تعالو يا بنات بفتحلكم نفسي وقلبي وابواب مكتبتي وبنغوص بتفاصيل حياتي وأغوارها(بالصور)

[rawona]

خوش كولكشن ..


عليج بالعافيه ومبروك القبول

​

 

[Om eL-3a9aGeeL]

ماشالله مو بس شوقتيني عالكتب شوقتيني اشوف داري مرتبة

واي ببجي .. ليش داري حوسة زيادة عن اللزوم ؟!

ماشالله عليج انا احب اقرا بس كسلاااانة =/

بهالصورة .. شنو احلى رواية فيهم ؟

ولو بنتعمق أكثر .. بسألج شرايج بكل من :
الشقيقات
مذكرات من نجا
مجد المهزومين
الآمال صارت آلاماً

بس جني مصختها :$

يعطيج العافية :*

 

[سلايل*عبس]

ماشاء الله جوجو خووووش مكتبه .... مبرووووووووووووك التخرج ... صرتي بنت تخصصي الحين بس زين ترا بيجوزلج التخصص لانه كله ادب بادب ابدي اقري روايات اجنبيه لانج راح تمعمعين بالروايات والمسرحيات والاشعار واللوحات بالجامعه مثل حالتي

موفقه حبيبتي واااااااااااالى الامام سر

 

[عهود الحب]

ياحلو كتبج وعفيسة دارج ومكتبتج
عسى ربي يوفقج بدراستج ويسهل امورج
ونستينا

 

[مرمر زماني]

ونااااااااااسه شان زين عندي وحده مثلج اتسلف منها روايات خخخخخخخخخخخخخ اموت بالروايات تعيشني بعالم ثاني بس حسافه انا اقطهم اول باول واموت علي روايات دانييل ستيل واخر روايه قريتها اسمها لعبه المرأه رجل لكاتبه سعوديه
ودامج تحبين الروايات نفسي في روايه اسمها ازمه عروس قريتيها تهبل انصحج فيها الكاتبه اسمها ناديه سعوديه

 

[زهور_2008]

ماشاء الله مكتبج رووووعة

الله لو تشوفين مكتبتي
شجعتيني اصور مكتبتي

 

[KittyCat]

حلوة ماشاءالله ز خليها دوم عادة القراءة و ماشاءالله حلو رسمج..موفقة

 

[Anastasia]

فديتكم بنوتات ..
يسلم بؤكن :d
.

ماشالله مو بس شوقتيني عالكتب شوقتيني اشوف داري مرتبة

واي ببجي .. ليش داري حوسة زيادة عن اللزوم ؟!

ماشالله عليج انا احب اقرا بس كسلاااانة =/

بهالصورة .. شنو احلى رواية فيهم ؟

ولو بنتعمق أكثر .. بسألج شرايج بكل من :
الشقيقات
مذكرات من نجا
مجد المهزومين
الآمال صارت آلاماً

بس جني مصختها :$

يعطيج العافية :*

ههههه
.
عشان التصوير عشتو مرتبة ولا ماعمرها صارت جذي هههه
.
الشقيقات : كمعظم روايات دانييل ستيل رومنسية .. تتحدث عن اربع فتيات شقيقات كلن لها مجالها عارضة كاتبة رسامة سيدة أعمال ولم شمل العائلة الشتيتة ..
.
مذكرات من نجا : شريتها من معرض الكتاب .. لكن مادري ليش حسيت انها ماتستاهل جائزة نوبل !
.
مجد المهزومين : أهيا ووخيتها شبيهتها (النبيلة الروسي) ضمن سلسلة لم احكم شراءها .. يعني شريتهم على بو انهم روايات منفصلة طلعوا ضمن سلسلة فقاعد انطر معرض الكتاب هالسنة عشان اكمل السلسلة
.
الآمال صارت آلاما : موجودة بجرير بس انا شريتها من مكتبة العبيكان من الخبر .. حلوة وتتحدث عن الأوضاع التحزبية والتشتت والربكة التي تستغرق عقول الشباب التركي ويكون الحل في التمعن بالنظم الاسلامية عوضا عن اليسارية والاشتراكية .. تدور في زمن السبعينيات القرن الماضي !
.
بعد

 

[Om eL-3a9aGeeL]

يعطيج العافية

ونسيت اقولج مبروك القبول والله يوفقج

 

[viva la glam]

عجيبه مكتبتج =)
مشكوره

 

[كوارين]

ماشالله خوش مكتبة

 

[ضحـاوي]

ماشالله عليج يعطيج العافيه خوووش مكتبه

ان شالله بعد تكبر اكثر واكثر

 

[LeGeNdS]

روووووعة ماشاء الله

ذكرتيني بتختخ وسندويشات الفول حقته ههههههههههههه
والشاويش فرقع .. والله ونااااااااااسة good times good times

مجموعتك مررررررررة تهبل .. إن شاء الله في يوم من الأيام أصورلكم مكتبتي أنا بعد ..


