أعلنت حرب شرسه على الدهون (يومياتي بالصور) .. حياكم

[BiiShOoO]

الله يسهل عليج و يوفقج يا رب و متابعينج

 

[Remoh]

موووووووووووفقه ..

وآنا ام عبودي مثلج ويا الحبوب .. يبت كل المقادير ونفس الشي خلط وشحططه هههههههههههههه .. بس طلع لي وايد بالنهايه هههههههههههه ..

متابعينج وبالتوفييييييييييييييق ^^

 

[om3boood]

اليوم الثاني
-------

امس بنات اول مابلشت رياضه الله وكيلكم ... ولا حركه قدرت اضبطها مع مدربه الدي في دي
جسمي متكسر ماكو لياقه ماكو مرونه .. عظامي اتطقطق ... حتى تمرن بس 5 دقايق يمكن
وهذا شي طبيعي ..

اليوم لاوالله خوش شي.. تمرنت احسن من امس .. صرت اوازن شوي ما أرقل :dddds:
اخذت وكت اطول ... وخمس دقايق بس اسوي ستريتش حق جسمي كله
طبعا الام التمارين قامت تبين اكثر .. وطبعا يبي وكت على ما يتعود جسمي عالحركات اليديده
بس اووووف شنووووو احس برااحه وسعاده .. وبديت اشد جسمي .. اول حتى ظهري مو قادره اسمته ومو قادره اشد بطني
والله بنات قمت اسوي ايحاء قوي ان جسمي بدا يستجيب حق الحاله يديده .. احس الدهن اخترع وبدا يتحرك :krkrkr:

قاعده افكر اذا احط مقاساتي واخليكم اتابعون معاي ... بس ابي تشجيع
واذا ماشفت تشجيع باحتفظ بقاساتي لنفسي :bbbiu:

للعلم .. راح احط مقاساتي صووووور واسويلكم حركات يديده ​

 

[BiiShOoO]

موووفقه حبيبتي و الله يسهل عليييج يارب

 

[Remoh]

يلالالا ناطرينج ..

آنا باجر ببلش مشي وسيكل (الثابت) .. لأن اليوم ثاني يوم الدورة ومابي امشي من الحين باجر تكون اخف الوضع .. والله يعيين ^^

ابي اشوووووف القياسات .. آنا شريت لي بنطلون قياس 40 طلع كبيييير خخخخخخخخ ونااسه ^^

 

[om3boood]

Remoh
الفال اللي يوم اللي تصير ملابسي كبيره علي
وان شاءالله بصور قياساتي واحطهم لكم

 

[لحظة غروب]

موفقه

 

[جوديے... كيوت]

الله يعطيج الصحه والعافيه

وامشي على نظاااااام صحي يساعدج على رضاااااااعه

كثري الماااااااااي والخضرواااات


انا امي كانت زفني تقولي ترضعين وتسوين رجيم والله بدون مبالغه لم سويت رجيم صدري قام يدر

لانه بفترة الرجيم اكل خضروات فاكهه واذا مافي رجيم كلا خرابيط كاكاو برد حلاو اي شي على الماشي ومافي فايده

ولا يشبع الياااااهل:eh_s(6):

بس الحين اعتزلت رضااااااااااعه بس عندهااااااااا اسنان ما اقدر
:dddds:

موفقه حبيبتي

 

[om3boood]

جودي كيوت الرضاعه صاكه علي صك ... مو قادره اخذ شي .. الرشاقه صايره صعبه مع الرضااعه
الله يعيني على ما اعتزل الرضاعه :cxxxp:

سمعي هالسالفه

اليوم شفت الصيدليه جدامي قلت خل ادش اشوفلي شغله عندهم .. جان يطق ابالي شغله .. سمعوا
سألت الصيدلاني اذا عنده شي ينوخذ مع الاكل يمص الدهن من الوجبه

جان يعطيني زينيكال .. قال هذا وايد ممتاز .. ينزل الدهن مع الخروج وانتوا بكرامه ... استانست :ggdw:

بس يافرحه ماتمت ... قلتله ارضع .. جان يسحب العلبه من ايدي وقال (( ماااااينفع )) :eh_s(11):

تحطمت .. والله ضاق خلقي .. هالرضاعه حادتني مو قادره اتصرف بنفسي على راحتي ... وعاد كل هالتضحيه ياريت تبين في بنتي بالتالي .. والله لو تتمرد علي مره كف على عينهااا (( حبيبتي والله ماقدر )) .. المهم لا نطلع بره الموضوع

جان يعطيني حبوب طبيعيه قالي زينين وماكو مشكله ويا الرضاعه بس كانوا غالين .. وخفت ماشوف مفعول

طلبت شي ثاني .. جان يعطيني هذاااااااااااا

حبوب مكملات غذائيه .. متكونه من انزيمات على كلامه تحرق الدهون ..حبه ورا كل وجبه .. وهالماركه اساسا معروفه حق المكملات الغذائيه ..جم مره اخذ منهم فيتامينات .. فقلت هذا معقول واقدر استفيد منه ...

عاد بالطريج بغيت أسألكم اذا مجربين زينيكال وشنو رايكم فيه؟؟ :eh_s(1):​

.

 

[plastic Doll]

موفقة حبيبتي :eh_s(6):

وان شاء ما اشوفج الا كاتبة لنا لحقوني كل هدومي وسااااع علي ماكو شي كبري :dddds:

والله انا اللي اعرفه ان حبوب الزينكال يلوعون الجبد يعني تخيلي نفسج تخرين دهن !!

