اللي بيسافرون تركيا تعالواا (( تم دمج المواضيع المشابهة))

[دلة قهوة]

رد: اللي بيسافرون تركيا تعالواا..........

عندج بحي العرب اللي عند مسيد الصابوني فوق كووك شجرا شقيق
حي هادي وحلو وموبعيد عن كووك شجرا
واوزبنر حلوه وهادية وابرد من كووك شجرا
واعرف كويتين مايحبون يسكنون الا في اوزبنر وفيها شلال ولا اروع منه وفيها مطعم طاولاتة في وسط النهر

 

[دلة قهوة]

رد: اللي بيسافرون تركيا تعالواا..........

هلا حبيبتي
انا تمام
انتي شلونج انا بسكن في السلطان احمد عند المتاحف وقريب من الاسواق ومنطقه وايد حلوة وامان
وفندقنا انا جاجزتة من الكويت واسمه
(erbil)وانا ماخذه غرفة ثلاتية وغرفة مفرده والفندق 4نجوم
وطلع الحجز الغرفتين 800دينار لي مدة 14 يوم مدة اقامتنا
وانتي وين بتسكنين ؟
وشنو تبين تعرفي انا حاضره

 

[أحبج يالكويت]

رد: اللي بيسافرون تركيا تعالواا..........

حم حم انا طيارتي 19 _7 رحله لتركيا بورصه وابانت وازمير واسطنبول والوالا

وناسه علموني حلوه ولا لا شنو اخذ بدلات وايد ولا ...................؟
انا 15 يوم السفره

 

[أحبج يالكويت]

رد: اللي بيسافرون تركيا تعالواا..........

ووووووووووووووووينكم

 

[Om_Ksha]

رد: اللي بيسافرون تركيا تعالواا..........

^

^
e5thy kla traıınıg o cham jackeeet

 

[البيداء_77]

رد: اللي بيسافرون تركيا تعالواا..........

هلا دلة شلونج مشكوره على المعلومات الحلوه


اي اعرف حي العرب حده صخة اما المدينه الثانية ما اعرفها هذي وينها عن كوكشجرا؟؟



واسطنبول للحين ما حجزت لانه انا ابي اقعد فيها اخر اربع ليالي حق التسوق وكلمنا اللي اسمه هيثم اللي عطنتا رقمه ابلة كويتية وقالنا لمن تيون تركيا راح يحجزلنا فندق وقال انه فنادق 4 نجوم تكلف 95 دولار تقريبا عجبني السعر ..... بس انا راح اسكن بمنطقة تقسيم لانها يم المترو علشان التنقل

 

[البيداء_77]

رد: اللي بيسافرون تركيا تعالواا..........

حم حم انا طيارتي 19 _7 رحله لتركيا بورصه وابانت وازمير واسطنبول والوالا

وناسه علموني حلوه ولا لا شنو اخذ بدلات وايد ولا ...................؟
انا 15 يوم السفره

تروحين وتردين بالسلامة


انا عن نفسي بلبس عبي يعني 3 او 4 عبي تكفي اعتقد

 

[أبلة كويتية]

رد: اللي بيسافرون تركيا تعالواا..........

السلام عليكم بنات
انا بسافر باذن الله31\7-14\8
راح اقضى المدة كلها باسطنبول ومنها بتنقل وبروح انقرة بالطيران الداخلي انشالله وبرجع بالباص-وبطلع منها رحلات لبورصه\يلوا\جزر الاميرات\تل العرايس طبعا بروحنا من دون اغروبات من محلات سياحية لان رايحة اكثر من مره واعرف الطرق

وبنات اي وحدة بتسافر خلال هذي الفترة اتمنى انى نتلاقى ونتعارف ونطلع طلعات مع بعض

وبنات انا كنت قبل اروح اسكن في كووك شجرا للتوفير وكنا نطلع منها رحلات بالعبارات وهذااااا اهم شي فيها لأن لازم نعرف موعد الرحلة والوصول وموعد اخر باص في المحطة اللي بتوصلنا حقق كووك شجرا
وسبب ثاني ماحبيتها لانها مثل قرية صغيرة وايد فيها خليجين بس وفيها سوق الثلاثاء وهوا نفس البازاربس محدود
ومافيها فنادق بس فندقين وتحديدا في تيرمال عند حمامات الماي الحار
وتيرمال حدها حلوة حق التمشي والريلاكس
ويلوا احلا مافيها الشارع الطويل اللي عند الدوار لان فية مطاعم وكافيهات ومطعم سمك حده حلو
ومحلات على يمينج وشملج وسينما وعندج الباراز وايد حلو