دمتـ بوّد ..

 

[dreamer_33]

خوش مكتبة ماشالله .. وتعليقاتج تونس اكثر :eh_s(6):

ذكرتيني بما مضى :0bee2e8d89: بس لا تسأليني شنو اللي مضى؟ :/ لووول


واحلى شي هالصورة :

فديييييييييييييييييييتهم ياحلاااتهم والله :hjy5jewf: قمة المتعة بالنسبة لي لما اقراهم .. يعدلون مزاجي بصراحة لما اكون مكتئبة ومالي خلق شي



ومبروووك التخرج والقبول عقبال البكالوريوس والماستر والدكتوراه بعد >>> خخخخ شتبين بعد دعوة طويلة الامد :dddds:

 

[غيدآء]

ماشالله ,,, وناااسه كتبج يشوقووون....

بغيت اسألج عن كذا روايه ,,,

بالنسبه لرواية مجد المهزومين ورواية النبيله الروسيه شنو نوعهم رومانسي والا اجتماعي وبغيت دار الكتب الي خذيتيهم منه بالمعرض...

وبالنسبه لرواية اماديا....شلون القصه حلووهـ؟ وهم بعد ابي دار الكتب الي خذيتيه منه هالروايه..

وشكرا

 

[Anastasia]

BaSmo
madam_cake
Rawona

يعطيكم الف عافية :tek:
.
عهود الحب
الله يونسج دنيا وآخرة يارب فديت قلبج حبيبتي
.

ونااااااااااسه شان زين عندي وحده مثلج اتسلف منها روايات خخخخخخخخخخخخخ اموت بالروايات تعيشني بعالم ثاني بس حسافه انا اقطهم اول باول واموت علي روايات دانييل ستيل واخر روايه قريتها اسمها لعبه المرأه رجل لكاتبه سعوديه
ودامج تحبين الروايات نفسي في روايه اسمها ازمه عروس قريتيها تهبل انصحج فيها الكاتبه اسمها ناديه سعوديه

وااي انا كنت نفسج بس هالسنة قلت شحقة اطشر رواياتي .. كا ماشالله مكتبة البابطين تجميع صاحبها والحين اكبرمكتبة ..
طبعا اكيد ماراح اصير نفسها بس يكفي ركن ثري خاص فيج بالبيت تفتخرين فيه جدام نفسج وغيرج
.
زهور_2008
حبيبتي .. انطر مكتبتج مو تبطين علي
.
KittyCat

بعد عمري انتي .. عيونج الحلوة
.
viva la glam

كوارين

*ضحاوي*

حبياتي حياكم الله
.
LeGeNds
و
dreamer-33

ايييي هههه . والجود شوط والمفتش سااامي هههههههه واااي واللموناااادة الباردة وزنجر فديت قلبهم والله طفولتي كلها قضايا غير محلولة منهم هههههه .. تخيلي اول بديت احقق بقضية كتكوتنا .. قطوة خاطفته وماكلته ولقيت بقاباه جبال بيتنا وقعدت احقق منهي هالقثطوة من بين عتاوية كل فريجنا بس ماجكيتها حسافة
دريمر خوووووش دعوة ولك مثلوه >>>مادري شنو ناقصج من القائمة جانه بكالريوس خذيتيه وجانه ماستر ولاجانه دكتوراة دعوة شاملة
.
حياكم الله _03BA:

 

[Anastasia]

ماشالله ,,, وناااسه كتبج يشوقووون....

بغيت اسألج عن كذا روايه ,,,

بالنسبه لرواية مجد المهزومين ورواية النبيله الروسيه شنو نوعهم رومانسي والا اجتماعي وبغيت دار الكتب الي خذيتيهم منه بالمعرض...

وبالنسبه لرواية اماديا....شلون القصه حلووهـ؟ وهم بعد ابي دار الكتب الي خذيتيه منه هالروايه..

