مواقف لبنات .. أجيال .. امهات المستقبل ...الجيل الي بيتعلم و يرفع الراس ... صدمتني !

الحالة
مغلق و غير مفتوح للمزيد من الردود.

Pink.Barbie

New member
إنضم
23 يوليو 2009
المشاركات
2,025
مستوى التفاعل
0
النقاط
0
الإقامة
KSA / Australia
مواقف لبنات أجيال ..امهات المستقبل..الجيل الي بيتعلم ويرفع الراس ... صدمتني بالغربة !

الســــــــلام علـــيــكم و رحــــمــــة اللـــه و بــركــاتــــــــــــــــه

كيفكم بنات اخباركم ؟
اتمنى الكل يكون بصحه و عافيه
كل عام وانتو بخير
مبارك علنا وعليكم الشهر
وينعاد علينا وعليكم بصحه و سلامه



أحب أن افتح النقاش عن مشاهد تكررت امامي كثيرا و للاسف انها مؤسفه محزنه في ذات الوقت سواء
بنات اعمارهم بين 17 و 18 يبتعثونهم اهلهم للدراسة في الخارج >>>> تصرف سليم
من حق الاهل ان يعتنو بتعليم ابنائهم و أن يطمعوا بتعليم متقدم و متطور لهم
ولكـــــن
هل كل الأبناء يستحقون ذلك ؟!
هل كل الأبناء أهلٌ لذلك ؟!
ألم يتوجب على الأهل التأكد من هذا قبل التسرع وارسالهم للخارج من دون لاحسيب ولا رقيب ( الحسيب والرقيب هو الله طبعا ولكن أنا أعني من الأهل )
فــمــاذا كانت النتيجة ؟
تصرفات طائشة لفتيات يفهمن معنى الحياة بالخارج خطأ
يعتقدن أن التطور والتحضر يكمن بالانفتاح .... بالانحلال الأخلاقي ... بالتفسخ من الدين
نسيان الحلال والحرام ... الصح و الخطأ .... العادات والتقاليد الحميده



مــــظـــــاهـــر ازعـــجــــتــنـــــي


من أرض الواقع

مــوقــف ...

استوقفتني في الحرم الجامعي بعد ان تبادلنا الابسامات في مقهى الجامعه لكوننا عربيتان و خليجيتان
اخذت قهوتي وانطلقت حيث كانت هيا بصحبة امها و ابيها
لحقت بي و قالت بانها جديدة ها هنا وليس لديها رفقه ولا تعرف شيئا
رحبت بها ترحيبا شديدا واخبرتها بانني هنا لها اذا احتاجت و تبادلنا ارقام الهواتف
هذه كانت البداية ... وليتها ما كانت


اتضح لي بعدها بفتره عدم اتزان هذه الفتاة

مقطفات حديث دارت بيني وبينها في يوم واحد قابلتها صدفه و لمدة لا تقل عن ربع ساعه


اللوك

الله أكبر >>>> فرح بنت العمده ( أنا ما اتمسخر على احد لكن الي كانت عملتوا بنفسها عجيب )
الشعر مصبوغ أصفر وهي سمره مايختلف عليها اثنين
من غير تعليق على لون الصبغه الغير مناسب تماما هالبنت الله يهديها من صباح الله خارجه المول
وهي ناكشه هالكشه الصفرا منزله غره على وجها ونافخه بعد جزء من الغره والله العظيم نفخة الغره تنقاس بالمسطره من طوبها تخيلوااا وبعد هالنفخه مسويه بف متخيلين كم مدرج حاطه براسها و فل ميك اب ولمعه و كلين وشدو مافي لون مو حاطته بوجهاا والايلاينر بيوصل لاذنها ومافي اتقان بالميك اب كمان تخيلو
يعني لو رايحه حفله تنكريه حرام الي سوتو بنفسهاا
وطبعا الطرحه ( الشيله ) أي طرحه و شيله الا شرعة عروس محطيتها على الهير كليبس ومرميه بس يعني محطوطه بس على اكتافها موديل الحمدالله مو ساتره شي كل شي طالع اساسا مو لفتها وغير اللبس العجيب الي كانت لبسته ولا كانها رايحه سهره كل شي فيها اوفر بقلة ذوق و تنسيق
والله يابنات وانا ماشيه الاجانب كلهم يطالعوا فيها مصدومين بنظرات فجعه و اختلاع
لدرجة انها قلتلي