واااااااااااااااااااااي ولالالالالالا المحار اللي ينباع في الشارع حده عجييييييييب وكل ماتمشين تلاقينه
واحنى طحنا فية طيح

وعندج( الاوزدلك )خاص بالاقطان بس طبعا وايد حلو و فية سينما وفي جمعية ومطعم وستاربكس و القطنيات مثل الروب والفوط وايد شغلة حلو وكوالتي بس اما الباجي مثل اللي موجود عندنا في الديره واحنى ارخص منهم بوااااااايد
واي احد يبي استفسار عن( يلوا اوكوكشجرا) يسألني لايردكم الا الكيي بورد

آنا ألحين أكلمج من يوكجدرا الجو روعة هالسنة

والمكان وااايد حلو كل يوم نروح رحلة لمكان :ada:

اليوم رحنا جنارجك بالباصات كلينا سمج (سمجهم روووعة )) :ggdw:

وطبعا أحلى شي عندهم الآيس ريم ((دوندرما :dddds)

وباجر إن شاء الله تعالى بنروح بورصة


المنطقة حلوة وسط بين كل المناطق وكل يوم إخذي لج باص وروحي رحلة وما تكلف وااايد

 

[أبلة كويتية]

رد: اللي بيسافرون تركيا تعالواا..........

تروحين وتردين بالسلامة


انا عن نفسي بلبس عبي يعني 3 او 4 عبي تكفي اعتقد

آنا نفسج ألبس عباية أعتقد ثلاث عبي كافية

لأن كل الشقق فيها غسالات ((والفنادق فيها مصبغة ))

وخلي وحدة حق المطار :dddds:

 

[البيداء_77]

رد: اللي بيسافرون تركيا تعالواا..........

ابله كويتية مشكوره حبيبتي على رقم هيثم زوجي اليوم كلمة واساله عن الاسعار وقالنا انه اذا يينا اسطنبول راح يدبرلنا سكن

 

[أبلة كويتية]

رد: اللي بيسافرون تركيا تعالواا..........

ابله كويتية مشكوره حبيبتي على رقم هيثم زوجي اليوم كلمة واساله عن الاسعار وقالنا انه اذا يينا اسطنبول راح يدبرلنا سكن

إي خوش واحد آنا بعد توني مكلمته وأسعاره وااايد حلوة

وين قررتوا أي فندق ؟؟؟

فيه فندق على البحر المارينا صوب مطار أتاتورك في إسطنبول
إسمه فندق أتوكوي ((هوليدي إن سابقا )) لازق يمه حيل فندق كراون بلازا إسطنبول

هذي منطقة المارينا البحر

هناك المنطقة وااايد هادية ونظيفة حيل حيل وما تشوفين الفقراءوالزحمة إللي تشوفينها بتقسيم

ويمه سوق بكر كوي نروح له مشي ومن سوق بكر كوي نركب القطار لسلطان أحمد

وممكن ناخذ الباص لتقسيم

المهم من المكان نقدر نتنقل بسهولة لأي مكان نبيه

بس شوي تحتاج مشي ((إذا عندج يهال ماراح تستانسين ))

بس عيب المنطقة الساعة 10 إنتي بالفندق مو نفس تقسيم لوية وإزعاج

إذا تحبين الهدوء والراحة روحي له

وإذا تحبين اللوية والضجة ما أنصحج فيه


ليلته 105 دولار مع الريوق

بس أتوقع إذا كاسرته شوي بخليها لنا 100 دولار

أحاول ألاقي لج سايت الفندق على النت عشان تشوفينه

 

[أبلة كويتية]

رد: اللي بيسافرون تركيا تعالواا..........