وشكرا

.
نوعهم اجتماعي واحداثهم في القرن التاسع عشر اتوقع ..
بس حلوين انا اليوم قعدت اقرا النبيلة الروسية لغتها جمييلة ومترابطة .. والقصة بدايتها جدا مشوقة
.
اييي هالدار انا طحت عليها بالمعرض اللي طاف اسمها دار علاء الدين .. واايد واايد حلوة ورواياتها عجيبين يعني محد ترجمهم قبلهم .. هه اقصد يعني كتاب روسيين وكتاب مختلفين محد فكر يترجمهم عندنا بالعالم العربي :eh_s(1):
.
شريت منهم هالروايات ورواية ألوشا موجودة بالصورة جانها موواضحة هم روسية .. وروايا مذكرات "غيشا" لآرثر غولدن هالرواية عجيبة ولها فلم ..
وبغيت اشتري رواية مدحلي ياها الريال نسيت اسمها بس اذكر شكلها بعصر الأندلس جنه .. وقالي ان وحدة اشترتها ببداية المعرض عقب اسبوع يتهم مع رفيجاتها وشروا على عددهم .. قالي اشتريها اشتريها بس مشكلتهم رواياتهم غالين وانا شريت منهم خمس روايات وطلع حسابي بالتعش تعش قلت انا ياية عقب يومين .. ييت عقب يومين ولا مخلصة قالي تعالي عندنا بالشام واخذيها قلت لا عيل ننطر معرض السنة الياية
.
رواية أماديا
رووعة .. قصة حب في الحربيين العالميتين .. ومختلفة عن اسلوب دانييل ستيل المعتاد ..اذكر كتبت عنها برابطة دودات الكتب من زمان اذا لقيت الرد اراويج ياها
.
شريتها من معرض الكتاب ..الدار العربية للعلوم-ناشرون .. وعقب دورتها بجرير حق رفيجتي ماحصلتها ..
عاد مشرفتنا (رونة) تقول حصلتها بذات السلاسل .. لا تطوفج الرواية تينن بس النهاية شوي سخيفة
.
وأي سؤال انا حااضرة

 

[غيدآء]

امبيه جوجو شوووقتيني على دار الكتب الي بالمعرض سيفت اسم الدار علشان لي بطلوا المعرض الكتاب ارووح باذن واحد احد..

وبالنسبه للروايات الرووسيه هي فعلا حلوه انا قريت لهم كذا قصه وفعلا حسيت بحلاوة الحبكه عندهم وترابط الاحداث,,,,

بس للاسف الي قريتهم قصص قصيره شريتهم من الضمني وكل قصه لهاا كاتب معين...

وان شالله الاقي رواية اماديا..


ثاآآنكس سويتي ^_^

 

[وهج الحب]

السلام:
بل رجعتيني مليون سنه لوراء وذكرتيني بالماضي السحيق يوم ذكرتي قصص تختخ ولوزة وربعهم صج كنت اموت على هول القصص ..
وما شاء لله لا اله الله رسمك وايد حلو ... بس عورتي قلبي لانك ذكرتيني بدفاتر كنت اكتب فيها قصصي ومجلات قديمة منها الاعداد الاولى لليقظة وسييدتي وزهرة الخليج والمجالس وغيرها واشياء وايد كنت اكتبها على شكل مذكرات كنت حاطتها بصندوق الفضي الكبير وقافلته يوم تزوجت لانهم كانوا يريدون غرفتي ويشلون مكتبتب الكبيرة وحطيت الصناديق بالمخزن وطلعت سنه نظافة على اخواتي واخذا الصندوق وحطوه فوق السطح على اساس انه حديد ومش متأثر وبعد سنوات بعد زواج اخواني بغوا يهدوا البيت رحت اخذ كتبي الا ترا الصندوق كان صار مصدي وانفتح وكل المجلات ومذكراتي ودنيتي مختربة وما تسوى شئ الا القليل القليل اللي بالنص يعني طلعت بقصتين من عصارة مخي بس بمعنى الكلمة بس قصتين ..وكتابين قديمين ذهب مع الريح والجريمة والعقاب .. هم صح في منهم الحين وايد بس ذول النسخات الاولى اللي ترجموا وكان مترجمها يوسف السباعي ..ولها ذكرة عزيزة بقلبي ..

 

[وهج الحب]

السلام:
بنات اللي يحب القصص الروسية انا قريت بس يومني صغيرة قصة اذكر انها روعة لاني عدتها كم مرة .. اسمها الحرب والسلام لكاتب اسمه على ما اذكر ليوتولستوى ...
والجريمة والعقاب بعد بس ما يحظرني الكاتب الحين ومتكيسلة ازل تحت مكان واين احط القصص اللي انتهيت منها بس هي تعور الراس بس حلوة .. عاد انا اللي عندي مقطنه قديمة ...وكانت جزئين الحين اشوفها بالمكتبة جزء واحد ..