رابطة "دودات الكتب " .. حياكم

[Little_Queen]

جوجو ...


بس هذول رياييلج ؟؟؟


و مناشبتني يا شقول على تشي جيفارا و حمد الحمد ؟!؟!؟!


اقوووووووووول ...


انزحي هنااااااااك ! @@ ...


توه كانو عايدين الفلمممممممممم خوووو ليش ما شفتيه ؟

 

[ايشواريا راي]

بنات ابي كتب توني هابه فيهم وابي احد يعلمني بالكتب وتجاربه وشنو احلى كتاب يلا حبايبي

 

[بمبة المفترسة]

اشوارياا اقري الموضووع وبتلاقين شكثر كتب
وعندج موضووع القراءة الحرة بتلاقين ايضا اسماء كتب

 

[حبيبه امها]

هلا دودات شلونكم ؟


لتووووووووووووووووووووووووووووووووووول

اول شي يعطيج العافية ... واحس صج كانت تجربة حلوة صج متعبة بس الاهم انج استفدتي واستمتعتي
وسوري حبيبتي لما دزيتي المسج غميضة ما كنت بالبيت ما شفت قناة الوطن

الشي الثاني ولهنااااااااااااااااااااااااااااااااااااااااااااااااااااااااااا عليج واااااااااااااااااااااااااااااااااااااااايد
لو سمحتي ممنوع ممنوع هم ممنوع تقاطعين مرة ثانية جذية ... صج صج اشتقنالج ...

وسولفيلنا اكثر عن ورشة السهروردي الفلسفية احس وايد حلوة ...

ودلال الي شفتها معاج بالرابطة صح ؟؟ ماشاء الله خوش بنية وحبوية ودمها خفيف

بعد سولفيلنا اكثر عن كل انجازاتج بفترة غطتج عنا ..:eh_s(6):



​

 

[Little_Queen]

ايشواريا ...


بس الكتب مو هبه مانقدر نقولج شنو الي تبدين فيه يعني بمنتهى البساطة جذي

الكتب عشق ان دشيتيه لا تفكرين تطلعين منه ..


اممممممممممممممممممممممممممممممممم ... كلمينا عن نفسج أكثر شنو هواياتج شنو ميولج

شنو تدرسين

شنو الاشياء الي ودج تقرين عنها ؟؟؟

عشان نعرف شنو نعطيج أسامي كتب

تبين شغلات بسيطة و خفيفه تضيعين فيها وقت ؟

ولا تبين شغلات تنمين فيها مداركج و توسعين ثقافتج و اطلاعج فيها ؟

 

[Little_Queen]

حبيبة امهااااااااااا


لا والله خلاص ما أقطعكم والله كانت ظروووف و ارهاق و زحمه شغل و الحمدلله عدت على خير


اي دلال البنوته الي شفتيها وياي القصيرونه " يعني انا الي طويلة لوووووووووووووووول "


الله يسلمج الحين هالاسبوع الدرس كان عن ملحمة جلجامش .. اكتشفنا فيها وايد اشياء حلوة

شنو اللوغوس " القانون الكلي = الدائرة = الافعى التي تلتهم ذيلها " مالتها ؟؟

و منو الي قاعد يروي الملحمة " مع انه مو مذكور صراحة بس لما تدققين في النص و تفكرين فيه تكتشفينه "

و هالاسطورة دخلتني على وااااااااااااااااااااايد اساطير ثانية


واي واي واي ونااااسه احس روحي مخي قاعد يكبر

الحين قاعده أقرا النص الاصلي لملحمة جلجامش " الي اهو مترجمينه من الالواح الطينية الاصلية الي لقوها " ..

عجييييييييييييييييييييييييييبه حدها

و رح نناقش الاسبوع الياي الشعر من منظور فلسفي ... نتأمل الشعر و حالة الشعر .. و شنو اهو الشعر كفن من الفنون الجميلة ؟ و شنو علاقته بالفلسفه

 

[حبيبه امها]

توني خلصت رواية - اليوم التالي لامس .. الكاتب : وليد الرجيب

طبعا رشحتلي اياها حبيبتنا لتووووووووووووول

وصج وايد مشكورة .... الرواية حلوة و اسلوب الكاتب حلو وبسيط ...