(( ايشفيهم يطالعون فيني جني جايه من الفضاء ))
لا ومن جدها تشتكيلي من هالمشكلة و مستغربة من نظراتهم
رحت انا قلتها
(( تعرفي الاجانب مو متعودين على الثقل بالميك اب نفس العرب و لا على ستايلنا هالشي يعتبر تومتش عليهم تعرفي هم يملون للبساطه والنعومه بكل شي )) سكتت وغيرت السالفه
مقطف آخر من اللقاء
ولد عمها الي يدرس كمان بنفس الدولة بمدينة اخرى كان يدق عليها كل دقيقتين من غير مبالغه و كان يسالها طول الوقت انتي مع مين و فين ؟ لدرجة انها كلمتني علشان ارد عليها ويسمع انو الي معاها بنت مو ولد !!!
ولمن سالتها ليش هذا كلو ؟ قالتلي انو هو معصب لانها راحت وتكلمت مع شاب خليجي كان معاها بنفس الكلاس و سالتو اسئلة و هالولد طلع كان زميل لو بمرحله دراسية معينه ولحد يسالني كيف عرف انها كلمتو
فأنا رديت عليها و قلتلها بس هو معاه حق لأن انتي يمكن بس كنتي تبغي تسألي سؤال او براسك استفسار وهالولد ممكن يفكر تفكير ثاني و يطلب منك طلب بايخ يعني انكم تسيروا كبل ( يعني بوي فريند و قيرل فريند )
تخيلو بكل و قاحه ايش ردت
قالت ((اساسا انا عادي عندي يكون بوي فريند !!! أنا اساسا درست بمدارس ميكس وعادي عندي اتكلم مع شباب واقعد معاهم عادي عندنا وعند اهلي ))


تعليق خارجي = المجاهرون بالمعصية عن جد شيء محزن واذا بليتم فاستترو
أنا ماعرف عن طبيعة العادات بدولتها لكن عادات الخليج كلها وحده و متقاربه مع وجود اختلافات
يعني كيف عن اهلها عادي تطلع مع شباب وعادي بوي فريند ؟؟
هذا غير اني اساسا ما اتوقع انها دارسة بمدارس مختلطه لان هالنوع من المدارس يكون عالمي وهي الانقليزي عندها مستواه عادي

والاغرب انها بعد كذا قالت انا قلت لأمي وماما انقهرت من ولد عمها ليش يتدخل بخصوصياتي و انها ماقالت لابوها علشان لا يعصب ليش انها سولفت مع ولد مو من نفس جنسيتها
والأدهى و الأمر انها طلعت هي الي تتلصق بالولد و تكلموا و تلاحقو
و اختتمت اللقاء و قالت اساسا انا عندي بوي فريند وهو يدرس بمدينة اخرى بنفس الدولة الي هي تدرس فيها
ولا تسالني يعني انتي من وين جايه (( انتي مو من النوع الي يكون عنده بوي فريند .. صح ؟!! ))


و لا تتخيلو درجة الثقة والغرور والي كانت تتكلم فيها كانها هي الصح و أنا الغلط و قوة عين يعني ترى انتي مو مواكبة التطورات الجديدة بالعصر في ....
حزنت عليها حزن شديد



