رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست
ما شاء الله .................تشوقون الواحد يحمل مرة ثانية.................أحلى شي بالحمالة هو لتجهيز......والله من صجي والباجي كله لأ
بس علشان عيون البيبي يستاهل
أنا عن نفسي سااابقأ وأول شي أجز أغراض البيبي مالوت المستشفى وجنطني أنا بعد......أكولكم شنو أحط فيهم:
جنطتي:
ملابس داخلية ممتازة شلحات قطن, وستيان الرضاعة من مذر كير أخذ ثلاثة,بانتيات وايد قصار وطوال, دلاغات رسمية وتونس, وأنا آخذ كعب منظرمن أنور والطاهر مالوت قمصان النوم ويكون على لون قمصاني, أخذ روب دافي وروب للكشخة منظر, قميص رسمي وكشخة يكون إما مثل الدراعة أو على شكل شلحة وروب, صراحة أنا إستعملت قميص نومي وأنا عروس كشخة كلة دانتيل وستان على شكل حلو وايد قلت غميضة غالي ومحد شافة بس حللته ببجري ههههههه.
قطن للستيان من مذركير, بجامة نوم كشخة علشان بليل لما يي ريلي أكون لابستها (كلهم من محلات أنور والطاهر والنقرة الشمالي تحت روعة.
أما الأشياء الي آخذها بعد, مرة ببطل ماي علشان عن عطورات الضيوف تحطين منها تحت خشمج وتحت بالحفاظة.
شوية أدوية نفاس احطها بعلبة من كل شي شوي, علشان لما أييب أكل أحط معاهم, كله مطحون ولهوم.وأخذ تمرة أخلطها بالادوية وأعجنها بالسمنه وأكل من ها مع القهوة باليوم مرة ومرتين عادي.
كريم على عطر وشوية كريم أساس بعد ما أبي الناس تخترع من ويهي هههه.
شنطة البيبي:
ملابس كاملة أخذ من مذركير المجموعات بكم طويل ودلاغ.
بلة حلوة همن كاملة لكن على قطعتين ويا كبوس كشخة.
أختار لفة مميزة ويا كبوس( آخر مرة كبوس بنتي خذيته ماركة كرستيان ديور, ويا لفة تهبل, ومرة سويت على اللفة من تحت شك وسوالف حلوة بالطرف الي نازل وصار روعة مو لوية مع كبوس سادة.
ملابس داخلية حق الياهل عدد سبعة , وهمن الي فوقهم سبعة.
كريم وكلونيا أطفال, وصدريات وااااااااااااااااااااااايد وفوط صغار علشان تحطينهم على جنب الياهل. عن لا يرجع على الفراش .
فوطة ذربة مخصصة للياهل لما تحطينه على كتفج لما يترع يتجشأ.
كثري منها تعتازينها
كلينكس جونسن أهم شي لأني أستخدمة بكثرة حق الياهل, لتبديل الحفاظ, ولتنظيف ويها ورقبته, أكثر من البودر الحلو مو مال جونسون لأ في للأطفال بودرات تينن فيها عطر هاادي حق رقبته وورا أذونة وأباطة . وآخذ زيت زيتزن حق جسمة عججججججججججججججيب.
بس هذا الي أذكرة حق المستشفى
بس لما تردين البيت نصيحة أخت مجربة وأدعولي
أشترو حافظ المميات الي تحطين فيه شوية ماي وتحطين الممية فوقة علشان تظل دافية , وأشتري منهم 2, علشان بليل لما يقوم الياهل مو تعابلين إنتي والمطارات ومرة دافي ومرة حار لا
سوي مميتين وحطيهم بالهجهاز, ولما تقومين بليل ما عليج إلا إنج تعطين الياهل مميته وإهوه بفراشة بس ترفعين راسة وتحطين الممية عدل لا يدخل معاها هوا وإنتي تراقبين هههه مو تسوين مثل بعض الناس يحط الممية ومن التعب ينام ألقا الياهل يرضع وإهو نايم بعدين لي خلص يخليها ويبعد راسه ممكن يبرد الحليب أو لا سمح الله ينقط على رقبته بعدين مو زين للياهل, جذي يسوون الخدم حتى وهمه كبار مو بيبيات
وبس وسلامتكم وأي وحدة تبي أي شي أنا حاضرة تطرشلي على الخاص
وماراح أقصر إن شاء الله .................إدعولي ألحقكم بعد وأعيش التجربة مرة ثانية أميييين
_03ba:
