التجمع الثاني .. مسافرات امريكا 2009 ... حياكم

[عروس الدنيا]

عروس رحت الملينيوم مول

كل الماركات عندهم

وبميامى اكو مجمع ناسيه اسمه اسال ريلى وارد احطلج اسمه كله ماركات

وعندج دولفن مول ايننن

نوردستورم عندهم استوكات الماركات الاروبيه

ايي رحت الملينيوم عجبني هل مجمع ... اكثر واحد عجبني اهني و بميامي انشالله اروح

 

[rawona]

عروس

ام خلودي

سماسم

ميسوره


مرت ريلها

دلال


ام البنين



شلونكم؟؟


عروس البهاماس بريز انتي ما تحبين الاكل البحري وانا احلى شي كليته عندهم اللوبستر والشريمب بس غيرت الصوص لانه كان فيه كحول ..

شوفي ريلي عادي ياكل تشيكن وجذي .. فعندهم بالابتايزر التشكين وينغز حلو


سماسم انا قبل كنت اكل عادي لحم ودياي لووول بس يوم شفت السالفه فيها شك بطلت!! وقلت خليني على السي فود والفيجتابلز ..

ام خلودي << ترى صاجه عروس هالسنه السوق بامريكا مو شي مادري ليش يمكن من الازمة الاقتصادية الظاهر طلعولنا الستوكات بس!! بس هم شرينا ماكو فايده هيهيهي




​

 

[rawona]

ايي رحت الملينيوم عجبني هل مجمع ... اكثر واحد عجبني اهني و بميامي انشالله اروح

انا مووووووووووت بالملينيا احلى سوق عندي باورلاندو وايد احبه..

شوفي اذا تبين ماركات بميامي لا يطوفج bal harbor عجيب وتصميمه وايد حلو .. لا يطوفج نيمان ماركوس وساكس فيفث افنيو و محل توري بيرتج و اذا تبين ماركات ال في وشانيل و غوتشي وديور .. كلهم اهناك ..​

 

[عروس الدنيا]

راونا بنروح السي ورلد اليوم ؟؟ متى نطلع و نروح لها افضل وقت ؟؟
انا ما احب من ال9 لان الشمس تشق روسنا

ابي احسن وقت للعروض و جذي

 

[المستبــده]

قوووه بنات شلووونكم

احنا الحين ترانزيت حق نيويوورك

طرنا من لاس فيغاس
واي يا بنااااات
الطياره تموت من الخرعه
هزت فينااا هزز مو طبيعي
تخرررررع
والله اكتب وايدي ترجف من الخووف
والحين ميته خوف من الطياره اللي حق نيويوورك

اقول حق ابوي انا كل طياره اركبها جذي يصير فيني
كرهت السفر خلاص

 

[semaasem]

هيلووو قيييييييييرلزززز


هاااو ار يووو


اليوم رحنا السنتري 21 وما مداني اروح ولا موعد من مواعيد الصالون عروسه في صالونات حلوة باورلاندوو؟؟؟

عروسه لقيتهم الشيلات حصلتهم وخذيت موسكينو وآيسبرغ بس داخ راسي يتني دورة وما قدرت اكمل طلعت لان ززززحممممة مالج محط

ريل عندهم وانا ما اعرف اتسوق جذي وكنا مو متريقين الصبح ماعرف بالزززحمة آخذ راحتي احس ادوخ ولا الاغراض حلوة وايد بس

حسافة صارلي موقف اول ما دخلنا شريت خمطت جناط قيس واقنر آآآآآآخ عالاقنر روووعه وريلي خذا بواكه لاكوست وتومي واغراض وايد

المهم ولدي كان ماخذ لعبه وريلي قال هذي ما تنفع بيبدلها ما مدانا شوي دقايق اي دقايق ثواني بس خليت العربانه مادري السلة مالتهم لانها

متروسة اغراض شثقلها وماقدر ادزها من الزحمة يادوب تطوفين بين الناس ولما رديت مالقيتها

والاغراض بااااااح رحت ادورهم لقيت الارفف فاضية واااااي احتريت على اغراضي منقيتهم نقوه وكانوا اخر حبة بس يالله الله كريم

شريت بدلة حق بنتي حق عيد الاضحى لانها شتوية امبببه روونه صج نفس البدل اللي طلبتيهم حق بناتج انتي اللي قلتي طلبتيهم طلبية؟؟؟