طبعا بعد هالحديث ابتعدت عنها تماما ولكن لانها تدرس بنفس الجمعه اشوفها و اسمع اخبارها
هالبنت مافي ولد ماراحت عندو و كلمتوا
كانت تتمشى مع البوي فريند حقها بيوم الشوبينق داي بالمول الي يتجمع فيه انواع العرب والخليجين تحديدا ولا كانو زوجها
والمصيبه انو انا لحالي شفتها ثلاث مرات كل مره مع شخص مختلف عن الآخر هذا غير الضعيف الي بسدني
و طبعا كل البنات شافوها الكل منصدم منها ومن تصرفاتها وكل وحده شافتها مع شخص بموقف مشبوه
انا من شدة ماحزنت عليها سارت لمن تنفتح سيرتها سرت اقفل عليها و حتى البنات محد يحب يتكلم عنها الكل انصدم و بعدها تجنب سيرتها لان الكلام الي ينقال عنها بين الشباب هو الاكثر فظاعة
على فكرة ترى الجامعه مليانه خليجين بشكل انتو بنفسكم ماتتصوره و الناس كلها تعرف بعض
يعني هي خسرة سمعتها ... والأدهى انها وقحه و قوية عين



موقف آخر ...

مرت صديقة لي مقربه من ممر و كانت هالبنت تسولف مع ولد خليجي فيه طبعا صديقتي سوت نفسها ماشفتهم ومشيت بسرعه مكمله طريقها الا ماتسمع الا صوت البنت بكل وقاحه تصرخ و تقول
أغـــــــــــــــــازل .... أيـــه أغــــــــــــــــــازل وتعيدها و تقول أغـــــــــــــازل عـــنـــدك شي ؟




هذا غير تشويه سمعة الحجاب
يعني هالشيله اليم رميه رمي ولا تستر شي الا بس شرعة عروس ايش لها داعي
هي بكل افتخار تقول انا اساسا مو محجبه انا احط الشيله بس كذا ؟
يعني لو تبغى تثبتي انك خليجيه ترى باين عليكي من غير ماتحتاجي تحطي الشيله
ولا بس علشان يدور بعقل الأجانب مية سؤال و سؤال
ايوه لا تستغربو ترى كذا شخص سئلني عنها بعد ماتكون مرت و انفجع من منظرها
ويسالوني بطريقة يعني هاذي ليش كذا ؟ هي محجبه ولا ايش بالضبط ؟
وأنا علي أرقع الاجابة
تشويه سمعه الحجاب + قلة وازع ديني + مجاهرة بالمعصية وغيرو وغيرو ...
وياليتها كانت الوحيدة أشكالها مع الالم كثرووو



تـــعــــقـــيب ..

حتى الأجانب اذا ابتدو علاقة وهم لا دين و لا مبدأ تحترم انو يكون لها بوي فريند واحد وتحترم معنى الحب
والخيانه عندهم مشكله و سلوك غير قويم حتى لو تكرر يظل عندهم هالمبدأ والي تخون ماتفتخر بهالشي
و عندهم حملات تدعو للمارسة بعد الزواج وتضرب مثال للفتيات المسلمات و وجوب الاقتداء بهم
لكن العرب حالتهم محزنــــــــه



موقف آخر

اختين واضح انهم كذلك من الشبه وباين انهم صغار صغار مو متحجبات لكن عارفين فين المشكله
طريقة اللبس تجرح الحياء عندهم و المحزن انهم يتعمدو يكبرو نفسهم بطريقة المشيه بتقديم الصدر والميك اب الاوفر المخربط طبعا و .... و .....
هالبنتين مافي مول ما اشوفهم فيه مو بس انا كل البنات واتضح انهم خليجيات لانهم يتكلموا عربي بصوت عالي عند مرور عرب لاثبات الجنسيه ماشالله
الي صدمني انهم صغار صغار و شايفتهم مع شلل شباب مختلفه جالسين بالكافيهات اكثر من مره و على فكره ترى البنتين الي يدور على هذا شي وهنا المصيبة



مواقف كثيره لو عددتها لما انتهيت
تكررت معي و على الاغلب انها تكررت معكم ....