صج في الامور ما اعجبتني لكن هذا حالة حال اي رواية ... في اشياء اتعجبنا واشياء لا ..


بس بشكل عام استمتعت بقرائتها ... وخصوصا انه ابطالها واحداثها في الكويت

مشكووووووووورة حبيبتي هنادي​

 

[ra'3ad]

بمبة المفترسة

حبيبتي تسلمين اليابانيين كافي حضارتهم وتاريخهم هذا بروحه يطلعون منه 600 قصة منها الساموراي والجيشا وغيرها
ضحكتيني على زفتج هههههههههههههههههههههههه عصبية عصبية

لتووووول

حبيبتي سامحيني كان عندي مشواار حزة العرض والفير انا يالله الحق على دوامي من فير الله هالدور بتقعديني الفير اطالع تلفزيون يا حلوووووووووووووي هههههههههههههه
اي فهمت قصدج على تأشيرة الايادي وانا صج صج طفارتي اللي تصفق واهي تسووولف لووووووول
اقروا دعاء الحش
(سبحانك اللهم وبحمدك اشهد ان لا اله الا انت استغفرك واتوب عليك)
لتولة سؤال طاحوني وين موجودة الالواح الطينية مالت ملحمة جلجامش؟؟ باي ديرة وين لقوها؟ عطيني نبذة واللي يعافيج


جوجووو

خلاص من كلام بمبة بسميج (انا اعترض) ههههههههههه بالضبط بالضبط عبرتي عن مشاعري حبيبتي على قولتج كيفهم خل يقولون اللي يقولون المهم انا ما اتصنع والحمدلله اهلنا مربينا تربية تقوم على الذرابة والاحترام وهذا اهم شي مالاداعي اتيكيت ومتيكيت ومعرفش ايه
شوقتووووني على ملحمة جلجامش بذبحكم كلما اشتري شي يديد تشيشوني على شي ثاني وشكثر كتب مكودة عندي ما قريتهم بس اروح اشتري
لووووووووووووووووووووووووووول واااي ضحكتيني على قصة حبج واحلى شي انج صرتي ضد الرجل هههههههه والله انج عسل​

 

[ايشواريا راي]

ايشواريا ...


بس الكتب مو هبه مانقدر نقولج شنو الي تبدين فيه يعني بمنتهى البساطة جذي

الكتب عشق ان دشيتيه لا تفكرين تطلعين منه ..


اممممممممممممممممممممممممممممممممم ... كلمينا عن نفسج أكثر شنو هواياتج شنو ميولج

شنو تدرسين

شنو الاشياء الي ودج تقرين عنها ؟؟؟

عشان نعرف شنو نعطيج أسامي كتب

تبين شغلات بسيطة و خفيفه تضيعين فيها وقت ؟

ولا تبين شغلات تنمين فيها مداركج و توسعين ثقافتج و اطلاعج فيها ؟

والله انا احب الروايات الاجتماعية و مثل كتاب السجينة ومياه الفيل يعني اي نوع عادي
وانا احب الكتب النفسية وعن التعامل مع الناس واليوم خلصت كتاب كيف تتعامل مع اناس ل دايل كارنغي
واحب القصص القصيرة
ومشكوورة ي قلبي

 

[Little_Queen]

حبيبه هيااااااااااااااااااه وناسه عجبتج الرواية

شنو الي ما عجبج فيها ؟؟؟؟ على فكرة انا ما خلصتها و مو قارية الا الجم صفحة الاولانيين بس فقط لا غير سولفيلنا عنها جود أكملها

ما قطيتها عشان شي والله بس اساسا انا ما عندي اياها و قريتها مره وانا قاعده بالرابطة زهقانه جان الاقيها بالمكتبة قعدت اقراها

و بعدين انشغلت و مادري ليش ما شريتها ليلحين

يلا حمسينا عليها و قوليلنا شنو سوالفاتها




------------------------------

رغووووووووود .. اهي الالواح وايد مو شوية .. 11 لوح على ما اعتقد

و لقوهم في كذا مكان .. بس كلهم ضمن موقع سموه " اوروك " الي اهو اسم القرية القديمة الي يعتقد انه جلجامش عاش فيها .. او بالاحرى الي تدور فيها اسطورة جلجامش