لقيت نفسهم وماعليهم ديسكاوند نيو كولكشن خذيت لها النفنوف والجيجي والبلوزة وجاكيت قصير كلهم طقم ملونين ياربي وانا اشتري

اقول ياربي انا هالملابس مارين علي بس وييييييييين وعصرت مخي قلت لو عليهم سيل يمكن شايفتهم على احد لاني ترددت بالبداية بس

بعدين تذكرت ان وحدة من البنات هني طالبتهم واذا ماني غلطانه يمكن روونه صح؟؟؟ لان عندج بنيات اسم الله عليهم عدل؟؟؟


صح روونه؟؟


بس ريلي توه معطيني انذار قالي اذا استمرينا على هالحالة هني راح نعلن افلاسنا ومايبقى لنا شي حق اورلاندو بنات نيويورك غالية

اقصد مطاعمهم وهالسوالف امس القايد يقول اللابستر الواحد تشترونه من التايم سكوير بسعر 3 لابستر نفس الحجم بره ومل وهو يقول

البيتزا احسن بيتزا تاخذونها من بروكلين و2 مادري 3 بسعر بيتزا وحدة احس يبون الناس تتوزع بس محد يروح والاسعار نار وشرار هني

وانا ما احب احط حساب حق كل شغلة يعني اذا دشيت مطعم ناخذ اللي يعجبنا من مقبلات وسلطات وشوربه ووجبات رئيسية وحلو بعد

بس شكلنا راح نمسك نفسنا وأساسا المطاعم هني ليلحين ماكليت الشي اللي حطمني لوول حلوة حطمني بس لان مانقدر ناكل اي شي

وهم نخربط عالفاضي ليلحين مارحت ريد لوبستر مخليته حق اورلاندو ولا تشيز كيك فاكتوري غير البانق بانق بعد شنو تطلبون ؟؟


بنات ابي مطاعم عربية تعرفون مطاعم لبنانية مثلا او مطاعم هندية ياربي مليت من هالاكل ابي أهبسسسس لووول بسم الله ما مداني

طبعا المطاعم باورلاندو قصدي لان باجر اليوم الاخير لي بنيويورك واللي بعدوووو اورلاندوووووو ان شاء الله


اي في سالفه تضحك عالماشي كمان اليوم لحقني مصري قطيعه حتى هني يغازلون ريلي وولدي سابقيني وطاق مطر وانا ماسكة كامرة الفيديو

وماشية وبيدي الثانية شمسية وقاعدة اعلق على كل شي اصورة عاد اندمجت باعلان وزومت عليه ولما بعدت ولا يطلع لي واحد من بين

الناس بهالزحمة ويسألني انتي صورتيني انا اخترعت جان اقوله لا ماصورتك جان يقول اذا صورتيني راح اخذ الشريط هو يتغشمر بس

انا من الخرعه علبالي من صجه جان اقوله لا ماصورت جان يقولي تفضلي معاي عاد انا دوروني بين هالزحمة بس ادور ريلي واخر شي

امشي وهو وراي مادري شيقول وانا طيارة اخر شي وقف عند رفيجه يبيع بالعربه اللي نفس الكشك اللي يبيعون اكل وانا رحت لصقت

بريلي لصصصصصصقه وخليت الكاميرا تولي وبس اتلفت وراي سبب لي رعب يممممه


اي وبشتري شمسية لان طق مطر واسأل الريال هاو مج؟؟ ( حلوة هاو مج لووول ) جان يقولي تطلع بالكويتي 12 دينار قلت له شدراك

اني كويتية ؟؟!! واااي كل شي يعوفون جان يضحك ويسولف وقالي منو معاج هني ناديت له ريلي وسلم عليه وطلع خوش ريال


والله يا بنات المحجبات هني وين ما اروح يسلمون علي يحليلهم خواتنا في الاسلام لووول


عيون وينج مارديتي علي؟؟

 

[semaasem]

قوووه بنات شلووونكم

احنا الحين ترانزيت حق نيويوورك

طرنا من لاس فيغاس
واي يا بنااااات
الطياره تموت من الخرعه
هزت فينااا هزز مو طبيعي
تخرررررع
والله اكتب وايدي ترجف من الخووف
والحين ميته خوف من الطياره اللي حق نيويوورك

