**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[om_3azoz]

نيلفار ايي عادي حطي تحته مخده انا من اول مانولد احطله مخده

حاول تحطينه على جنبه اللي ماينام عليه وراه مخده

شلوووووونكم شخباركم ؟؟

 

[نيلفار]

ام عزوز انا اقصد احط راسه على المخده الي بالنص تكون جنها مجوفه علشان ما يحرك راسه يمين ويسار

 

[أم الصبيان الثلاثة]

سلام بنات

صار لي جم يوم مريضه بس زاد علي المرض اليوم اكثر احس راسي بينفجر مادري شنو اسوي

هلا حبيبتي ام عزوز شخببارج والحلوو العنوونوو شخباره
لقيتي شقه ولا للحين حايسه ؟ باجي البنات شخبارهم مشالله اشوف ويووه يديده الله يزيدهم

 

[بحر الغموض]

ام الصبيان سلامات ماتشوفين شر

نيلفار حبيبتي المخده اللي داخلها مجوف مانفعت ولدي بصراحه
ولدي صار راسه مخفوس على جنب واحد كله ينام عليه وامي من قبل كانت تنبهني بس من العمليه والتعب مافيني حيل اقوم واعدل نومته ماصدق انه سكت ونام
بس تلعوزت معاه بعدين فقمت احاول كثر ماقدر وامي بعد معاي لدرجه اني غيرت وضعيه نومتي علشانه لانه كان يرضع منصدري وانا نايمه من صوب واحد فاضطريت اقلب نومتي عشانه
وبعدين لاتحطين له مخده لان بعض المخادانتي بتشوفين ان رقبته مومرتاحه وتعور ظهره موزين والطفل ترى مو ذاك الزود محتاج للمخده

احسن علاج واللي انا سويته انج تاخذين فوطه صغيره ناعمه من فوطه او مهاده وتلفينها كانها رول وتحطينها على الجنب اللي ينام عليه يعني تخلينه يضطر ينام على الجنب اللي ماينام عليه وبعد فلبينيتي تقول نسويله مساج خفيف كانها تمسح على المكان اللي مرتفع بزود
محتاج صبر ومثابره منج

انا بصراحه صار راسه يضحك يعني باجر العقال ماله امل يقعد عليه
بسس الحمدلله صار احسن بوايد من قبل

 

[om_3adoOol]

السلام عليكم ياحلويين

شلونكم وشلون الحلوين عسى مو مأذينكم ومخلينكم تنامون :eh_s(6):

تحسون وحده ولدها يخليها تنام ولا دوام بعد خخخخخخ :krkrkr:

 

[om_3adoOol]

سلام بنات

صار لي جم يوم مريضه بس زاد علي المرض اليوم اكثر احس راسي بينفجر






ماتشوفين شر يالغاليه وانشالله تقومين بالسلامة

 

[om_3adoOol]

شلووووووووووووووووووونكم

تعالو باركولي قظيت اذون بنتي

صارت بنية ... قبل ماتبين انها بنت الا بالشباصة

الــــــــــــــــــــف مبـــــــــــــــــرووووك

وعقبال ماتشوفينها عرووووس انشالله

 

[om_3adoOol]

ان شاء الله اليوم بليل راح اخليه ينطلق ويتهوى


انزين بسالج انا ولدي لمن ينام كله راسه على جنب واحد عادي ؟؟

اهلييييييييييين نلفوزة شلونج وشلون حسووون الأموور

حبيبتي ديري بالج لاتخلينه ينام على صوب ووواحد خليه مره يمين ومره يسار وسيده بس موايد وخصوصا لمن يكون شارب حليبته عشان اذا رجع يقدر وما يغص

لان مرت اخوي جذي كانت تخليه على صوب واحد ليما صار راسه على جنب كبير والدكتور قالها عادي بس خليه الحين كله على الصوب الثاني


:eh_s(6):

 

[om_3adoOol]

اهليييين ام عزوز شخبارج وشلون عزوز ؟؟



بحوره شخبارج حياتي ؟

اي ولله صاجه الياهل مو مال مخده انا جذي جربتها اسبوع طلعت مو مريحه وخلته بدون مخدة حسيته ارتاح اكثر ومايقوم كل شوي اسمالله عليه صار اهدى

شلون وليدج عساه بخير ؟

 

[om_3azoz]

السلام عليكم شخبااركم

ام الصبيان ماتشووفين شر ياقلبي ,, وسلامات ,, شفيج مريضه ؟؟

بحوره شلونج
نليفار شخبارج هاا نومتي ولدج على جنبه الثاني ولا لا ؟؟
ام عدول بخير انا الحمدالله انتي شلوونج شلون عدولي ؟؟ طعمتي ؟؟


انا احط له مخده عادي مو اللي مجوفه لا ,, جان زين ينام عليها لووول احطه بفراشه شويه اشوفه ولا نازل تحت ونايم بالعرض لوول

اليوم الصبح بجى شلته حطيته عندي على الفراش ناايم ولا اشوف واحد حاط راسه عند ابوه وريلي عندي ويرفسني لوول
وكل شويه اعدله ,,

اليوم طبعاا سوه فيني حركه عزوز قعد الساعه 1وربع قمت غسلته وجذي حطيه على الفراش ببدل توني بصك الحفاظه ولا يسويها علي
لوووول نافوره طبعاعلى فراشه اشوه على الشرشف بس لان امس مبدله الفراش
واهو طبعا يسويهاا ويضحك لووول وانا اقوله انا اعملك تسويها علي هاا يضحك لووول

 

[استبرق أم علاوي]

