المسلسلات الكويتيه تدمرنا

[قمــ 14 ــر]

*..

بسم الله الرحمن الرحيم​

..*

مرحبا صبايا شلونكم أنشاء الله تمام.............

هذا أول موضوع اكتبه ويليت التفاعل ...............

اليوم أحب أتكلم عن شي ضايقني وضايق الجميع هي المسلسلات الكويتية إلي تعرض أشياء غير واقعنا و أشياء نهاه عنها ديننا الكريم
حيث أنهم يصورون أشياء تخدش من سمعة الفتاه الكويتية وتضعها في صوره سيئة
وهذا طبعا اثر على سمعتنا بين البلدان حيث أصبح الناس يقولون أن الكويت موطن فساد وطبعا هذا محد يرضاه
على بلده ولازم انتحرك ونسوي شي ولا شرايكم بنات بسرعة ترى هذا الموضوع ما يتحمل تأخير.............:eh_s(11):​

 

[كريستال ليدي]

كلامج عدل و الله

و حابة اضيف نقطة عن البنات اللي يلوعون الجبد استغفر الله و مفشلينا جدام العالم و كل ما احد شافهم بهالمسلسلات قال شوفوا الكويتيات شلون صايربن

والله رفيجتي بحرينية ريلها يقول لها لا تماشين الكويتيا قالتله ليش قالها شوفي اخلاقهم من مسلسلاتهم !!!!

 

[علولي]

اصلا المسلسلات تفضح والله وتشوه الصورة مو بس الكويتية
حتى السعودية وهي دولة محافظة
شوفو كيف شوهو صورتها في مسلسل اسوار
مو كل العالم زي كذا
هم يطلعون الجانب السيئ
ويتركون الحسن وهذا اكبر غلط

 

[ملاكــــك]

بصراحه انا مو كويتيه لكن صدق ان المسلسلات الكوتيه والسعوديه كمان زودتها (اسفه )؟ اصابع اليدين مو سواء تقبلي مروري اختك ملاكــــك.

 

[رانزي]

صحيح ان المسلسات شوهت السمعه بس ماننكر ان هالاشياء موجوده تبون اقول الصج
انا مع هالمسلسلات لانها تكشف اشياء الاهل غافلين عنها
لكن الغلط يعرضون المشكله بدون حلول
يعني لي حطو بنت تكلم شاب وتحبه ويغدر فيها هالشي موجود وماننكره
شقه مشبوهه وحفلات ورقص واغاني هالشي موجود بعد
اولاد عاقين باهلهم موووجود بعد
اذا عن اللبس الفاضح هم مووووووجوووووود
السحر والشعوذه موجود
البويه والبنت المسترجله مووووجوده والشاب الناعم هم موجود
مايبو شي من عندهم
بس الشر يعم والخير يخص
مثل مافي سيئات بالمجتمع الحسنات موجوده
ودايما المسلسلات تطرح القضايا السلبيه لكن بدون حلول

 

[غيدآء]

المسلسلات الخليجيه اغلبهاا صاير مستواها داااااون زياده عن اللزوم...

وخصوصا برمضان يكثرون من هالنوعيه....


الله يعين بس

 

[غـلآ روحـي]

والله مثل ما قلتوا ..

يشوهون السمعه .. وفي مسلسل بعد ما عرضوه لان تعرض لأحد المذاهب !!

وهذا أكبر دليل يعني .. يبون يسوون فتنة ..

المهم مابي ادش بموضوع ثاني .. :eh_s(6):

اهو من ناحية كل شي .. واكثر شي اللبس الضيج والمكياج الأوفر !!! :eh_s(14):

بس يقولون ان رمضان هالسنة اي مسلسل في ممثلة لابسه لبس ضيج

أو مبالغه في مكياجها .. ما راح يعرضونه .. وراح يطيح المسلسل بجبدهم ..

وانشالله يسوون هالشي .. الصراحة وايد احسن !!!!!! :eh_s(6):


وآسفه اذا طولت بالرد .. بس هذي وجهة نظري وحبيت أوضحها لكم ..



تحياتي .....

 

[00دوخة00]

اي والله كلامج صح 100%
وتسلم ايدج

 

[بنــت ** الشيخ]

المسلسلات فيها الشين والزين مثلا لو نشوف مسلسل الخراز والا الدايه ولا حتى فضه قلبها ابيض بتشوفين مقدار الروعه اللي فيهم
اما المسلسلات الثانيه اللهم ياكافي والله يا بنات ان اليوم شفت مسلسل (( عيون من زجاج )) الممثله بدريه احمد الله يهداها تقول حق اختها ((شيماء سبت )) :: يالله الحين تخلصنا من الجنين وبقت عمليه الرقع انا ويهي صار علامه استفهام والمصيبه كانوا ابوي واخواني موجودين يطالعون المسلسل معاي ... احنا وين قاعدين .. لهدرجه وصلنا لي هالانحطاط الاخلاقي |||يعني ليس كل ما يعرف يقال |||

 

[هجووورة]

