تجمع خاص للمسافرات علاج بالخارج لندن

[فديت حبايبي]

:68_asmilies-com:
حبيابي شلونكم انا اشوف تجمعات وانا قلت احطلنا هالتجمع خصوصا للعلاج بالخارج ومرافقين المريض انا الحين صار لي 20 يوم وجايه مع عمتي وام زوجي بنفس الوقت اهيا صالها 3شهور وما قولكم حكره وماكو ما رحت ولا مكان لانها نايمه بالمستشفى ومن الصبح لي الليل وانا عندهاللي مثل حالتي يازوني واذا نفس المستشفى نتجمع ونسولف ونحدد لنا يوم ونطلع مع بعض

اتمنى يكون في تفاعل بالموضوع:tek:

 

[Latina.Dee]

الله يفرجها عليج يارب وتحصلين الي بتونسج بالقرقة والسوالف ان شالله الله يشافي كل مريض يارب عاد والله انا مرت اخوي وخالي ومرة هناك بس ماعنقد بيروحون ههههه ما عليه هارلك

 

[فديت حبايبي]

امين يا قلبي
جزاج لله خير عالرد

 

[بلبل حياتي]

الله يصبرج ويعينج يا رب ... أنا ودي أحد يعلمني وين أروح وشنو أسوي إذا بروح أعالج في لندن ؟ يعني قصدي تعاملتوا مع مكتب صحي وسوا لكم كل الإجراءات وإلا بروحكم سويتوا كل شي ؟

 

[moone GRL]

ايواااااااااااااا اخيرا سويتوا تجمع


الله وكيلكم من فبراير وانا بلندن علاج طقت جبدي بس مليت ادور الكويتيات دواااره .. بس انا وابوي ومريضنا منوم بالمستشفى الله يشافيه

كان ب ال itu بس الحمد لله طلع الجناح الحين يعني حالته احسن صارت .. تمشيت وطلعت وقزيت لندن قز بس طقت جبدي قاعد اعد الايام ابي ارجع بس يحكمنا العلاج

انا ساكنه بالنوتينق هيل .. والمستشفى سوري مابي اقول اسمه بالعام بس معانا كويتين واجد بالمستشفى

واللي تسأل عن تعامل المكتب الصحي احب اقولها دجه وربي دجه .. ما يدرون عن شي مسطرين ستين الف دكتور بالمكتب الصحي بس زينه ما يدرون عن شي وكلهم وافدين ولا عمرهم زاروا المرضى الكويتين بالمستشفى او اطلعوا على حالتهم مادري ليش حاطينهم

خلوها على الله بس

واللي يبي اي شغلة او بسأل عن شي انا حاااضره باللي اقدر عليه

 

[**دانات**]

انا بروح اول 8 ان شاء الله الله يستر خايفة من الروحة

 

[ملاك-77]

عسى الله يردكم لديرتكم سالمين غانمين ياااارب

ويشافي مرضاكم ومرضى المسلمين

 

[فديت حبايبي]

ايواااااااااااااا اخيرا سويتوا تجمع


الله وكيلكم من فبراير وانا بلندن علاج طقت جبدي بس مليت ادور الكويتيات دواااره .. بس انا وابوي ومريضنا منوم بالمستشفى الله يشافيه

كان ب ال itu بس الحمد لله طلع الجناح الحين يعني حالته احسن صارت .. تمشيت وطلعت وقزيت لندن قز بس طقت جبدي قاعد اعد الايام ابي ارجع بس يحكمنا العلاج

انا ساكنه بالنوتينق هيل .. والمستشفى سوري مابي اقول اسمه بالعام بس معانا كويتين واجد بالمستشفى

واللي تسأل عن تعامل المكتب الصحي احب اقولها دجه وربي دجه .. ما يدرون عن شي مسطرين ستين الف دكتور بالمكتب الصحي بس زينه ما يدرون عن شي وكلهم وافدين ولا عمرهم زاروا المرضى الكويتين بالمستشفى او اطلعوا على حالتهم مادري ليش حاطينهم

خلوها على الله بس

واللي يبي اي شغلة او بسأل عن شي انا حاااضره باللي اقدر عليه

انتي اي مستشفى انا برويال فري هوسبتل بالهامستد وساكنه بشارع اللي فيه سوق السبت وربي ما يطولها لا علينا ولا عليكم
خلينا نتلاقى

 

[فديت حبايبي]

عسى الله يردكم لديرتكم سالمين غانمين ياااارب

ويشافي مرضاكم ومرضى المسلمين

امييييييييييييين ربي يسمع منج وجزاج لله الف خير

 

[scala house]

السلام عليكم ...
حبيت اسأل اختي في مستشفى متخصص بعلاج أمراض الدم ؟؟
وشلون اراجع الدكتور هل بموعد والا شلون ياليت احد يفيدني....
ياليت الرد يكون عاجل ...وجزاكم الله خير الجزاء

 

[فديت حبايبي]

السلام عليكم ...
حبيت اسأل اختي في مستشفى متخصص بعلاج أمراض الدم ؟؟
وشلون اراجع الدكتور هل بموعد والا شلون ياليت احد يفيدني....
ياليت الرد يكون عاجل ...وجزاكم الله خير الجزاء

هلا ولله عندج مستشفى رويال فري هوسبتل دكاتره جدا ممتازه اهوه مستشفى حكومي بس فيه قسم خاص للخليجين وطبعا قسمنا بفلوس مو بلاش واذا تسالين عند مواعيد الدكتور انتي جايه على حسابج والا على الحكومه عشان افبدج اكثر
اااااااااااي صج الدكتور برفسور شاطر اسمه ستيف ماكنون

 

[moone GRL]

