يـا كويتـات شنو استفدــوا من هالكـارثهـ ( دمج المواضيع المتشابهه)

[SaD FaCe]

قوه بنات

حدي انقهرت وانا اشوف ردود البنات بكل موضوع عن اللي صار بالجهرا اللي تدعي على المره واللي تسب وتشتم واللي واللي واللي ..............

انتو شدراكم...؟؟ في شي رسمي يثبت ...............؟ ولا اي شي يطلع تصدقونه

وفرضا اهيه الفاعله هل سبكم لها راح ينفع اللي توفوا ............؟ راح يشفي اللي بالمستشفيات ..............؟

ترى والله اللي توفوا ما يبون الا دعائكم ما يبون تسبون وتشتمون بدون فايده ..
والمصابات يبون منكم تتبرعولهم بالدم بدال القعده هني والدعاوي ..!!

غير اللي تألف كلام من عندها واللي تقول حجي ماتدري متأكده ولا لأ .. :0bee2e8d89:

شبيكون موقف اهل الضحايا لو يقرون كلامكم وانتو تدرون ان منتدانا ماشاءالله يضم فئه كبيره من نساء الكويت ومن كل المناطق ..


هذا رد انا كتبته بموضوع ثاني لان مابي اعيد نفس الكلام ..

السالفه مو راضيه ادش بمخي كللللللللللللللللش :eh_s(1):

يعني صغيره 23 سنه جدامها العمر كله تسوي جذي ..!

وفوق هذا الجرايد كلها متناقضه ..!

مره يكتبون ان اهيه بترفع قضيه لانهم شاكين ان اهيه الفاعله
ومره كاتبين انها اعترفت
ومره كاتبين انها راكبه تاكسي واحد
ومره راكبه تاكسي وبطريج الرده غيرته ...........!! @@
ومره هذي خدامة ييرانهم ومره صارت خدامتها وفجاه صارت خدامه المعرس @@

ومره التماس كهربائي ..! ومره البنغالي مو مركب الوايرات عدل ومره الزينه طاحت عليهم ...!

يبا حدث العاقل بما يعقل ...........!!

اذا اهيه مظلووومه الله ينصرها على اللي ظلموها

واذا اهيه الفاعله الله بيحاسبها والقانون ادرى

ولا تدعون عليها بنات عشان لا تنقلب الدعوه عليكم .. ما يجوز تدعون على احد




ومثل ما قال شيخنا نبيل العوضي انتو تبجون وتلقون المتوفيات بالنعيم يتنعمون باذن الله .. اهمه راحو بجوار ربهم وباذنه ينكتبون من الشهداء وترا النار اللي شبت بجسمهم كلها تغسيل لذنوبهم ان شاءالله ...!
احنا المساكين والله اللي ليلحين بالدنيا بين الحقودين والحسودين صج (( شتان ما بين جوارهم وجواري )) ..

كل وحده الحين تدعي ان الله يرزقها حسن الخاتمه وان يدخلها جنات النعيم بدال لا تدعي على المره ابركلها ..

انتو سمعتو شقالو المصابات هذا والنار ما حاشتهم هذا بس خفيف وجسمهم راح ..!! شلون لو احترقو عدل .. وشلون نار جهنم اللي اكثر من هالنار باضعاف اضعافها ...!:0bee2e8d89:

ادعو ان الله يعتق رقابنا من الناااااااااااار ويبعدنا عنها ....!!!

واقولكم لا تدعون عليها لا تدعون عليها لا تدعون عليها ولا وحده تتمنى ان الدعوه تنقلب على نفسها ..

اللهم اني بلغت اللهم فاشهد
وانا لله وانا اليه راجعون ..


يارب ارحمهم برحمتك واسكنهم فسيح جناتك وتقبلهم عندك شهداء ونقهم من الخطايا كما ينقى الثوب الابيض من الدنس ..
اللهم ارزقنا حسن الخاتمه يارب

وهذا رد عيميه والقلب كندري يبرد القلب ..

والله فاجعة والله انا بعد مو قادرة انام عدل احس قلبي مقبووض واحس ان يومي قرب ومن جم ساعة زوجي زفني لاني كل شوي اقوله احس اني مابعيش وايد والله هالموضوع كأبني وايد وايد كل شوي اتخيلهم كل شوي اتخيل شلون احترقوا واتخيل بجي اليهال مو قادرة والله تعبت والله لاني اتخيل نفسي لو معاي بنتي ويصير جذي والله اموت قبل ما احترق من عوار قلبي...

بنات انا في شي قعد افكر فيه من شوي لان اصلا 24 ساعة تفكيري باللي صار فقعد اقول شوفوا يا بنات شلون اللي بالعرس ماتوا فجأة خلال ثواني وخلال دقايق بنات كانوا يرقصون وكانوا يتكلمون وصاروا جثث ... بنات خلونا نتعظ شوي ..خلونا ان رحنا لعرس لاي مكان نلتزم بدينا نحرص على كسب الحسنات بكل وقت لان مااظل في وقت.. اهما راحوا واحنا وراهم بس شلون ومتى العلم عند الله.. احنا بالعرس بقصراحة الاغلب يقعدون يحشون ويغتابون ويعيبون هذا انا شايفته جدام عيني وشوفوا بلحظة ناس احترقت وراحت يمكن في وحدة تكون اغتابت صح؟ بس القدر ما امهلها حتى يمكن تستغفر..خلوا الموت جدامكم .

.خلونا نبعد شوي حبنا وتمسكنا بالدنيا ..خل يكون همنا تجميع حسنات واعمال تقربنا من ربنا ..خلونا نتأهب ليوم بننحط فيه بهالحفرة وما بينفعنا بعدها شي ..خل نحب الناس ونبعد البغض والتفرقة والحش والغيبة وكل عمل سئ .. ترى الدنيا زايلة ومافيها خير الا الخير اللي نصنعه بيدنا ويكون برضا ربنا

يا بنات اتعضو اللي صار هزنا كلنا .. من امس مو قادره انام مع انهم ما يصيرولي حاسه بقمته مو طبيعيه جنه احد من اهلي متوفي والله :0bee2e8d89:

كل وحده الحين تصلي ركعتين وتدعيلهم بالرحمه والمغفره
وتدعي ان الله يشفي اللي بالمستشفيات
وتدعي ان الله يصبر اهلهم هالمساكين
وتدعي ان الله يرزقها حسن الخاتمه ويجيرها من نار جهنم ويرزقها الجنه ويبلغنا رمضان ...

واللي تقدر تتبرع بدمها خل تروح تتبرع

واللي تقدر اتعزي خل تروح اتعزي

واللي تقدر تزور المرضى وتتطمن عليهم خل تروح واجرها عند الله كبير باذنه ..

واخر شي اقولكم اذا كانت الزوجه الاولى اهيه الفاعله لا تتوقعون ان ماراح يكتبون شي رسمي بالجرايد ..
الخبر اليوم بفلوس باجر ابلاش

سوري ان طولت بكلامي بس الصج ما ينزعل منه



استغفرالله واتوب اليه ..

اللهم ارحمنا برحمتك

 

[ReeM ^ Style]

رد: يـــــــا كويتيــــــــــــــات شنو استفدتــــــــــــــوا من هالكـــارثهـ ..؟

مشكوره حبيبتي ماقصرتي الموضوع صار وانتهى كل اللي علينا انه ندعي لهم بالرحمه والمغفره

 

[SaD FaCe]

رد: يـــــــا كويتيــــــــــــــات شنو استفدتــــــــــــــوا من هالكـــارثهـ ..؟

مشكوره ريم مو هذا اللي ابي اوصله الموضوع صار وانتهى ماله داعي السب ..!

ادعولهم ترى اهمه بحاجه له اكثر من شي ثاني ..

 

[أحب بابا جابر]

رد: يـــــــا كويتيــــــــــــــات شنو استفدتــــــــــــــوا من هالكـــارثهـ ..؟

كلام سليم
في ناس تحب الافلام
وفي ناس تحب تفكر
وفي ناس تحب تسوي نفسها ذكية ف تقوم تفكر وتسوي فلم !!

 

[سنفورة]

رد: يـــــــا كويتيــــــــــــــات شنو استفدتــــــــــــــوا من هالكـــارثهـ ..؟

وانتي الصاجه حبيبتي والفاعل وين ماكان حسبي الله علية ونعمة الوكيل هااا اللي نقدر نقولة

والله يرحم اللي ماتووواا ويشفي المرضى

والله قلوبنا معاهم

وصج هالدنيا ماخذتنا وعسى الله يهدي الجميييع ويحسن خاتمتنا قولوا امين


تسلم يمناج احتي

 

[SaD FaCe]

رد: يـــــــا كويتيــــــــــــــات شنو استفدتــــــــــــــوا من هالكـــارثهـ ..؟

الله يسامح الناس اللي استغلت الموقف وقامت تنشر اشاعات مالها اول ولا تالي ..

مشكوره احب بابا جابر

 

[SaD FaCe]

رد: يـــــــا كويتيــــــــــــــات شنو استفدتــــــــــــــوا من هالكـــارثهـ ..؟

الله يسلمج سنفوره

انا حطيت نفسي مكان الزوجه الاولى وعندي ولدين مستحيل افكر بهالشي يعني شي ما يتصدق ..الله وحده يعلم منو الفاعل وراح يكشفه سواء اهيه ولا غيرها ..

