون

بروح اصور اخر شي شريته و ارجع

 

[وردة الصحراء]

عاااااشت الفكره وراعيتهاااااااااا



: )



هاذا كتابي المفضل ولي عووووده انصحكم تشترووونه قصه رمزيه


الناس بيشكوون فيييج من العنوان انج تراجعيين عند الطب النفسي لكن محتواااااه طيب ههههههههههههه




لي عوووووده انشااء الله بطيح اهنييييه

 

[ذكريات]

شريت كتب حق عيدميلاد ريلي لوووووووووووووول << الهدية الوحيدة اللي يمدحها اهي الكتب حتى التلفون شريتله و مو عاجبه !!

شريتله الخيميائي و واااااايد عاجبه الكتاب و الكاتب

و رواية حق غابرييل غارسيا ناسية اسمها بس مو 100 عام من العزلة

و الضيوف

حدائق الملك

صار عندنا كتب عايلة اوفقير كلها ههههههههههههه

و الباجي حقي

الولد التائه

ارجوكم لا تسخروا مني .. مرة مادحينها بس ما اذكر منو او وين

ذكرى الابنة المفقودة

طفل اسمه نكرة الوحيد اللي قريته و بصراحة ما عجبني احس القصة ناقصة .. شلون فجاة كبر الولد و مو متعقد ولا شي !!!

المربية المثالية >> ولدي صاير شيطان هالايام

 

[نيــلــوفــر]

شريت كتب حق عيدميلاد ريلي لوووووووووووووول << الهدية الوحيدة اللي يمدحها اهي الكتب حتى التلفون شريتله و مو عاجبه !!

شريتله الخيميائي و واااااايد عاجبه الكتاب و الكاتب

و رواية حق غابرييل غارسيا ناسية اسمها بس مو 100 عام من العزلة

و الضيوف

حدائق الملك

صار عندنا كتب عايلة اوفقير كلها ههههههههههههه

ما شاء الله وناااسة انا صج ميتة على الكتابين الخيميائي و السجينة حق اوفقير
انزين انتي قارية السجينة ؟ اتوقع عايلة اوفقير كلهم رواياتهم حلوة مادري جذي احساس :dddds: بكيفي صح
انزين ممكن بعد ما تخلصين من قراية هالكتب تقولين لي شرايج فيهم ؟ خصوصا اني بس ناوية على السجينة بس اذا طلعت هالكتب حلوة رح اشتريهم.. وبالعافيه عليج و على كل بنات المنتدى