اقول حق ابوي انا كل طياره اركبها جذي يصير فيني
كرهت السفر خلاص

وااااااااااااي يمممممممه اسم الله عليج والله انا هالمرة جذي صار فينا هززت فينا هزززز

انشهرت قمت اصرخ بسم الله بسم الله ولما نزلنا بالطابور مصري يسولف مع ريلي جان يقوله بس في وحدة معانا

قامت تسمي وتكبر وتذكر الله هي اللي حفظت لنا الطيارة جان يقوله ريلي هذي مراتي ويأشر علي لووول فظحني

والله انا تلقيني الاذكار ودعاء الركوب ودعاء السفر ودعاء دخول القرية والبلد يعني حصن المسلم لازم معاي واعطي

ريلي يقرى بعد علشان الله يحفظنا توكلي على الله ولا تخافين بس عليج بذكر الله والله الحافظ

بس ممكن أسألج انتوا على اي خطوط؟؟؟

خلييتيني احاتي انا عقب باجر رايحة اورلاندووو:eh_s(1):

 

[semaasem]

روونة


تصدقين ان في وحدة متابعه تجمعنا ماراح اقول منو هي بس كنت اتمنى انها تشاركنا وانا طلبت منها هالشي وان شاء الله تشاركنا

المهم انها نصحتني اني ما أطوف سيرك لانوبا و.....اذا تسمح لي الاخت العزيزة اللي اشكرها من كل قلبي على هالرسالة وهالنصيحة

الله يجعلها لها في ميزان حسناتها اعذريني اختي بس لازم انقل نصيحتج علشان يستفيدون منها باجي البنات وعنوان الرسالة انصحج بالسيرك:


اختي العزيزة سماسم ،

انا متابعة تجمعكم وتوني قريت رد العضوة عروسة ، استغرب ليش

ما عجبها السيرك؟ أنا رحته في صيف 2007 وبصراحة كلمة روعة

شوية عليه ، تدرين انا ليومج اتذكر كل فقرة قدموها وخاطري من قلب

ارجع احضر عرضهم.

من فترة كانوا زايريين دبي ومسويين عروض والله اني لما كنت اشوف

دعايتهم على mbc4 كانت عيوني تدمع أتذكر السيرك!

توكلي على الله وروحي السيرك وان شاء الله بيعجبج.

ما حبيت اكتب بالتجمع خفت تصير حساسية ولأن تدرين الناس اذواق.

الله يسعدكم وتردون سالمين



هذي كانت رسالتها يزاها الله خير بنت الحلال ماقصرت ومسيجينه خايفه من عروس لا تفهمها غلط لهدرجة تخرعين البنات عرووسووو

لووووول لا والله بالعكس الله يعلم اني شرحت لها الوضع عندنا بالتجمع شنو؟؟ وشلون احنا خوات ونفيد بعض بتجاربنا... وياليت

أتمنى انها تنورنا بمشاركاتها واتمنى تحط رسالتي ردي لها مثل ما انا حطيت رسالتها لي علشان البنات يعرفون شنو قلت لها


وعلى العموم لو لا اختلاف الاذواق لبارت السلع ونظل احنا خوات وحبايب وطبعا هالشي اكيد بس علشان تعرف الاخت هالمعلومة

ولازم تعرف ان عرووسه مو نسرة النسرة .......ولا ماني قايلة كلكم حبايبي واموت فيكم لوووول

 

[شلحاطه]

السلام
بغيت اسأل عند الجو في رمضان بأمريكا
ومتى يأذن المغرب
اتمنى ان تفيدوني
وشكراا

 

[منورة الكويتية]

صباح الخييييييييير


بنات امس خذيت موعد بصالونين بس محتارة مادري اي واحد اروح واحد مادري جم سعره بس خذيت موعد بس شكله واااو وكشخة


والثاني يبيعون فيه اغراض الصالونات وقالت لي كيراتين حسبته بالدينار يطلع 65 وشي مو جنه غالي لان شعري حاشته حششش

قصير يعني بنفس يوم السفرة حشيته بسوي نيولوك للسفرة بس مو عاجبتني القصه وايد بغيرها شوي كان شعري طوييييييييييل مخليته

حتى اللي بالصالون تقولي يو تيل يور ماذر يعني قلتي حق امج بتقصين شعرج جذي خايفه تقصه مو مصدقه قلت لها انا ماذر لووول