 

[ام الشوامس]

رد: يـــــــا كويتيــــــــــــــات شنو استفدتــــــــــــــوا من هالكـــارثهـ ..؟

صــاجه بكل حرف كتبتيه ،، بس من حرتهم و قهرهم قعد يسبون ويدعون عليها (( آنــا مو مأيدتهم بهالشي ،، بس هذا الصج !! ))
و آنــا ما أقول الا الله يرحمهم و يصبر اهلهم و حسبي الله و نعم الوكيل على اللي كان السبب !!

 

[SaD FaCe]

رد: يـــــــا كويتيــــــــــــــات شنو استفدتــــــــــــــوا من هالكـــارثهـ ..؟

ام الشوامس مو المشكله من هالحره كل حرف نكتبه احنا محاسبين عليه ..

الظلم ظلمات يوم القيامه

وكل اللي نقدر نقوله مدامنا مانعرف منو ورا هالشي (( حسبي الله ونعم الوكيل ))

 

[داريني]

رد: يـــــــا كويتيــــــــــــــات شنو استفدتــــــــــــــوا من هالكـــارثهـ ..؟

ساد فيس
كلامج عدل
والله انه معاي حريم بالدوام نشفوو ريجي وانا افهمهم انه ما يجوز ندعي عليها واحنا ما عندنا يقين انها اهيه
بس لما قريتهم كلامج طخووو

مشكوووره

والله يرحمهم انشالله

 

[SaD FaCe]

رد: يـــــــا كويتيــــــــــــــات شنو استفدتــــــــــــــوا من هالكـــارثهـ ..؟

داريني يعطيج العافيه ما قصرتي

لو مو خوفي عليكم جان ما قلت هالكلام

 

[SaD FaCe]

رد: يـــــــا كويتيــــــــــــــات شنو استفدتــــــــــــــوا من هالكـــارثهـ ..؟

بنات بقولكم سالفه صارت ..

مره كنت راده من الجامعه شفت حادث قوي قلت اكيد راح يكتبون عنه بالجرايد

ماكو ثاني يوم حاطينه بجريده الـ...... وكاتبين ان الولد سكران ولقو بطول خمر بالسياره وجذي

الصبي ما صار فيه شي من الحادث راح اهوه واهله اشكتو لان اهوه ماكان سكران وماكانو هذول بطول خمر ..! كان باربيكان او النوع الثاني نسيت اسمه ..

يعني مو اي ينقال تصدقونه .....

اذا مو من المصدر نفسه اللي قايل لا تصدقون ..!


وادعولهم بالمغفره والله قلبي يعورني

 

[ملكة بحجابي]

حادثة الجهراء .. واهل المعرس .. وزوجة المعرس

خواتي وعزيزاتي ...


بعض الردود والمشاركات والله غريبه وحرام !

.
.

اللي يقول ام المعرس وخواته انحاشوا وخلوا المعازيم يحترقون

واللي يقول زوجته والدعاء والشماته فيها

جان سحرته بدال فعلتها !!

والمعرس والفندق ............ الخ

كلماااات كبيررررره والله حرااااااااااااااااااااااااااااااااااام وبعض الكلمات تدخل في الشرك وانتي ما تدرين !!!!


ادعولهم الحين هم في امس الحاجه للدعاء ..

وبعض الكلام ما تلقين لها بال وعندج كلمه عاديه وهي كما ذكر الرسول صلى الله عليه وسلم (إن الرجل لـ يلقى بالكلمة لا يلقي لها بالا , تهوي به في نار جهنم سبعين خريفا)


"والزوجــــــــــــــــــــه"

اذا اهيه الجانيه ما نشمت فيها ابتليه نسئل الله العافيه .. واذا اشمتنا فيها الله قادر يبتلينا مثلها بـ يوم وليلى

((لا تظهر الشماتة بأخيك فيعافيه الله ويبتليك))


قولوا الحمد لله الذي عافانا مما ابتلاها به .. افضل من التشمت فيها !

