قروبات الوسيط (تم دمج المواضيع)

[maryam_q8]

مساا الخير

 

[أم@الحلوين]

مساء النور هلا مريم شلونج

 

[maryam_q8]

الحمدلله شصار معاج بالسفره انتى مع الوسيط صح

 

[أم@الحلوين]

اي والله وناسه استانسنا وايد

 

[maryam_q8]

احنا باجر انشالله بالليل مرعوووبة من الطيارة

 

[أم@الحلوين]

تروحين وتردين بالسلامه على اي طيران؟

 

[maryam_q8]

السنغافوري تعرفين عنه شي

 

[أم@الحلوين]

والله انا ماخربتها بس يمدحونها وايد ناس

 

[أم عزيـز]

هلاااااا ام عزيز حمد الله على السلامه نور المنتدى يالغاليه


انا امس الفير وصلت قبلج بيوم


ليشششش صار فيكم مقالب شالسالفه؟؟

هلا بالغاليه والله كنت ودي اشوفج صراحه اول ما وصت المانيا وشفت الكويتين تارسين اللوبي قاعده اطالعهم واقول في قلبي اي وحده فيهم ام الحلوين لوووول بس صراحه من التعب ولويه اليهال ما كان عندي وقت امسك الاب توب واشبك

والنور بوجودج ياقلبي والمقلب صراحه مو واحد والا اثنين راح اقولكم عليه ان شاء الله

ياهلااا ومرحباااا بام عزوز الحمدلله على سلامتج نور الموضوع بحضوركم ورتكم بالسلامة انتى وام الحلوين
شصار معاج انتى مع الوسيط ؟؟؟ وحياج الله حبيبتي

هلا حبيبتي الله يسلمج ويخليج والمنتدى منور بأهله
الوسيط بصراحه ماكان مثل اللي في بالي وكذا موقف بايخ سووه فينا الله يسامحهم وراح اقولكم عليه عقب ما ارد على البنات واسلم عليهم

السلام عليكم بنات
اشلونكم شخباركم
حمدالله على السلامه رفيقت دربي بلقروب واحلى قلب شفته بهل قروب الحلو
ام عزوز
حمدالله على السلامه
شصاير معاكم احنا من شفنا قايدكم وهو وكشته ومشتتط قلنا الله يستر منه
سولفي اشصار معاج
حسافه ماعرفناج انا وام الحلوين ولا شفناج

الله يسلمج يالغاليه
لوووووووووووووووووووول شفتي قايدنا واهو مشتط ؟
والله كنت انا ودي اعرفكم بس مافي وقت كلش عندي حسافه ما التقينا

الله يسلمج حبيبتي ورفيقت دربي بعد والله انتي اللي أحلى وأطيب قلب بالقروب كلهم وانا اتشرف انتي تعرفت عليج وعرفتج عن قرب


ام عزوز انا شكلي شفتج وكنت قاعده يمج بالريوق بعد

والله شفتيني ؟؟؟
انا صراحه لاهبه بعيالي في الريوق ادور مع واحد واحد فيهم احط لهم ريوق وبعدين اريق بنتي الصغيره محبوبه الجماهير لوووووووول اسم الله عليها ذبحوني عليها الأجانب واهي فديتها تضحك لهم وتحب الناس

 

[أم عزيـز]

