عندج الجرأه انج تروحين تكلمينها ولا بتخافين

[عاشقه رويشد]

السلام عليكم بنيات شخباركم عزيزاتي
اليوم بسألكم سوال اذا كنتي رايحه مجمع
او اي مكان وشفتي واحد لبسها مو اوكيه او حتي مثلا بكليه تقدرين تروحين تنصحينها لانه الدين امرنا بالامر عن المعروف والنهي عن المنكر.........

انا بالنسبه لي عادي اروح انصحها بس يكون الكلام بيني وبينها اخذها علي جنب واقولها تري فيج كذا وكذا وكذا وراح اتقبل اي رده فعل منها دام سويت اللي علي ...

​

 

[dodowa el7elwa]

حبووووووووبه صح كلاامج بس الحين غير عن قبل اذا رحتي كلمتيها مالج حق لانها حريتها الشخصيه ومارااح اتقبل منج النصييحه........

 

[esperanza]

أخاف تطقني

 

[فزهةّ خٌفوق]

الله عليج يا عاشقة الرويشد


والله ماصادفني هالشي ...


بس اذا شفت شي جدامي مو اوكي , :0bee2e8d89:


اكيد برووح اكلمهاا ,, اولاً : عشان ربي راح يحاسبني لاني

شفت شي يغلط وسكت عنه :ggdw: وهالحديث يدل على كلامي",


عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .



ثانياً : لنفسها لانها صارت مادري شقول جداام الناس اتوقع فهمتي


وبس وانا عاارفه ردها شراح يكوون:j013: بس عاادي نتحمل وناخذ اجر

 

[روح مغليهآ]

لا والله شكو فيها اخاف ماتدري ان هذا عيب والا حرام وشحادني عليها وعالمشاكل مالي شغل الا بنفسي روح بعيد وتعال سالم
ومشكورة عالموضوع

 

[أم محمد A@W]

حلو موضوعج حيل يا عاشقة رويشد
بالعكس اكلمها بلطف مثل اخت لاختها او ام لبنتها
مواقف كثيرة مرت علي اللي تسب واللي تنحاش وفي المقابل كان فيه بنات تسمع وتقول لج جزاج الله خير ما قصرتي
وصدقيني كله بميزان حسناتج
مرة ثانية كل الشكر على هالموضوع

 

[زهرااا]

اكلمها بلطف
على الاقل اكون ريحت ضميري

 

[DLOOOO3a]

حبيبتي كلامج على عيني و راسي من فوق بس هالزمن اذا رحتي اتكلمين اي وحده

تلاقينها اصرخت بويهج و قالت لج مالج شغل و محد اخذ رايج عدل

و هذا اللي انا اشوفه الصراحه

وكل وحده من هالنوعيه عقلها براسها و تعرف خلاصها

و انا عن نفسي احاجيها اذا دشت قلبي لكن اذا كانت اتصارخ و تبي تجذب انظار الناس ما اقرب يمها

و تقبلي مروووري

 

[yam_yam]

لا لان اللي تسمح لنفسها تتصرف و تلبس جذي عادي ترد عليج رد و تبدع فيج

احشم نفسي و امشي
اصلا هالاشكال من تطالعينها تخزج جنه انتي الغلط مو هي هههه

 

[عيني عليه]

مثل ماقالوا البناااات ... شدعوه ماتدري انه اللي تسويه غلط ؟؟؟؟


خلاااص هي مو طالعه من كهف وتوها بتتعلم الصح من الغلط ... وحده شكبرها وتفهم ...

غير كذا في اختلافاات شخصيه واختلاف افكاار واختلاف بيئااات ...

يمكن في شي انا اشووفه غللللط وهو اصلا مو غلط ... وارووح واسوي ازعااج ع البنت وهي في الحقيقه الصح وانا الغلط

فكل واحد يعيش حياته بالطريقه اللي تعجبه ... شدخلني في الناس ؟؟؟

هم مو وحده والا ثنتييين ... ياااااكثر الغلط بهالدنيا .... ماشغلي الا امسك فلانه وعلانه ؟؟

 

[قايد الغزلان]

صعبه لسبب اولا عدم معرفتها لج فصعب تتقيد بنصيحه
وممكن تتضايق منج في طريقه اظن اسهل وافضل
انج تعمليين بوستر بالاشياء الى تشوفينها منتشره بالمجمع
ومن باب النصح وبطريقه ماتزعها لكن ممكن تحرجها
هو البوستر نفسه الى بتوزيعه

 

[ام سعود ديكسون]

لا حبوبة ما اسويها مع ان كلامج ع العين والراس بس لان احتكاكي بالناس علمني ان اكو بمجتمعنا مسيحيات وافدات مواليد الكويت ويتحجون لهجتنا وفيهم من سمارنا بعد لووووول وحتي لو كويتية كل بنت وظروفها بالحياة وبالبيت اذا بتدخل بلبس كل وحدة ترا ماراح اخلص لان بترد وبتناجر واحنا اسم الله علي مجتمعنا تشب هوشة بس علي سالفة شعندج تخزيني و انا مومنة ان حريتي تنتهي لما اتدخل بحرية الاخرين لا ابي اخز ولا انخز

 

[إنسانه بكل حالاتي]

لا والله مالي شغل فيها ان شاء الله تلبس اللي تلبس وين أهلها يوم طلعت من بيتهم

 

[واثقه خطاي]

ما دري والله يمكن على حسب البنت

 

[غروور-2009]

إذا بكلم اي وحده ليسها مواوكيه مانى خالصه روحي اي مجمع من مجمعاتنا شوفى اللبس والميك اب والتسريحات حتى العبى شى ثاااااااااااااااااااااااااااااااااااااااااااااانى بصراحه يبيلى عمر ثانى على ماكلمهم

 

[آلسحرآلحلال]

حبووووووووبه صح كلاامج بس الحين غير عن قبل اذا رحتي كلمتيها مالج حق لانها حريتها الشخصيه ومارااح اتقبل منج النصييحه........

وغير جذي في بنات مايستحون يمكن تزف او تقول انتي شكو ... ومحد يحب يجيب لنفسة حجي يعور الراس...

 

[بسمتي]

مالي شغل فيها دام أهلها راضين

 

[tmtmt]

اذا لابسه لبس غلط ما افكر اكلمها اكيييد اهيا لابسه جذي تبي تلفت الانتباه
ف ما التفتلها

اما الي يقهرني صجججج !!! وعادي ارووح اكلمهم <<<< بس لو مو ريلي ما يرضى جان ما خليت وااحد ما كلمتهالي ايوون سييييد ويصفطون مصافط ذوي الاحتياجات الخاصه ... صج صج عديمين احساس اعتبرهم

احس ودي اكفخهم :eh_s(13)::j013:

ويعطيج العافيه

 

[قـلـب زوجـــي]

وغير جذي في بنات مايستحون يمكن تزف او تقول انتي شكو ... ومحد يحب يجيب لنفسة حجي يعور الراس...

صح كلامج ...ماتقولج مثلا جزاج الله خير ولا مشكوره ولا حتى يسير خير لألألألأ تقعد اتفلسف وسويلج زيطه بالمكان اللي انتي فيه ...صارت فيني وتبت ما أقدر:0bee2e8d89:
الله يهديهم​

 

[عاشقه رويشد]

حبووووووووبه صح كلاامج بس الحين غير عن قبل اذا رحتي كلمتيها مالج حق لانها حريتها الشخصيه ومارااح اتقبل منج النصييحه........

بس يمكن من كلامج لها لانج غريبه وما تعرفينها بيكون سبب في تغيرها ويسلمو علي مرورج