كل ماشفت هالمواقف اسئل نفسي هالسؤال
فين اهليهم عنهم ؟؟ كي تاركينهم بهالمنظر ؟
لحد يقولي يمثلو قدام اهلهم ومدري شو
تعرفو ليش لان الأهل من الاساس تركوهم برى وهم مو موضع ثقه ابداا
أنا بالصراحه الوم البنات لانهم بالغات عاقلات
و ألــــــــــو الأهـــــــــل بشكـــل أكبر أكبر
تعرفو ليش لأن ( كلكم راع وكلكم مسؤول عن رعيته )
أنا ما أنكر انو في بنات بهالسن ناضجات و وعيات وعن الف رجال وفي الي تتحمل المسؤولية و أنا مع تعليم و تثقيف هالفئة
لكن الفئة الثانيه الي تكلمت عنها معقولة اهلهم مو ملاحظين بناتهم ؟؟
معقوله ماقد عمرهم شافوهم او طاحو عليهم ..... مستحيل
الأم و الأب يعرفون عيالهم اكثر من أي شخص اخر
كيف يتركوهم يسافرو و يعملو الي يعملوه كيف يعطهم حرية لهالدرجة
على بالهم كذا انحلت الأمور ولا تعبو من التربية ؟؟
أنا مستغربة ... مصدومه ... غاضبة
خلاص اذا سفرو البنت على بالهم يدارو بلاويها .... شو هالحل العجيب
البنت حاليا خسرت سمعتها ... ونظرة الناس لها والاهم انها تمادت في الانحلال الاخلاقي
تسرح و تمرح ... لا وتتفلسف وتقول انها صح وعلى حق يعني قوية عين
هاذي كيف بتتزوج و تجيب عيال و تربيهم على أي مبدأ واخلاق بتنشئهم
لا تقولو بكره تكبر وتعقل الجيل هذا اللهم ياكافي معقوله بهالفرق الكم سنه يسرو البنات لهالدرجة من الانحطاط
والدين خلاص سار حسب الموضه و اختفى و انتهى لاحول ولاقوة الا بالله
هذا هو الجيل الواعد امهات المستقبل .... مع الأسف




هذه دعـــــــــوه للنــــقــــــــاش من خليجيه عربية مسلمة غاضبه للجـــمــيع
أتمنى الكل يتناقش و يتخذ موقف ولا يكتفي بالقرأة
لأن أنا طرحت وجهت نظري و أحب اتعرف على وجهة نظركم





وختـــــامـــــا
اللهم استرنا فوق الأرض و تحت الأرض و يوم العرض
سبجانك اني كنت من الظالمين


رمضـــــــان كــــــــــريم




مع تـــحــــيـــــــــــــات

Pink.Barbie
 
التعديل الأخير:

нιℓℓ¢

New member
إنضم
8 يوليو 2009
المشاركات
227
مستوى التفاعل
0
النقاط
0
طبعا بعد هالحديث ابتعدت عنها تماما

هذا المفروض تسوينه من البداية

فالمرء على دين خليله ، فلينظر أحدكم من يخالل

خلي العلاقة بينج وبينها سطحية. تأملي :

{ إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ }

وسعي صدرج حبيبتي .. و قطيها بحر

باجر بتتحاسبين على نفسج ، و ان جان عالنصيحة هي الغلطانة لانها ما سمعت كلمة الحق.



شي ثاني احب اقوله

خلي اللي مسافرين عيالهم على ينب ،

شوفي اللي داخل البلاد بعدين تعالي احكمي .. في منهم جيه داخل البلادو لا رقيب ولا حسيب

من وجهة نظري ان الشخص اللي بيسافر لااازم يكون عارف دينه صح !

لان باجر بيتواجه مع اصناف واشكال ،

فكيف يقدر يتماسك ضد معتقداتهم الخاطئة اذا كان كيانه من الاصل مهزووووز ؟

طبعا حالته راح تسوء في اقل التقديرات


هاج :eh_s(17):
احترامي لج ^^
 

Pink.Barbie

New member
إنضم
23 يوليو 2009
المشاركات
2,025
مستوى التفاعل
0
النقاط
0
الإقامة
KSA / Australia
v

v

v

مو هذا الي سار من اول ماعرفت نوعيتها بعدت عنهااا

انا معاكي هالاشكال موجوده داخل البلد وخارجو

بس مع بالنهاية اهلها عندها مو يخلوها تسافر علشان تدرس وهي بالاساس عندها مشاريع ثانيه