الحين بقولكم بالتفصيل الممل شنو صار معاااااااااااي

اول شي بنات يوم السفر رحنا من الساعه 12 المطار عشان نحجز مبجر وناخذ أماكن زينه حقنا وكرسي بيبي حق بنتي عمرها سنه وخمس شهور
وتخيلوا احنا اول ناس بالقروب داخلين وما شفنا احد بالقروب موجود ولا حتى القايد على اساس احنا يايين مبر
والصدمه الاولى المكتب مو حاجز حق بنتي الصغيره تذكره !!!! تخيلوا اشلون مو حاجز تذكره احنا دافعين حق المكتب 70 دينار تذكره بنتي ومالها حجز !!!! وهذا اللي أخرنا وطبعا الكتب مسكر وتخيلوا القايد يه الساعه 2 ومو عارف يتصرف ومو عارف يدق على منو مع انه اهو قالنا تعالوا الساعه 12 ونص المطار احسن لكم واهو ياي متأخر !!
المهم المطار قالوا لنا في نكتب حجوزات موجود بالمطار وراح ريلي مسكين حجز تذكر وطلعت التذكره 37 دينار !!! وايد ارخص من المكتب !!! ورجع لهم قالوله لازم تختمها من ما ادري وين ورجع مره ثانيه وتخيلوا على هالخبصه احنا اخر ناس خلصنا شغلنا بسبه المكتب والأماكن طلعت مطشره مالت عليهم ومافي كرسي بيبي حق بنتي بس بالطياره كلمنا الي يمنا وبدلوا معانا وقعدنا يم بعض لكن بنتي بحظني من الكويت الى دبي ساعه وربع الى ومن دبي ميلانو 6 ساعات وربع وهم بالترانزين مكانا كان حده خايس وورانا الحمام الله يعزكم والسيفون شغال على راسنا والطياره صغيره

المهم وصلنا ميلانو بالسلامه الساعه 4 العصر ورحنا الفندق واحنا كنا مو حاجزين حق عيالي الكبار غرفه بروحهم نبيهم معانا بنفس الغرفه قام القايد واخذ جوازاتنا كلها وعطاهم الفندق والفندق اكتشفوا ان عيالي مو مسجلين معانا ودفعونا فلوس غرفه اكبر !!! على كل يوم 50 يورو بسبه القايد الله يسامحه يعني دفعنا 200 يورو زياده حق الفندق مع ان احنا قايليه ان تذكره عيالنا من غير سرير ما ادري ليش وهقنا وعطاهم جوازات عيالي !!!

القايد بشكل عام زين وطيب بس صراحه مو مثل ما توقعت اشوفه بارد وما يسأل وايد
وما عنده جدول رحله !!! يعني بنفس اليوم اللي نوصل فيه يقول باجر تبون جذي ؟؟ وهذا غلط لازم يكون عندك جدول وتعرف كل يوم وين تودي الناس علشان محد يعارض

وكله يبي يودينا السوق !!! وحتى لما ودانا فينيسا قعدنا بالقطار اكثر من ما قعدنا في فينيسيا
وخلانا نركض وره القطار بآخر لحظه قبل لا يمشي عنه والسبه اهو مأخرنا وصل متأخر والقطار بيمشي عنا قمنا نركض احنا وعيالنا مخترعين لوووووووول والله كان هاليوم مصخره رجعنا تعبانين حيل صراحه من هده الحيل في القطار ومن المشي

انا بصراحه في ايام قلت لهم مانبي نروح معاكم وقمنا نطلع بروحنا وصراحه وايد استانسنا رحنا اماكن القروب ماراحها واستانسا وايد فيها الحمدالله

وصراحه احس في رحلات دفعت فيها فلوس مو عن طيب خاطر وكلفتنا وايد على الفاضي

وهم ودانا قاردا لاند في ايطاليا وقلناله قبلها بيوم تره قاردا لاند يبيله يوم كامل لأنها وايد كبيره تخيلوا ودانا قاردا وقال 3 ساعات بس !!!! والله يا بنات من الزحمه ولأن مافي وقت بس لعبه وحده لعبنا ودخلنا اليهال عرض الدلافين بفلوسنا وطلعنا لأن مافي وقت و3 ساعات شويه على مدينه ملاهي كبيره مثل قاردا لاند

بسويسرا طلعنا معاهم يومين ويومين طلعنا بروحنا لأن في يوم كان بيوديهم يوروب بارك اللي في المانيا !! واهي مدينه ملاهي بس على قولته يوم كامل وانا صراحه ما رحت لأن احنا بس بنقعد في سويسرا 4 ايام !!! ليش اطلع من سويسرا علشان اروح المانيا وانا اساسا بروح المانيا وبقعد 5 ايام !!!

