{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

دكتورة ولدي عمره شهر ونص ومعاه زكام وكحة
ولما وديته الطبيب قال الكحة سببها نزول افرازات الخشم بالحلق وتضايق الطفل فيكح
لكن انا لاحظت انها تزيد مع صوت بالصدر مثل مايكون فيه بلغم
؟؟
شسوي ؟؟
مع انه رضاعته طبيعية ولا احس انه متضايق من شي او مريض

كلام الدكتور صحيح

ممكن تحسين بالأصوات بصدره مع انها موجودة بالحلق فقط و ليش بالصدر و هالشي طبيعي لأنه الحلق و الصدر كأنه صندوق واحد فينتقل الصوت من فوق الى تحت

لا تسوين له شي ما يحتاج اي تدخل

 

[د. رشــا الصفــي]

دكتوره وزنها عند الولاده كان 3 و 700 وحاليا وزنها 7 ونص

ولمن رحت الطبيب قالي وزنها وايد زين بالنسبه لعمرها اربع شهور

بس دكتوره ما تبجي ابدا تبي حليب بالمره جربت الحين احرمها من الرضعه

انطر ست ساعات اشوفهاا ما ادورها اروح اسويلها بالغصب تشرب 90 مل بسسسسسسسس

تقريبا اربع مرات باليوم و كل من يشوفهاا يقول بنتج قاعده تضعف

وقالي الدكتور يمكن شهيته مسدوده او مو حابه هالحليب

حليبها سميلاك ادفانس هل يحتاج اغيره؟ و شنو اخذ بداله

مع العلم انه مناسبها ما تشتكي لا من غازات ولا امساك الحمدالله بس الشهيه مسدوده عندها

دكتوره واللي يعافيج ابي جدول ينظم اكلها و عدد رضعاتها ( والقياس المناسب لهاا )

ويعطيج الف عافيه على مجهودج

حبيبتي لو شهيتها مسدودة ما يزيد وزنها بهالطريقة تبارك الرحمن

اللي تاخذه الحين مكفيها و زيادة

عيالنا مو مكاين

مع الأسف الكل يبي يمشي الطفل على نظام معين و صارم للأكل و هالشي غلط

ما دام الطفل وزنه طبيعي خلاص خلوهم براحتهم ياخذون حاجتهم و ما يبون الزيادة

و بالنسبة للأكل تكلمت وايد وايد عن الأكل

تحصلين الردود السابقة وايد معلومات بالاضافة الى جم موضوع بالقسم ممتازين للأكل

على فكرة لازم ما تبديتن الأكل الا لما تكمل 6 شهور

 

[د. رشــا الصفــي]

السلام عليكم


دكتوره انا ولدي ما يخرج الا مره وحده باليوم هالشي طبيعي ولا لء واهو عمره شهر و10 ايام


وعادي اعطي ولدي اعشاب مثل يانسون وحبة حلووه وكمون وسكر نبات ؟؟؟


وشنو احسن صابون حق منطقة الحفاظ


ومشكوره مقدما

طبيعي الخروج مرة باليوم

و الأعشاب مالها داعي اذا ما كان يعاني من غازات و مشاكل

و منطقة الحفاظ ما نغسلها بصابون

الماي يكفي

 

[د. رشــا الصفــي]

يعطيج العافية دكتورة .... دكتورة بنتي عمرها سنة و4اشهر انولدت وعندها البطين الايسر اكبر من البطين الايمن وقبل سنة سوت ال glenn surgery وطبعا بعد 6 اشهر عندها العملية التكميلية للاولى ونسبة الاكسجين عندها الحين من 80-85 وسؤالي اللي نسيت اساله دكتورها ان شالله الاسبوع الياي بنسافر عادي لها تركب الطيارة والا هالشي ياثر على الاكسجين؟


الف شكر لج دكتورة

ما اقدر اتحمل مسئولية هالقرار

حبيبتي عندج دكتور البنت تروحين له و تسألينه

عذريني

 

[د. رشــا الصفــي]

السلام عليكم دكتورتنا...
ولدي عمره 6 اشهر والاسبوع اللي طاف طلع تحليل ولدي وبين ان فيه تكسر دم فولي g6pd ومستواه الحمدلله طبيعي والدكتور قالي ان البقوليات والحبوب ممنوعين وخصوصا فول الصويا وعطانا ورقه بالادويه الممنوعه ومن هالادويه مذكور فيتامين c وفيتامين k ، فهل الاكل اللي فيه فيتامين c امنعه عنه مثل البرتقال والا عادي اعطيه؟ وارز الاطفال اللي بالقمح عادي اعطيه والا يضره؟ وهل صحيح ان الزهرة والبروكلي والسبانخ ممنوعه؟!! ياليت تفيدني بالاكل الممنوع عنه لان انا بديت اوكله والحين ماني عارفه شنو اعطيه وشنو يضره؟
وهل من الاعراض ان دايم يحس بالبروده في ريله؟
يعطيج الف عافية ..