بنات إللي بتروح يلوا لا تنسى تاكل المحار عجيب جنا سوشي ياباني

لا يطووووفكم أول مرة لاعت جبدي

عقبها الله وكيلكم أروح يلوا وأدور عليه عشان آكل منه

 

[البيداء_77]

رد: اللي بيسافرون تركيا تعالواا..........

اي عرفته الفندق اللي تتكلمين عنه حتى يمه كجكع جاليريا ........ هالفندق الله يسلمج سكنتة سنه 2001 لمده ليلة وحده لانه كنت ابي فندق يم المطار علشان ثاني يوم كان عندي رحلة داخلية لطربزون

الفندق حلو وبلكوناته تطل على البحر ....... بس بيني وبينج احب المنطقة اللي فيها لوية ههههههههه علشان جذي بغير واسكن بتقسيم

 

[تفااحة]

رد: اللي بيسافرون تركيا تعالواا..........



هااااااااااااي .... شلونكم ياااااااااحلوات ....................... منو راح ومنو لالحين ...........................

احبج يالكويت ........ حياج اللة ترا انا وياج بالرحلة ان شاللة .. ويشرفني اعرفج ......انتي رايحه مع اهلج ولازوجج .. معااكم يهال ؟؟ لاني ائلة المكتب اذا معانا بالقروب اطفال قال بس عايلة وحدة معاهم ياهل واحد الصراحه استانسنا تعرفين لوية اليهال وازعاجهم .....

انا عني ان يلبس عبي باخذ معاي 3 اواربع مع ملافع ملونة اوملافع العبي ... الصراحه العباية اريح واسرع .من التلبس والترصص بالبدل والملفع والشحاطة والجنطة لازم نفس الشي خو احنا مو بالكويت شي بسيط وبس وعن العيووون بعد الكل حاط عيوونة على هالكويتين المساكين على قولة هندي مرة انت كويتي ماكو مشكل وازد فلوووس ...................

 

[البيداء_77]

رد: اللي بيسافرون تركيا تعالواا..........

تفاحة شلونج الظاهر بس بقيت انا وياج اللي ما رحنا انا باقي عشر ايام ونمشي ان شاء الله


سجي وينج مالج حس الظاهر لاهية مع البراد خخخخخخخخخ

 

[تمنيتك]

رد: اللي بيسافرون تركيا تعالواا..........

تمنيتك شلونج وشخبارج حبيبتي وشخبار زيتونة والصغيره ؟؟ سلمي عليهم وااااااااايد

هلا ووالله

حمدالله بيخر وزيتونه والصغيره تمام وكانو مستانسين بالمطر ب ازنجول


انصحكم تروحون لهااا عجيبه ..

..


امس واحنا رادين من ازنجول لي انطاكيا ... عشنا برعب موطبيعي انحنا بسيارتنا وبرده طريج جبل وضلمه وغيووم صاكه والله رعب والله ستر علينا :0bee2e8d89:


مغامره روعه عمرنا ماراح ننساها .. احلي شي صار بسفرتنا لتركيا لووول

والجين تونا وصلنا لانطاكيا وع طول شبكت


بنات اشتقت لكووويت ووبيتنا واهلي اشوه مابقي شي ونرد :ggdw:​

 

[البيداء_77]

رد: اللي بيسافرون تركيا تعالواا..........

تمنيتك حمدالله على سلامتج


صاجة ازنجول تهبل وجنة الله في الارض انا رحتلها عام 2001 ومثل ما قلتي ما اقدر انساها من حلاتها

 

[¤§ زيتونة §¤]

رد: اللي بيسافرون تركيا تعالواا..........