ولا هي اهل للسفر و الدراسه

تنثبر بالبيت الى ماتركز وتعقل ولا مو لازم تسافر

لانهم بزيادة بزيادة ماخذين حريتهم

وفديتيك لانك اول وحده رديتي

وكانت عندك الجرأة للنقاش

نورتي موضوعي
 

عربجيه

New member
إنضم
25 أبريل 2009
المشاركات
1,902
مستوى التفاعل
1
النقاط
0
الإقامة
دار جابر( الله يرحمك يا يبا)


شوفي انا عادي عندي البنت تروح تدرس ان كانوا اهلها واثقين منها ويجون يشوفونها ويسألون عليها مو يقطونها برا وبس

اما عن هالناس اللي يلبسون نص الملفع فـ انا معاج هذ1 تشويه لصوره الحجاب حده بس شتقولين الله يهداهم بس وحتى ـآ الاجانب الحين

قاموا ياخذونا قددوه لهم يعني مفروض احنا نفتخر بس طاعي البنات.! كاسيات عاريات.! حالهم يحزن واللــــــه

ومشكوره ع الطررح
 

Pink.Barbie

New member
إنضم
23 يوليو 2009
المشاركات
2,025
مستوى التفاعل
0
النقاط
0
الإقامة
KSA / Australia


شوفي انا عادي عندي البنت تروح تدرس ان كانوا اهلها واثقين منها ويجون يشوفونها ويسألون عليها مو يقطونها برا وبس

اما عن هالناس اللي يلبسون نص الملفع فـ انا معاج هذ1 تشويه لصوره الحجاب حده بس شتقولين الله يهداهم بس وحتى ـآ الاجانب الحين

قاموا ياخذونا قددوه لهم يعني مفروض احنا نفتخر بس طاعي البنات.! كاسيات عاريات.! حالهم يحزن واللــــــه

ومشكوره ع الطررح

أنا معاكي بكلامك

وانا قلت في بنات قد الثقه وتحمل المسؤولية

بس المشكلة بالفئة الثانيه

أنا مصدومة يعني اكيد عارفين بنتهم و سوالفها يقومو كمان يرسلوها تدرس برى لوحدها

علشان تخربط بكيفهااا

شو هالتربية !!

فديتيك على هالمرور

وعلى جرئتك بالنقاش
 

المـــــها

*مساعدة مشرفات قسم العروس*
إنضم
29 مايو 2009
المشاركات
12,875
مستوى التفاعل
0
النقاط
0
الإقامة
وطـــــــــن النـــــهـــــــــار
و عندهم حملات تدعو للمارسة بعد الزواج وتضرب مثال للفتيات المسلمات و وجوب الاقتداء بهم

معقووووولة ؟؟؟؟


!!!!!!!


*********

المهم


لا اتعبين نفسج يا قلبي


ترى حتى هني في بعض البنات الله يهديهم عادي يجاهرون بالمعصية و بالجامعات بعد ،، على بو إنه زميل
و تلقينهم مطيحين سوالف و تمشي ،، و آخرتها البنات يصيدونهم بمواقف استغفرالله

و احنا لو بنتكلم عن اللبس
خلي البعثات الخارجية
و روحي للمولات اهني عندنا
هوااااااااااايل

الله يهديهم


و مشكورة اختي
أهنيج على غيرتج و حميتج لدينج

:)
 

Pink.Barbie

New member
إنضم
23 يوليو 2009
المشاركات
2,025
مستوى التفاعل
0
النقاط
0
الإقامة
KSA / Australia
و عندهم حملات تدعو للمارسة بعد الزواج وتضرب مثال للفتيات المسلمات و وجوب الاقتداء بهم

معقووووولة ؟؟؟؟


!!!!!!!