و لقوهم مفرقين و مكسرين ... و بعضهم متعرض للتلف .. عشان جذي اكو وايد " خفقات " بالاسطورة .. لانه يمر عليج لوح كامل مثلا ممسوح أو متلوف ما يقدرون يقرون منه شي

بس كل ما ينبشون يلقطون قطعه صغيرة من هني و قطعه صغيرة من هناك يكتشفون
و يحاولون اهما من السياق يعرفون

و في ايضا طلعت مكتوبه بالبابلي و الاشوري و السومري

يعني اسماء الشخصيات تختلف ايضا من لغه لأخرى

مثلا اكو وحش يحاربه جلجامش و انكيدو .. في نسخه مسمينه حواوا ، و نسخه ثانية خمبابا ، و نسخه ثالثه هومبابا !

بس نفس الاسطورة لكن مكتوبة بكذا لغه

فلهذا و الله اعلم انه يمكن كانت الاسطورة أصلا محكية ... و بعدين ألفو عليها قصة اللوح المدفون تحت سور المدينة .. و كتبوها فعلا على لوح و دفنوه اهما

ما يندرى بالظبط متى بدأت الاسطورة
و من جاء قبل من .. اللوح أم الاسطورة !


هذا المقطع الاول من الاسطورة .. مترجمه حرفيا من اللوح الاول :

- (هو الذي) رأى كل شيء (إلى تخوم الدنيا،
2- (هو الذي) عرف (كل شيء وتضلع) بكل شيء.
3- (.. ..) معاً (.. ..)،
4- ( سيد) الحكمة الذي بكل شيء (تعمق).
5- رأى أسراراً خافية، وكشف أموراً خبيثة،
6- وجاءنا بأخبار عن زمان ما قبل الطوفان.
7- مضى في سفر طويل، وحل به الضنى والعياء،
8- ونقش في لوح من الحجر كل أسفاره.
9- رفع الأسوار لأوروك المنيعه،


طبعا الابيات أو الجمل السابقة فيها وصف لشجاعه و فروسية و عظمة جلجامش ... بطل الملحمة ..

هو الذي رأى كل شيء ..
و هو الذي تضلع بكل شي .. يعني كان خبير في كل شي و حكيم و رجل صاحب انجازات ..


بس هم خليني أتأكدلج بالظبط من مسألة وين لقو الالواح

 

[*قلب جابر*]

بنات انا ماقريت كل موضوعكم<<<اكيد معجزة اذا خلصته
بس عرفت انكم تهتمون بالقراءة و هاذا اللي ابيه بس<<<في احد طلب رايي ؟؟؟
الهم بنات انتو شعاركم "رابطه دودات الكتب"و لا رابطه دورات الكتب"؟؟؟؟؟؟؟

 

[Little_Queen]

دوداااات


يا قلب جابر حياج الله ويانا .. طبي و صيري دوده مثلنا

و بعدين بغيت أقول شي خارج الموضوع ..

بتوقيعج حاطه شعار " بنات علمي " ...

اسمها : دفعة 2009 ... مو دفعت !!! هذ من أولها جذي الله يهداكم ؟؟؟؟؟؟ ))))

 

[Little_Queen]

و إقري الصفحة الاولى و أول مشاركة الي اهي الموضوع الاساسي و تعريف بالموضوع رح تفهمين كل شي الصفحات الباجي متكلمين فيها عن كتب و مسولفين و جذي

 

[][ الميـــــــار ][]

لووول جوجو اتفق معاج بانريكــي يمكن هذا المعجب الاول لول
لتوول نورتي قاعدة اقرى سوالفكـــم تونس
اذا نزلتي الفيلم قوليلنا عشان نشوفه كلنا =)

 

[Little_Queen]

هييييييه

بناااات

فيلم السراي

الجزء الاول
http://www.youtube.com/watch?v=NPa4vLN8WLc


الجزء الثاني
http://www.youtube.com/watch?v=yLLOy30rwp4


و قولولي رايكم

 