ماصدقت وبعدين اسألتني يو تيل يور هازبن وليييين ما نخلص عاد قصت الطويل ومسكلته وقالت لي تبين تاخذينه معاج؟ واااي يمه

تقولي انا علبالي انتي بالهاي سكول ونستني الله يونسها وحتى هني الصالون الثاني نادت رفيجتها وقالت لها ان هذي عندها تو بيبي

وقالت قصة حياتي مادري ليش علبالهم انا صغيرة وناسة يستغربون لما يشوفوني ماسكة ولدي يطالعونه ويطالعوني هني ما اييبون عيال

الا لما تصك اعمارهم مليون سنه لووول والله شفنا واحد ومرته مولايقين عليهم عيالهم الام عيوووز والابو شاااايب والعيال توهم صغار

هذيلة فيهم شده يربونهم؟؟ اقول حق ريلي هذيله لو عندنا جان صاروا احفادهم ملاحظين معاي شلون داشن باخلاق الناس لووووول



بنات خلوني أضحككم شوي عالماشي....كل ماركبنا الباص السياحي ومرينا صوب البرجين اللي ضربوهم ولا اي شي نفس طاري هالسالفه

اللي معانا بالباص يطالعونا بيشوفون ردة فعلنا انزين واحنا شكوو؟؟ ليش مسلمين يعني عاد مرة مرينا على الكروت التذكارية اللي مسوينها

على سالفة هالبرج ونمر على النصب التذكاري اللي مهديته المانيا اعتقد على اساس سالفة هالبرجين ويقول القايد انه كان يوم مروع وفظيع

عاد قاموا يطالعوني جان أسوي روحي اني ضايق خلقي ووايد متأثرة بالموضوع واهز راسي علشان اعبر لهم عن شعوري لووول

اي لازم يعرفون ان احنا شكوو وان احنا ضد هالشي ومتأثرين فيه وان الاسلام بريء من الارهاب...



المهم كيوت

ماحصلت الكيراتين اللي قلتي عنه بس اللي بالصالون قالت لي اللي احنا نستخدمه خالي من الفورمالدهايد بس مايبيعونه بس يسوونه


بنات شرايكم في صالونات باورلاندو اقدر اسوي شعري فيهم ولا اسويه هني؟؟ مابي استعيل شرايكم؟؟ احس اسارهم غالية هني



عروسة مشكورة بجرب الاوريجينال



بعد بنات ابي تجاربكم شنو تطلبون بالمطاعم اللي ذكرتها



اي نسيت اقولج عروس امس رحنا المجمع اللي قلتي عنه بالتاكسي وااااي فظيع بس تونا داخلين جان يقولون بنسكر وماخذينا شي بس ماشفت

فيه شيلات كلللش اي صوب قصدج؟؟ نزلت بالسرداب ماكوو؟؟!!! بس والله بعد قلبي مشكوورة على هالمكان ان شاء الله بنرد له مرة ثانيه


بس تصدقين نيويورك بسرعه تصكر محلاتها ما كو مجال نتسوق بالليل ليلحين ماشفنا سوق ولا رحت اي سوق طلعاتنا ليلحين كلها مقالب

ومفاجآت ما تخطر على البال راح اقولكم عنها بعدين بس رحنا السنترال بارك وركبنا الحنطور وغنيت بركب الحنطور وأتحنطر وصورنا

يم النافورة اللي صوروا فيها مسلسل فريندز اللي بالاغنية بس المشكلة اني متقيدة بولدي وريلي وااااااي يننوني بالسفرة وريلي كله يبي

يريح ضاعت الايام واحنا بالفندق نريح امس طلعت بروحي طقت جبدي مليت بس ماشفت ولا شي من الخرعه وماسكة جنطتي عدل وكل

تراوالي احد يراقبني خااايفه وماشريت شي خفت لا اضيع انا خوافه بس باس قوي لووول شكو طالعه بروحج عاد مثل ماطلعت رديت

ماشريت شي من الخرعه بس شفت الصالونات وبسرعه رديت

ميسورة حياتي


لعيونج بس احلى تقرير حق احلى ميسورة تستاهلين وييييي عاد انا اذا كتبت تقرير شيخلصه من الهذرة يبيله مليون صفحة لوووول