كل المستشفيات الحكومية بلندن يكون فيها اجنحة او اقسام خاصة يعني بفلوس


بشكل عام مستشفيات الحكومة عندهم خرطي بس لانها ارخص مكتبنا الصحي يدور الرخص


انا بلندن بريدج هوسبيتل وهو خاص .. المستشفى زين ودكتورنا بروفيسور شاطر حيل بامراض الروماتيزم والدم


scala house .. على حسابج بتعالجين ؟


صج ام دلول شلون الاجارت ما زادوها عليكم بالصيف ؟ انتوا من متى بلندن ؟ علاجكم مطول ؟

 

[عمة الزين]

الله يشافي مرضاكم ومرضى المسلمين ياااااااااااااااااااارب ويردكم دييرتكم سااااالمين غانمين امييييييين

 

[همسة فرح]

هلا والله مشكوره على هذا التجمع انا بلندن من اول ابريل وانشالله بروح يوم السبت وانا الحين اعد الساعات متى اروح بصراحه مليت هذي ثالث مره اجي وكل مره اقعد ثلاث شهور انا علاج لبنتي الحمدلله سوت عمليتها قبل ثلاث سنوات بس لازم نرجع نجيك كل سنه الله يشافي كل مرضاكم والله يرجعكم وياهم سالمين انشالله لاحلى ديره بالعالم

 

[فديت حبايبي]

كل المستشفيات الحكومية بلندن يكون فيها اجنحة او اقسام خاصة يعني بفلوس


بشكل عام مستشفيات الحكومة عندهم خرطي بس لانها ارخص مكتبنا الصحي يدور الرخص


انا بلندن بريدج هوسبيتل وهو خاص .. المستشفى زين ودكتورنا بروفيسور شاطر حيل بامراض الروماتيزم والدم


scala house .. على حسابج بتعالجين ؟


صج ام دلول شلون الاجارت ما زادوها عليكم بالصيف ؟ انتوا من متى بلندن ؟ علاجكم مطول ؟

لا بالعكس المستشفى دكاترة خوش دكاترة بس الخدمه مو شي احنا اول شي كنا بالكروميل هوسبتل وماعجبنا الدكاترة ما يمرون علينا الا كل اسبوعين مره والخدمه5نجوم بس رويال فري هوسبتل الخدمه نفس الصباح ومبارك
اجارنا طال عمرج 600باوند احنا كنا بالبارك ويست عزكم لله زبالة وغرفه وصالة وحمام بابه مايسكر والمطبخ 3مرات الجوله طقت بوجهي والمكان كله فيران والاجار750باوندواخر يوم طقت الجوله حيل وفصلت الكهربا تخيلوا قعدنا يوم وشي بدون كهربا راح زوجي ودورلنا شقة وطلعناقبل لا يخلص الوقت بيوم
وعلاجنا انشالله اسبوعين وخالصين صالنا 3اشهر بلندن
وانتي

 

[فديت حبايبي]

الله يجزاج خير يا عمة الزين وربي يسمع منج انشالله
لله يردكم بالسلامه يا همسة فرح وعساكم ما تجون لندن ولا غيرها الا للوناسة انشالله لله يتمم عليكم فرحتكم انشالله

 

[اشتاق الى الجنة]

يا هلا والله ومرحبا بتجمعكم الطيب عسى الله يشافي مرضانا ومرضاكم ومرضى المسلمين

الله يردنا لديرتنا سالمين باذنه يا رب

انا في لندن صارلي شهر واسبوع
ادعولي بالذرية الصالحة

 

[فديت حبايبي]

هلا فيج مس جاندوفلي ولله يصبرنا كلنا ويردنا ديرتنا على خير ومتشافن معافين وانتي حامل انشالله وتقولين مشتهيه اذوق طبخج وانا اقولج مابي
لا ولله اتغشمر اقول حاضر انشالله ومن عيوني
انتي وين ساكنه خلونا نتلاقى نفرج عن همنا
انا بالنسبه لي ماشفت من لندن شي غير المستشفى

 

[toto2006]

الله يشافي مرضاكم.. احنا انشالله بنروح لندن 16 /8 ولدي عمره 4 اشهر حاشه التهاب بالمخ و الحين قاعده على الموعد و بين مستشفيين GOSH ; portland hosp> انشالله بنسكن باجورد رود و مادري ليلحين شكثربنقعد و اكيد بيحوشنا رمضان

 

[الافنيوز]

هلا بنات اشلونكم جميعا
الله يشافى مرضاكم ومرضى المسلمين ويردكم باسرع وقت
موووون

ويييع شقق اجور رود ام الفيران تلوع الجبد من سنتين رحت مرافقه انا وزوجى حق حماى الله يرحمه اجرنا نفس عمارتكم اغشمه ماندرى ويطلعلى فار بالشقه واااااااااااااااااااااااااااااااااااى وييييييييييييييييييييييييييييع وقفت عالطاوله طلعنا من الشقه والا ردنى الكويت قلت حق زوجى
يا انا يالفار والحمدالله طلعنى ورحنا بعدين قبال كروم ويل هزبتول خوش استديو انا وزوجى 350 بالاسبوع
مجربه مرافقه المريض الله ايعينكم وصبركم
انا الحين بليدز بره لندن صج فرق عن لندن ووساخه لندن وشققها الشقه الى انا فيها صارلها اربع سنوات يديده مودرن كانك باكيا وتطل عالنهر تهبل بصراحه والجو نقى لاديزل ولازحمه وبصراحه فيها احسن المستشفيات واقدمها وفى كثير يايين للعلاج
بس مافيها خليجيين وايد مثل لندن يعنى المرافق راح يمل لان مافى تجمعات للخليجين بشارع معين الواحد يتسلى معاهم
والله لاايطولها من شده واردكم بالسلامه