[حامله القنديل]

>>تتااابع السراي


ميرسي لتوول

 

[ايشواريا راي]

مشكوورة ي قلبي ع الفلم ي قلبي

 

[ايشواريا راي]

بنات منو قرت كتاب السجينة انا قرت الفصل الاول منه لما كانت بالقصر بس كان عادي وببلش بالثاني اليوم
انا عطيت الكتاب بنت عمتي و قالت البداية سخيف وشرايكم بالكتاب

 

[BaTTy]

لتوول
ولكم بااااك حبي وناااسه والله تعجبيني يا بنت هني الناس السنعه الي مستغله وقتها ما شالله عليج
الحن بشوف فلمكم عاد انا سألتج مره شتسوون بأكادمية الوطن و لي الحين ما عرفت
و صاجة على سالفة مدرسة الاتيكيت انا هم اتوقع جذي لوو صج حزتها صار اتوقع ما سمعنا فيه لانه الناس ما يتقبلون
نظام احنا متربين و خالصين
انا ياتلي فتره اقرا عن الاتكيت مره قريت عن اتكيت السياره مادري كان هذا بكتاب ولا بالنت مادري نسيت
انه اكشخ مكان بالسياره ورا خلف المقعد الي يم السايق بعدين الاقل كشخه ورا السايق و المو كشخه يم السايق
عاد طبعا هالشي ما يصلح لنا تخيلوا واحد مقعد امه ورا و يمها اخته و مرته جدام احتراما لهم يعني -نظام اتيكيت يعني- ياكلوونه اكال هني والله :>
اذكر وحده بالمنتدى هني تقول شافت نفس هالموقف عيونها دمعت :\
عاد تخيلوا بهالمدرسة يعلمونا سامري بدال رقصة القيشا لوول

و بعدين تعالي قوليلي دلال البارود ماغيرها دلال البارود ؟؟ الي كانت معانا بالمدرسة ؟؟

جوجوو
ضحكتيني لوول جنج انا من كنت يااهل و انا كل شوي عندي معجب و بتزوجه حتى رامي الصياد الصغير ما سلم مني و المشكله اغار عليهم
و ياتلي فتره من حياتي اموت بشي اسمه ايمن زيدان :\ على شنو تكفى

جلجاميش انا قارية قصه عنه بس على طابع طفولي فبداية مراهقتي :$

وين رووونه

 

[Little_Queen]

باتي !


انتي كنتي معانا بالمدرسة @@ @@ @@ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

!!!! ثانوية خالده بنت الاسود ؟؟؟؟؟؟؟

اول مره أدري @@ !!!! صدمتيني صدمه حياتي

أي دفعه ؟ علمي ولا أدبي ؟ تعرفيني ولا ما تعرفيني ؟

اي إهيا كانت معاي - معانا- بالمدرسة .. اهي من يوم الي كانت بالثانوية ماشالله كان عندها ميول و هوايات ادبية يحليلها احبها هالبنت

تابعي الفلم يلا و قوليلي رايج .. يا زميلة الدراسه المكتشفة حديثا )))))))))))))

و بالنسبة حق أكاديمية الوطن ماذكر انج سألتيني سوووري والله

الله يسلمج احنا نصير 4 قروبات .. كل قروب عليه مشرف و مساعد مشرف ، و كل قروب له اسم ، يتنافسون فيما بينهم عشان آخر شي يصير اكو مراكز يعني الفريق الفلاني فاز المركز الاول و جذي .. ما عليها جوائز او شغله بس تصير سمعه القروب حلوة بالجريدة و التلفزيون ..
انه فلان الفلاني من القروب الي طلعو الاوائل .. شغله اكيد اوكي .. جذي يعني

الله يسلمج تصير محاضرات و دوراش و ورش عمل عن شغلات بالصحافة و التلفزيون

و نناقش شغلات وايد ...

