تجمع المسافرات الى لندن شهر 7 وشهر 8 ؟

[LA TROO7]

الرهف شكثر الميزانيه الي حاطتها للجنطه عشان اقدر اساعدج ؟

 

[الدلال]

اي صح بنات كل اسئلتنا عن السوق والمشترى ههههههههههههههه بس ماسالنا عن المطاعم نبي مطاعم عربيه حلووه
تكفون خلاص الجمعه برووح والله تعبت وانا انطر

انا بعد الجمعه, اي طيران انتي؟

 

[〓 ỉƬ'Ֆ ɱƸ 〓]

محد رد علي

 

[النظره الخجولة]

انا بعد الجمعه, اي طيران انتي؟

القطرية ياقلبي وانتي؟

 

[نيلفار]

هاااااااااااي حبايبي شلووونكم

اليوم رحت صورت حق الفيزا وان شاء الله باجر بروح السفاره



بسالكم التاكس يردونه بالمطار صح ؟

 

[LA TROO7]

hi

شلووونكم

انا بـ لندن اللحين صارلي اسبوع


ما رحت السوق الا مره


مريت بريمارك يشووووق والطابور الكاشير بسرررعه يمشي


شريت منه حزم عجيبه وكارديغان


بس امي تقولي اسعاره رخيصه اخاف الكوالتي مو شي

منو مجربته من قبل ..؟!


اليوم رحت الكنزوي
في مجمع اول مره اشوفه :×


شرايكم فيه
تعرفونه ..؟!


ووين في بدل حلوه كامله حق العيد مالي خلق اركب

وبدل سهره في حلوه بلندن

ووين ..؟!



<< كلش ما قرقت خخخخ :×

التركيب لازم بس تلاقين بدل راقيه وراكزة بالسلفرج هارودز ولقيت كم قطعه حلووة بمونسون بفرعهم الي مقابل هارودز واخذي لج فرة بشارع سالون ستريت تلاقين اشياء حلووة للعيد وللمناسبات مو لبس عملي


الحين دوووري ابي لبسسسسسس عمللللللللللللللي للدوام بس يكوون جوده+كشخه حلوها عاد

 

[نيلفار]

لاتروح شكلج ما شاء الله خبره بالسوق وذوقج حده نااايس



انزين وين اماكن ثانيه حق الملابس الكشخه ؟؟

وانا حاطه في بالي اخذ جنطتين ماركه تهقين جم يبيلي

 

[LA TROO7]

من ذووقج حبيبتي

والتاكس يردوونه بس مشكلتهم الزحمه على التاكس بالمطار لازم ترووحون مبكر والشباك يبطلع الساعه ست

العام انقهرت كانت ردتنا عالقطريه الساعه سبع الا ربع والتاكس فتح ست وطواااااااااااااااابير عليه ما امداني رااحت علي

وبالنسبه للسوق سالون ستريت وباوند ستريت كله محلات ماركات"بوتيكات"

والجناط شنوو حاطه ماركه في بالج ؟

اخذي وحده ماااركه شغل عدل والثانيه مااركه زوينه موو غاليه مو احسن ؟؟

مرت عمي خذت من ال في الكلاسيك مع بوكها ب700 باوند يعني 340 دينار تقريباا سعرها زين بس ترا كلاسيك

 

[نيلفار]

عيل زين احنا ردتنا الساعه 10 بليل والفندق راح يكشنا الساعه وحده وما ادري بهالفتره شراح نسوي فاكيد بنروح المطار مبجر
انا قلت اخلي 500 او 600 حق الجناط الماركه

 

[LA TROO7]

يكفي

اخذي لج ميو ميو شفت وحده رووعه ب600باوند يعني 280 دينار تههههههههههههههبل
والثانيه دووري لج شي حللوو

مع ان الهبه الحين شاانيل بس غاليه فووق ال800 دينار

 

[نيلفار]

هالميمو ضرووري اروح المحل اشوفكم وايد تتكلمون عنها بس بالضبط وين يصير المحل ؟؟

وشدعووه شانيل عاد الصراحه مو من حلات جناطهم

يمكن اشوفلي شي من لويس فيتون

 

[النظره الخجولة]

يكفي

اخذي لج ميو ميو شفت وحده رووعه ب600باوند يعني 280 دينار تههههههههههههههبل
والثانيه دووري لج شي حللوو

مع ان الهبه الحين شاانيل بس غاليه فووق ال800 دينار

حبووبه هاي بوتيكهم بروحه والا بالسلفرج وهارودز ؟

 

[LA TROO7]

هلا حلووات

ميو ميو موجودين بالسلفردج وبهارودز بالسلفرج تحت صووب صفه شانيل وبهارودز مو متأكده ووين بالضبط بس بالطابق الاول مو الارضي

 

[SupeR-GirL]

Hi Giirls How are you

اليووم وصلت لندن بالسلامه الجو عجييييييييييييييييييييييب ما شاء الله بررررد
والسوق شكله بشووووووق
مادخلنا محلات واايد بس سلفرج وماركس سنبسر

تغدينا بسلفرج الدور الراابع يللللللوع الجبد اول مره نجربه
امي سمته فرييج صويلح

مافي غيير عيووش المطعم الهندي وسندويجات فلافل
والباجي كل شي مخلص!!!
غاالي عالطل ما انصح احد يروحله

سندويجه فلافل مع بيبسي ب 10 بااوند !!!!!!!!!!!!! شدعوه

 

[مضاوي احلاهم]

بنات عفية ابي اسالكم جولندن في شهر 8 بارد والا دافي؟؟؟

 

[مضاوي احلاهم]

ليييييييييييييييش ماتردون علي ؟؟؟

ترا ابزعل علبكم ................[

 

[LA TROO7]

سوبر غيرل

الحمدلله عالسلامه نورتوا لندن والجوو اليوم حلوو هادي لامطر ولاهوا ولاشمس

شدعوا حنا غدانا هناك يوميا وسلطاتهم تهبببببببل والاسعار نفس اسعار لندن كلهاا لا اجورود اغلا بعد

حنا غدانا هناك ونتقهوى بمارك سبنسر البيسمنت

مضاووي حبيبتي الجوو زين موو برد حييييييل بس للصغار يبيله جاكيتات

 

[دن دن]

hi giirls how are you

امي سمته فرييج صويلح

الحمدلله على سلامتكم :eh_s(6): تو مانورت لندن
ياحلوو امج سلميلي عليها تكفين

سندويجه فلافل مع بيبسي ب 10 بااوند !!!!!!!!!!!!! شدعوه

اقوول بالكويت جم كرتون بيبسي تجيب الـ 10 باوند لووووووووول

 

[LA TROO7]

لاتقارنون اسعار الكويت بلندن لان راح تتعبون هههههههههههه

 

[mr000]

والله مضاوي ياريت آنا بلندن جان رديت عليج!!