في ضيافتهم ..........لقاء متجدد

[@شمس الضحى@]

يامرحبا بأم عزوز تو مانوووووووووور المنتدى

 

[HearT ChocolaTe]

بوجودج فديت أسووم وأمها أنا

 

[HearT ChocolaTe]

منو فيكم حااااابه تستضيف أم عزوزي :ggdw: ولها أن تختار اليوم والساعه بعد شتبون
<<< شسوي فيكم بحرك الموضوع شوي :tomato2:
يلااااا أنا عازمه نفسي

 

[HearT ChocolaTe]

:jumpon:

 

[الصابرة المحتسبة]

حياج الله يام عزووز هذي الساعة المباركة

يلا تزهبي

 

[HearT ChocolaTe]

:nbvppw::eh_s(9)::nbvppw:

 

[مباركيه]

:nbvppw::eh_s(9)::nbvppw:

عساها دوم هاالفرحة:eh_s(6):

 

[HearT ChocolaTe]

أجمعين فديتج زهبي روحج أنتي عقبي

 

[مباركيه]

:hjy5jewf:انا حاضرة للطيبين

 

[الصابرة المحتسبة]

الأسئلة للغالية ام عزووز:

1- شهادتج لو سمحتي؟؟؟

2- ناوية تقاعدين مبجر ؟

3- تزعلين لي احد سألج عن حالة عزووز وانتي ماتعرفينه؟؟؟

4- لي صادفتي بمكان عام وعزووز تصرف أي تصرف تضايقين وتطلعين من المكان أو إنج تصرفين عادي وتواجهين الشغله برحابة صدر؟؟؟

5- سبب تسجيلج بالمنتدى؟؟

6- أكثر قسم يعجبج بعد هالقسم؟

7- عضوة تعجبج مواضيعها>>>لاتقولين الصابرة ومشاعل غيرنا واللي يعافيج عن المجامله؟؟؟

8- موضوع وقفتي عنده ولا قدرتي تردين عليه؟

9- لو صدف وقابلتي مديرة منتدى الكويت شتقولين لها؟؟؟؟؟؟

10- موقف صعب صادفج بقسم ذوي الإحتياجات الخاصة ؟؟؟

وشكرا لحسن اللإستماع والإجابة

 

[HearT ChocolaTe]

الأسئلة للغالية ام عزووز:

1- شهادتج لو سمحتي؟؟؟
دبلوم تجارة ..خخخخخخ <<< بتكشخ روحها
تخصص تأمين ... ودوامي سكرتيرة إداريه :dddds:
ماله شغل بالتأمين

2- ناوية تقاعدين مبجر ؟
والله لويحصلي من باجر :tomato2: بس ظروف الحياة اللي تخلي الواحد قصب يكمل المده

3- تزعلين لي احد سألج عن حالة عزووز وانتي ماتعرفينه؟؟؟

يعتمد على لباقة الشخصيه معاي .. لأني ما أسمح باللقافه .. في ناس تلتمسين مغزاهم بالسؤال :eh_s(6):


4- لي صادفتي بمكان عام وعزووز تصرف أي تصرف تضايقين وتطلعين من المكان أو إنج تصرفين عادي وتواجهين الشغله برحابة صدر؟؟؟

لا ما أطلع وكيفه يتصرف براحته ويفرض نفسه لأن ما يسوي شي بتعمد .. أنا أتعامل مع عزوز مثل ما أتعامل مع البــيبي

5- سبب تسجيلج بالمنتدى؟؟

سؤال وجيه يا ست الناظرة :eh_s(1): بس حبيت المنتدى بكبره وحبيت أكون عضوه فيه أشارك همي وهم خواتي

6- أكثر قسم يعجبج بعد هالقسم؟

ما عندي قسم معين بصراحه :eh_s(6): هو الأول والأخير
أزور باقي الأقسام إذا كنت محتاجه شي .. أو إذا لفت إنتباهي شي

7- عضوة تعجبج مواضيعها>>>لاتقولين الصابرة ومشاعل غيرنا واللي يعافيج عن المجامله؟؟؟

والله ما اعرف المجاملات نهائيا ويمكن هذا عيب شرعي فيني خخخخخخ
بس أنتي تعرفين زين أنج أنتي .. يا العيارة :tomato2:
وفالنسيا الكويت ومرة قريت حق دانسينغ كوين وعجبتني طريقتها

8- موضوع وقفتي عنده ولا قدرتي تردين عليه؟

:eh_s(1): الميموري يعتذر (( ما أذكر ))