وبالنسبة حق ولدي والله قلت له قول بسم الله واكل وقال هو الحمدلله معودته يسمي بس فظحنا امس بالمطعم جونيورز شاف بالمنيو صورة

خنزير قام يقول تدرون هذيله قذرين بصوت عالي وطول ما احنا ناكل وهو يقول هذوله قذرين ياكلون خنزير ياكل وصخ لووول واي ولدي

طماشه ولا اذا هاوشه ابوه طبعا مايقدر كل يهدده بالفندق بيتوحد فيه كل يقولي هذا اللي بيدخلني السجن بس خل نوصل الفندق وتشوف

ويقعد يهاوشه يقوله ولدي يبا هذي مو دولتك هذي دولة الناس (يعني مو على كيفك تهاوشني وتزفني) لووووول والله طماشه

وانا ضايعه بين هالاثنين نراضي هذا ذاك يزعل ونراضي هذاك هذا يزعل والله ريلي وولدي ونجرتهم تقولون ديج وديايه لوووووول

الله يعيني ويصبرني عليهم بس شسوي حبايبي عسى الله يخليهم لي ان شاء الله


وبالنسبة حق الصوغه ولا يهمج حياتي راح انوي اشتري لج صوغه يا قلبي تستاهلين عمري

بعد قلبي سمسووومه ايه القمال ده كولووووه طلعتي صغيره ع الحب _03ba:

عاد الله الله بهالسوالف جدام ريلج خليه يحس بالكنز الي عنده

وعلى طاري الكيراتين اهما يعرفونه بهالاسم ولا له اسم ثاني؟ انا ودي اسويه عقب الولادة واقص واصبغ بس مادري وين خايفه

وانتي تشترينه منهم ولا اهما يسوونه؟

واذا يسوونه لج ب 60 ترى احس زييين لان بالكويت بالاميات

بس تدرين ترى نيويورك معروفه غاليه يمكن بولايات ثانيه تلقينها ارخص

وصالونات بروفشنال اتوقع ب لوس انجلوس تلقين ناس على مستوى خصوصا ببفرلي هلز

والله يحفظلج عيالج يارب وابو عيالج ويونسكم ويرجعكم بالسلامة يارب

بنات اشلونكم جميعا

سماسم بعد عمري والله اني لما اقرى مشاركتج مستانسه
ولدج وكليه من ماك ياهل اشعرفه حلال ولا لا مايفهم اذا احنا الكبار اذا طقنا الجوع قفل مخنا
وابي اسمع مغامراتج بدزني واذا رديتي يبيلج تحطين تقرير بروحج مفصل بس سماسم ههههههههه

منوره اشلونج واشلون نونا وابوها قاعده تراجعين الطبيب

حبيبتي والله كلنا بخير الله يسلمج ويخليج
ورحت مراجعات العيادة والمستشفى اكثر من مررره وعنايتهم توب ماشاء الله
انتي شلووونج ومتى موعد السفرة النهائي
اذكرج كنتي اول وحدة بتروح سبحان الله شلون الامور تتغير كلها خيره ان شاء الله

 

[عروس الدنيا]

لوووووووووووووووووووووووول سماسم ....

ضحكتيني الله يقطع بليسج ... شوفي الاخت الي تقول عن السيرك ترى صاجه يمكن بس انا شايفه شي اقوى فكنت ناطره ان هذا يصك علييه
بس الي معاي استانسوا و حبووه حتى عيالي
بس انا رايحه سيرك اقوىىىىىىىىىىىىىىىىىىىىىىىىىىىىىىىىىىىىىىىىىىىىى


و اهو موجود بالنت بس مو واضح مثل لم تكونين هناك
و سنتري 21 حرام طوفتي الشيلات لان باورلاندو مافي شيلااااااااااااااااااااااااااااااااااااااااااات

و الاكل بنيويورك مثله مثل غيره من الولايات فرق التاكس مو وايد

>> تدافع عن نيويورك لان تحبها

مادري انا حبيتها ما ارضى تقولون غاليه
يعني شنو الغالي فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟






و اورلاندو ثلج ثلج اشتري كوت للبرد لوول
لا بس ترى امس و اليوم مطر و الجو اهون
يمكن هذا نورج الي سبقج و عدل الجو لعيونج << الحمدالله و الشكر ينييت

