**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[om_3azoz]

هلا والله حبيبتي
دوم انشاءالله مو يوم

انا بخير وعزوز بخير الحمدالله

 

[al7noona]

امبيه نفس حالتي عمرها سمالله عليها 5 شهور وللحين امهدها لووول لان كله ايدها بحلجها وويها الله لا يوريكم مايبين من التشمخ كل الي يشوفها يقولي ويي حرام ليش جذي مشمخ اقولهم عيزت وانا اقرظهم ماكو فايده هم تشمخ ههههههههههههههههههههههههههههههه

 

[استبرق أم علاوي]

قوة شلونكم

بنات توه سمعت خبر يضيق الخلق

وحده تصير حق مرت حماي توفت وهما قاعدين يولدونها بدار الشفا:0bee2e8d89:

 

[om_3azoz]

الحنونه
ايي والله لاعت جبدي خراايط بويهه وخالتي اتقولي قرضيه ليش ماتقرضينه اقولها والله امس مقرضته يعني ماعنده اظافر بس هم يشمخ
لوول لمن اقمطه اشووف شكله اقول ويي صار كبير ماشاءالله وشكله غير بالقمااط عن يوم كان بالنفااس


امبيين شنو اسوي باخوي واللع ذابحته الغيره زين باجر بيسافر بعد
تخيلي حنونه قبل يومين يقولي الا بشيله قتله لا يقولي بشيله وافتر فيه قتله انت توك صغيره يطيح منك وقعد يبجي مابي
قتله يالله عاد قالي انتي حماره وجبي ومادري شنو ماكو سبه ماقالها لي لووووووووووول

عاد جان ياخذ سريره القش ويروح يحذفه ويقط اغراضه رحت عشان اشوف شنو امسوي تخيلي دزني وانا بايدي عزوز زين ماطحنا
بعدين حذف على عزوز قلم زين ماحااشه لو انا مومااسكته صوب راسه جان حااشه والله

 

[om_3azoz]

ام علاوي
هلا حبيبتي شخباارج

وي بعد عمري الله يصبر قلب اهلهاا وريلهاا
والبيبي عاش ؟

الله يرحمها يارب ويرحمنا برحمته

 

[al7noona]

استبرق ضيقتي خلقي الله يرحمها ويغفرلها ويصبر اهلها انشالله


ام عزووز انا بنتي ذابحتني من الغيره كله تشيل اختها وتمسكها حيل حتى باخذها منها مااقدر ماشالله وتمصع فيها امبهذله اختها مسكينه عبالها شايله لعبه

 

[om_3azoz]

لووول على الاقل هذي اختهاا تغار عادي

انا اخوي شكو يغار مادري لوووول

 

[استبرق أم علاوي]

اي البيبي عاش
الله يرحمها

 

[om_3azoz]

يالله الحمدالله انه البيبي عاش بس شنو الفايده بيبي من غير ام الله يرحمهاا انشاءالله يارب

ماتدرين شنو صار فيها واهيا بالولاده

 

[استبرق أم علاوي]

والله يقولون جلطه بالرئه
مع انه ادخلت عندهم ما فيها شي

 

[أم الصبيان الثلاثة]

قوه بنات شخباركم جميعا

الله يرحم اللي ماتت مسكينه بس وعليه البيبي مالها منو يربييه فقير اللع يكون في عونه ام علاوي ضيقتي خلقي مساكين اهلها عوده هي ولا عنونه

ام عزوز شحلاتهم اليهال اللي يمصمصون اصابيعهم يبيله الكامره شغاله على طول هذي اللقطات عجيبه يبيله اتسوين حق عزوز البووم عن كل شي
حنونه شخبارج اكيد صرتي سوده لووووول
بحر شخبارج وانتي ام عدوول انشالله بخير
وحيا الله فاطمه

 

[om_3azoz]

ام الصبيان ايي
حده عجيب انا عادي اخليه لمن يحط ايده بحلجه بس ابوي لمن يشووفه يقوله لا كخ كخ لووول

امبين بنات صايره ماحب اروح زواره بيت اهل ريلي من كثر مااخاله يخزني من فوق لي تحت معنه متزوج
بس مادري ليش يخز

ويغار وايد لمن بنات خالة ريلي قعدون معاي يسوالف وضحك تعصب وتحقد علي وتخزني
واهو يقول حق بنات خواته لاتقعدون معهاا قعدو مع مرتي

ومره ماكنت رايحه ولا وحده من خالات ريلي قالت وين مرة فلان مويايه مكانها مبين اشتقنالها وجذي وهذيك قاعده ولا تروح فوق وتبجي وريلها يلحقهاا ويقولهاا شفيج تقوله اي الحين هذيك صارت الغاليه الحبيبه وانا شنوو
ترى اهيا توها متزوجه جم شهر وانا صايرلي سنه و7 شهور ويدق ريلها على امه ويقولها انتي بناتج شنو قايلين حق مرتي الحين هذيك صارت الغاليه ومرتي اللي مالها مكان ومعصب ومصرخ

