يومياتي في باريس بالصور

[um_yoyo]

رحنا مدينه ملاهي زووووووووووغه اسمها Astrix العابها احلى من ديزني و جوها خيالي و ارخص من ديزني و العابها فناتك و ماعليها وايد زحمه نفس ديزني لازم الي تروح باريس تروح لها نصيحه

المدخل




هذي صور باحد الالعاب



و فيها عرض للدلافين يوووونس اليهال و الكبار يستانسون

 

[قمر^خالد]

تروحين وتردين بالسلامه

 

[um_yoyo]

بنات لا تضحكون صورت لكم حمام محطة القطار هاهاهاهاهاااا شوفو و تعرفون ليش صورته




بس الصراحه حماماتهم لوووعه نفس كل اوربا مافي ماي تبهدلت مع اليهال الله يقطعهم نظافه عندهم زيرووو حتى باريس وصخه نوع ما مو نظيفه مثل لندن ابد

و الي راح تستغربين منه ان الي فيها مدكله مغاربه و توانسه و جزائريين و مع هذا اهوه اسوء اخلاق و تعامل من الفرنسيين !! ما يشتهون الخليج و اذا كلمتيهم انجليزي ما يردون و عربي ما يردون و اخر شي تكتشفين انهم عرب مهجرين و يعاندون ما يبون يساعدونج قطع كرهوني بالديره

 

[um_yoyo]

المهم للكويتيتات الي يسكنون بالكونكورد في بارك قريبه حيل من هوتيل روووعه للي عندها اطفال في زوو و العاب و حصن و بوني اعيالي استانسو فيها اكثر من ديزني لووول و رخييصه و الجو طبعا عجيب هوى بارد و رذاذ مطر

هذا يويو يوكل الصخوول فديته


و هذا طاوس يتمشى بالحديقه بين الناس يا حلوه

 

[um_yoyo]

متحف اللوفر تحفه يونس حتى للي ما تعرف كوع من بوع الفن و الرسم مثل حالتي راح تستانس و تمتعت عينها بالجمال







و هذي اهم شي بالمتحف كله الموناليزا
بالموت صورتها من الزحمه عليها



و اذا طلعتي من لوفر كسري يمين و روحي لاحلى شارع مونتاج كله ماركات بس ما عطيته حقه لان معاي اعيالي

 

[jolie_q8]

الحمدلله على السلامة

ومشكورة على الصور ,, انا احس باريس ما تنفع حق يهال

 

[um_yoyo]

الحمدلله على السلامة

ومشكورة على الصور ,, انا احس باريس ما تنفع حق يهال

الله يسلمج
بالعكس اليهال و ايد استانسو بس اذا تبين السوق ما تنفع كلش مع اليهال
بس عندهم وااايد اماكن تونس لليهال

 

[بنت عبدالغني شربت]

يعطيج العافيه حبوبه خوش صور

 

[¤§ زيتونة §¤]

ماشاءالله

عليج بالعافية حبيبتي

ذكرتيني بسفرتي حق فرنسا الله تهبل خوش ديرة وجوها روعة

وتسلم الايادي عالصور الحلوة

عاد شريتي من دزني اغراض مدرسة حق عيالج؟؟؟



رحتي بالمترو ولا بتكاسي؟؟ المترو ارخص واونس شحلوه والمناطق كلها مرسومة خطوطها فيه

ركبتو اللعبة العملاقة اللي تدور ؟؟ يم المسنة اللي بايقينها ( يقولون ) من مصر هههههههههههههههههههههههه






الله يعطيج العافية وان شاءالله تستانسون اكثر واكثر والله يخلي لج ابوكم وعيالج

 

[um_yoyo]

رحنى رحله نهر السين بالنسبه لي عاديه جدا رحت الباص اونس

هذول شوية صور من الرحله





و هذول صور من شباك غرفتي بالفندق



و هذا بالليل


يوم 14-7 كان عيدهم الوطني لا تشوفون الالعاب الناريه في برج ايفل ونااااااااااااااااااااااسه طبعا كنى انشوفها من الشباك بالفندق لان الوقت متاخر و قاعده اعدل جناط الرجعه



هذي سياره عارضينها بالشانز لما الحين ما انحط لها سعر و الوحيده بالعالم و المشكله ان يويو وليدي تنح من البجي يبيها هاهاهاها و غصب طلعناه من المحل الله يعين بو سنتين يبي هالسياره بو 18 اكيد يبي صاروخ

 

[um_yoyo]

ماشاءالله

عليج بالعافية حبيبتي

ذكرتيني بسفرتي حق فرنسا الله تهبل خوش ديرة وجوها روعة

وتسلم الايادي عالصور الحلوة

عاد شريتي من دزني اغراض مدرسة حق عيالج؟؟؟



رحتي بالمترو ولا بتكاسي؟؟ المترو ارخص واونس شحلوه والمناطق كلها مرسومة خطوطها فيه

ركبتو اللعبة العملاقة اللي تدور ؟؟ يم المسنة اللي بايقينها ( يقولون ) من مصر هههههههههههههههههههههههه






الله يعطيج العافية وان شاءالله تستانسون اكثر واكثر والله يخلي لج ابوكم وعيالج

الله يسلمج بما ان عيالي صغار و لدي يبي يروح الحضانه هاسنه شريتله 3 جناط من ديزني

رحنا بالمترو على قولتج اونس و اسرع و ارخص 3 في واحد

اللعبه الي تقولين عنها ما ركبناها لان الله يسلمج كل الي معاي فيهم فوبيا من الاماكن العاليه :dddds:

و الوقت ما اسعفنا حتى فرساي ما رحنا مع ان انت من اولويات الرحله بس انشالله مره ثانيه

 

[um_yoyo]

لله الحمد الرحله كانت موفقه و الكل استانس و رجعنا بالسلامه يوم 16 -7 لحبيبة عمري الكويت الي لو تدورين العالم كله ما تلاقين مثلها في الرخيص و الغالي و الاكل الحلال و النظافه و اخلاق الناس الي لا يعلى عليها حتى غبارها وحرها عسل على قلبي فديت ترابها

و سلامتكم و اي استقسار انا حاضره على العام او الخاص

 

[um_yoyo]

أهلييييييييييين أم يو يو وينج أنا حاليا في باريس خلينا نتواااااااااااجه ...اليوم الجووووووووووو جنان جنان جنان ...مطططططططططططططر غزير ,,,خرب علينا روحتنا لديزني ...

حسافه ما تلاقينى انشالله الصيف الياي :gathering:

 

[{عسوله مطير]

^^

يآآسلام والله ..خوش سفره

 

[ريم الخبر]

الحمدلله على سلامتكم ذكرتيني بايام باريس زرتها عام 2000 تهبل يازينها ويازين جوها

 

[bnt_7waa]

الجو شكله خيال

حمدالله على سلامتج حبيبتي

 

[مســـــافره]

ماشاءالله خووش رحله
حمدلله عالسلامه
وعليج بالف عافية حبيبتي

 

[باريس الخبر]

حمدلله علي السلامه وماشاءالله روعه الصور ورحله حلوه وباذن الله روح حق باريس

لاني حييييييييييل احب فرنسا واتمني روح لها 000000000وتقرير ممتع يسلموووووووووو

 

[زهرااا]

شكرا

 

[cancel]

مشاء الله خوش رحله

بسئلج عادي الحجاب اهناك؟

واشوف اسعارهم نار والله عشان جذي خايفيين منهاا