تفسير احلام الحوامل

[ام دلول]

رد: تفسير احلام الحوامل ((2))

تسلمين ام وليد على التفسير الله يجزاج خير

 

[برميت]

رد: تفسير احلام الحوامل ((2))

معنى الحلم يدل على خبر سعيد راح تسمعينه او حمل بولد والله اعلم .

الله يسمع منج ياارب
مشكورة يا قلبي على التفسير

 

[##سبحان الله##]

رد: تفسير احلام الحوامل ((2))

حلمي يمكن ماله علاقة بالحمل << مع اني حامل

بس بالواقع امي مريضة الله يشفيها اختي حلمانة فيها انها بقارب بنص البحر والبحر هاااااادي وحوالينها حريم بقوارب وخالتي ام زوجي معهم واختي باااااست خالتي بوستين ( للعلم اختي حامل )

وجزاج الله الجنة

ناطرتج ام وليد

 

[باش مهندسة]

رد: تفسير احلام الحوامل ((2))

ان شاء الله ولد .. والله يعااافيج يااااارب

حبيبتي يزاج الله خير .. أم وليد آنا قالولي بنت بالسونار!!

الأسامي لها معنى بالحلم؟

 

[د.مشمش]

رد: تفسير احلام الحوامل ((2))

يعطيك العافية ولو انك فشلتيني مرتين اله يسامحك
وجزاك الله خيرا

 

[ناسـفــه^البـرقــع]

رد: تفسير احلام الحوامل ((2))

صباح الخير
عندي حلمين وياليت تفسرينهم لي

الأول:
بالواقع معاي بالدوام وحده مسافره تعالج ولدها بالخارج صارلها 4 شهور وعلاقتي معاها مجرد سلام

عاد انا حلمت فيها انها داومت ووجهها كان منوور وكانت مستانسه تضحك وتسولف عاد البنات اللي معاي قالوا لي روحي سلمي على فلانه تراها طالعه من النفاس..!!

قلت شلون طالعه من النفاس هي مسافره تعالج ولدها واصلاً ما يمديها تحمل وتولد..!!

جان يقولون: لأ..هي طالعه من النفاس مو راجعه من السفر

عاد هي انتبهت اني اتكلم عنها وإلتفتت علي وابتسمت

--------------------------------------------------

الثاني:

انا متزوجه بس ماعندي عيال وحلمي اني كنت صايده سمجه كبيره حييييييييل ومستانسه لان حجمها كبير
ومعاي ناس كل سمجهم صغار بس انا الوحيده اللي صدت سمجه كبيره​

​

 

[مش مش شعول]

رد: تفسير احلام الحوامل ((2))

انا حلمت فى مرت اخوى ان ناس عطونى بطانيه وكنت مستانسه بس اهى اخذتها منى وانا كنت منحرجه منها وعطيتها ونفس اليوم جدتى حلمت ان نا عطوها هديه باطنيه بس مرت اخوى اخذتها وشمعنها جزاك الله خير

 

[زهرة الزهور]

رد: تفسير احلام الحوامل ((2))

السلام عليكم مشكورة على جهودك حبيبتي

انا حامل وكل مرة احلم اني جايبة توأم وارضعهم مرة الثدي اليمين ومرة اليسار
وشكرا

 

[كويتيه كيوووت*]

رد: تفسير احلام الحوامل ((2))

السلام عليكم ....
انا حامل وتحلمت ان امي ماخذتني لسوق الذهب اقولها يما اشتري كف ذهب حق بنتي
قالت امي بنتج صغبره لي كبرت اشتريلها وامي شرتلي اسوار ذهب نفس اسواره عندي بس ذهب صافي مافيه فصوص
واعجبتي حيل بس قلتله يما ليش تشترينها ب500 قالت انا من زمان بنفسي لج ....