التخطيط عنده كان مو سيلم واول مره يروح ميلانو وسويسرا وقاعد يجرب فينا الله يسامح السفريات


والمقلب الأخير بنات ان القايد مو اهو اللي راح يرجعنا الكويت
تخيلوا اهو قالنا انا عندي قروب يوم 23 لازم اروح استقبلم في ميلانو وانتوا رجعوا الكويت !!!!
انا اول مره اشوف مكتب سفريات يرجع القروب من غير قايد ؟؟ وين صارت هذي ؟؟؟
وغير جذي طيارتنا الساعه 4 الا ربع العصر والباص ياينا الساعه 12 ونص الظهر !!! والمطار تقريبا يبله ساعه الا ربع على ما نوصل !!!! شنو هالتنظيم البايخ ؟؟؟؟ رحنا لحقه لحقه والحمدالله خلصنا شغلنا كلنا مع القروب وحتى التاكس فري خلصنا بس هم طلع المكتب حاجز لنا تذاكر مطشره كالعاده ومافي بيبي جير حق بنتي ونفس الفلم اللي صار اول السفره تكرر اخر السفره

بس بشكل عام انا استانست وعيالي استانسوا وايد وتعرفت على ناس بالقروب حبوبين وحليوين والنعم فيهم قروبنا كانوا ماشاء الله عليهم وايد حبوبين وعلى قلب ومالهم صوت

بس طبعا ماراح اروح مع قروب مره ثانيه لأن اللي شفته ان الواحد يطلع بروحه يوفر اكثر من لما يطلع مع قروب وهم ما يلتزم في ساعه معينه ولا في وقت معين

 

[أم@الحلوين]

هلا بالغاليه والله كنت ودي اشوفج صراحه اول ما وصت المانيا وشفت الكويتين تارسين اللوبي قاعده اطالعهم واقول في قلبي اي وحده فيهم ام الحلوين لوووول بس صراحه من التعب ولويه اليهال ما كان عندي وقت امسك الاب توب واشبك

والنور بوجودج ياقلبي والمقلب صراحه مو واحد والا اثنين راح اقولكم عليه ان شاء الله



هلا حبيبتي الله يسلمج ويخليج والمنتدى منور بأهله
الوسيط بصراحه ماكان مثل اللي في بالي وكذا موقف بايخ سووه فينا الله يسامحهم وراح اقولكم عليه عقب ما ارد على البنات واسلم عليهم



الله يسلمج يالغاليه
لوووووووووووووووووووول شفتي قايدنا واهو مشتط ؟
والله كنت انا ودي اعرفكم بس مافي وقت كلش عندي حسافه ما التقينا



والله شفتيني ؟؟؟
انا صراحه لاهبه بعيالي في الريوق ادور مع واحد واحد فيهم احط لهم ريوق وبعدين اريق بنتي الصغيره محبوبه الجماهير لوووووووول اسم الله عليها ذبحوني عليها الأجانب واهي فديتها تضحك لهم وتحب الناس

أنا وريلي وعيالي كنا قاعدين عالريوق وانتوا يتوا قعتوا يمنا قولي اشلون عرفت ؟؟؟؟ في واحد ناده ريلج قاله بوعزيز جان انا اطالعج صح انتي كان معاج بنت وولد اعمارهم بين 5 و6 وياهل اصغيره بالعربانه مادري ان كانت بنت ولا ولد بس كان معاج 3 يهال الله يخليهم صح؟؟
وانا على طول دقيت على ملكة روحي عشان نيلج ونعرفج بنفسنا بس بعدين ما لقينات قلنا اكيد بو قديله قايدكم طار فيكم

 

[أم عزيـز]

