تجمع المسافرات الى لندن شهر 7 وشهر 8 ؟

[حضاره]

mrooo

حياج الرحمن حبيبة قلبي00احطج بعيوني00والله شقولج ؟؟ موتنقديييييييين علي !!!

انا بغيب عيالي اول اسبوع بالمدرسه00تشوقت حدي حق لندن00حتى ابونا يقولي لايكون تبطلين حلجج شهر 4 وتقولين بسافر!!

هذي بدال هذي00اضحكج امس اقوله ياااااااااارب الله يرزقك بمليون دينار وتعطيني 100الف قام يضحك يقولي اشبتسوين فيها ؟

قلت له كل شهرين اروح لندن اقعد اسبوع وارجع!!!!

قال الحمدلله ان ماعندج ههههههههه

 

[جنون العشق]

شنو اخر اخبار التسوق في لندن

 

[mr000]

الدلال أي عدل آنا أقول اشلون هالسعر وبالأنترنت حاطين سعر أكثر بوايد! تدرين حتى الفتره اللي آنا أحب أروح فيها بالأيستر تزيد الأسعار بس شسوي علشان عطلة ولدي ولافيها التنزيلات اللي تسوى مثل الصيف!! ياربي كل ماقلت بروح مكان غير لندن أرد أروح لها أحس أنه بعد في مناطق وايد ماشفتها!! حضاره مشكوره حبيبتي تسلم عيونج!! وي حضاره على طاري سفرت لندن آنا سنة 2000 رحت لندن وبلاكبول واسكتلندا وهناك واحنا نتمشى كنا نشوف مكاتب عقاريه حاطين عالجامه صور شقق وبيوت للبيع وأسعارهم والله موغاليه وبأماكن حلوه خاصه يم بلاكبول ومنطقة البحيرات واسكتلندا عاد ولدي كان يشيشني يقولي أول ماتتقاعدين أخذي فلوسج وسيده تعالي اشتريلج شقه وقعدي هني والله وكانت الفكره صج في بالي وحزتها قلت صج بسويها بس تقاعدت ومانفذتها!ساعات الواحد يضيع على نفسه فرص ماتتعوض مثل الوالد ألحين صارله أكثر من 30سنه يقعد الصيف كله بلندن بس موشاري شقه ومتحسف لأنه أول مابدى يروح بالسبعينات عمي شرى شقه بريجنت ستريت قبال الحديقه وأبوي تردد قال يمكن ماأيي كل سنه تالي تولع فيها آنا الظاهر وارثه هالجينات منه وألحين وايد غلى سعرهم!!

 

[حضاره]

مرووو
انا وخواتي قاعدين نفكر بهالفكره بعد 00بس اختي تقول انتوا روحوا وردوا وابخصوا الديره تالي فكروا تشترون شقه هناك00
والله شقولج انا اللي تولعت وعيالي موذاك الزود 00يقولون يمه غيري موكله لندن؟؟قلت لهم انتوا يالزعاطيط اشعرفكم ؟؟!!
يتراوالي يبي 10 روحات حق لندن كل مره 10 ايام ياااااااااااااااااااااالله اشبع منها !!مع العلم اني زرت فرنسا وسويسرا والمانيا والنمسا
بس لندن وبس والباجي ياكل خس ههههههه

 

[dalal-3]

السلام عليكم , بصراحه انا ايد كلام اختي روابي لاني صارلي نفس الموقف في سب واي اجوارود الباكستاني اللي يسوي البيتزا لما ادخل واطلب يقولي takeway only واللي بعدي يجون ويطلبون ولا بعد يوصل لهم البيتزا للطاولة وانا عايلتي يقولنا تاخذزن طلبكم شنو اهو بكيفه المطعم ولا اذا كلمتيه يقولج روحي وقدمي شكوى ويقولي انتوا العرب كثيرين الجدال عشان جذيه ما يحب العرب والمصيبه انا احنا وهو مسلمين بس الشكوى لله

 

[mr000]

ويه دلال اشهالمعامله الله يقطعهم أشوه بسفرتي الأخيره مامرت علي هالشغلات عاد آنا مو أعصب لأ أتنكد ويخترب يومي ماأقدر أنسى بسرعه لأنه أمسك نفسي بس قزرتها هالسفره على خفايف شايفه المطاعم اللي داخل المحلات مثل دبنهامز وجون لويس وسيلفريجز والسطره هذي آكل أي شي خفيف قهوه وموفن أو شاي وصمونه وزبده ومربى هذا ترى الغدا بس ناكله العصر لأنه بصراحه ريوق الفندق كان بوفيه وصج يشبع فماقعدت بمطاعم أجوررود بس مرتين طلبت حق ولدي تيك أواي ومرتين من بيتزا هت والباقي ياأطلب له من الفندق نفسه أو نكون بمنطقه بره لندن!!