اليوم رحت بروح جيز كيك فاكتوري و لا ذيج الزحمه ... الي قبيييييييييييييت

و بس ما عندي تفاصيل اخرى

 

[عروس الدنيا]

بناات

بقولكم سالفة اليوم ... رحت احاسب بميسيز و لا الكاشيره << مرت الكاشير
قالت لي تعالي المكينه الثانيه المهم سبقتها و لا تي جان تقولي ريحتج واااايد حلوه .. و انا مالي خلقها قلت لها ثانكيو
بعدين رحت لريلي كان بدور ثاني و كنت مخليه عنده نفنوف .. المهم قايسته و طلعته قلت له ابيه روح حاسبه
يوم راح يحاسبه و رد قالي ان الكاشير قايلتله هل نفنوف حق منو ؟؟ حق مرتك
قايل لها ايي
قايلتله اهي قايسته ؟؟
قالها ايي
قايلتله ريحتها وااااااااايد حلوه ... و هذي غير ذيج
و امس بنت خالتي نفس الشي كنا بديزني بالدور و الزحمه و لا تقول العن خيرج لي الحيين ريحة عطرج قويه اشحاطه

المهم الزبده ان العطر اهو عطر امنيه من بولقاري الاخضر و الفضي
يلا ركض اشتروا :dddds:

 

[ام البنين2000]

السلام عليكم ياحلوين شلونكم

سماسم من طريقت كلامج امبين انج مستانسه والحمد لله وان شاء الله تستانسين اكثر واكثر

ميسوره حبيبتي عيالي بخير والحمدلله تسلمين ياعمري

منوره وعروس انا اطلب من الرد لوبستور seaside shrimp اهوا عباره عن ربيان بالبقصمات وربيان بصحن صغير مع الزبده وسباغيتي الربيان بالكريمه بس انا يعجبني واايد ومافيه واين والحمد لله تري وريلي يطلب orleans shrimp jambalaya عباره عن ربيان ويا العيش بس اهوا سبايسي للي يحب الفلفل

انا اليوم رحت لاهويا الجو كان عجيب ولبست ولدي لصغير جاكيت تري المكان حلو والقعده فيه ترد الروح والشارع كله محلات وكافيهات
شريت من ارماني حقي وحق عيالي لكبار والبنت اللي بالمحل كانت عربيه فسوت لنا خصم لمي عرفت انه نحنا عرب يحليلها احنا اول ما كنا نعرف انها عربيه بس انا كنت ببدل حفاضة ولدي ومتوهقه وكلم زوجي اقوله ابي حمام ولا اهي تدخل وتقولي دخلي غرفت التبديل بدليله يحليلها كانت وااايد حبوبه ... بنات اللي بكاليفورنيا لا يطوفون لاهويا تري تغيير جنكم بقبرص

 

[Simply_The_Best]

سـلام بنـات ...... سماسم شخباركم ؟ سـوالفـج و طـريقتـج تضحك لوووووول .... ودي أشـوفج و إنتـي تسولفيـن

عـروس شفتـي المطر اليـوم .... كنـا بالماجيك كينجدم ... لوعــة كل ساعـة داشين محـل و قاعديـن

أم البنين ... شلونكم لاهـويـا رووعـة ...!! شفتـوا childrens pool ? الي كـله فقمـات على اليال

 

[مشمشة رمانة]

السلام عليكم ياحلوين شلونكم

سماسم من طريقت كلامج امبين انج مستانسه والحمد لله وان شاء الله تستانسين اكثر واكثر

ميسوره حبيبتي عيالي بخير والحمدلله تسلمين ياعمري

منوره وعروس انا اطلب من الرد لوبستور seaside shrimp اهوا عباره عن ربيان بالبقصمات وربيان بصحن صغير مع الزبده وسباغيتي الربيان بالكريمه بس انا يعجبني واايد ومافيه واين والحمد لله تري وريلي يطلب orleans shrimp jambalaya عباره عن ربيان ويا العيش بس اهوا سبايسي للي يحب الفلفل