9- لو صدف وقابلتي مديرة منتدى الكويت شتقولين لها؟؟؟؟؟؟

أقولها مشكوووورة مليووون أنج عرفتيني على خوااات دنيا شاركوني وشاركتهم فرحي وهمي ودعائي
أقولها مشكوووورة مليووون أنج رجعتي لنا المنتدى من فرعي إلى أساسي وهذا يعني الكثير بالنسبه لنا
وأقولها عسى الله يسعدج مثل ما اسعدتينا أمممممم وبس <<< ترى ما تخلص قرقتها

10- موقف صعب صادفج بقسم ذوي الإحتياجات الخاصة ؟؟؟

شكوى قدمتها .. وخاب ظني فيها نوعا ما

وشكرا لحسن اللإستماع والإجابة

شكرا لج يا أعز وأغلى وأطيب قلب ...
<<< جنها أغنيه خخخخخخخخخخخخ


يا الله اللي بعدو ....اللي عنده سؤال يسأل وإلا ما أرد عليه بعدين
خخخخخ <<<< طرارة وتتشرط بعد .. لا والله عشان نبي نقابل أم أحمد (( مباركيه ))

 

[مباركيه]

انا حاضرة وبالشوفة:eh_s(4) :eh_s(4)::الله يعيني
اتغشمرحياج الله يا الغالية وأي اخت عندهاسؤال تتفضل تسأل_03BA:

 

[الأماني]

ماشاءالله عليج أم عزوز مواضيعج وااايد حلوووووووه

عسي ربي يبارك فيج ... يعطيج العافيه وما قصرتي

 

[كندية]

حسااااافه توووني طاايحه على الموووضووع

على الحظ دوووور مبااركيه :ggdw:

والله ماادري شنوو اسال.....بس شنوو النصيحه الللي تعطينها لناااا ؟؟؟

 

[HearT ChocolaTe]

ماشاءالله عليج أم عزوز مواضيعج وااايد حلوووووووه

عسي ربي يبارك فيج ... يعطيج العافيه وما قصرتي

حبيبة قلبي يا الأماني .. وإن شاء الله بنشوف لنا يوم ونستضيفج

حسااااافه توووني طاايحه على الموووضووع

على الحظ دوووور مبااركيه :ggdw:

والله ماادري شنوو اسال.....بس شنوو النصيحه الللي تعطينها لناااا ؟؟؟

حلااااتهااااا والله الكنديه الفاضيه أم الألعاب الكمبيوتريه خخخخخخخ
هلا هلا مرحبا فيج ... لا تحاتين الدور يــايج :tek:

 

[HearT ChocolaTe]

انا حاضرة وبالشوفة:eh_s(4) :eh_s(4)::الله يعيني
اتغشمرحياج الله يا الغالية وأي اخت عندهاسؤال تتفضل تسأل_03BA:

يا حلاتهم اللي شادين الحزااام .. ومشمرين الذرااع

يا الله .. أم أحمد قومي طلي :eh_s(6): أممممم البطاقه المدنيه عندنا بموضوع التعارف :dddds:
والحين _03BA: بتوحد فيج خخخخخخخخخخخخ
1) كم كان عمرج لما عرفتي بمرضج ؟ وشنو كانت ردة فعلج ؟

2) شنو أكثر شي تحسين أنج جاهدتي فيه بالحياة وقدرتي تتجاوزينه برغم المرض ؟

3) شنو أصعب موقف مريتي فيه ؟

4) واقع أسرتج ( بيتج وعيالج ) هل واجعتي أي موقـف صعب معاهم خاص بإعاقتج ؟ (( بالحمل والولادة))

5) شنو أمنيتج بالحياة ؟

:68_asmilies-com:

 

[مباركيه]

كم كان عمرج لما عرفتي بمرضج ؟ وشنو كانت ردة فعلج ؟
- والله بصراحة كنت صغيرة يوم صار فيني الشلل بس اذكر يوم عمري 5،6 سنين يودوني المستشفى العلاج الطبيعي وفي مكان ذاك الوقت مأأعرف أسمه الأطراف الصناعية00كل سنة يسوون لي جهاز حق ريلي اليمين (المشلولة) ههههههه طواله 00بالنسبة حق ردة فعلي ما كنت حاسة اني غير اليهال لأن أهلي كانوا يخلوني ألعب معاهم عادي أركض ألعب مصيدة،لبيدة،وأركب الجواري مرة أطيح وأقوم عادي بالعكس نقعد نضحك0000:ada:


2) شنو أكثر شي تحسين أنج جاهدتي فيه بالحياة وقدرتي تتجاوزينه برغم المرض ؟
هو المدرسة كنت شاطرة في الابتدائي وكنت من الأوائل ويوم وصلت أولى متوسط مأدري شصار فيني ما ادري مرحلة جديدة أولأني بلغت مبجر00وكان عمري 9سنين في أولى متوسط وسقطت سنتين ورا بعض استغربوا المدرسات وقالوا حق أبوي بنسوي لها اختبار ذكاء يمكن فيها بطئ تعلم او استيعاب ويييييييي هم قالوا جذيه شصار فيني000خذوني بغرفة مع مدرسة العربي واسمها هند مصرية ومع استاذ او دكتور مصري يعطوني ثلاث اختبارات كل اختبار 5 دقايق وييييي شسويت كل اختبار خلصته تقريبا بدقيقتين اهني الأستاذ أستغرب قال مافيها شي جان تعصب المدرسة وفالت لي حضرتك بتستعبطي :krkrkr:جان أضحك وبروووووود المهم نجحت وطلعت الأولى ولله الحمد انهيت المرحلة الدراسية وتوظفت وتقاعدت000

3) شنو أصعب موقف مريتي فيه ؟
اصعب موقف يوم صار عمري 17 سنة بدوا الخطاطيب يدقون الباب (حلوة هذي ) وأغلبهم كانوا من الأهل وأصحاء وطبعا اهنيي عرفت ان أهلهم ما كانوا موافقين،،لأني مشلولة واحد منهم وقف بوجه أهله وأنا رفضت قلت اهم شي عندي موافقة الأهل بهالوقت حسيت ان الناس ينظرون لي بنظرة ضعف واهانة واهني زاد عندي التحدي والعزيمة وحبيت أثبت للأهل والناس ان مادام العقل موجود فلا وجود للاعاقة 000

4) واقع أسرتج ( بيتج وعيالج ) هل واجعتي أي موقـف صعب معاهم خاص بإعاقتج ؟ (( بالحمل والولادة) )
بالنسبة حق بيتي الحمد الله بكري بنت وعقبها ثلاث أولادوالحمد الله ما واجهت أي صعوبة لأن من صغرهم وأنا معاهم لا أتكلت على خدامة أو مربية أو أي أحد من الأهل في تربيتهم كانوا يشووفوني دايما جدامهم بأي وفت يحتاجوني فيه وبصراحة قعدت مع كل واحد فيهم وسألتهم شنو شعوركم لو أي أحد يسألكم شفي أمكم وليش تمشي جذيه وتستحون مني لي طلعت معاكم جدام الناس والله احرجوني بردهم أحنا مانشوفج غير عن الناس واحنا نفتخر فيج (أدري يمكن بعضكم يقول يجاملونج ) لا لويجاملوني مايصرون على طلعتي معاهم وانا اللي اسوق السيارة
وبانسبة للحمل والولادة الحمد الله السهالة من الله واول حملة خيرني الدكتور بين الولادة الطبيعية والقيصرية أخترت الثانية لأن الأولى فيها شفط للياهل000


5) شنو أمنيتج بالحياة
وأمنيتي اني أشوف عيال عيالي 00:klhfl:00(وأسفة على الطوالة):tek:

 

[مباركيه]

حسااااافه توووني طاايحه على الموووضووع

على الحظ دوووور مبااركيه :ggdw:

والله ماادري شنوو اسال.....بس شنوو النصيحه الللي تعطينها لناااا ؟؟؟

هلا والله بكندية000
نصيحتي حق كل صاحبة اعاقة وكل أم عندها معاق الصبر ومواجهة أي أمر صعب بالاتكال على الله سبحانه وتعالى كل مؤمن لازم يمر باختبار بالدنيا والله يقدرنا ونجتاز هذا الاختبار000
وماكو شي أسمه مستحيل ما دام الله سبحانه وهبنا العقل وهذا أهم شي وفقدان أي عضو مأعضاء الجسم مايعيق الانسان الواعي الفاهم المؤمن بقضاء رب العالمين الارادة والعزيمة والصبر هذا شعار التحدي

 

[الصابرة المحتسبة]

قولي آمين وهم آمين وبعد آمين يعل ربي يعطيج الصحة والعافية ويبلغج بعيالج وعيال عيالج اللهم آمين
سؤالي : أسعد لحظة مرت عليج؟
سبب تسجيلج بالمنتدى وشلون عرفتيه؟
كنتي اتابعينامن قبل؟

 

[فجرالعيد]

أم أحمد أهنيج عالهعزيمه وإنتي مفخره لعيالج وقدوه لنا في التحدي والصبر والرضي بقضاء الله وقولي أمييييييييين عسي الله يبلغج في أحمد وإخوانه وتشوفين عيال عيالهم ويلبسج ثوب الصحه والعافيه والرضي يابركه إنتي ياسكره