 

[mr000]

أي حضاره آنا ولدي الصغير هم مايبي لندن بس بنتي تقولي خلاص وديني آخر سفره لندن خل أشتري هدوم وجناط وتالي دوريلج مكان ثاني! بس والله فكرة الشقه في بالي ومولازم بوسط لندن ماأقدر على أسعارها ولوية الخليجيين آي مكان حلو بره لندن!

 

[نيلفار]

بااااااااااااااااااااك بنات شلووونكم



حضاره ترى شفتلج شانيل الكلاسيك كللللللللللللله خااااالص

 

[حضاره]

نلفاااااااااااااااااااز

موخوش خبر
قوليلنا وين رحتي اليوم؟؟والله انتي شكلج بتقزرينها اسوقه هالسفره!!كلن في قلبه شقى اللي له!!عسى حصلتي شغلج؟

بنات ش الله حادكم على هالمطعم ويييييييع والله لو انه احسن مطعم وهذي معاملتهم00مااروحله00 الواحد مسافر يستانس
ولا يروح يرفع ضغطه ويرد00!!

 

[mr000]

نيلفار شخبارج يالله قوليلنا عن مغامراتج من أمس مابينتي! عسى استانستي بالسوق وحصلتي اللي تبينه؟ قوليلنا انطباعج عن سيلفريجز وشخبار السوق مارحتي هارودز؟!!أحلى شي الواحد يسافر من غير يهال يدودهونه بالسوق مع أني ماقط جربتها والريال ياأما يكون يحب السوق ويسانع بالمشي وألا بلاه وآنا أخترت الأختيار الثاني من زمااااااااان!!

 

[حضاره]

مرووووووو
ابيه00انا اللي عندي يشجع ومايشجع 00يعني اوكي يحب يسافر وبس لي وصل الديره بس خلاص!!يبي يقضي اغلب الوقت يا بالشقه

يابالفندق00 ولما اطلعه بالحنه عشان انتمشى 00تخيلي يقولي00بس انتي اشفييييييييج ماتتعبين خل نرجع اقوله قول لااله الا الله احنا رايحين نزور بلادين ونستكشف00يقولي لا موشرط سفرتج بحد ذاتها تغيير00قمت اسافر مع عيالي واخواني شسوي بستانس00الله يخليه لنا ويطول بعمره00

 

[نيلفار]

هلاااا حبايبي

شوفو امس رحت هارودز وهارفي نيكلز وخذيت الشارع كله

وشريت من هارفي نكلز عطر عجيييب اكسكلوسف حقهم من ماركو جيكبز

وهارودز خذينا هم اغراض سوالف نتاتيف الجناط وكوابة وكاكاوات والعاب

وعقبها رحنا على طوول ويستفيلد وهم شريتلي سنفرتين زياده وفريت بس تعبنا لان كانت طلعتنا من الصبح


بس والله المجمع عنده خوش خدمة تفتحينلج مثل كرت عليه رقم واي محل تشترين منه تعطينهم الكرت واهي يدزونه تحت يعني ما تاخذين شي معاج واااااايد ريحتنا هالخدمة

عقبها ريحنا شوي ورحت اكسفورد بس للحين ما وصلت نهايته دايما اوصل لي النص واكون مشريه شكثر اغراض ونرد




واليوم يا طويلين العمر هم رحت البوند ستريت زعقبها اكسفورد وردييييت هلكااااااااااااااااااااااااانه وقلت حق ريلي بس مليت من شي اسمه سوق ابي اروح الهايدبارك وصج رحنا وركبنا القوارب وكلينا برد بوفليك خخخخ

وسلامتكم



بسالكم وين في اكسفورد مكان يبيع جوسي كوتور غير سلفرج ؟

 

[نيلفار]

بنات في مطعم اسمه سلوى هندي ابيييييييييييه اكله عجيييب عنده برياني لذيييذ ودي اسحب الهندي الي يطبخه واسحبه معاي الكويت

بس مكانه مو ذاك الزود وكله تيك اوي

 

[mr000]

خوش برنامج عليج بالعافيه نيلفار بعد روحي ريجينت ستريت وكوفنت غاردن ترى هذا سوق مو حديقه والتمشي فيه حلو ويونس! حضاره آنا ريلي موبس السفر حتى شاليهات وهالسوالف مايحب عطيه بس الدوام والبيت وبيت أهله ودوانيه مره أو مرتين بالأسبوع بعد مايطول وخاصه من صارت عندنا الصغيره كله قاعد بالبيت مجابلها وألحين يقولي ودي أتقاعد ياوييييييلي!!