مساء الخير عالحلوين



شلوكم شخباركم



هااااا ما وحشتكم؟





ادري ادري اشتقتولي حبايبي


وانا بعد مشتاقة لكم ولسوالفنا الحلوة ولتجمعنا الغالي اللي فعلا احبه وصار موضوعي الاساسي بالمنتدى


المهم
مثل ما قالت لكم تمنيتك الحلوة رحنا اوزنجول رووووووووووووووووووعة فعلا فعلا رووووعة ابييييييييييييييييييه شي مو معقول والله سبحان الله جنة ماشاءالله

والجو طبعا ما اقول لكم مطر خفيف وبررررررررد وتسوق وناس حلوين وهدوء حلو مو قاتل بس واااااااااااااااايد وناسة فيها الصراحة





وقبل شوي يينا انطاكيا الحدودية مع سوريا وقاعدين فيها تقريبا يومين ثلاث بس شكلها حلوة ونبي نطلع بعد شوي نفتر فيها نشوف فيها منطقة يسمونها الحربيات بنشوفها على رواءة



واوعدكم انا وتمنيتك بنحط لكم تقرير مصور عن رحلتنا ان شاءالله




ما قلت لكم بنتي الحلوة الامورة مسحت كل صورنا ببورصة تقريبا 200 وشي صورة بلمستها السحرية بس الحمدلله تمنيتك مصورة بعد صور حلوة وعندنا كاميرا ثالثة بعد بشوف صورها لكم



الصراحة رحلتنا ممتعة الحمدلله واهم شي الرعب اللي عشناه بطريجنا الى انطاكيا ابييييييييييييه جبال ظلللللمة وخرمس ماكو احد


بس الحمدلله عدت على خير وفعلا مغامرة ما ننساها ابدا

خوش ذكري تطيح القلب هههههههههههههههههههههههههههههههههه



وسلامتكم

 

[¤§ زيتونة §¤]

رد: اللي بيسافرون تركيا تعالواا..........

انا الحين في تقسيم ونصيحه مكاتب الكويت اغلبهم نصابين

في مكتب سعودي في تركيا اسمه الحران اشوف كل الخليج الي هنيه يمدحونه وايد

احنا حجزنا من الكويت من مكتب نعرفه عدل اسمه اكسبرس الله لايوفجهم انشاء الله مدوحو لنا فندق اسمه غولدن ايج بنات احذركم منه قعدنا يومين وماقدرنا نتحمله ورحنا فندق ثاني وانا وايد كنت خايفه من التعامل مع الاتراك البنات الي رايحين خوفونا بس التعامل معاهم عادي والاغلب يعرفون عربي وانجليزي وبصراحه شعب طيب ومالهم شغل باحد

انا معاج انه الشعب التركي وايد حبوبين ويستانسون بس لي ابتسمتي لهم شوي

واحنا عمرنا ما شفنا منهم الا كل خير


بس غريبة اختي نوال ما عجبج فندق جولدن ايدج انا سكنته بالشتا باخر 3 الصراحة وايد مريح وتعاملهم حلو واهو اللي ارتحت فيه باسطنبول

عموما الله يسهل عالجميع وان شاءالله تستانسون كلهم

 

[دلة قهوة]

رد: اللي بيسافرون تركيا تعالواا..........

البيداء حبيبتي انا بعد في الكويتوانشالله انتلاقى اهناك بسافر يوم 31\7 المنطقة اللي تسالين عنها فوق كوكشجرا ينراح لها اباصات كوكشجرا وتلاقين اسمها مكتوب عليه اهي ابرد من كوكشجرا وانا عن نفسي بسكن فيها لاني بوصلها نهاية الموسم يعني بتكون فاضية تقريبا
عزيزتي ابلة انا مثلج استقر بمكان واطلع منه رحلات واول سفرتي بستقر في اسطنبول 14 يوم بعدها بروح كوكشجرا وبقعد فيها 10 ايام لاني مددت حجزي خليته الى 23\8 يعني برجع باذن الله غرة رمضان وادعولنا انشالله الجو يكون براد الجو
امابخصوص اللبس فانا مقزرتها عبي وملافع الشرقية الطبية بس هالسنة حبيت اغير خيطت قمصان طويلة فوق القدم بشبرمع بنطلونات احسن لصعدة الباصات صج الوان غامجة بس الوان احس من السواد وصراحة اول مرة اجرب وحابه التغيير والله يعيين
واتمنى اتلاقى معاكم هناك وتكون بداية لصداقة جيدة توصلنا لعرش الرحمن وتظللنا بظله يوم لا ظل الا ظله