بعض البنات كانوا يلبسون كوتكس لمن ياخذونها !! وبعض البنات لأ عادي يازتلهم على حسب الجسم

بس انا الصراحة ماجربتها وما انصحج تجربينها شلج فيهم

 

[Remoh]

ههههههههههههههه واعليا ام عبودي .. سحبهم من ايدج ..

ان شاااء الله عقبال ما يصير لبسنا 30 و 32 هههههههههههههه << حلللللللللللللم وان شاء الله بيتحقق ..

 

[Loving Stella]

موفقه حبيبتي ان شاء الله تنزلين بصحه و عافيه

 

[om3boood]

موفقة حبيبتي :eh_s(6):

وان شاء ما اشوفج الا كاتبة لنا لحقوني كل هدومي وسااااع علي ماكو شي كبري :dddds:

والله انا اللي اعرفه ان حبوب الزينكال يلوعون الجبد يعني تخيلي نفسج تخرين دهن !!

بعض البنات كانوا يلبسون كوتكس لمن ياخذونها !! وبعض البنات لأ عادي يازتلهم على حسب الجسم

بس انا الصراحة ماجربتها وما انصحج تجربينها شلج فيهم

حديييييييييي هونت عن الزينيكاااااااااال
شفت البنات كاتبين عنه .. لاااااا كلش مو شييييي ... اشوه سحبهم من ايدي :dddds:

ومشكوورين حبيباتي عالتشجيع ولا تنسوني بدعواتكم .. يعني بدال ماتقولين يارب ضعفني قولي يارب ضعفنا :yaaaaaarb:​

 

[om3boood]

اليوم الثالث
--------

ليلحين مستمره ... والله يبعد عني الملل واليأس .. عاد تدرون يابنات .. ان اذا بغيتي تغيرين عاده او تتعودين على شي يديد استمري عليه 21 يوم وراح عقلج يتبرمج وتصير عاده سهله في حياتج ... يعني مثل عاده النوم المتأخر او اكل الحلويات او حتى التدخين ... اي شي من سلوكيات او تصرفات او عادات غذائيه .. هذي قريتها فو اكثر من مكان ... و زوجي طبقها على الحلويات او شرب الماي .. استمر 21 يوم قاطع الحلويات وعلى طول بيده بطل ماي .. وصج الحين صار ماياكل حلو نفس اول .. وصار يشرب ماي وايد ...
المهم بشد حيلي وما أوقف ... وبس يصير لي 21 يوم تصير المسأله عاده ​

 

[Remoh]

ام عبوودي ترى بديت بعصب خخخخخخخخخ ..

وين القياساات !!

اييه والله صدقج .. تعودنا خخخخخخخ .. الحمد لله ..

ياااااااارب ما ايي رمضان الا محققين اول هدف يااااااارب ^^

 

[om3boood]

ام عبوودي ترى بديت بعصب خخخخخخخخخ ..

وين القياساات !!

اييه والله صدقج .. تعودنا خخخخخخخ .. الحمد لله ..

ياااااااارب ما ايي رمضان الا محققين اول هدف يااااااارب ^^

بعد عمري والله مو ناسيه ... بس متردده ... مقاساتي موحلوه ... فشله .. ههههههههه
بس ولا يهمج راح احط مقاساتي بالصور ... والله يستر عالتعليقات ... بس خلترجع اختي عشان تساعدني بالتصوير

ومشكووووره حيل عالدعوه .... وان شاااااااءالله ربي يحققلج كلشي في بااااالج امين​

 

[ام بنتها]

موفقه و انشالله تنزلين بصحه و عافيه ياارب و شدي حيلج

بس بسألج من وين ماخذه السي دي ؟ لأن ودي اخذ سيديها الي بس للزنود ؟ نااطرتج حبووبه

 

[sunshine22]

شدي حيلج ام عبود

وان شاء الله تحققين الهدف باقل من شهر

كثري من السوائل وسوالف الاعشاب عندج الزنجبيل والكمون والمرقدوش واليانسون فظيعييييييين بس استمري
خلي خدامتج تزهبلج يوميا مطاره وسكر دايت والله سهل


وعندي سؤال

تنصحيني اشتري هالحزام اللي حاطته وينفع استخدمه بالدوام!!! خصوصا اني بالمكتب مااطلع وايد

 

[sunshine22]

حمدي ربج ماخذيتي الزينيكال


اصلا ماينزل الدهون المفيده ,,,ينزل الدهون اللي بالكبد !!

واللي تستعمل زينيكال بتلاحظ الدهون اللي تنزل منها لونها ماااااااايل للبرتقالي وهالدهن هذا مفيد للكبد

وسبب بامريكا حق بعض المستخدمين فشل كلوي تخيلووووو


حمدي ربج ماخذيتيه واصلا يلوع الجبد مادري اشلون الناس تستمر عليه

 

[om3boood]

موفقه و انشالله تنزلين بصحه و عافيه ياارب و شدي حيلج

بس بسألج من وين ماخذه السي دي ؟ لأن ودي اخذ سيديها الي بس للزنود ؟ نااطرتج حبووبه

هلا حبوبه .. شاكرتلج مرورج الطيب
السي دي تحصلينه ب3ونص في محل اسمه ارقام في شارع البحرين (السالميه)​