**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[om_3azoz]

انا عزوز يكون له 4 وشي

بسوي حق بيت يد ريلي واخواني ويمكن اسوي حق بيت يدي بس مااتوقع اروح فخل يولون لووول

 

[بحر الغموض]

لا الحين صج تكدرت

قريت موضوع وحده متزوج عليها زوجها سوريه وقاعده تحن عليه طلقها وطلقها
تذكرت الظلم اللي شفته اشلون كانت تحن عليه عشان يطلقني
واظلموني واظلموا ولدي وقست قلبه عليه لدرجه للحين مافكر يشوفه او حتى يدته ام ابوه
ماودي اكمل بس ربي اعلم بالحال

اللهم اني مسني الضر وانت ارحم الراحمين
يارب املأ قلبي بحبك ونورك
وازل الهم والحقد
فانك تعلم ولا يعلمون فاعفو عنهم واهديهم الى العدل

 

[daloola]

حنتوشه
انا قلت بسوي ...رحت وشفت يطلع علي 400 دينار
وانا ميمعه فلوس ومو قاعده اصرف ...بس معاش الامومة ينتف الواحد
هاوشني ريلي ...مايسوى 400 دينار والناس بتقطة بالزباله

قاعده افكر اعطي بس القراب حيل ...على قولتج ودي اتحلى على بنتي
بس ماتلاحظين شي؟؟؟؟
الكباريه وعيال الفلوس مايسوون حق عيالهم ...واحنا اللي عالمعاش نقط ما ورانا وجدامنا حق قرقيعان واستقبال وخرابيط

بحر
حبيبتي ليش تقلبين المواجع؟؟؟؟ هديتي الخدم رديتي على ابو ولدج
الله يهداج ... ترا الشيطان يقص عليج
تعوذي من ابليس... ماكو الاالعافية


اقول لكم شي وماتضحكون علي
انا قاعده احوس بمطبخ كويتيات ادور حلو وطبخات حق رمضان الله يلحقنا خير

لوووووووووووووووووووووووووووووول

 

[نيلفار]

حنتوشه انا اقول سويله خصوصا ان اول حفيد بالعايله =====> اذا ماني غلطانه

بعدين سمالله عليه بيكون حلييو

واذا على الميزانيه سوي حق القراب مو لازم الكل تعطينه





بحوووره حبيبتي الله ياجرج وان شاء الله بيحس بروحه وبيي حق ولده واني مالج الا الدعاء

 

[تمر حنا]

بااااك
شلونكم كلكم ياسهرانين
بحر حبيتي الله معاج يارب ولايخيب ضنج وينصرج عليهم وكثري الاستغفار وربج كريم ماينسى عباده
بنات انا قررت اني ما اسوي قرقيعان لولدي اولا زوجي ملتزم ومومايد كلش سالفة القرقيعان ومابي اسويه غصب عليه وصج لما فكرت فيها عدل صج صج خساااير عالفاضي هالمبلغ الي بقطه اروح فيه عمره ابرك او اتصدق عن ولدي ورمضان ياي وشكثر ناس محتاجه ومولاقيه تاكل((وجة نظر

 

[بحر الغموض]

تمر حنه ودلوله جزاكم الله خير

بالنسبه للقرقيعان ما اايده وايد بالخساير
بس كفرحه لليهال امبلى اايده
بشتري قرقيعان وافرح فيه اعيالنا بالبيت
وافكر بصراحه اسوي جم حبه شي ذرب مو خبه ارسله حق اخوان ولدي عشان يذكرون ان عندهم اخو
ووحده حق امي ويدته اللي مافتكرت فيه

والا ايش رايكم؟

 

[جوري الكويت]

صباح الورد بنات

انا الصراحه ما أحب الخبه بسوالف القرقيعان

أحب الشي الناعم و البسيط

يعني أهتم ب شكل العلب و أحط ككاو رخيص شالفايده !!!

الصراحه احط ككاو حلو ب جياس عاديه

واااااايد احلى و يستانسون عليه اليهال أكثر

و طبعا مع صور الياهل

انشالله هالسنه ب سوي حق بنتي و بالكثير 100 أو 150 دينار

لأن اول سنه لها انشالله

 

[الشيخه فطامي]

هااااااااي

شلوونكم حبايبي

 

[om_3azoz]

انا على القرقيعان ماراح اسوي وايد لان خالتي بتسوي بعد ,,
انا بسوي بس حق اليهال وخالتي بتسوي حق كل عايله ,,

وانا بسوي شي فنتك بس رخيص الصراحه ,,, وعلى قولتج دلول الكباريه مايسوون بس احنااا خابين نفسناا ,,

انا متضاايقه وايد ,, صاكه فيني الدنياا مادري شنو اسوي والله الله كريم ,, ريلي وايد متضااايق

 

[قمرهم-كلهم]