 

[SupeR-GirL]

هلاااا حبايبي

شوفو امس رحت هارودز وهارفي نيكلز وخذيت الشارع كله

وشريت من هارفي نكلز عطر عجيييب اكسكلوسف حقهم من ماركو جيكبز

وهارودز خذينا هم اغراض سوالف نتاتيف الجناط وكوابة وكاكاوات والعاب

وعقبها رحنا على طوول ويستفيلد وهم شريتلي سنفرتين زياده وفريت بس تعبنا لان كانت طلعتنا من الصبح


بس والله المجمع عنده خوش خدمة تفتحينلج مثل كرت عليه رقم واي محل تشترين منه تعطينهم الكرت واهي يدزونه تحت يعني ما تاخذين شي معاج واااااايد ريحتنا هالخدمة

عقبها ريحنا شوي ورحت اكسفورد بس للحين ما وصلت نهايته دايما اوصل لي النص واكون مشريه شكثر اغراض ونرد




واليوم يا طويلين العمر هم رحت البوند ستريت زعقبها اكسفورد وردييييت هلكااااااااااااااااااااااااانه وقلت حق ريلي بس مليت من شي اسمه سوق ابي اروح الهايدبارك وصج رحنا وركبنا القوارب وكلينا برد بوفليك خخخخ

وسلامتكم



بسالكم وين في اكسفورد مكان يبيع جوسي كوتور غير سلفرج ؟

اييي عطر لولا عجيييييييييييييب
الله برد بو فليك انا رحت لندن ورديت ولا كليت البرد للحين خاطري فييه :eh_s(1): يا الجو بارد ومطر يا بلاعيمي تعورني :\ بس مررره كليت برد بريجينت بارك ولي يوووومج وانا اكحكح

وجوسي انا بس شفته بسلفرج



الا بسالج شخبار الديونيه اللي مسوينها العيايز باللوبي ليلحين قاعدين ولا رااحووو :dddds:

 

[the lady]

صباح الخير بنات كيفكم ؟

انا بلندن اللحين

ساكنه بالكوينزوي

رحت للندن آي وبيق بين ويمكن طالعين على مدينة اكسفورد

والسوق مأجلته لاخر يومين بس ابغى اعرف من فين اطلع للبوند ستريت وانا بالاكسفورد ؟

اتذكر البنات وصفوها قبل بس نسيت بأي صفحه

 

[ملاك-77]

سوالفكم تشوق

الله يسعدكم ويهنيكم ياارب

 

[حضاره]

the lady

بوند ستريت تطلعين له من عند نكست اخذي يمين00
نيلفاز
خوش برنامج00وزين رحتي الهايد بارك00انا بصراحه مااستوعب اللي يروح لندن بس سوقه!!حلات الواحد يتغانم الفرصه

ويشبع من هالمناظر وهالجو اللي يرد الروح 00علييييييييييج بالف عافيه0
بس تعالي وصفي لي المطعم الهندي هذا وينه ولا اخذي كرته مره وحده عشان آخذه منج

مرووو
عيل ريلج شكله بيتوتي!!00نفس ريلي وهالشغله والله ميزات وعيوب00الله يخليه لكم00

 

[sweet lady]

بناااااااااااات ماشالله تجمعكم يونس انا انشالله ناويه اروح لندن الشهر الياي تتوقعووون في تنزيلات
واشلووون اروح ويستفليد هذا مجمع مروووو اي مكان القى السنفره اشلووون اعرفها شنو اقولها لاني قريت الصفحات الاخيره مالحقت عليكم
وشنوووو الاماكن اللي تسوى اروح لها اشرايكم بلووتر هم اشلوون اروحله مع اني قعدت بلندن شهرين ونص كله باكسفوورد ماعرفت استتغل الوقت المره اليايه ابي اطلع حرتي تكفوووووووووون بنااات عطوني الاماكن اللي تستاهل اروح لهااا وابي ملابس اطفال حلوة وموموجوده بالكويت امانه كل وحده تذكر شي تقولي اشلون ارووحله سوا باص ولا بالقطار شنوو الاشياء القريبه اللي يسوا اييبها من هناااك اتذكر وحده بشبربوش تبيييع مكياج وتقوول اشكثر حرييم الكويت ياخذون منها بضاعه واسعارها زينه وشنووو تنصحوني بفندق اسكن فيه وجم تقريبا الليله تطلع

 

[ombadra80]

السلام عليكم , بصراحه انا ايد كلام اختي روابي لاني صارلي نفس الموقف في سب واي اجوارود الباكستاني اللي يسوي البيتزا لما ادخل واطلب يقولي takeway only واللي بعدي يجون ويطلبون ولا بعد يوصل لهم البيتزا للطاولة وانا عايلتي يقولنا تاخذزن طلبكم شنو اهو بكيفه المطعم ولا اذا كلمتيه يقولج روحي وقدمي شكوى ويقولي انتوا العرب كثيرين الجدال عشان جذيه ما يحب العرب والمصيبه انا احنا وهو مسلمين بس الشكوى لله

عساه ما يربح هالباكستاني - عاد زوجي سألهم عن اللحم يقولون حلال وحلال
تدرون شنو رده كان؟ يقول ما يدري بس بلندن كلها ما في مطعم مكتوب عليه حلال تصدق انه حلال بس يبون يكسبون الزباين العرب!!!

شوفوا الاستغفال
يعني لما تشوفون اسم حلال معناه انه مو خنزير (وبس) مو معناته انه مذبوح بالطريقة الاسلامية