وامس حلمت انا وحماتي بنروح الحج مع بعض وبنفس الحلم قاعد اقول اكيد تفسير الحلم بتجيب ولد مثلي ..
مع العلم ماادري شنو فبطني وحماتي حامل بعدي بشهر ؟؟

 

[فووفوو]

رد: تفسير احلام الحوامل ((2))

هاي أم وليد
أنا حلمت إنه أبو زوجي سأل زوجي عن دبلته وقاله ضايعه
وبعدين عطاه دبله وقاله خلها بإيدك على طول لابسها
؟؟؟؟؟ شنو تفسيره عفيه

 

[بحرينية عسل22]

رد: تفسير احلام الحوامل ((2))

مشكورة اختي على التفسير حبيبتي

 

[بحرينية عسل22]

رد: تفسير احلام الحوامل ((2))

انا امس حلمت في سمك فرش مطلعينه من البحر كانت بس سمكتين

 

[أم شواقه]

رد: تفسير احلام الحوامل ((2))

اشلووونج ام وليد

شخبارج ،، اذييييتج

ما فسرتي لي حلمي بصفحه 16

ناطرتج حبيبتي

 

[فووفوو]

رد: تفسير احلام الحوامل ((2))

أم وليد شلونج وينج ما فسرتي حلمي عفيه ؟؟؟

 

[om Fouz]

رد: تفسير احلام الحوامل ((2))

السلام عليكم الحمدلله على السلامة ام وليد

حلمت اني ولت وجيت ولد وكنت مستانسة ومو مصدقة واقول لازم اتأكد بنفسي انه ولد ودخلت عليه الغرفة وشفت اعضاءه التناسلية الا صج ولد وحمدت ربي وسجدت سجدة شكر.

 

[عبير الكويت%%]

رد: تفسير احلام الحوامل ((2))

السلام اشلونج ام وليد امس حلمت ان زوجي من غير ملابس على السرير وله عضوين ذكريين خليته بالغرفه وطلعت غرفه ثانيه كنت في بنت حسيت انها بنتي كنت ابي انومها قمت اقراء عليها المعوذات قمت تقرها معاي بس مخربطه وانا اقراها صج لين رجعت واسكتت البنت مولده يعني عمره شهرين تقريبا

 

[اللافندر79]

رد: تفسير احلام الحوامل ((2))

السلام عليكم ام وليد انا احلامي وايد والله يعينج علي
اول حلم حلمت اني قاعده على طاولة طعام مع عمي ابو زوجي وزوجي وعيالي اثنين وكانوا ماذيني بالشطانه فقالي عمي انا كلمت امي امس وقالتلي اذا انتي تعبانه يبي اغراضج وروحي نامي عندها وامه اساسا متوفيه مارديت وبيني وبين نفسي اقول متوفيه شلون انام عندها
والحلم الثاني اني ولدت في يوم13/9 يعني مبجر عن ولاتي وبيدي بنت بس كانت موحلوه وشعرها منتف نص فيه ونص لا جنها حالقينها ومعورينها مبين زلوغ دم على راسها وصعارير وايدضاق خلقي عليها بس كنت احاول اتقبلها لان امي قالتلي توها مولوده راح تتغير
والحلم الثالث اني على الفراش وجني احتضر وتشهدت وقلت حق اعيالي وريلي استودعتكم الله الذي لا تضيع اماناته وتوفيت
وحلمت ان يايني عمات ريلي يبون تفاح ورحت اقصص لهم ووزع عليهم وعلي بناتهم
والحلم الاخير ان حماتي حلمانه فيني لابسه لبس عروس ابيض فيه وردي على اساس بيسون لي حفله ثانيه
واسفه اذيتج باحلامي بس ان شاء الله كله في ميزان حسناتج

 

[حلوه حدي]

رد: تفسير احلام الحوامل ((2))

وينج يا ام وليد من طول الغيبات ............
انا حلمت كانه جتني دراعه هديه من مصر وكانت حلوه لونها احمر باصفر وعليها كريستال شوارفسكي وكأن خامتها كودري البارد وكنت انا مستانسه اني اقيسها .... يالله ياعمري ناطرين التفسير

 

[فووفوو]

رد: تفسير احلام الحوامل ((2))

وينج يا أم وليد

 

[برنس كيوت]

رد: تفسير احلام الحوامل ((2))

ام ولييييييييييييييييد ... الله يعيييييييييينج على كل هالتفاسير ............

انا بعد ابي افسر حلمي بس لما تخلصين قوليلي بلييييييييييييييز .....