اللي فاجئت زوجها بليله بفندق تتفضل

[انامل كويتيه]

بنات شلونكم وشخباركم ؟؟


تعالوا حياكم لا تطلون وتمشون












بغيت احجز ليله بفندق ومو عارفه اللي جربت تتفضل تساعدني انا كلمت كروان بلازا الليله بالويك اند ب60 وبحجز مره وحده سبا حقي وحق ابو الشباب

منو جربته او جربت فندق ثاني ساعدوني بافكاركم احس اني مشتته ومو عارفه شسوي طلبتكم بنات ديرتي

 

[جورىة2]

حبيبتى انا جربة شيراتون خذيت سويت جونيور مع زوجى وقلتلهم عيد زواجنا وعطونى كيكة وطلبت بالون وو ورد على الارض والسريرو كانت ليلة لا تنسى كان فى الويك اند وسعر السويت85 دينار بس يستاهل\ ووووووووايد حلو وعاد انتى وشطارتج ضيفى شموع وكل الى تبينة والله يهنيكم يارب:eh_s(6):

 

[انامل كويتيه]

يعني مع التزيين والبالونات جم طلع ؟ ابي السعر كامل

وما عندك فكره عن السبا اللي عندهم لأن اللي عندي خاطره بالسبا وودي اسوي المفاجأه مفاجأتين

مشكوره حبيبتي على الرد وبانتظار ردج

 

[انامل كويتيه]

رفع

 

[برميت]

انا رحت سويت ميراج
الحلو فيه ان فيه جاكوزي و تقدرين تحطين شموع وورد و تحطين محار و قواقع على الحوض
و الغرفه تحطين فيها بالونات و شموع

مافيه سباا بس فيه حمام سباحه تقدرين تحجزينه تتسبحين فيه انتي و ريلج و بس
ليلته ب 50 و ليلتين مع ريوق ب 100 مع ليله ببلاش
بس ترى مو وايد كشخه
و شوفي هيلتون هم وايد حلو بس ماادري جم سعره
و ان شاءالله تستانسون

 

[om MaRyooM]

من ناحيتي جربت النخيل اللي بالبدع .. وااو اينن مريح وحلو
وعندهم برامج حلوة بالسبا تقدرين تحجزين وفي اشيا خاصة للرجال هم حلو .. ليلته 55 مع الريوق
بس ريوقهم ماعجبني صراحة .. بس الفندق حلو وفراشهم مريييييييح لوول

اي صج وتقدرين تقوليلهم يزهبولج الغرفة باشياء رومنسية ب30 دينار.بس حسيته مايسوى يعني لو انتي تظيفين ورد وشموع أحس وأوفر

 

[انامل كويتيه]

حبيباتي جوري 2 وبرميت وام مريوم

مشكورين ما قصرتوا حبايب قلبي وان شاء الله البنات يفيدونا اكثر

 

[noor_14_14]

انا رحت هلتون المنقف
وكان واااايد حلوو
والغرفه عالبخر 84 واللي مو عالبخر 74
وتقدرين تشترين اغراض وزينه وهم يحطونه ويعلقونه لج فري

 

[noor_14_14]

ورحت طال عمرج فندق ساس
وكانت الليله ب 45 والغرفه الملكيه ب 60
ومستواه عادي

 

[كويتيه ذربه]

انا بعد ابي مكان حلو عيد زواجي وقاعده افكر اقنع زوجي واحجز مكان

 

[^kloOot^]

بصراااااااااااااااحه


النخيل عجيب والليله 55 دك مع ريوق وبالعكس ريوق مو طبيعي لذيييييييييييذ حده والحلو فيه انه كاه اجانب ومافي زحمه


بصراحه المكان روعه وداخله في 5 مطاعم سي فود وايطالى وغيره وستاربكس ومحل شوكليت


روحي طلي عليه


انا مرتيييييييييييييين حاجزه فيه مره مع ريلي ومره مع ريلي وعيالي وخذيت الغرفتين وصاله كبيره وحمام ومطبخ وريوقي حق 4 اشخاص وخدامه الليله 70 دك ايام الويكند حده بلالالالالالاش وكافي مكان البحر صوب الهاشمي صج منظر عجيب

