الحجاب

[mamanoonaa]

السلام عليكم
بطرح عليكم سؤال علقت فيه على احد المواضيع بالمنتدى وحبيت اعرف راي الاغلبيه منكم
هل انتي مع او ضد حجاب البنت المبكر (قبل البلوغ)؟ وليش؟

 

[عاشقه رويشد]

بالعكس مع
اذا كانت حابته وتبي يكون شي من داخلها
بنت خالتي تحجبت عمرها 10 سنين

 

[Namlah]

وعليكم السلام
الحجاب ستر حق البنت كبيره او صغيره
لكن مع اوضد قبل البلوغ.....كل ناس وبيئتهم يختلفون هم متعودون جذي....واذا البنت تبي الشي وحابته ليش لا
وعن نفسي احب ان البنت تلبسه من نفسها وقناعتها علشان تلبسه صح

 

[tmtmt]

امممممممم .. احنا الحين كل وحده شكبرها وكل يوم طالعين بشكل الله يهدي الجميع

وتتحجب صغيره اكييييد بتتاثر

انا اقول الاحسن انها تعيش طفولتها باجر متحجبه وبتركض وبتلعب مع اليهال اهيا وحجابها ... اهيا راح تتضايق منه وماراح ترتاح

بس ممكن تكون بالمتوسط بثامن ولا تاسع عادي تتحجب حتى لو ما بلغت .. في وااايد يبلغون متاخر .. يعني على حسب العمر

 

[زهرااا]

مثل ما قالت tmtmt

 

[عــاشــقــه]

آلحجآب ؤآجب على آلبآلغه لأن أكيد بتكؤن فآهمه ؤ ؤآعيه

ؤ لآزم عن إقتنآع شخصي من دآخل يعني محد يضغط عليهآ

شكثر نشؤف بنآت يتحجبؤن ؤبعد فترهـ يقطؤنه لأنهم مؤ مقتنعين أؤ مآ عندهم ؤعي كفآيه بأهمية آلحجآب

 

[بيتي بوب بس كويتيه]

ضد الحجاب قبل البلوغ
ولما تبلغ لازم تتحجب واحاول اقنعها وحببها فيه
وطبعا مو حجاب بو طقه مال هالايام لبس ضيج وخرابيط عالراس
انا عندي لبسي ملون وفنتك بس وسيع وحجاب ما تطلع منه شعره
لانه انا الصراحه جربت قبل البس حجاب ولبس ضيج وصج ما كنت مرتاحه الحين حيل ارتحت لما تسترت

 

[7neaN]

والله ما أدري بس أشوف ما له داعي البنيه تحجب وهي صغيره
خاصة إذا كانت مغصوبه من أبوها و أمها يعني إهيا توها صغيره خلتستانس وتلعب و بعدين لاحفه
ع الحجاب , بس إذا كانت بالغه أنا أشوف واجب على البنت تحجب مو بكيفها ..
و يعطيج ألف عافيه ..​

 

[(كويتيه عسل)]

اهم شي تلبسه البنيه بارادتها وعن قناعه واكيد دور الاهل مهم في الارشاد والنصيحه

علشان البنيه لما تتحجب تلبسه عدل مومثل بعض البنات الله يهديه القذله طالعه وتلبسه جدام اهلها ومن وراهم تقطه

 

[حـور]

انا مع الحجاب مع التكليييف والتكليف ماله شغل بالبلووغ ...هذا شرع مافيه كلااام ولمن الرسول يامرنا انفذ بدون مناقشه لان ما تشرع شي فيه مضره بالعكس تركه هي المضرة الاكيدة ..الدليل احنا مأمورين نعلمهم على الصلاة من 7 سنوات..هذا امر الرسول(ص) يعني مانعلمهم؟؟ علشان اطفااال؟؟ ليش منو الاعلم والافهم احنا ولا رسول الانس والجن؟؟؟؟

انا مع حجااب البنت من 9 سنواات..وهذا سن التكلييف....

 

[العين الكحيله]

ضـــد
توهاا جاهل وتحجب ......؟؟


احسن وقت للحجاب بعد البلوغ لانها راح تكون وااعيه وفااهمه ان هذا فرض

 

[[[ عيون جابر ]]]

الحجاب بعد البلوغ احسن عشان تحس انها صارت كبيره مع التغيرات الي تصير لها

 

[No0ra_q8ya]

على حسب اذا البنت من نفسها قالت وتبيه مع
بس اذا جابرينها وقبل البلوغ ضد

 

[ام الدرر]

عند البلوغ شائت ام ابت
ربي بيحاسبني يو م القيامه عليها

 

[شويهينه]

سن التكلييف مو هو سن البلووووغ؟؟؟؟


عالعموم انا ضد حجاب البنت قبل البلوووغ.... توها صغيره وبتحس بالنقص وتحس بالتقييد

اذا بلغت اكيد تتحجب

 

[smailey]

ضد ورايي من رايtmtmt

 

[mamanoonaa]

ضد الحجاب قبل البلوغ
ولما تبلغ لازم تتحجب واحاول اقنعها وحببها فيه
وطبعا مو حجاب بو طقه مال هالايام لبس ضيج وخرابيط عالراس
انا عندي لبسي ملون وفنتك بس وسيع وحجاب ما تطلع منه شعره
لانه انا الصراحه جربت قبل البس حجاب ولبس ضيج وصج ما كنت مرتاحه الحين حيل ارتحت لما تسترت

الله يهديج حبيبتي ويتمم عليج ويستر على بناتنا يارب

 

[a7la bronzya]

السلام عليكم ;
أول شي احب أشكرج على هالمواضيع الحلوه وثاني شي انا من رايي دام البنت ما وصلت سن التكليف فهذا الشي راجع لها ويعتمد علا قناعاتها ... أما إذا وصلت البنت مرحلة البلوغ لازم تتحجب لان الحجاب فرض على كل مسلمه ..
ويعطيج العافيه يا أحلى ماما ولايحرمنا من مواضعيج الحلوه .

و شكرا :eh_s(6)::hearting:

 

[ياعشيري جعلك السلال]

الحجاب ما يجي مرة وحدة
يعني البنت تلبس على راحتها الضيق والمخصر والقصير والحفر وفجاه تبلغ ووتتحجب لا طبعا

لازم تتهيا انها كبرت ولازم لبسها يتغير يعني الضيق ما ينلبس القمصان تكون طويله والتيشيرتات بعد ومن تبلغ على طول تتحجب

 

[فجر الغلا]

والله انا من رايي اذا البنت تبي لحجاب قبل البلوغ عادي خل تتحجب لأن خوفج لما تكبر تغير رايها وماتبي الحجاب حزتها منو بيقنعها وهيا كبيره