و آخر شي بالحفلة هالسنه صار اكو مشاريع ختامية

و احنا مشروعنا ... السراي الي انتي شفتيه


----------------------

حاملة القنديل .. ها قوليلي شووووو رايج ؟؟؟

-----------------------

ايشواريا .... كتاب السجينه سخيف @@ !!!!!

بالعكس .. محد ذم هالكتاب كلش لا كبير ولا صغير !

انا عن نفسي وايد حبيت الكتاب .. و أمي وايد حبته .. رفيجتي قرته و حبته
نص بنات دودات الكتب قروه .. ان ماكانو كلهم قارينه .. و العموم حبه

و بعدين شلون تعطين احد كتاب انتي ما خلصتيه ؟ لا يباااا خلصي الكتاب و شبعي منه و بعدين وزعيه

انا تعقدت بصراحة مره عطيت وحده كتاب كنت قاريه نصه


لي يومج مارجعته !!!! و تقول ضيعته !

كان رواية أحدب نوتردام !


مع اني عارفه النهاية ..

بس لا والله السجينه وايد حلو .. لما ترده لج كمليه و شوفي بعدين شراح يصير .. وايد وايد حلو و مؤثر الكتاب

-----------------------


اليوم رحت ورشة السهروردي الفلسفية .. عشان نناقش النص الاصلي لملحمة جلجامش

!!

الملحمة يا بنات ! روعه !!!!!!!!!!

روعه بمعنى الكلمة لما تفهمينها

لما تتأملينها

امبيه !! فعلااااااااااااا امبيه
الي عارفه قصة جلجامش

انا بسألها

شنو كانت القضية الاساسية في الاسطورة ؟؟


انه جلجامش يبحث عن الخلود !!

انزيييين ... شوفو عاد الشي العجيب ..
الي تشوف النص الاصلي ..

بتلاحظ انه مقدمة الاسطورة

نفس خاتمتها


البداية تحيل الى النهاية __ النهاية تحيل الى البداية = افعى تلتهم ذيلها = دائرة تدور حول نفسها = خلوووود للأبد !!

اسطورة ما تخلص .. اسطورة مدورة .. كل ما تخلصين منها تبدينها مره ثانية !! تدورين في حلقة مفرعه للأبد

حلقة خالده !!


هذا جانب بسيط من جوانب الجمال الي في هالاسطورة ..


هذا غير المعلومة اليديده الي اكتسبتها

الاسطورة لقوها مكتوبه على لوح من حجر اللازورد .. و كانو ايام السومريين و الاشوريين يعتقدون انه حجر الازورد اي شي ينكتب عليه ينحفظ للأبد

و اذا اندفن حجر اللازورد في مكان .. حمى المكان من الهدم و من السرقات و من الشرور ...

فكانو قبل شيسوون ؟ ياخذون حجر لازورد .. يكتبون عليه ملحمة جلجامش " كانو وايد يعتقدون في قوتها و يعتقدون انها نص مقدس " ... و يدفنونها تحت البيت

" لهذاااا لقو الواح وايد في كذا مدينة في العراق .. مو بس مدينه وحده " و لقو الواح منتشرة بكثرة ...

و الي ما يقدر يكتب الاسطورة كلها ." لانها تستهلك وايد الواح و الي كان فقير ما يقدر يشتري وايد الواح لازورد " كان يكتفي بلوح واحد يكتب عليه اسم " جلجامش " و يدفنه تحت البيت عشان يحميه

الحين .. مع تطور العلم . و ظهور علم الطاقة ..

اكتشف العلماء ان حجر اللازورد من الاحجار الي تقوي الذاكرة ، و يتميز بخصائص لها تأثير على ذاكرة الانسان و تركيزه !!!!!
و ينصح العلماء انه كل واحد يعاني من ضعف في الذاكرة او تشتت في التركيز انه يلبس قطعه من حجر اللازورد

خاتم .. قلب .. ميداليه .. أي شي !!!



هذا هو شكل اللازورد الطبيعي

http://www.marefa.org/images/thumb/6/66/Lapis_lazuli_p1070260.jpg/220px-Lapis_lazuli_p1070260.jpg

شوفوه ..


كان ونااااااااااااسه اليوم حسيت اني فاهمة و الدرس كان جدا ممتع