قوة شلونكم شخباركم


الامهات اليدد اللي بتجمعنا حياكم الله
شرفتونا وانستونا

السلاام عليكم .... بنات بنتي عمرها 5 شهور وحليبها بيبيلاك من جبتها وحلو معاها وخفييف .. الحين ببدي اوكلهاا تنصحوني بشنو؟

جنه تو الناس على الاكل
امي تقول في اكل ملوبا حق اربع شهور

عيل لاهي بهذيج مو فاضي حق مناجر عالحضانه

المهم الحين انتي الله عطاج هالورده حافظي عليها الله يخليه لج
انا سمعت مادري انه الياهل لبسيه دلاغ فيه خل او فوطه مبلله مسحيها على ريوله اتطخخ الحرارة

انا بعد سمعت هل معلومه ادهنين بزيت زيتون

شلووووووووووووووووووونكم

تعالو باركولي قظيت اذون بنتي

صارت بنية ... قبل ماتبين انها بنت الا بالشباصة

مبروووووك
عيل جنتي صارت بنووووته

ان شاء الله اليوم بليل راح اخليه ينطلق ويتهوى


انزين بسالج انا ولدي لمن ينام كله راسه على جنب واحد عادي ؟؟

اذا عمر ولدج 3 وفوق استعملي المخده اللي فيها حفره بالنص

 

[نيلفار]

مشكورين حبايبي


قمت كل نومه اغير راسه بس للحين يا يمين يا يسار مو قادره اخلي راسه سيده بس بسوي نفي بحور بلف فوطتين بحط وحده يمين ووحده يسار يمكن جذي يثبت ويخلي راسه سيده



انزين بنات انا ولدي للحين كله مجفس ريوله ما يسمتهم لمن ينام عادي هالشي ؟؟ وعلى فكره ترى اهو ما يحب يتمهد من احط المهاد عليه يموت من البجي وما يسكت الا لمن افجه

 

[daloola]

هلا حبايبي

ديروا بالكم من سالفه الفوطة ...انا بنتي كانت تحرك راسها وتتحرك الفوطة وتغطي ويهها
انا كنت اخاف..حطيتها جم مرة وهونت تالي...كان راسها مخفوس مثلكم بس الحين مع المخدة تعدل وبروحها قامت تغير وضعيه راسها

شخباركم يا حلوين

 

[تمر حنا]

مرحباااا شلونكم بنات
ولدي صار له يومين مصحن كله مني سبحته العصر وبالليل رحنا بيت حمولتي والغرفه الي فيها الخدم واليهال تكيفها بارد ومن عقبها واهو يعاطس ويكح وديته الطبيب يقول صدره متروس بلغم وانا معاه مريضه بعد..والجو مايساعد كلش
الحمدلله على كل حال

 

[أم الصبيان الثلاثة]

سلام بنات

ام عزوز هلا حبيبتي الله يسلمج من الشر ماكو لانه الاكل كلش مايدش في بطني الاغصب فصاير فيني نقص حاد اللي مسبب لي عوار راس
وجسمي جنه كرتون جذبي مو جسم اوادم والله ريلي يقول ان طلع في بنتي شي لمن تولدينها يويلج يقول كله مني مااكل شنو اسوي بنات ماشتهي

ام علاوي غلطانه لايكون الياهل مصخن اتحطينله زيت زيتون الا يزيده اكثر ديري بالج اتحطين بالفوطه خل حق ريوله بس مو اي مكان او في دلاغاته
دلوله شخبار بنوتج مبروك على قضت اذنها عقبال لبس تراجي رشها انشالله
تمر حنا ماتشوفون شر ديرو بالكم ترى الجو اييب المرض مو مال احد يجازف جان اتخلينه عندج مو عند هالخدم ترى مايهتمون كثرج عالبيبي
نيلفار شلونج حبيبتي
والله حنونه شخبارها اشتقنالها
وحتن بحر الغموض اليوم مو مبينه

 

[بحر الغموض]

ياقلبووووووووووو ماتشوفون شر حبيبتي انتي ووليدج

انا بعد باديه البلاعيم معاي والنشله وولدي مسكين منشول ويتضايق لو نام وشربت حليبته

الله يشافيهم يارب

اسال الله العظيم رب العرش العظيم ان يشفيهم

 

[أم الصبيان الثلاثة]

هلا والله بحر توني اسال عنج ماتشوفين شر انشالله

 

[om_3azoz]

هلا والله ام الصبياان وانا اقول ليش التجمع منور
شخبارج يالغاليه

ايي والله اشتقنا حق الحنونه وايد

كلكم شلوونكم

انا اليوم امي ردت بالسلامه من فرنساا ,, وعطاها الدكتور موعد بعد 4 شهور

 

[أم الصبيان الثلاثة]

حمدلله على سلامتها يام عزوز
ترى النت ينور بوجودج انتي وباجي البنات
زين قرت عينج شوي ارتحتي صح لمن رجعت امج <<<الحين احنا اللي نسالها خلاص منتي محتاجه بعد اذا حضر الماء بطل التيمم
والله كنتي معوره قلبي يوم انها مسافره خصوصا انتي كتكوته ويايبه كتكوت بعد وشكلج كنتي متوهقه لمن يتعسر عليج بس الحمدلله على سلامتها وانشالله اخبارها اتطمن ؟
عزوز شخباره شلون صحته

 

[تمر حنا]

الله يسلمكم من كل شر
بحر شربي زنجبيل زين حق البلاعيم
ام الصبيان حاولي تغصبين عمرج عالاكل عشان الي ابطنج حرام بمرحلة التكوين
ام عزوز الحمدلله على سلامة الوالده قرت عينج