**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[rainbow_brite]

رد: ّ~ * أحلى ديوانية لأحلى الأمهات مع سكونونو و النونو *~

حمد الله على سلامتكم ومبروك ما يبتو والله يخلي لكم بيبياتكم




ما شا ءالله



انا جارتكم من تجمع ديوانية شموس ورينبو




لووووووول وكنت في تجمع اللي يولدون شهر يوليو واغسطس 2007 بس ما شاء الله الحين بيبياتنا عمرهم سنتين الله يحفظهم وللحين نتيمع مع رفيجاتي بالدوانيه



وانتو ان شا ءالله بعد تستانسون بالتجمع وتكملون مع بعض

 

[++MesK++]

رد: ّ~ * أحلى ديوانية لأحلى الأمهات مع سكونونو و النونو *~

ماتشوفين شر حبيبتي إنتي و البنوته
قصدج عوار مكان الخياط ؟
و إلا يمكن غازات ؟
شوفي آنا بعد تعبت من سالفة الغازاااااااااات
عطيتها حبه حلوة - ينسون - كراويه - ماي غريب
دوا دسفلاتيل - غاز بمبي و ماكو فايده
و شريت لها حزام يلفونه على البطن من جيلي بينز شوي نفع و هون عليها الغازات

آخر شي قالولي عن دوا إسمه أنفاكول موجود بس في لندن و الإمارات و تعطين البيبي قبل الحليب و صج ماشالله إرتاحت عليه

و ترى إذا معاج غازات و ترضعين البيبي راح تنتقل له فديري بالج لا تاكلين شي يسويلج غازات
وإذا تعطينها لمميه دايم خلي الحليب يترس الحلمه علشان لا يشفط البيبي هوا و يسبب له غازات

و على القز ونااااااااااااااااسه شفت الدنيا و النفسية تغيرت 180 درجة
أهم شي رحت مول 360 و تعشيت في فرايديز و بعد رحت مطعم الصنوبر كنت مشتهيته من أول ما ولدت لا توصييين حرييييييص عالبلعة هههههه ​

الشر ماييج ياقلبي .. مادري والله العوار صاير بالبطن كله مع الجرح مادري من شنو
انا اعطيها حليب سيميلاك ما ارضعها طبيعي و اليوم بديت معاها بدوا يديد اسمه اعتقد مونسيان (هملايا) والله كريم

واااااااي مشتهيه فيمتو مترووووووووس ثلج _03BA: و عليج بالعافيه القز ...... الفال لي ان شاءالله بس ادعيلي توصل خدامتي بأسرع وقت لاني حايسه مع اليهال اسم الله عليهم صرت مينــــــــــــــــــــــووووووووووووونه :krkrkr:

 

[al7noona]

طعمت بنتي ياحياتي اكسرت خاطري حيل
كانت نايمه ولما حطيتها على السرير اقعدت وقامت تشوف السستر وتبتسم وتطالع السستر واهيا تفتح الابره ومادري شتسوي هههه وانا اقولها بعد ابره حرام عليكم شلخوتهم من الابر قامت تضحك ولما تقز بنتي ولا تخرع وتقعد تصرخ وحور اختها كانت معاي حطت ايدها على حلجها وشوي تبجي لووول اقولها خفتي على اختج تقولي اي حرام طقوها ابره



طقوها ابرتين على فخوذها وقطره بالحلج نفس تطعيم اربع شهور الحين بس افتكينا ماكو تطعيم الا بعيدميلادها لما تكمل السنه انشالله








عن البودره انا عادي احط لها بس شنو مافهمت عليكم شلون يعني البودره تتطاير؟؟؟؟ وليش البودره مو زينه حق الياهل؟؟
بحر بجرب البودره السائله شكلها شي هيهيهي

 

[al7noona]

لونكم بنات شخباركم
شلون عل التطعيم حق شهرين متى ارضع قبل ولا بعد التطعيم
يعطيكم العافيه حبايبي

رضعيه قبل وتاكدي بعد لان على مااتذكر ترضعينه قبل ماتروحين احسن

 

[ليالي العاشقين]

رد: ّ~ * أحلى ديوانية لأحلى الأمهات مع سكونونو و النونو *~

الف مبروووك الافتتاح...