تخيلو والله باط جبدي ولمن يخز اقول حق حماي اصغر مني بستين اقوله مال اروح ابط عين خالك لان يقهرني وحتى ريلي يلاحظ عليه وايد

ويوم الجمعه كنت مسويه طبقين كيك عاد كلهم قالو نبي كيكتي عاد اهياا بققت عينهاا وطايحه خز فيني

حتى بنت خالة ريلي تقولي اهياا حاقده عليج وماتحبج ,, انا مومسويتلها شي والله بالعكس ككنت اقعد اسولف معاها وعادي بس اهيا ماتسولف ماعندها حس بالغصب اسمع صوتها

مادري شنو اسوي بسالفه الخز والله صايره اكره نفسي لمن اروح احاول مااحط عيني بعينه لان ادري قاعد يخزني حتى وحده من خالات ريلي قايلتله انت شنوو بس قاعد تخز بالمره يعني عيب لا وينادي باسم دلع نعم خير منو انت ريلي مايناديني باسم دلع جدام اهله انت تناديني
فقايلتله انت شكو تناديها جذي وتخزها يعني ترى الكل يدري انك تخز

قطيعه والله مادري في ناس وايد جذي

 

[أم الصبيان الثلاثة]

وييي حمدلله والشكر صج مايستحي وخال ريلج ماعنده مرى ؟حتى لو جيكره مايصير يطالع حريم غيره
بصراحه ريلج لازم يتدخل خل يحطله حد ولا بيمصخها قطيعه هالاشكال من الرياييل اللي ماتحرم وتحلل

زين قولي حق خالتج خل اتزفه مو اخوها او تكلم اخوها العود يحاجيه اذا عنده اخوان كبار يمكن يحسب حساب لهم او يحشمهم مع اني ماعتقد استغفر الله هذا وعلى قولتج توى متزوج مامداه يمل من مرته

 

[أم الصبيان الثلاثة]

حبيبتي ام عزوز مو اتقولين بنت خالة ريلج هذي اللي كلع اتسولف وتخز ريلج يمكن عايلتهم طبعهم الخز
وانتي ديري بالج من اللي تنقل الحجي بنها حاقده عليج ترى عرفي اللي تحش بغيرج اكييد حاشه فيج شي طبيعي
انتي خلج بحالج اتصرفي على حسب تربيت امج لج عرفي اي تصرف بتسوينه ترى ينقل صورة اهلج لهم خلج زينه مع الكل بس
ديري بالج من النمامين والحشاشين واللي يدورون اخبارج واخبار بيتج اذا اليوم انتوا زينين مع بعض ماتدرين باجر شنو اتقول عنج اذا تزاعلتوا وهم ارد واقول ترى اهل الريل مو نفس امج واهلج امج تخاف عليج وعلى سمعتج وتغطي على عيوبج عكس اهل الريل والله ماينعرف لهم الا وقت الصجية
خل اقولج سالفة رفيجتي مسكينه
دشت بيت اهل ريلها صغيرونه عمرها 17 وعبالهاا الله عطاها اهل زينين وتصرفت معاهم بحسن نيه وكل شي بس طلعوا خبثه ونقالين حجي
جدامها شي ومن وراها شي ثاني متى عرفت لمن صارت صكه بكل البيت كل وحده قامت اتطلع خماجيل الثانية طبعا غير السب الوصخ الله يكافينا شره ...على فكره ترى كانوا على اساس اهل دين ومسايد وطلع كله خرطي بس مظاهر

 

[أم الصبيان الثلاثة]

<<< صايره المحقق كونان امبييه
بس والله انقهر من الناس اللي يخزون وينقلون الحجي خصوصا اذا متزوجه شتبون فيني عندي ريل بعد ليش اتطالعون خوو مالت ريلي مو مالت احد ثاني

 

[استبرق أم علاوي]

البنت اللي توفت بالعشرينات عندها ولد وهذا الثاني


واااي أم عزوز سالفتج ذكرتيني باللذي مضى

 

[تمر حنا]

صباااح الخير
ام علاوي ضيقتي خلقي الله يرحمها
الحنونه شلونج شخبارج اشتقنالج

 

[تمر حنا]

ام عزوز الله يعينج انا لو مكانج ما اروح زوارة بيت خواله مولازم روحي بيت عمج وخلاص
ام عدول الحمدلله صرنا احسن مشكوره قلبي عالسؤال
ام الصبيان شخبارج انشاء الله خفت النساه

 

[أم الصبيان الثلاثة]

اتصدقين ام علاوي
انا اعرف وحده شالو رحمها من الولاده الله يكافينا الشر
بس حراام اليهال اخييه يتامه
بس غريبه سالفة الرئة ؟شكو بالولادة

 

[أم الصبيان الثلاثة]

هلا حبيبتي تمر حنا الحمدلله ماشي حالي
انا مشكلتي مارجع تكرمون الحين بس ماحس باليوع وشلون ادري اني لازم اكل ادووخ واطيح فالحين كل ساعتين اكل بس خفيف هم عشان جسمي لايخترب لووول امي اتقول مينونه انتي في وحده تسوي رجييم وهي حامل

انتي شخبار البيبي انشالله احسن