شوفي عزيزتي الفيتامينات تعتبر آمنة تماما عند الـ g6pd اذا اخذت بكميات معقولة داخل الطعام و العصائر

الخطورة تكون في الجرعات الكبيرة اللي تؤخذ كعلاجات منفصلة و ليس الاحتياجات اليومية المتواجدة بالطعام و الشراب

و ارز الأطفال بالقمح مافيه مانع ياخذه اذا ما فيه فول او فول الصويا

بالنسبة للبروكلي و الزهرة و السبانخ ما سمعت انه ممنوع

الأكل الممنوع اللي قال لج اياه الدكتور و عندج باللستة و اهم شي الفول او الباجلا

و فول الصويا و الفول السوداني ممكن في بعض الحالات يسوون تكسر

و برودة ريوله مالها علاقة نهائيا بالموضوع

بالنسبة للأكل تقدرين تعطينه كل الخضار و الفواكه و اللأرز و القمح و اللحم و الدجاج و السمك حاله حال اي طفل طبيعي مجرد انج تبتعدين عن الفول و الأدوية الممنوعة طبعا

 

[د. رشــا الصفــي]

مشكورة دكتورة على انك طمنتيني

وجزاك الله خيــــــــــر

وياج حبيبتي حياج الله

 

[د. رشــا الصفــي]

خواتي ما عليه رديت اليوم الخميس على اسئلتكم

عذروني ما راح اكون موجودة باجر الجمعة لإرتباط عائلي

و اسئلة الجمعة احاول ارد عليها السبت اذا ظروفي سمحت او الأحد بالكثير

بس ما راح اخلى اي سؤال الى الاسبوع القادم بإذن الله

تحياتي لكم جميعا

 

[ام يارا]

حبيبتي لو شهيتها مسدودة ما يزيد وزنها بهالطريقة تبارك الرحمن

اللي تاخذه الحين مكفيها و زيادة

عيالنا مو مكاين

مع الأسف الكل يبي يمشي الطفل على نظام معين و صارم للأكل و هالشي غلط

ما دام الطفل وزنه طبيعي خلاص خلوهم براحتهم ياخذون حاجتهم و ما يبون الزيادة

و بالنسبة للأكل تكلمت وايد وايد عن الأكل

تحصلين الردود السابقة وايد معلومات بالاضافة الى جم موضوع بالقسم ممتازين للأكل

على فكرة لازم ما تبديتن الأكل الا لما تكمل 6 شهور

جزاج الله خير دكتوره عالاجابه بس انا وقفت الاكل عنها بالمره و صرت بس احاول اعطيها حليب

يمكن ما قدرت اوصلج المعلومه انا معاناتي مو بالاكل انا مستغربه من بنتي ما ترضعى بالمره و ابي اغير حليبها

وزنها صار 6 ونص امس رحت المستوصف و قالي غيري الحليب وموعارفه اي نوع اعطيها احترت

عموما مشكوره على جوابج ما قصرتي

 

[fraise]

جزاج الله الف خير
والله يجعله بميزان حسناتج

 

[عمشه المنتفشه]

السلام عليكم

دكتوره عندي سؤال عن الكاتشب

انا ولدي عمره سنتين مايحب ياكل شي الا بالكتشب هل الكتشب ضار والا لا ؟؟

انا اللي اعرفه انه مو زين بس اللي اذكره ان اخوي كان فيه لوكيميا وكان الدكتور يقول لامي خل ياكل كاتشب عادي مفيد

فمحتاره شرايج بالكاتشب ؟؟

 

[الجود90]

السلام عليكم ورحمة الله وبركاته

هلا دكتورة.. فديتج بغيت اسألج.. بنتي الحينه عمرها سنه وثلاث شهور.. بغيت اسألج عن كلامها.. اول شي هي ماتناديني ماما يعني نادرا ماتقول هالكلمة واذا قالت ماتقصدني انا بس جي تقولها.. وحتى ابوها ماتناديه بابا.. بس هي اذا شافت كورة تقول كو.. واطالع فوق تقول اووق او شي جي.. وتقول اسمها.. وبس!! ماتقول شي ثاني.. بس هي تفهم يعني اذا اسألها وين بابا اطالع ابوها.. واذا اقولها باي تفهم ان بنطلع.. يعني تفهم كم شغلة بس ماتتكلم باطة جبدي لوووول.. اخاف تكون متأخرة بالكلام.. فيديني فديج