 

[سارة_kw]

رد: ّ~ * أحلى ديوانية لأحلى الأمهات مع سكونونو و النونو *~

صباح الخير

مبروك علينا التجمع اليديد

انا عندي سوسو عمرها 5 سنوات في ثانيه روضه والثانيه شوشو بتكمل شهرين بعد جم يوم

الله يحفظهم ويخليهم لي

 

[مرت الأيام...]

رد: ّ~ * أحلى ديوانية لأحلى الأمهات مع سكونونو و النونو *~

السلام عليكم
مبرووووووووك على الديوانية و مشكورة سكونونو على هالتجمع الحلو

انا ولادتى كانت ب18 / 7 و بعد يومين اطلع من الاربعين :eh_s(6):

انا عندى ثلاث عيال الله يحفظهم :klhfl:
شاروخان 4 سنين
ماريو سنة و عشر شهور
فطفوطة 38 يوم

و الاخيرة يت بالغلط ما كنا مخططين لها ابد بس الحمدلله على كل حال يت و يابت معاها الفرحة بالبيت و احس سبحان الله انى مستانسة فيها اكثر من عيالى الثانيين مادرى ليش يمكن عشان بنوتى الوحيدة

اللى امتعبنى معاها انها وايد ترجع امبيه حتى مرتين رجعت طلع من خشمها و اختنقت المسكينة :0bee2e8d89:

اما الغازات فمشيت على الاعشاب عيالى كلهم ارتاحوله و فاد معاهم و كلها شهر بالكثير افتك من هالسالفة

بس آه و الف آه شكثر تحن هالبنية عاد سمعت ان البنية حنانة و فعلا عرفت ان هالشى صج بس تبى الحضن و الشيل و انا ظهرى يعورنى ما اعبر 24 ساعة اشيلها فصارلى يومين اعتمدت اسلوب الحقران _03BA:

يعنى الحليب و شربته و الحفاظة و غيرتلها ها بعد شتبين تحنين يالدلوعة :flower:

فصرت احقرها احطها بسريرها و اخليها تبجى لين تنام

لا تقولولى حرام توها صغيرة لازم ما اتعود على الشيل و الحضن و لا راح اتاذينى بعدين و هذا عن تجربة و هذا غير الركضة ورا شاروخان و ماريو مو مطلعيلى قرون الا طلعولى ذيل بعد :eh_s(16):

اسم الله عليهم ما يركدون واحد طاق الثانى واحد ماخذ لعبة الثانى ماريو لازم يروح الحمام يعزكم الله و يلعب بالماى و الشامبو و شاروخان كل شوى طالعلج يسالفة ماما ابى و ابى و غير فطفوطة كل شوى تبجى و تحن وااااااااى ودى اكمش روحى:eh_s(11):

بس الحمدلله على كل حال اهم زينة الحياة الله يحفظهم و يحفظ عيالكم

ادرى قرقت وايد ( قلبى متروسة ) بس حبيت افضفض لكم بيومياتى مع الثلاثى الكوكبانى :eh_s(1):

 

[([عطر رومانسي])]

رد: ّ~ * أحلى ديوانية لأحلى الأمهات مع سكونونو و النونو *~

سوكو !!!!!!!!!!!!
شهالخيانه
انا ليش محد يعزمني على الديوانيه
خلاااااااااااااااااص زعلت

 

[Anestazya]

رد: ّ~ * أحلى ديوانية لأحلى الأمهات مع سكونونو و النونو *~

مســــــــــاء الخير

شلووونكم؟؟

شكريار على العزيمه يا سكنونو هههههههه اسمج صعب

اول شي اعرفكم بنفسي


انستازيا عندي بنوته وحده ان شالله بتكمل 4 شهوووووور وهذي اول اموومه لي


اول شي ماكنت حاسة بالامومه لاني مارضعتها هههههههههههه ماحب ارضع

وبعدين لما خدامتي ساافرت واهلي مساافرين هني حسيت بالامومه الصعبه بس الحين كبرت وعرفت اتعامل معاهااا