والشموع انا حطيت وبالونات على الوان الصاله سماوي وبنفسجي حتى الكيكه من الخباز سماوي وبنفسجي وشريت شموع من مجمع بيروت بحولي على احبك وانت عمري رووووووووعه


وعلى فكره ترى كلهم عباره عن سويت مع صاله شرحه وحمام ومطبخ بصراحه بلاش 55دك



وفي غرفه تكون الغرفه وسييييييييييييعه وايد والصاله اصغر وجاكوزي ومع ريوق وعشا ومساج حقج وحقه 120دك كل هالعرض وهم يحطولج ورد بكل مكان طبيعي




انصحج فيه وماراح تحسفين




موفنبيك هم جربته البدع بعيد الحب بس غرفه وايد صغيره مافيها صاله وبس مطعم واحد داخل وكانوا عرض 99دك الليله ماتسوى والورد 20 دك نتفه




انصحج بالنخيل البدع

 

[haneen]

حياتي انا رحت فندق ومنتجع النخيل .. عجيب

هدوء ورومانسي وفيه احواض سباحة وحتى سباا مالهم روووعه ..

وكانت المفاجئة حيل عجبته .. صج عجيب وانصحج فييييييييه


وعسى ربي يهنيكم ..

 

[سفيرة العشق]

جربي فندق المارينا وااايد حلو وطلته حلوة
بس مافيه سبا

 

[معلمة انجليزي]

للرفع

 

[المتفائله دائماً]

:krkrkr:بنات ابي حمام سباحه داخل غرفة الفندق فيه ولا مستحيل

 

[::فوشيه::]

~~؛؛؛~~

أأناا جربت الهيلتووون عجيب حجزناا مره غرفه أأستديوو وكانت غااليه يمكن 180 ليوم وااحد بس..~~
وحجزناا مره ثاانيه فيلاااااااا بالهيلتوون بس ونااااااااسه وحلوووه ولااا جنجج بالكوويت ...؛؛؛؛
وسعره على مأأأعتقد 250 الليله وحجزناا حق ليلتين ..~~

~~
وكرواان بلاازاا حجزناا فيه والغرفه مع الريووق والعشاااء كاان 80 لليله ..~~
بس والله ماايسوى موو شيء ....ماايجي صووب الهيلتووون حتى زووجي قال لوو بنطلع مالناا الا الهيلتوون أأرقى وأأحلى وهاادي؛؛
~~
ووأأذاا ودجج بسوويت فيه حماام سباااحه قرريت مره بالجريد أأن في سووويت أأسمع جنااح العروووسه أأو العراايس؛؛
بفندق موفمبيك...ومعااه حمام سبااااحه بس بالبلووكنه والبلكووووونه مسكررره~~
~~~~~

وموووفقه~~؛؛


~~؛؛؛~~

 

[pretty_woman]

منتجع الهيلتون عجيييييب بس انا رحتله بالشتا كان احلى

مافيه وايد زحمة والقعدة بليل عالبحر وايد حلوة

وعندج فندق موفيمبك البدع كانت صج مفاجئة حلوة ولا جنة في الكويت خذيت غرفة عالبحر

فيها بلكونة بس كان هذا بالصيف رطوبة تصلح تقعدين فيها بليل كانوا مسوين عرض 90 دينار مع الريوق بس صج يسوى​

 

[أحلى_نونه]

انا فاجئت ريلي بميراج سويت ين عليه بس حسافه يوم واحد علشان عيالي

ناويه اروح له مره ثانيه

 

[BaTTy]

:krkrkr:بنات ابي حمام سباحه داخل غرفة الفندق فيه ولا مستحيل

انا هم ابي اعرف
مره وحده قالت لي انه في بالموفينبيك يكون بالبلكونه
بس وحده اذكر حاطه صور الغرفه هني ما كان حمام سباحه كان جاكوزي :eh_s(6):

 

[sadeem yam yam]

up هم نبي مشاركات وردود .. ابي حق طلعتي من الاربعين .. وابي جاكوزي وحركاات .. وابي اعرف عن السبا بنات شنو نظامهم يعني لمن تروحون الفندق من << الي ؟ وجم تطلع عليكم الليله معاه
عليميه لوووول ريلي مايرضا بالفنادق وهالمره نويت غصبن عنه وابيه يقول ياليتني رااايح من زماااان