*********

المهم


لا اتعبين نفسج يا قلبي


ترى حتى هني في بعض البنات الله يهديهم عادي يجاهرون بالمعصية و بالجامعات بعد ،، على بو إنه زميل
و تلقينهم مطيحين سوالف و تمشي ،، و آخرتها البنات يصيدونهم بمواقف استغفرالله

و احنا لو بنتكلم عن اللبس
خلي البعثات الخارجية
و روحي للمولات اهني عندنا
هوااااااااااايل

الله يهديهم


و مشكورة اختي
أهنيج على غيرتج و حميتج لدينج

:)



ايوا قلبي

حتى الاجانب نفسهم لو تفتحي موضوع ضياع الانساب عندهم راح تلاقيهم يوافقوكي

وهالحملات عندهم من زمان

رجال الدين عندهم و رجال الحكومة يدعو فيها علشان تخفيف نسبة ألامهات العزبوات

وكلنا نعرف ان هالاشكال بكل مكان

بس ماتوصل اني ارمي بنتي وعمرها 18 و 17 سنه برى وانا ادري بسوالفهاا

يعني شو ؟؟ على بالهم بتتعلم و تنضج ؟

تيب و التربية و الاخلاق وين مكانها ؟

هذا الي قاهرني

وبعدين وقاحة عجيبة صراحة عجيبة

الله يهديهم

بس انا ضد الموقف السلبي

وفديتيك على المرور
 

Pink.Barbie

New member
إنضم
23 يوليو 2009
المشاركات
2,025
مستوى التفاعل
0
النقاط
0
الإقامة
KSA / Australia
//



\\



//



\\



//



\\

بـــــنـــــــــــــــات ليش ما اشوف فيه تفاعــــــل

يعني معقوله مافي ردة فعل ولا مو قف ولا حتى غضب بسيط !!!

على الأقل خلونا ناقض هالظاهره

وفديت طبعا العضوات الي كانت عندهم روح المناقشة و ردو

بس ابغى بعد نقاش اقوى

يلى فين جرئتكم كويتيات

؟؟؟؟؟؟
 

ScarletteO'Hara

New member
إنضم
24 مايو 2008
المشاركات
4,406
مستوى التفاعل
2
النقاط
0
العمر
41
الإقامة
Qor6uba
مبارك عليج الشهر و عساج من العايدين و الفايزين
حبوبة الله يعينج
انا بوجهة نظري ان الواحد المفروض ما ينطر رقابة الاهل, يعني جامعيات يفترض انهم وصلوا الى درجة من النضج تسمح لهم بأنهم يكونو رقباء على اعمارهم من بعد الله عز و جل, و انا اتكلم لج عن خبرة, انا كنت متغربة بدراستي الجامعية, صج اني ما باعدت عن الكويت بس هم ما كان في اهل فوق راسي على طول, الحمد لله التواصل كان موجود مع الاهل من خلال المكالمات اليومية و السفارات العشوائية منا و منهم (اختي كانت معاي) بس اغلب الوقت كنت بروحي ممكن اسوي اي شي من غير ما يوصل الخبر لاهلي, انا بديرة مهي ديرتي منو بيدري عني؟ طبعا هذا لو كان تفكيري طايش مثل الي تتكلمين عنهم, بس انا من اول ما رحت حطيت فبالي ان ابوي قاعد يقط علي فلوس على رسوم الجامعة و السكن و المأكل و الملبس و حطي فبالج كنا ثنتين, و وثق فيني و ذزني بديره و انا مو تحت عينه, ليش اخون هذي الثقة عشان موضوع ممكن ربي يعاقبني عليه؟ لا و الله برفع راس ابوي بالشهادة و بالخلق الحسن و بجابل ربي بصفحة نظيفة, الناس يلعبون من ورا اهلهم بهدف الوناسة و الحرية ما تيي الا مرة وحده, انزين ليش الوناسة تكون بالغلط؟ و الله و لا التفت للمغريات الي حولي و الحمد لله يبت الشهادة بثلاث سنين و نص و الي مو دارين للدراسة بال و قاعدين يلعون و اهم اقدم مني قاعدين بالجامعة
انتي عموما مالج شغل فيهم, بعدي نفسج عن الي تحسين انها شبهة و اكيد بترتاحين
ها شرايج بردي عسى برد جبدج؟
 
التعديل الأخير:

Brazil

New member
إنضم
16 أغسطس 2009
المشاركات
53
مستوى التفاعل
0
النقاط
0
الإقامة
Kuwait
في بعض الاحيان تشوفيين الاهل مربيين عيالهم احسن تربيه. تربيه على طاعة الله و الرسول...بس سبحان الله يطلع واحد او وحده من الابناء غير ..اكونون راعيين مشاكل و ماتقدرين تيتكلين و تثقين فيه..لذلك شخصية الشخص نفسه تلعب دور مو بس التربيه و المحيط
 