انا اليوم رحت لاهويا الجو كان عجيب ولبست ولدي لصغير جاكيت تري المكان حلو والقعده فيه ترد الروح والشارع كله محلات وكافيهات
شريت من ارماني حقي وحق عيالي لكبار والبنت اللي بالمحل كانت عربيه فسوت لنا خصم لمي عرفت انه نحنا عرب يحليلها احنا اول ما كنا نعرف انها عربيه بس انا كنت ببدل حفاضة ولدي ومتوهقه وكلم زوجي اقوله ابي حمام ولا اهي تدخل وتقولي دخلي غرفت التبديل بدليله يحليلها كانت وااايد حبوبه ... بنات اللي بكاليفورنيا لا يطوفون لاهويا تري تغيير جنكم بقبرص

قووووة بنات اشلونكم شخباركم

ام البنين شخبارج اشلونج .. لاهويا موفي سانديغو .. احنا كل مانوينا نروح لوووول يصير عندنا شي ياخرنا وحلاتة م الصبح تطلعين تتمشين بس يالله لاحقة خيير ان شاء الله ... طمنينا عنج وعن العيال شخبارهم وان شاالله الصغير مومتاذي فديتة حبيبي


سماسم عليج بالعافية حبيبتي انتي وين هلحين باي ولاية ..؟

 

[مشمشة رمانة]

بناات

بقولكم سالفة اليوم ... رحت احاسب بميسيز و لا الكاشيره << مرت الكاشير
قالت لي تعالي المكينه الثانيه المهم سبقتها و لا تي جان تقولي ريحتج واااايد حلوه .. و انا مالي خلقها قلت لها ثانكيو
بعدين رحت لريلي كان بدور ثاني و كنت مخليه عنده نفنوف .. المهم قايسته و طلعته قلت له ابيه روح حاسبه
يوم راح يحاسبه و رد قالي ان الكاشير قايلتله هل نفنوف حق منو ؟؟ حق مرتك
قايل لها ايي
قايلتله اهي قايسته ؟؟
قالها ايي
قايلتله ريحتها وااااااااايد حلوه ... و هذي غير ذيج
و امس بنت خالتي نفس الشي كنا بديزني بالدور و الزحمه و لا تقول العن خيرج لي الحيين ريحة عطرج قويه اشحاطه

المهم الزبده ان العطر اهو عطر امنيه من بولقاري الاخضر و الفضي
يلا ركض اشتروا :dddds:

عليج بالعافية مشترياتج عرووس ..

حطي صورة العطر خل نشوفة .. في بالي اروح اشتريلي عطور هيهيهي حق بعد الولادة يبيييلة تسنع وتزكرت لووول

 

[f.7oor]

سلااااام عليكم
بناااات بس محتاااجه احد يسااااعدني شنو احسن ولاااايه في امريكااا حق علااااج امرااض العيوووون؟؟

 

[semaasem]

قود مورنق قيييييييرلززززز

هاااو ار يوووو تووودييييييييي



بنات بقولكم شغلة انا الحمدلله طبعا ولله الحمد بشكل عام مستانسه واحاول اونس نفسي وأطوف كل السوالف والمشاكل اللي تصيرلي

بس طبعا الامر مايخلى من بعض المواقف اللي تتسلط وبعض الطنقورات الخفيفه جذي والتزعل بو نص ساعه بالكثير لووووول

تصدقون بنات 5 ايام لي بنيويورك واليوم الاخير مارحت لا ميسيز ولا ام اند امز ولا شفت اشياء وايده كنت حاطتها ببالي ريلي ما يحب

يطلع وايد يلوب وانا اخاف اطلع بروحي بس نطلع الصبح والعصر المغرب بالكثير احنا قاعدين بالفندق امس زعلت على هالسالفه

بس انا عادي أطوف اقول حق ريلي احنا مو يايين نقعد ولا يايين نرتاح بس أقدر انه تعبان تدرون بعد لازم نطبق النصايح بنات بشكل

عام وايد صارت لي مواقف سيئة بس انا ما احب اذكرها ولا احطها ببالي وعادي طاف يعني مثلا من ييت هني انباق ايميلي وفيه كل شغلي

وحجوزاتي بس الله ستر اني سويت حق كل شي برنت قبل لا اسافر وهالشي مهون علي وهذا ايميلي من سنييييييين وعمر انا وياه

بس الحمدلله الله كريم.....مابي اضيق خلقي عليه


المهم قيرلززز


منورة

ثانكيووو على الكلام الحلو وهذا من ذوقج عمري وانا مسوية الكيراتين بالكويت وذكرت تجربتي بموضوع سويته 140 بس كان شعري طويل