والله يرزقج الجنه

 

[نيلفار]

دكتوره بعد بسال عن منقوع التمر من اي عنر ابتدي اعطيه

انا الحين ولدي عمره 40 يوم
ويشرب صناعي

فاعطيه الحين ولا تو الناس ؟؟

واذا اعطيه شكثر ؟؟

وشلون طريقة تحضيره


ومشكوره والله يجعلة بميزان حسناتج

 

[د. رشــا الصفــي]

جزاج الله خير دكتوره عالاجابه بس انا وقفت الاكل عنها بالمره و صرت بس احاول اعطيها حليب

يمكن ما قدرت اوصلج المعلومه انا معاناتي مو بالاكل انا مستغربه من بنتي ما ترضعى بالمره و ابي اغير حليبها

وزنها صار 6 ونص امس رحت المستوصف و قالي غيري الحليب وموعارفه اي نوع اعطيها احترت

عموما مشكوره على جوابج ما قصرتي

اذا مو حابة الحليب ممكن تغيرينه

و اذا تبين نوع معين افيد من غيره ترى كلهم مثل بعض

الفرق بالطعم بس

و مو كل الأطفال يفضلون طعم معين

ممكن نختارين اي واحد و تجربينه و تشوفين تقبلها

مع اني اشك انه البيبي بهالعمر يعرف بفضل نوع حليب على غيره خصوصا انه عمرها ما ذاقت الا هالنوع فقط

بس عموما ما في ضرر جربي و شوفي

بس بقولج شغله ممكن تكون السبب

بعض الناس يحطون بكويت فارليز بالرضعة

و هالشي غلط

اذا كنتي منهم و قطعتي البسكوت يتغير طعم الحليب او ضفتي البسكويت من وقت قريب فتغير طعم الحليب ممكن ترفض البيبي الرحليب علشان هالسبب

 

[د. رشــا الصفــي]

جزاج الله الف خير
والله يجعله بميزان حسناتج

مشكورة ما قصرتي

السلام عليكم

دكتوره عندي سؤال عن الكاتشب

انا ولدي عمره سنتين مايحب ياكل شي الا بالكتشب هل الكتشب ضار والا لا ؟؟

انا اللي اعرفه انه مو زين بس اللي اذكره ان اخوي كان فيه لوكيميا وكان الدكتور يقول لامي خل ياكل كاتشب عادي مفيد

فمحتاره شرايج بالكاتشب ؟؟

عمرى ما سمعت انه الكاتشب موزين

ما اعتقد في مشكلة

السلام عليكم ورحمة الله وبركاته

هلا دكتورة.. فديتج بغيت اسألج.. بنتي الحينه عمرها سنه وثلاث شهور.. بغيت اسألج عن كلامها.. اول شي هي ماتناديني ماما يعني نادرا ماتقول هالكلمة واذا قالت ماتقصدني انا بس جي تقولها.. وحتى ابوها ماتناديه بابا.. بس هي اذا شافت كورة تقول كو.. واطالع فوق تقول اووق او شي جي.. وتقول اسمها.. وبس!! ماتقول شي ثاني.. بس هي تفهم يعني اذا اسألها وين بابا اطالع ابوها.. واذا اقولها باي تفهم ان بنطلع.. يعني تفهم كم شغلة بس ماتتكلم باطة جبدي لوووول.. اخاف تكون متأخرة بالكلام.. فيديني فديج

والله يرزقج الجنه

كلامها طبيعي على عمرها

صحيح في اطفال اصغر منها و كلامهم اكثر و اوضح

بس هم هي كلامها عادي

انصحج انج تكلمينها وايد و تسولفين معاها مثل الكبار راح تنطلق بالكلام اسرع

دكتوره بعد بسال عن منقوع التمر من اي عنر ابتدي اعطيه

انا الحين ولدي عمره 40 يوم
ويشرب صناعي

فاعطيه الحين ولا تو الناس ؟؟

واذا اعطيه شكثر ؟؟

وشلون طريقة تحضيره


ومشكوره والله يجعلة بميزان حسناتج

منقوع التمر ما المفروض ياخذه البيبي في الأحوال العادية قبل 6 شهور حاله حال اي عصير ثاني