 

[Anestazya]

رد: ّ~ * أحلى ديوانية لأحلى الأمهات مع سكونونو و النونو *~

مرت الاياام الله يخليهم لج

حطي حق بنوتج كرسي اللي من مذركير اللي فيه العااب وقعديها قبال التلفزيون تخمر انا بنتي جذي لما تناام بالكرسي احسن شي

 

[eman84]

رد: ّ~ * أحلى ديوانية لأحلى الأمهات مع سكونونو و النونو *~

:lololoe:

السلالالالالالالالالالالالالالالالالالالالالالالالالالالالام بناااااااااااات امهاااات كرووووشاااااات والداااااااااااااات نفساااااااااااااات

كلكم حبااااااااااااايب قلبي و الله

مبارك عليكم الشهر وعساااكم من عوواد هالشهر الفضيل كل عاام يارب قولو امين انتو و اعيالكم و ازواجكم و اهلكم و الغاليين

صج صج ولهت عليكم و صايره احوووس بالمنتدى ما ادري وين اروح كل مكان قطيت روحي بس مثل تجمعاتنا ماافيش

شلوونكم و شخبار البيبيات ؟؟ ايننوون صح ؟؟ انا اعرفكم على نفسي

اسمي ايمان و عمري 25 سنه و احلى يوم بعمري كله 10-7 -2009 اللي يبت فيه فلذة كبدي خخخخخخخخخخخخخخخ شدعوااا هالتعبير:ggdw:

اللي يبت فيه احلى لولو واهيا بجري عسى الله يحفظها الغاليه بنت الغاليه خخخخخخخخ شتبين هااا:eh_s(6):

شلوونكم ويا رمضااان انا ميته من اليوووع وكنت خووش وحده ماشيه ورا ريجيم و ملتزمه من دش رمضان و اشوف هالقيمات و التشريبه ماااااااااا اقاااااااااااااااوم واخرب ريجيمي

 

[@ الرسامة @]

رد: ّ~ * أحلى ديوانية لأحلى الأمهات مع سكونونو و النونو *~

السلام عليكم

مبارك عليكم الشهر


ومبروووووك افتتاح الديوانية
وشاكرتلج على الدعوة

تبون الصج حيل فقدتكم


صج تجمع النفاس كان اينن وفقدناه حيل


انا عن نفسي
عندي ثلاث يهال الله يحفظهم

اشلونكم مع طلعة الاربعين
انا اول يوم رحت فندق ونمت هناك

بس ما مداني اطلع واستانس
الطلعة الحين وايد صعبة بسبة البيبي وبعدين الجو ما يساعد رمضان والجو رطوبة يعني يادوب بيت اهلي


امبي قرقرت عليكم وايد

 

[Souly]

رد: ّ~ * أحلى ديوانية لأحلى الأمهات مع سكونونو و النونو *~

السلام عليكم

شلونكم بنات

انا كنت بتجمع مايو ويونيو

ومبروك افتتاح الدوانيه الصراحه انا ضاق خلقي لان ماشالله كلنا خلصنا نفاس وماكو احد
من البنات الي كنت اشوفهم بالتجمع فاشوه انج فتحتي هالدوانيه ... ^_^

وتوني قبل رمضان بيوم خلصت من اخت النفاس .. افتكيت

بالنسبه لي انا هذا اول بيبي واحس اني طايره فيه الله يخليه لي يارب
وحبيبي اليوم صار عمره شهرين حلاته والله

 

[ريحانة_14]

رد: ّ~ * أحلى ديوانية لأحلى الأمهات مع سكونونو و النونو *~

سلاااااااااااااااااام عليييييييييييييييييكم

خيااااااااااااااااانة عظظظظظمى

الديوانية واصلة لي صفحة 3 وينييييييييي عنهاااااااااااااااااااااا

ليلحيني أحوس بتجمع الحوامل ومافي أحد هناك أطقق بالطوف بروحي لوووووووووووووووووووووووول

المهم

أختي العزيزة سكونونو >>>> داشة بقوة :dddds:

شكرا جزيلا على هالتجمع الصراحه حنا يالحريم يبييييييلنا مكان نقعد نقرق فيه جذي ولو ما قرقنا ننفجر

=================

أعرفكم بنفسي يابنات ..