Pink.Barbie

New member
إنضم
23 يوليو 2009
المشاركات
2,025
مستوى التفاعل
0
النقاط
0
الإقامة
KSA / Australia
مبارك عليج الشهر و عساج من العايدين و الفايزين
حبوبة الله يعينج
انا بوجهة نظري ان الواحد المفروض ما ينطر رقابة الاهل, يعني جامعيات يفترض انهم وصلوا الى درجة من النضج تسمح لهم بأنهم يكونو رقباء على اعمارهم من بعد الله عز و جل, و انا اتكلم لج عن خبرة, انا كنت متغربة بدراستي الجامعية, صج اني ما باعدت عن الكويت بس هم ما كان في اهل فوق راسي على طول, الحمد لله التواصل كان موجود مع الاهل من خلال المكالمات اليومية و السفارات العشوائية منا و منهم (اختي كانت معاي) بس اغلب الوقت كنت بروحي ممكن اسوي اي شي من غير ما يوصل الخبر لاهلي, انا بديرة مهي ديرتي منو بيدري عني؟ طبعا هذا لو كان تفكيري طايش مثل الي تتكلمين عنهم, بس انا من اول ما رحت حطيت فبالي ان ابوي قاعد يقط علي فلوس على رسوم الجامعة و السكن و المأكل و الملبس و حطي فبالج كنا ثنتين, و وثق فيني و ذزني بديره و انا مو تحت عينه, ليش اخون هذي الثقة عشان موضوع ممكن ربي يعاقبني عليه؟ لا و الله برفع راس ابوي بالشهادة و بالخلق الحسن و بجابل ربي بصفحة نظيفة, الناس يلعبون من ورا اهلهم بهدف الوناسة و الحرية ما تيي الا مرة وحده, انزين ليش الوناسة تكون بالغلط؟ و الله و لا التفت للمغريات الي حولي و الحمد لله يبت الشهادة بثلاث سنين و نص و الي مو دارين للدراسة بال و قاعدين يلعون و اهم اقدم مني قاعدين بالجامعة
انتي عموما مالج شغل فيهم, بعدي نفسج عن الي تحسين انها شبهة و اكيد بترتاحين
ها شرايج بردي عسى برد جبدج؟



لوووووووووووووول

فديتك برد قلبي و نس

وانا قلت في فئة يعتمد عليهم وانتي فديت قلبك كنتي منهم

أنا اقصد الفئة الي تجي اساسا من بلدها وهي عندها تاريخ من الطيش

انا استغرب من اهلهم لان هالاشكال الي شفتها توهم جاين

وجو طايشين خلصانين

هادول الي انا استغرب من اهلهم كمان يسفروهم علشان يكملو الناقص

وبالنسبة للبنت انا تركتها من اول ماعرفت نوعيتها

واساسا هذاك اليوم الي تقابلنا فيه صدفه بالمول و دار الحديث الي كتبته لكم فوق

وبعدها اشوفها بس من بعيد بالجامعه ولا حتى اسلم عليها

الله يهديها بس هي والي على شكلهاا
 

Pink.Barbie

New member
إنضم
23 يوليو 2009
المشاركات
2,025
مستوى التفاعل
0
النقاط
0
الإقامة
KSA / Australia
في بعض الاحيان تشوفيين الاهل مربيين عيالهم احسن تربيه. تربيه على طاعة الله و الرسول...بس سبحان الله يطلع واحد او وحده من الابناء غير ..اكونون راعيين مشاكل و ماتقدرين تيتكلين و تثقين فيه..لذلك شخصية الشخص نفسه تلعب دور مو بس التربيه و المحيط

صح الشخصية تلعب دور

بس بنظري هم مازالو بفترة تكوين شخصية بعد

والأهل مفروض يعرفو عيالهم و سلوكهم

و يتخذو القرار الصائب على حسب الشخصية والسلوك

مو يتركوهم اسرح و امرح
 

rawan22

New member
إنضم
13 نوفمبر 2008
المشاركات
729
مستوى التفاعل
0
النقاط
0
الله يهديهم ويستر عليهم
 