بس في حالات الامساك احيانا نحتاج نعطيه الطفل بكيات بسيطة و يكون مخفف

الكمية تكون رقمين بس

و الطريقة انج تاخذين تمرة واحدة و تصبين عليها ماي مغلى و تتركينها فترة لغاية ما تذوب ة تصفين الماي و تعطينه البيبي

على فكرة ما يعتبر وجبة رئيسية لأنها قليل بالسعرات الحرارية

التمرة الواحدة فيها 20 كالوري حتى لو تحطين تمرتين راح تكون الرضعة فيها 40 كالوري

و الحليب 100 مل او 3 ارقام فيهم اقل شي 76 كالوري

أيهو مغذي اكثر ؟ الحليب ولا التمر ؟

الحليب طبعا

 

[داريني]

مساء الخير دكتورتنا

بنتي طلع فيها عقنقز او بشنيتر
بس حبيت استفسر في علاج غير لوشن الابيض
واقدر اسبحها ؟
وطالع لها في منطقه الحفاظ مسكينه تبجي لما تتبول هل شي عادي ولا لازم اشوف الطبيب
وجم فتره احتضان المرض؟

 

[ام يارا]

اذا مو حابة الحليب ممكن تغيرينه

و اذا تبين نوع معين افيد من غيره ترى كلهم مثل بعض

الفرق بالطعم بس

و مو كل الأطفال يفضلون طعم معين

ممكن نختارين اي واحد و تجربينه و تشوفين تقبلها

مع اني اشك انه البيبي بهالعمر يعرف بفضل نوع حليب على غيره خصوصا انه عمرها ما ذاقت الا هالنوع فقط

بس عموما ما في ضرر جربي و شوفي

بس بقولج شغله ممكن تكون السبب

بعض الناس يحطون بكويت فارليز بالرضعة

و هالشي غلط

اذا كنتي منهم و قطعتي البسكوت يتغير طعم الحليب او ضفتي البسكويت من وقت قريب فتغير طعم الحليب ممكن ترفض البيبي الرحليب علشان هالسبب

جزاج الله خير دكتوره على الاجابه تعبتج معاي وايد اسفه و ربي يكون في ميزان اعمالج

فعلا دكتوره للاسف كنت اضيف هالبسكوت من عمرها 3 اشهر كانت نصيحه من حماتي
بس كنت اعطيه ؤضعه ابسكوت و رضعه لا وكانت تشرب الكل ما عندها مانع
و من عرفت انه هالشي غلط وقفت صرت اعطيها بسكوته مذوبتها بماي بالقفشه
و الحين غيرت حليبها ملاحظه عليها صارت تشرب بس بعيت اسأل دكتوره اعطيها رضعه كل 6 ساعات اوكي ؟
ساعات تاخذ 120 كامله و ساعات بس 90 اوكي جذي (3 او اربع مرات باليوم)

دكتوره طلعت على خدودها من اليوم الثاني اللي غيرت فيه الحليب احمرار
و بعد ما خف صار مكان الاحمرار حبوب حمره استمرت 3 ايام
و طبعا المنطقه ناشفه حيل و قمت ادهن عليها فازلين
اليوم اختفى الاحمرار صار بس حبوب صغيره على خدودها

هل هذا بسبب الحليب او اكزيما ؟ بنفس اليوم اللي طلع فيه هالاحمرار كنت طلعه وماخذتها و الجو حار و غبار

 

[دانة)))]

يعطيج العافية دكتورة
حبيت اسال
ولدي عمره9شهور كل ما انومه بعد ربع ساعة يقعد يبجي حيييل وكح كحة ناشفة متواصلة لييييييمن ينقطع التنفس عنده ويسود وجهه
بعدين يالله يرد النفس

قبل اسبوع كان صدره متنك حيل بس يقول الدكتور مو ملتهب
وعطاني له كمام مرتين باليوم (فنتولين شخطتين اقل من نص السنتم واتروفنت 1مل)لمدة 3ايام وقفت الكمام عقب
والحين احسه مايرتاح بنومه والسبه هالكحة والتفززكل ساعة والثانية
والخشم يصب حيييييييل افرازات (بعد الكمام)


ويعــطــيـــج العـــــــــــــــــــــافيــــــــــــة وماتقــــــــــــــصريـــــــــــــــــن
تقبلي تحياتي لك

 

[mrs_lonely84]