والحين شعري قصير مادري انا بشوف والبنات ماردوا علي بخصوص صالونات اورلاندو وراح اوافيج بالاخبار وميرسي على الدعوة الحلوة




عروسه


يا عاشقة نيويورك معروفه نيويورك اغلى من غيرها من الولايات والامريكان نفسهم يقولون هالشي حتى السكن هني الفنادق اغلى بس

انا بعد معاج حبيتها واااايد وعجبتني الصراحة وان شاء الله تعجبني اورلاندو كمان وبالنسبة للسيرك لوووول لا تعليق


والعطر حطي لنا اسمه علشان نروح نشتريه مممممممممم احس كفختني ريحته وايد حلوو (ماتعرف تجذب)




ام البنين


بعد قلبي ماماتي مشكووورة على هالدعوة الحلوة الصراحه الواحد صج محتاج الدعاء والله يحفظكم ويونسكم بالعافية ويخليلج ريلج وعيالج

يارب وعليج بالعافية الجو الحلوو والمشتروات شكلي راح اجرب طبقج شكله وااو عجبني ربيان وباستا وهالسوالف يمم يممم طلب ريلج بعد

حلوو بس احنا وخرينا عن الفلفل انا وريلي كللش مو ربعه وبالنسبة للحلوو شنو تحبين؟ شكله ذوقج من طلبج حلوو بالاكل

 

[semaasem]

سـلام بنـات ...... سماسم شخباركم ؟ سـوالفـج و طـريقتـج تضحك لوووووول .... ودي أشـوفج و إنتـي تسولفيـن

عـروس شفتـي المطر اليـوم .... كنـا بالماجيك كينجدم ... لوعــة كل ساعـة داشين محـل و قاعديـن

أم البنين ... شلونكم لاهـويـا رووعـة ...!! شفتـوا childrens pool ? الي كـله فقمـات على اليال

لووووووووووووول ضحكتيني والله :dddds:


خلاص اصور لج نفسي وانا اسولف بس ما انصحج تشوفيني وانا آكل لووووول لالالا اتغشمر معاج


مو بشارة سالفة هالمطر سمبولة انا باجر يايتكم اورلاندوو شنووو نصايحج لي بشكل عام؟؟


اي وتذكرت شغله ابي اسم المكان اللي فيه العروض بتقريرج عروض الدلافين والشامو لانه مابي سي وورلد اقصد

العاب مائية مابي ابي اشوف عروض مائية وولدي يان على الصور اللي وريته اياهم بتقريرج الحلوو شنو اسم هالمكان

بالضبط لان سمعت عندهم اكثر من حديقه مائية وانا مابي شغل اكوابارك لالالا ابي اللي رحتي له


ومن وين خذيتي التذاكر ملوت الحدايق وكل شي وبجم؟؟؟

ودام انج مو اول مرة تروحين تعرفين مطاعم عربية؟؟ لبنانية مثلا او هندية حلوة؟؟

 

[عروس الدنيا]

السلام عليكم ياحلوين شلونكم

منوره وعروس انا اطلب من الرد لوبستور seaside shrimp اهوا عباره عن ربيان بالبقصمات وربيان بصحن صغير مع الزبده وسباغيتي الربيان بالكريمه بس انا يعجبني واايد ومافيه واين والحمد لله تري وريلي يطلب orleans shrimp jambalaya عباره عن ربيان ويا العيش بس اهوا سبايسي للي يحب الفلفل

حسافه لو ادري قبل ... بس خلاص راحت علينا لان ما بخليهم يروحون بعد << ساحره

سـلام بنـات ...... سماسم شخباركم ؟ سـوالفـج و طـريقتـج تضحك لوووووول .... ودي أشـوفج و إنتـي تسولفيـن

عـروس شفتـي المطر اليـوم .... كنـا بالماجيك كينجدم ... لوعــة كل ساعـة داشين محـل و قاعديـن

أم البنين ... شلونكم لاهـويـا رووعـة ...!! شفتـوا childrens pool ? الي كـله فقمـات على اليال

ايي سيمبلي احنا كنا ناوين نروح السي ورلد يوم شفنا المطره حولنا على ميلينيوم مول
الا بسالج .. السي ورلد الساعه جم لازم اروح الحق عل عروض ؟