أنا وريلي وعيالي كنا قاعدين عالريوق وانتوا يتوا قعتوا يمنا قولي اشلون عرفت ؟؟؟؟ في واحد ناده ريلج قاله بوعزيز جان انا اطالعج صح انتي كان معاج بنت وولد اعمارهم بين 5 و6 وياهل اصغيره بالعربانه مادري ان كانت بنت ولا ولد بس كان معاج 3 يهال الله يخليهم صح؟؟
وانا على طول دقيت على ملكة روحي عشان نيلج ونعرفج بنفسنا بس بعدين ما لقينات قلنا اكيد بو قديله قايدكم طار فيكم

وييييييييييييييي حسافه ما شفتج
اي عندي بنت وولد عمرهم 7 و 6 وبنتي الصغيره في العربانه

حسااااااافه والله ما تلاقينا
بس انا بألمانيا ما طلعت مع القايد الا رحله وحده اهي مدينه العاب ليقو لاند وكان هالكلام ثاني يوم 20 /7
وبعدها كل طلعاتنا بروحنا لأن ما عنده جدول واضح وكله بيودينا سوق او أوت لت
وفي يوم 22 دق علينا علشان يودينا معرض الشوارفسكي وقارمش وانا ادري ان مواعيده مو مضبوطه وهم ما ابي اروح قارمش لأني شفت الثلج في سويسرا ما ابي اروح له مره ثانيه قلناله مانبي نروح

ورحنا انا وزوجي وعيالي منطقه اسمها باد تولز رووووووووووعه فيها زحلاقيات صيفيه استانسنا وايد صراحه
والمنطقه راقيه وهاديه وكلها طبيعه وجبال ومناظر حلوه قعدنا فيها لي الساعه 3 الظهر وبعدها رجعنا ريحنا ورحنا السوق لأن كان باقي على سفرتنا يومين قلنا نتسوق دام ونسنا اليهال

بس انتوا قروبكم كله اشوفه باللوبي شنو قايدكم في ألمانيا ما يطلعكم ؟؟؟

 

[أم@الحلوين]

لا تتحسفين انشالله مره اليايه نتلاقا

امبلا في ناس راحوا بس بعضنا قلنالا محنا رايحين مكان بألمانيا خليناها للسوق والتشري

 

[أم عزيـز]

لا تتحسفين انشالله مره اليايه نتلاقا

امبلا في ناس راحوا بس بعضنا قلنالا محنا رايحين مكان بألمانيا خليناها للسوق والتشري

اي ان شاء الله المره اليايه اذا الله كتب لنا عمر يالغاليه

بصراحه المانيا ما يبيلها قايد
القطار تحتنا واي مكان نقدر نروح مو محتاجين لقايد
وحتى قطاراتهم سهالات وسوقهم يونس وجوهم كان روووووووووووعه

بس ما قلتيلي اشلونكم مع المطار والترانزين ؟؟
ان شاء الله ما طلع لكم وزن زايد وتأذيتوا ؟

احنا اشوا ما عندنا وزن زايد وكله سهالات لله الحمد

 

[أم@الحلوين]

اي صح المانيا ماتحتاج قايد والاندر قراوند تحتنا

. والله حمدالله كل شي سهالات والترانزيت بسرعه مر ما حسينه فيه

وما طلع علينا وزن حمد الله بس معاملة الالمان زفففففففت صح

 

[أم عزيـز]

اي صح المانيا ماتحتاج قايد والاندر قراوند تحتنا

. والله حمدالله كل شي سهالات والترانزيت بسرعه مر ما حسينه فيه

وما طلع علينا وزن حمد الله بس معاملة الالمان زفففففففت صح

اي والله وانتي صاجه معاملتهم مثل ويهم مالت عليهم
تخيلي اخر يوم بنطلع من الفندق مالت عليهم قالول لنا طلعوا جناطكم بره لا تحطونهم بلوبي !!!
قلنا لها ناطرين الباص راح ايي الساعه 12 ونص قالت اوكي
تصدقين الساعه 12 ونص بالضبط يت قالت يالله شيلوا جناطكم صارت الساعه 12 ونص
قلنا لها مايه الباص ناطرينه قالت مالي شغل طلعوا جناطكم مالت عليهم اشوه الباص وصل وشلنا جناطنا
الفندق كلش ما عجبني تعاملهم خايس
وحتى الغرف احس لأنها حق قروب منقين لنا أردى الغرف مافيها سيفتي بكس والثلاجه مبرمجه اذا تبين تشيلين اللي فيها تدفعين 20 يورو !!!! صج مصخره ويحجزون جوازاتنا ما دري ليش ‍!!!