ونسئل الله لـ امواتهم الرحمه والمغفره وللـ المصابين الشفاء العاجل ولـ اهاليهم الاجر والصبر والسلوان


(إن الرجل لـ يلقي بالكلمة لا يلقي لها بالا , تهوي به في نار جهنم سبعين خريفا)

(إن الرجل لـ يلقي بالكلمة لا يلقي لها بالا , تهوي به في نار جهنم سبعين خريفا)

(إن الرجل لـ يلقي بالكلمة لا يلقي لها بالا , تهوي به في نار جهنم سبعين خريفا)​

 

[Pearl Qatar]

رد: حادثة الجهراء .. واهل المعرس .. وزوجة المعرس

اللهم امين يارب العالمين

الله يرحمهم برحمته ويصبر ذويهم

بارك الله فيج خيتو

 

[عــاشــقــه]

رد: حادثة الجهراء .. واهل المعرس .. وزوجة المعرس



لآحول ولآقوة إلآ بالله

اللهم ارحم ضحايا حريق العيون ,, وعافهم واعفو عنهم ،، اللهم ثبتهم عند السؤال
واجعل قبرهم روضة من رياض الجنة و اغسلهم من الذنوب والخطايا بالماء والثلج والبرد
ونسأل الله أن يبدلهم داراً خيراً من دراهم واهلاً خيراً من اهلهم
ويسكنهم فسيح جناته يا ارحم الراحمين، اللهم الهم ذويهم الصبر والسلوان
واغفر لأمي وموتانا وموتى المسلمين كافة وتجاوز عن سئياتهم وخطاياهم
فإنهم عبيدك ويشهدوا بإنك انت الله لا إله إلا انت وحدك لا شريك لك

اللهم آميــن

 

[miss angel]

رد: حادثة الجهراء .. واهل المعرس .. وزوجة المعرس

معاج حق حبيبتي

ماله داعي كل هالبلبله

والي صار صار وهذا قدر الله

المهم ان ندعيلهم بالرحمه وانشالله يصبر اهلهم على موتهم

 

[الذهبية]

رد: يـــــــا كويتيــــــــــــــات شنو استفدتــــــــــــــوا من هالكـــارثهـ ..؟

يعطيج العافية ردج من الردود القليلة اللي بردت قلبي

وموضوعج اهو المفروض ينقرى بسسسسسسسسسسس

ما تقصرين يا عمري الله يجزاج خيييييير

يا ربي احس الكويت كلها مهتزة من المصاب الجلل والله اكتبلج وانا منقمته من امس وانا افكر فيهم ونمت وقعدت على مصيبتهم

الله يعينهم ويصبره اهاليهم فااااااااااااااااجعة ومصيبة ويوم حزين في تاريخ الكويت وناس ابرياء راحوا ضحايا الله يرحمهم ويسكنهم فسيح

جناته ويدخلهم اياها شهداء يا رب ويغفر لهم ويثبتهم عند السؤال ويلهم اهاليهم الصبر والسلوان ويعوضهم خير وهداية

يا رب تحفظ ديرتنا كويتنا حبيبتنا من كل مكروووووة وتحفظ شعبها الكريم وتبعد عن الفتن والبلبلة والاشاعات وتوحد صفوفنا وتلم شملنا

ولا تفرقناااااااااااااااااااااااااااااااااااااا ابد يا رب آآآآآآآآآآآآآآآآآآآآآآآآآآآآآآآآآمين

 

[خجل انثى]

رد: حادثة الجهراء .. واهل المعرس .. وزوجة المعرس

الله يرحمهم ويغفر لهم
لا حول ولا قوة الا بالله العلي العظيم​

 

[رتـــال]

رد: حادثة الجهراء .. واهل المعرس .. وزوجة المعرس

لا حول ولا قوه الا بالله
الله يجزاج خير

 

[.V!P.]

رد: حادثة الجهراء .. واهل المعرس .. وزوجة المعرس

:eh_s(2):


:eh_s(2):


(( اللهم إن شهداء الجهرا في ذِمَّتِكَ وحَلَّو بجوارك، فَقِهِم فِتْنَةَ القَبْر ، وَعَذَابَ النَّارِ ، وَأَنْتَ أَهْلُ الوَفاءِ

والحَمْدِ ، اللَّهُمَّ فاغفِرْ لهُم وَارْحَمْهُم ، إنكَ أَنْتَ الغَفُور الرَّحيمُ وعافِهِ ، واعْفُ عنْهُم ، وَأَكرِمْ نزُلَهُم ،

وَوسِّعْ مُدْخَلَهُم واغسِلْهُم بِالماءِ والثَّلْجِ والْبرَدِ ، ونَقِّهم منَ الخَـطَايَا، كما نَقَّيْتَ الثَّوب الأبيَضَ منَ

الدَّنَس ، وَأَبْدِلْهُم دارا خيراً مِنْ دَارِهم ، وَأَهْلاً خَيّراً منْ أهْلِهِم، ، وأدْخِلْهم الجنَّةَ ، وَأَعِذهم منْ عَذَابِ

القَبْرِ ، وَمِنْ عَذَابِ النَّار ))


:eh_s(2):


:eh_s(2):