التجمع الثاني .. مسافرات امريكا 2009 ... حياكم

[ميسوره]

ها كات اشلونج رحتي السوق ولا للحين مافضيتيله
ووتر بارك الى اعرفه انه عادي وخذي راحتج
خذي شغلج معاج وشوفي الوضع

 

[SoSo88]

يالله بنات انا الساعه 8 طيارتي ادعولنه الله يسهل علينه

 

[منورة الكويتية]

الله يسهل عليج سوسو ويسمح دربج
لاتحاتين سهالات ولاتنسينا من الدعاء
ترى دعاء المسافر مستجاب باذن الله

 

[واصله]

هاااااااي بنات
اليوم مطططططططططططر ورعد باورلاندو
وان شالله باجر بكمل باجي المولات اللي ما زرتها
احلى الاماكن اللي احبها السوقة استمتع فيها ههههههههه

 

[منورة الكويتية]

نسيـت ... ما يـشوفــون شـر عيـالكم أم البنيـن و روونــــه .... ما عليكم إلا العـافيـة إن شاء الله .. ضيقتـوا خلجي والله

منـورة .... شخبـارج ؟ ... الحمد الله وصلنـا بس حدنـا تعابـي ...الحمد الله إن ولدي الصغير استـخف على آخــــــــر سـاعـة .... كنت معطيتـه الدوا ال قلت لكم عنـه و كـان يقعد و يغط شـوي

الحمدلله على سلامتكم سمبلي
استمتعيييييييييييييييييييي

اهلين منوره والله مادري انا بروحي ضايق خلقي
انا صامده مع سماسم
امس شوي وابجي اقول حق خالتي احنا اكيد بنسافر تقولي اي انشاءلله لا تحاتين بتشوفين امريكا
اقولها واايد طولنا تقول بس انسوي التقارير ونتوكل على الله

حبيبتي الله ييسرلكم سفرتكم
وان شاء الله كل تاخيره فيها خيره لاتحاتين ولايضيق خلقج

اهلين منوره اشلونج وانشاءالله مرتاحه وتأقلمتي مع الوضع
واشلون بنتج نونا

حبيبتي مشكورة على الدعوه الطيبه من طيبج
والحمدلله قاعده احاول اتأقلم
بس صارلي 3 ايام ضايق خلقي وصلني خبر وفاة مرة ابوي الله يرحمها ويغفرلها ومن ذاك اليوم ماسكني صداع من الصدمة وضيقة الخلق الله يعين

قوه بنوتات شلونكم كلكم ؟؟
اليوم وااااااااااااااااااااايد مطر وبرق وهوا ماقدرنا نطلع بس طلعنا تغدينا بره وردينا

نفس الشيئ باوهايو مطر وبرق ورعد الصبح كله

هاااااااي بنات
اليوم مطططططططططططر ورعد باورلاندو
وان شالله باجر بكمل باجي المولات اللي ما زرتها
احلى الاماكن اللي احبها السوقة استمتع فيها ههههههههه

نفس الشيئ عندنا

 

[rawona]

السلااااااااااااام



شلونكم بنات؟ شخباركم؟


اغلى من الغلا .. ام صالح.. كات.. وايت.. واصله...



سوسو الله يسمح دربكم ان شاءالله..


ميسوره شالاخبار؟؟



منوره شلونج الحين ان شاءالله تأقلمتي مع الوضع؟؟



سماسم << ابدعتي وكل حرف كتبتيه صح 100% خصوصا "خلصت افلوسج تبين اطرين؟" لوووووووول


وسالفه طناقر الرياييل ونجرتهم ويا زوجاتهم هيهيهيهي


انا باليوم الواحد امر بكل الحالات والانفعالات ..

اضحك


استانس


اعصب

اصرخ على اليهال..


اتناجر مع ابوهم ..

ارد اصير كول ..


لوووووووووووول كل شي جايز بالسفر هيهيهي


والحمدلله على كل حال



بنات اليوم يعني طالعين فيها

انا وبناتي ومرت عمهم لابسين كلنا بلايز sphonge bob ورايحين اليونيفيسال .. مامدانا لعبنا لعبتين الا ينعفس الجو مطر.. وبرق .. ورعد .. ومارضى يوقف!!!