السلام عليكم بنات
انا الحين بالنفاس وبقالي 4 ايام واخلص الحمدالله
ولدي من امس يبجي مسجين من بطنه يعوره
وعلى طاري القرقيعان انا انشاللة ناوية اسوي شي حلو بس ما يكلفني وايد يعد البجر راح يدلع لما يقول بس
ام عزوز عسى ما شر ترة الدنيا ما تسوى تتضايقين خلي كل شي على ربج
بحر الغموض صدقيني كله بأجره والحين الي قاعدين يظلمون قاعددين ياخذون جزاهم في الدنيا قبل الاخرة والله الله ما يطق بعصا الله فوق وبالعكس نامي مظلومة ولا اتنامين ظالمة وراح يشفون اهل ريلج وريلج هذا كله بدنيتهم

 

[om_3azoz]

قمرهم كلهم
الحمدالله على السلامه ومبروك البيبي الله يخليه لج ياارب وتشووفينه معرس

قمرهم كلهم متضاايقه لان ريلي متضاايق صايرله جم يوم ,, ومسكين قاعد امس يشكيلي جان ابجي
مااقدر اشووفه جذي واسكت ,,

 

[الدنيا حلوة]

تمر حنه ودلوله جزاكم الله خير

بالنسبه للقرقيعان ما اايده وايد بالخساير
بس كفرحه لليهال امبلى اايده
بشتري قرقيعان وافرح فيه اعيالنا بالبيت
وافكر بصراحه اسوي جم حبه شي ذرب مو خبه ارسله حق اخوان ولدي عشان يذكرون ان عندهم اخو
ووحده حق امي ويدته اللي مافتكرت فيه

والا ايش رايكم؟

حبيبتي انا بنصحج لله واتمنى انج ما تاخذين بخاطرج منى والله بنصحج مثل ما انصح اختى
انت ليش تفكرين بابو ولدج واخوانه ويدته اذا انتى قايله انهم ما يسألون على ولدج تروحين وتوديلهم قرقيعان شنو ناطرة منهم شي ولا تبين شفقتهم الصراحه بقولج شي انتى متعبه نفسج بنفسج ا الحياة مواقفه على ريال خان ولاتزوج ولا سوة ما سوة اهو شاف حياته وانتى خلاص انسيه مو كل شوي ذاكرته واذا علشان ولدج والله شوفي انا احلف اعرف وحدة ريلها تزوج عليها واهو محشش بتايلند تعرفين شنو كله بتايلند واللحين ما شاء الله توة تخرج دكتور وقاعدة ادورله بنت الحلال منو سواة دكتور ابوة الي قاعدى بتايلند ولا يدته لا امه نست ابوه ومشاكل ابوه وعوار القلب وعاشت حياته وجابلت ولدها لي ما اللله ماضيع صبرها خلاص انسي سالفتهم كلها سويلها دليييييت من حياتج وولدج ترى الله عطاج ياه رحمه وانتى ما تدرين شنو الحكمه واتمنى انج ما تزعلين

 

[om_3azoz]

بنات يصير الحين انا بدرس واشتغل نفس الوقت ؟

 

[الدنيا حلوة]

اي يصير بس ما تاخذين اعانه من المعهد

 

[om_3azoz]

اي ادري بس وين في مثل شنوو
حتى ريلي قالي ماتاخذين الإعانه من المعهد
انا راضيه كلها 100 دينار شتسوي والله

ودي اشتغل وادرس ,, بس تتتوقعين وين في يشغلون 4 ثانوي ؟؟

 

[نور-الكويت]

الدنيا حلوه بالعكس خل بحر الغموض ترد الظلم بالعفو والصفح والمعامله الحسنى وبنهاية الظفر مايطلع من اللحم واهم صلة رحم مايجوز القطيعه ميخالف بحر الغموض فكرتج حلوه وبتكبرين بعينهم وهذا من طيبج وتربيتج الله يهنيج بنفسج

 

[نور-الكويت]

بنات ماعندكم شي يلين البطن ماسكني بطني ما أبي حبوب من أخذهم سهال واذا تركتهم يمسك بطني اكثر ابي شي يلين عيزت من السوائل والبرتقال والرطب و الخس ماكو فايده صارلي 3 ايام ووليدي معاي مسكين انا والامساك فيلم اللهم عافنا وشافنا اللهم امين

 

[om_3azoz]

نور الكويت الله يعينج

 

[al7noona]

هااي بنات شلوووونكم

سوالفكم عن القرقيعااان

انا هالسنه شريت فازات زجاج وبحط لهم حق التزيين ورده كبيره وشريطه لان الحين موضت الورد الكبير ههههه وداخل الفازه بحط القرقيعان داخل الفازه وبعدين يستفيدون من الفازه يحطونها بالصاله او بغرفتهم

احب اسوي شي الناس تستفيد منه مااحب اخسر واخر شي ينقط حرام

 

[al7noona]

بحر حبيبتي انتي الزوجه الثانيه صح حق طليقج ؟؟؟ ومن شنو قاعده تتعالجين؟