UK_Girl

New member
إنضم
27 ديسمبر 2008
المشاركات
1,076
مستوى التفاعل
0
النقاط
0
الإقامة
SOME WHERE ON EARTH
موضوع حلو وروعه ....ويحز بالخاطر بنفس الوقت

عدل كلامج بنك باربي الاجانب مايحبون جذي استعراض لبس ومهرجان الوان وفشخره زايده ..بسيطين جدا واناقتهم على قدهم بحدود شنو بمخابيهم ..
عموما انا ما انكر اني تاثرت فيهم لكن ولله الحمد بأشياء تضيف لحياتي معنى اكبر وارقى مو تسيء لي ولثقافتي وديني وبلدي ..وتغيرت طريقة ترتيب افكاري ونظرتي للحياة ..

المهم انكم تعرفون مثل ما قالت بنك باربي ان الاجانب" الانكليز" تحديدا ينقدون على الانسان اللي ما يحترم دينه وثقافته
وينقدون الانسان اللي اييهم اول سنه يدرس عندهم بشكل بعدين يغير ..ويتحول ..هذا من واقع مشاهداتي ونقاشاتي معاهم ..
يمكن لما تروحون سياحه هالشي ما تحسون فيه لكن لما تعيشون معاهم تبدي الرؤية تتضح بشكل اكبر وتعرفون حقيقة هالمجتمع ونظرته لكم ....

بالتوفيج بنك باربي :)
 

Pink.Barbie

New member
إنضم
23 يوليو 2009
المشاركات
2,025
مستوى التفاعل
0
النقاط
0
الإقامة
KSA / Australia
موضوع حلو وروعه ....ويحز بالخاطر بنفس الوقت

عدل كلامج بنك باربي الاجانب مايحبون جذي استعراض لبس ومهرجان الوان وفشخره زايده ..بسيطين جدا واناقتهم على قدهم بحدود شنو بمخابيهم ..
عموما انا ما انكر اني تاثرت فيهم لكن ولله الحمد بأشياء تضيف لحياتي معنى اكبر وارقى مو تسيء لي ولثقافتي وديني وبلدي ..وتغيرت طريقة ترتيب افكاري ونظرتي للحياة ..

المهم انكم تعرفون مثل ما قالت بنك باربي ان الاجانب" الانكليز" تحديدا ينقدون على الانسان اللي ما يحترم دينه وثقافته
وينقدون الانسان اللي اييهم اول سنه يدرس عندهم بشكل بعدين يغير ..ويتحول ..هذا من واقع مشاهداتي ونقاشاتي معاهم ..
يمكن لما تروحون سياحه هالشي ما تحسون فيه لكن لما تعيشون معاهم تبدي الرؤية تتضح بشكل اكبر وتعرفون حقيقة هالمجتمع ونظرته لكم ....

بالتوفيج بنك باربي :)


هلا والله وغلا

وكل كلمه قلتيها أنا اتفق معاكي فيها

أنا بعد تاثرت فيهم بس نفسك من الناحية الايجابية

وأنا أعتقد الشخص الي عنده ( Open mind ) هذا شي مليون بالميه ايجابي

ومو كل شخص عندو هالقدرة والله اعرف ناس قضت عمرها هناك ولكن مازالت تعاني من التخلف وكانها ماحتكت بأمة متطوره

طبعا احننا نتناقش من جوانب حياتهم الايجابية مو السلبيات

في عيوب كثيرة بشخصية العرب و تصرفاتهم و للاسف البعض لمن يسافر يفتخر بالتجاهر بالمعصية على باله الاجانب مايهتمو او مو فاهمين

بينما هم بالاساس قاعدين ياخذو فكرة سلبية عنا

والله يسعدك على هالمرور الغاوي وهالنقاش الفعال

ومشكوره على طرح خبرتك في هالمجال

والله يهل علينا يارب

ورمضان كريم :)
 
الحالة
مغلق و غير مفتوح للمزيد من الردود.