السلام عليكم

يعطيج العافية دكتورة

شاكرتلج المجهود الكبير اللي قاعدة تقومين فيه كل اسبوع

سؤالي دكتورة آنه ولدي عمره ثمان شهور
الحمدلله للحين يرضع طبيعي على الرغم من اني وايد عانيت معاه و كل مرة كنت انوي فيها اني اعطيه صناعي اتعوذ من ابليس و اهون
و ما ارتحت الا لمن بديت معاه بالاكل اللي اهوه عبارة عن خضروات مسلوقة + بسكوت + فواكة + سيريلاك و بس
و الكل قاعد يقولي ابدي عطيه لحم و دجاج و الاكل اللي نسويه لنا
انتي اشرايج شنو اضيف على اكله ؟؟؟
و السؤال الثاني اهو صار يرضع مرتين قبل النوم و مرة اذا قعد الفجر مثلا
و رضعة وحدة اول ما يقعد من النوم
فهل هالرضعات كافية و لا لأ ؟؟؟

و شاكرة الرد مقدما . . .

 

[new mother 2008]

السلام عليكم دكتورتنا الغالية

أنا سألتك قبل هالمرة كتير عن بنتي و معاناتي مع الأكل و الحليب و انها من عمر 4 شهور ما بتشرب الحليب و ما بتحب المميات ابدا

المهم بنتي كملت السنة من شهر و انا كنت أستخدم لها حليب سيميلاك 2 مع الطعام حتى أعوضها عن شرب الحليب و هلا والدها إشترى لها حليب نيدو 1 بالعسل لعمر 1 الى 3 سنوات و طلب مني أحاول معها أشربها منه يمكن تحبه لأنها ضعيفة و ما بتاكل كويس أوكي

هل نيدو 1 منيح لعمر السنة و لا لأ ؟؟
من الأفضل برأيك سيميلاك غين بلص ( سيميلاك 3) و لا نيدو 1 و لماذا ما الفرق؟؟
هل ممكن أستخدم حليب بدياشور مع حليب النيدو ( أقصد كاس حليب بدياشور الصبح مثلا و كاس حليب نيدو بالليل أو أخلطهم مع بعض ؟؟)

إذا فشلت مرة أخرى في اني أجعلها تشرب الحليب هل أستمر في عمل وجبة سيريلاك او ميلوبا مع الحليب ؟؟؟

لمتى اضلني أعطيها سيريلاك الاطفال ؟؟

ملاحظة: بنتي هلا بدت تسنن و بتحاول توقف لحالها في حين انه ابن عمها ماشاءالله عمره 9 اشهر و عنده 4 اسنان فوق و 2 تحت و بيحاول يمشي هالأيام بيمشي خطوة او خطوتين هل هذا الفرق عادي و لا المشكلة بسبب عدم شرب الحليب
سؤال أخير : شو رايك بالزبادي ياللي على فواكه و شوكولاه مثل المراعي للاطفال هل عادي لو أعطيها وحدة منه يوميا و لا بيأثر على السكر لأن زوجي خوفني قالي غلط هالاشيا ممكن تجيب سكر للاطفال ( اللهم احفظنا من المرض يارب ) هل هالكلام صحيح و بعدين دكتورة عادي لو اعطيت بنتي شوربة كنور العدس او لأ ؟؟؟
سامحيني طولت عليكي بس والله بنتي افقدتني عقلي و الله نفسي أشوفها بتشرب حليب متل الأطفال بس الحمد لله و الشكر لله
مشكورة دكتورة و جزاكي الله ألف خير و جعله في موازين حسناتك

 

[العلياء]

مشكورينعلى هالموضوع لاني اول مره ادش في هالقسم واشكر كل الشكر للدكتوره على موجهودها معانا
حبيتي عندي كذا سؤال
عندي ولد عمره 11 شهر له كم شهر وهو يعاني من الامساك كنت استخدم له سميلاك وتوني غيرت الحليب الى غين رقم 2
وماكو فايده اذا ماعطيته الجلوكوزعلى الريج مع عصي البرتقال يخرج بس يكون امساك حيل وانتي بكرامه
وعندي ولدي عمره 6 سنوات ونص ماياكل عيش ابد يحب الدجاج حيل وبشكل مو طبيعي ياكل الخبز والصمون بس العيش لايمكن
صراحه لي فتره اكتشفت فيه ريحه من الابط ريحه كريه مش ريحه الاطفال العاديه اللي بعد اللعب لا ريحه نسميها عندنا الصنه
اتمنى تفهمين قصدي لان راجعت دكتولر وقال هذا كله من اكل الدجاج والهرمونات
اتمنى تنصحيني بشي غير السباحه انا يوميا اسبحه
قالو لي استخدمي ديودرن خالي من الكحول ويتكون من المواد الطبيعيه انا متردده بس اتمنى اعرف ردج
واشكر لج رحابه صدرج