تغرقنا وعربانات اليهال انتلفوا وشرينالهم جاكيتات المطر وانسحبنا رجعنا البيت :0bee2e8d89:


باجر اذا الله كتب ان شاءالله بنروح انكمل قبل لا نروح ميامي



كات اتوقع عادي تسبحين بالمايوه الاسلامي .. شوفي انا هالسنه متجنبه هالاماكن علشان الامراض واهم بعد وصخين فقلت بلاها حدايق مائية هالسنه .. بس اتوقع عادي بمايوهج الاسلامي محد بيقولج شي واذا اسألوج قولي هذا مايوه خاص للمتحجبات ماراح يقولون شي :eh_s(6):
​

 

[إنسانه وأكثر]

السلام عليكم
شلونكم بنات اخباركم ان شاءالله مستمتعين بسفرتكم الله يردكم لأهاليكم بالسلامه
بس بعرف الحين جووو المنطقه اللي بروحها شنو بالضبط مابي اتوهق هنااااااااااك

منوووووره الحين شنو ناخذ معانا شتوي ولا صيفي لانه انا بروح اوهايوووو مثل ماتدرين ؟؟؟

وحدي محتاره شنو اخذذذذذذذذ ملابس
ومعاي ولدي ماابيه يستبرد اخاف برد عندهم

 

[أم صالح]

حان وقت الزوارة بنات


حياكم....


واصلة ناطرة اخبار الكيراتين ياربي كنت بسويه حق السفرة بس الصراحة نار وشرار استخسرت قلت هالجم فلس ينفعوني بالسفرة



بنات ناوية اشتري مشط البف احصله هناك؟؟ اللي يبيعونه التاجرات تاج البف....وين احصله؟؟



بنات في شغلة بسألكم عنها بس مستعيلة على ما اروح اصلي وراي زوارة سي يو

الكيراتين اليوم شريته من محل اسمه kristy ذ بيوتي شوب 125 دولار ومشط البف لقيته بقاردن ووك بانهايم محل شباصات وعندهم بعد تيجان الريش والكيراتين خذيته مع شامبو وبلسم الكيراتين وكريم يومي بع وفيتامين شعر شطبت على منتجات الكيراتين وقالتلي الكيراتين البرازيلي مفعوله قصير موشي اللي عندنا بنار وشرار الامريكي بيور 100%

 

[بدردر2007]

_03ba:


ام صالح ,,,,,,, طلعنا جيران

انا الحين بأنهيم .......محل الكراتين في جاردن ووك و شلون الطريقه عرفتيله​

 

[semaasem]

صباح الدوام


بنات أشكركم كلكم على كلامكم الحلو والله ودي الكل يستانس بسفرته ومانبي نخلي اي شي يعكر علينا سفرتنا الميمونه

وانتظروني في كتابي القادم اللي راح انزله بعد رمضان لووووووول (صدقت روحها ) لا بس صج اتمنى اني اكون

فدتكم بكلامي المتواضع احم احم...... حبايبي انتوا

واصلة حبيبتي فعلا انا ما اقولج انا بروفيسورة على قولة ميسورة بس فعلا احب اقرى واتثقف واحضر دورات وأستفيد من تجاربي وتجارب

اللي حواليني خواتي، أهلي، رفيجاتي...يعني الواحد لازم يستفيد ( لا يلدغ مؤمن من جحر مرتين )

بنات ترى انا ما احب اتفلسف وايد لوووول بس بغير الموضوع


روونا وام البنين و الغلا طمنونا على عيالكم؟؟؟؟

 

[semaasem]

الكيراتين اليوم شريته من محل اسمه kristy ذ بيوتي شوب 125 دولار ومشط البف لقيته بقاردن ووك بانهايم محل شباصات وعندهم بعد تيجان الريش والكيراتين خذيته مع شامبو وبلسم الكيراتين وكريم يومي بع وفيتامين شعر شطبت على منتجات الكيراتين وقالتلي الكيراتين البرازيلي مفعوله قصير موشي اللي عندنا بنار وشرار الامريكي بيور 100%

أيوااااا أيوااااا :ggdw:


وأخيرا حصلناه

يزاج الله خير ام صالح ماقصرتي


انتي وينج فيه بالضبط باورلاندو؟؟؟ لاني بروح نيويورك واورلاندو علشان اعرف وين فيه بالضبط اخاف انتي بولاية

ثانية...عاد تصدقين انا سويت البرازيلي بس بسرعه راح يخف مع الوقت ويروح مايسوى الفلوس اللي قطيتهم عليه

مع ان انا شعري مو خشن بس تعرفين لازم نطقه سشوار ولما سويته بس هوى عالخفيف وبسسس رااااحة بس مدة معينة

وباااااح اذا الامريكي احسن زين خير وبركة بالنسبة للاسعار شلونها؟ مشط البف؟

 

[أم صالح]

_03ba:


ام صالح ,,,,,,, طلعنا جيران

انا الحين بأنهيم .......محل الكراتين في جاردن ووك و شلون الطريقه عرفتيله​

للاسف كنا جيران انا اول ماوصلنا سكنا بانهايم 9ايام رحنا الدزني وشطبنا على اسواق الجنوب ورحنا سان ديغو يوم حق سي وورد وكملنا الحين بلوس انجلوس 8 ايام بسانتا مونيكا نتنقل بين اسواق بيفرلي هسلز وهولوود

شوفي مشط البف بالقاردن ووك اما الكيراتين من بيفرلي هيلز سنتر محل اسمه كرستي قتلها ابي كيراتين سألتني تبين شمبو ولا اترمنت قتلها الاثنين وطريقته عادي اتحطينه بالشعر بعدين تسوينه بالستريتر وماتعسلينه يومين وقبل لاتغسلينهه اليوم الثالث تعيدين عليه بالفير وتغسلينه عقبها على طول وتحطين بلسم بس انا بخلي وحده من الصالون تسويلي اياه

 

[أم صالح]

امبيه بدليات بس عذروني عندنا ليل الساعه 11 وريلي مطفي الليت وانا غصب اشوف الكي بورد حكم القوي

 

[أم صالح]

سماسم انا بلوس انجلوس بس موجود عند محلات بيوتي شوب اوبيوتي ستور اقصد المحلات اللي تجهز الصالونات وتبيع الشامبوات اكيد بكل ولايه تلاقينه انا سألتها وقالتلي بسهوله تلاقينه

وعلى طاري البرازيلي انا مثلج سويته وشعري خفيف وناعم بس كان يطيح وينفش سويته اول شهرين يهبل وبعدها ردينا على طير ياللي

ومشط البف ترا مايثبت حجي بس لكن شريته عن خاطري لو احطه حق الزواره او بالبيت اتحنط فيه اختي عنده منه وهي مو متحجبه تقول بره البيت مايصلح موثابت

 

[بدردر2007]

:eh_s(6):

ام صالح

مشكوره وماقصرتي

ان شاء الله يوم الخميس رايحين بيفري هليز ,,,,,,:eh_s(1): الساعه الحين وحده وثلث ليش انتي 11​

 

[اغلى من الغلا]

هاااااااااااااااااااااااااااااااااااي بنات؟؟؟ هاي روونه؟شخباركم؟هههههههههههههه رونه نفس الحالة باليوم انتاجر مع ولدي 90 مرة ومع ابووووووه 999999999999مليون مرة ههههههههه؟؟؟؟ امبي امبي لاتشوفون شنو صار فيني توه الحين ,تخيلوا باجر ردتنا حق الكويت ديرتنا الغالية الحبيبة اللي مهما سافرنا ورحنا دول عجيبة تظل الكويت احلى واغلى,المهم حاطين ابالنا س 10 و5 بليل سفرتنا بس لما جيكنا على التذاكر ولا طيارتنا س 1 وخمس الظهر امبي لومومجيكين جان طارت عنا الطيارة مكتوب بالتذكرة 105 شنو تفهمون؟10 و5 ولا 1و5 بنات دير بالكم جيكوا عدل احنا اللي نبهنا على الوقت وقت وصولنا حق اتلانتا انتبهوا بلييييييييييييييييييييييييييييييييز على الوقت؟؟

 

[أم صالح]

مو اقولج مطفي الليت زين اللي شفت ال11 بس صح الحين بالضبط 11و26 دقيقه بعد ها شرايج

 

[أم صالح]

غلى من الغلا شككتيني احنا نفس بعد الساعه مكتوبه بنفس الطريقه لازم اجيك باجر الاسبوع الياي ردتنا بحيل الله

 

[اغلى من الغلا]

وااااااااااااااااااااااااااااااي انا من الصدمة ماني قادرة انام؟؟؟؟؟؟؟؟؟؟؟؟؟؟؟

 

[اغلى من الغلا]

غلى من الغلا شككتيني احنا نفس بعد الساعه مكتوبه بنفس الطريقه لازم اجيك باجر الاسبوع الياي ردتنا بحيل الله

اي ديري بالج جيكي انا اول مرة اشوف ساعة مكتوبة بهالطريقة؟؟؟؟؟؟؟؟؟؟؟؟؟؟؟؟؟؟؟؟؟