هلا سماسم ..
انا ما افتي بس على الصلاة اتوقع على الوقت اللي تكونين فيه يعني على الديره اللي انتي فيها مو على الكويت ..يعني اذا صار الفير وانتي بالطياره وبالكويت للحين اتصلين الفير على الوقت اللي انتي فيه ...
بالنسبه للاكل انا نفسج قبل قريت فتوه اتقول الاكل من اهل الكتاب جايز وانه طريقة ذبحهم "اليهود" نفس المسلمين بس الفرق ما يسمون احنا نسمي وناكل .. س صارت سالفه ودورت بالانترنت في ناس قالت يجوز وفي ناس قالت ما يجوز وحرمت السفر "لبلاد الكفار" بعد!! لووووووول
فهالسفره خذيت احتياطي .. من ماكدونالدز كله اطلب الفيش ساندويتش اول مره اجربها واعجبتني .. وباجي المطاعم كله باستا بالسي فود او خضار .. بس استغفر الله اخر مره "قبل السفره" رحنا تشيز كيك فاكتوري يعني باغير مليت من الاكل البحري والباستا فطلبت تركي ساندويتش لوووووووووول نسيت علبالي يعني طالبه سندويتش ديك رومي يعني مو طالبه لا لحم ولا دياي هيهيهيهي عقب ما كليت وخلصت استوعبت ان التركي طير لوووووووووووول وريلي مات علي من الضحك!! هيهيهي خربتها على اخر شي :eh_s(6):
اشراقه الله يسلمج وعليكم بلعافيه ..
استانسي كثر ما تقدرين .. لاحقه على الكويت وبتملين منها بعدين
يالله توصلون بالسلامه .. وان شاءالله تروحون وتستانسون ...
انا والله متشفقه على كاليفورنيا وان شاءالله اروح لها المرات اليايه
اشراقه ان شاءالله لووووووووووول اقول حق ريلي من الحين اخطط للسنه اليايه بس مادري احتمال مو بالصيف .. الله كريم اذا الله كتب لي وحملت لا مستحيل بالصيف يمكن على كريسميس هيهيهي انا امووووووووووت بامريكا وما استغني عنها لوول ..
بس باذن الله المره اليايه كاليفورنيا لو شنو يحاول فيني ريلي ماراح ارضى اغير هيهيهي << حد الثقه
اشراقه شتقولين اقوله خل نروح كاليفورنيا بكريسميس هذا!! لوووووووووول يقولي ماخذه الوليد بن طلال؟؟ لوووووووول
الله كريم ...
التجمع البنات يبونه على اول شهر 8
السلام عليكم بنات ..
انا اليوم رحت جاردن ووك وتغدينا بجيز كيك فاكتري وشفت واااااااااااااااااااااااااااااااايد كويتيين هناك بس ما ادري ليش لكويتيين بس يشوفونا يلفون ويهم الجهه الثانيه ما يبون يشوفون كويتيين مثلهم
المهم ...روونه حبيبتي حمدالله علي السلامه والله وصلني مسج منج ورديت عليج مرتين بس انت ما رديتي ...مثل ما قلتي خيرها بغيرها
مهفه انا كنت ساكنه بأنهايم والحين انا بمنطقه اسمها كورونا حلوه وهاديه
مشمشه حبيبتي انت لا تزعلين انا قاعده ارد عليج
وباجي البنات شلونكم جميعا
لووووووووووووول روونه
زين تسوين لازم تريحين شوي قبل الدوام لاحقة على القومة والفزعة ناااااامي شبعي نووووم كثر ماتقدرين
تصدقين روونة انا ما رحت امريكا ولا شفت امريكا بس والله من كلامج لها احس اني حبيتها قبل لا اشوفها احس انج خليتيني اتولع فيها
بنات بسألكم
منو عندها خبرة بالفتاوي؟؟
انا قايلة ودي اسأل قبل لا اروح...شلون أصلي بالطيارة على وقت ديرتي ولا الديرة اللي بروح لها؟
والسؤال الاهم والمهم واللي شاغلني هو الاكل انا مطاعمهم زوغت قلبي عادي ناكل اكلهم اقصد اللحم والدياي ولا مايجوز خالتي مرة قايلة
لي انها شافت فتوى تقول يجوز ناكل اكل اهل الكتاب على فكرة انا ولا مرة سويتها بسفرة كل سي فود ولا فجتابلز بس هالمرة شفت موضوع
عن مطعم يبيع برغر واشتهيييييته شكله يشوووق عاد همه اهل هالسوالف بس طبعا اذا ما يجوز لا طبعا ماراح اكل ومحتارة الصراحة
ياليت اللي عندها علم او خبرة بالفتاوي تفيدني بهالموضوع بلييييز
ويزاها الله خير...
_03BA:
شلونكم بنات الحمدلله على سلامتة اللي ردواوالفال حق باجي البنات
هالويك اند رحت اليونيفيرسال ماتوقتها جذيه حلوه مع اني لعبت لعبتين بس
وااااي انتوا تقولون الكويت وانا قلبي يعورني...اقول حق ريلي ليش مانسافر حق الكويت على الكريسماس يقولي بفلوس التذاكر اوديج لاس فيغاس ... مادري اهو رافض نرد الكويت يقولي على الصيف
اذا بسافر مده اسبوعين حق كاليفورنيا وضواحيها وين نروح بالضبط انا مابي تنقلات وايد
رونا شلونج ..والحمدلله على سلامتج.... جان ماخذتني معاج الكويت