ثلاث بلاوي دخلوا الانتاج وضيعوا سمعت الكويت والشرهة مو عليهم الشرهة على الرقابة المعدومة والله يعوضنا في الاجيال اللي قاعدة تتشرب بلاويهم واذا الغينا محطة طلعت محطات

 

[Miss 7o7o]

المسلسلات صايره فيها اسفاف وااايد يا حلات مسلسلات قبل خالتي قماشة وعلى الدنيا السلام
بس يلا يايكم رمضان وربي يعينا على مسلسلت هالسنه شنو ببدعون!!!!
يسلمو حبوبه على الموضوع
تقبلي مروري

 

[بدوره 22]

بنات ترى مو بس المسلسلات الكويتيه الخليجيه عمووووووما

يعني حتى المسلسلات البحرينيه ... السعوديه ....

امبي ما انسى اللقطه الي شفتها في مسلسل عيون من زجاج

عما قطع حاطين وحده قاعده تولد وشكل الحبل السري @@

الاغلبيه العظمى من المسلسلات صار هدفها التشويه وللاسف لو كلموا الكاتب يقولج هذا الواقع .. @@ ...
نعم ؟؟

واحنا ماعندنا الا هالواقع !!

شوفوا مسلسلات حياة الفهد يا حلوها ... ولا تتذكرون مسلسل جاده 7؟؟
اللي مثلوا فيه عيال المنصور ؟؟

شحلاته لا دم ولا مخدرات ولا خيانه ولا ذبح ... هذا الواقع مو التأليف الواطي اللي نشوفه

 

[أدووويا]

اي والله

 

[بنت بابا جابر]

كله صياااح وطق وبراطم وعدسااااات وبوستيجااات وانتقاااام وحقد وانحراااف....الخ الخ الخ

وآخر شي ماااكو قصه سنعه والله عيب سمعه الكويتيااات بذمت المسؤؤؤؤلين

وانا ككويتيه مااايشرفني ان وحده مثل شيماء على ولا شجووون الهاجري تمثلني :eh_s(14):

حسبي الله ونعم الوكيل ​

 

[Pearl Qatar]

تبــون الصج بنات ..~



أنا قبل لا أسجل في المنتدي .. ماكنت أعرف شي عن بنات الكويت وانهم خلوقات ومحترمات وطيبات .. والله كنت اشوف المسلسلات أقول بل ليش جذي مايلبسون حجاب ، ليش المره تلبس بس عباية وتحطها علي الجتف بدون شيله أو شي يغطي ، وغير التنانيير القصيره واللقطات البايخه الي تصير ..


بس الحمدلله يعني هذا مب واقعكم ..


اسمحولي بنات بس هذا كلامي ..


والنعم فيكم يابنات الكويت ..

 

[قمــ 14 ــر]

**....شكرن على مروركم الاكثر من رائع وتسلمووووووو,.....**

 

[روح الرياض]

بالفعل شوهو صوره الكويتيه

زوجي يقولي شوفي الكويتيات لسانهم طويل وانا ارد عليه هذولا مو كويتيات مصريه عراقيه فلسطينيه

وتسوي دور كويتيه والا اللبس ضيق والركب الحمدالله والشكر سود ومطلعتهم

والا البراطم تخيلوا وحده فلبينيه كنت في الصالون عندها وهي قاعده تتابع مسلسل كويتي

تقولي ليش كويتيه ليش فم سوا سوا طماطه هههههههههههههههههههههههههاي

والا بنت البلوشي هند صراحه ماتستحي برمودات استرتش والجسم تحفه

ولكن شهاده حق انا جيت الكويت ولا شفت وحده من اللي في المسلسلات كلهم محترمات في اللبس

حتى لما نسافر برا واشوفهم محترمات وهاديات ليش يصورونكم ملسونات ؟

 

[قمــ 14 ــر]

والله حسافه الي قاعد ايصر والله ماانسى يوم جاة وحد من اهلنا في اسعوديه للكويت يوم ادخلة الكويت قامت تسال الكويت فيها مساجد فيها ناس مسلمين فيها ندواة دينه والله اني تفشلت ويم شافة المساجد ارتاحة .... والله حرام عليهم ايجبون ممثلات واطياة واخلونهم امثلون الديره ...............

 

[shai5at al3arab]

والله صج

شي يبط الجبد

غير ويوهم المتفخة الحمد لله والشكر

كل شي فيه اوفر

الحمد لله ويييع

اصلا مو كويتيات ناس هيلق يعرفون يتحجون كويتي

اصلا وانا اقلب القنوات بالرمونت احطه بالغلط على مسلسل كويتي وتطلع لي وحدة متفخة ، والف احط تركي امبي كل شي فيها سمبل وناعم أتأزم نفسيا واحس باشمئزاز .

 

[رند]

شدعووه عاد الحين اللي يمثلون بهالمسلسلات نصهم كويتيات يعني من امه تلزق
مادري من اي ديره جايه وتقول كويتيه قطيعا
يعني تشوه سمعتها مو احنا
والحمدلله الكويتيه فوق اي كلام