احسن مافي الفندق ان تحته مطاعم وجمعيات واندر جراوند والوبي ماله كبير بس الخدمه والغرف كلش ما عجبوني
تصدقين طلبت بيبي بد قالولي ما عندنا !! قلت لهم انزين اكسترا بد قالوا ما عندنا ؟؟؟

واي قطيعه نفسهم خايسه

 

[أم@الحلوين]

والله نفس اللي سوه فينا فندقهم مالت عليهم وكل ماحطينه شي على الطاوله اللي بالرسبشن يقولون لنا شيلوه شالنفسيه الخايسه قطيعه حتى انا من النوع كل فندق لمن اييله اشيل كل اغراض اللي بالثلاجه اصلن مايصير نصلي وهالمشروب الويعه متروس بالثلاجه عاد انا اشيلهم واحطهم بجيس واحذفهم بالكبت واحط اغراضي مثل الماي والاجبان والعصاير في الثلاجه وعيالي من كثر ما كل دقيقه يطلعون الماي وشيلون العصير واهيه تصفر يوم بنسوي جك اوت جان يقولون حق ريلي عليك 140يورو عاد ريلي دش بلعومهم وعطاهم اللي ما عطاهم زمانهم جان يقولوله ماعليك شي

أم عزيز اشلون حاطه اسمج على صور تقريرج اذا ما عليج امر ممكن تعلميني؟؟

 

[أم عزيـز]

والله نفس اللي سوه فينا فندقهم مالت عليهم وكل ماحطينه شي على الطاوله اللي بالرسبشن يقولون لنا شيلوه شالنفسيه الخايسه قطيعه حتى انا من النوع كل فندق لمن اييله اشيل كل اغراض اللي بالثلاجه اصلن مايصير نصلي وهالمشروب الويعه متروس بالثلاجه عاد انا اشيلهم واحطهم بجيس واحذفهم بالكبت واحط اغراضي مثل الماي والاجبان والعصاير في الثلاجه وعيالي من كثر ما كل دقيقه يطلعون الماي وشيلون العصير واهيه تصفر يوم بنسوي جك اوت جان يقولون حق ريلي عليك 140يورو عاد ريلي دش بلعومهم وعطاهم اللي ما عطاهم زمانهم جان يقولوله ماعليك شي

أم عزيز اشلون حاطه اسمج على صور تقريرج اذا ما عليج امر ممكن تعلميني؟؟

زين تسوون فيهم مالت عليهم الظاهر من كثر الخليجين الي بالفندق قاموا ينفسون علينا مالت عليهم
اصلا انا حسين الفندق جنا قاعدين في سوق اليمعه من اللويه وصيحه !!!

حبيبتي التوقيع انا مسويته في الفوتوشوب اذا ماعندج برنامج الفوتوشوب ولا اشتغلتي عليه راح يكون صعب شوي عليج لأن فيه حوسه بس تقدرين في برنامج البرنت برش تكتبين اسمج على الصور وتصغرينه في برنامج بكتشر مانيجر

 

[الناعسه@@@]

السلاااااااااااااام عليكم
رديت من السفر صايرلي يومين
آآآآآآآآآآآآآآآخر مره ياسفريات الوسيط

 

[أم@الحلوين]

السلاااااااااااااام عليكم
رديت من السفر صايرلي يومين
آآآآآآآآآآآآآآآخر مره ياسفريات الوسيط

وعليكم السلام

حمد الله على السلامه


ليششششششش اشصاير؟؟؟؟