ريحانة_14

عندي بنوتة شيطونة ونزغة الله يحفظها ويحميها من العين سارونة والملقبة بــ ( فاتنة الأحمدي ) لووووووووووول

وبتاريخ 8 / 8 / 2009م يبت أحلى توأم الله يحفهم ويخليهم ويحميهم من العين

( ولد وسميته بو الدلنقات ) وسر هالتسمية تعرفها سكونونو والشيخة فطامي لوووووووووووول
( وبنوتة نسميها الدلوعة ) لأنها صج صج دلوعة وجميلة الله يحفظها

سبحان الله طالعين العكس بكل شي

البنوتة ناعمه وبيضا وصوتها ناعم لما تبجي
الولد أسمراني وعنده لحية وشنب ولاااااا يبجي صوته يقعد الفريج إللي ورانا .. فيني خير أتأخر عنه بالحليب

أتخيله على يوم بياخذ قماطة ويركض يلحقني يلسبني فيه لوووووووووووووووووووول

ياحمش بو الدلنقات

وطبعا كنت مع تجمع حوامل ( 7 / 8 / 9 ) والمبلغة الرسمية بولادات البنات الله يخليهم ويحفظ عيالهم لهم ياااااااربي

وجزاج الله ألف خير وربي يوفقج يارب يا سكون إللي رديتي جمعتينا مرة ثانية بعد عمري :klhfl:

طبعا الحالة كسيفة الحين مع التوأم ماشالله عليهم

إهي تبجي تبي حليب .. أشربها وتنام
من أحط راسي عالمخده إلا بو الدلنقات قاعد عااااااااااااااااااااااااااااااا حليييييييييييييييييب

أشربه حليب .. وأحط راسي عالمخدة بو 10 دقايق والا دلوعتي قاعده تبجي إهيء هيء إهي .. شفيج يا يما ؟؟ يما أنا موصخة قومي غسليني

وهذي الحاله لييييييييييييييييي الصبح وحياتكم مافي نوم

وليلحين طبعا ماخلصت النفاس وأنا من طبعي أموووووووووووت ولا إني أنحكر بالبيت

بس يالله .. آدي الله وآدي حكمتوووووووو


إي صج فشلة قلت بدش الديوانية وإيدي فاضية مايصير

 

[بحر الغموض]

ماتشوف شر بنتج الحنونه

فطامي بالنسبه للبودره معروفه تنثر وتنحط على الجسم يعني ممكن تدمر ملابس البيبي وتتطاير بالجو وتدخل لصدر البيبي
مو مثل الكريم اوالزيت

البودره يخافون منها لانها تضر الصدر

البيبي بالنسبه للتطعيم لايكون توه الحين راضع ولا يوعان حيل

ومافيها شي لو بعد التطعيم تعطينه حليبته انا اعطيه صدري عشان يهدا

 

[الذبانه الحايره]

رد: ّ~ * أحلى ديوانية لأحلى الأمهات مع سكونونو و النونو *~

انا بعد معاكم بس لي الحين انا نفااااس وبسألكم متى كل وحده وقف الدم عليها بأي يوم ومتى يتها أخت النفااااس

 

[Anestazya]

رد: ّ~ * أحلى ديوانية لأحلى الأمهات مع سكونونو و النونو *~

الله حيهااا الله حيهاااا


ارحبووووووووووووووووووووا كلكم


ايماان الله يخليلج لولو نفسي انا بجر معاااج وسولي الله يخليلج بنيتج

الرساااامه عااد اهتمي باخت نفااس هي اللي تظبطج

والريحااانه ياااحلووهم قبل كنت اتمنى توأم بس الحمدالله يوم صار عندي بنت مافكر اجيب توووأم


تصدقوون مادري ليش ماحب الجهاال


الذبااانه هههههههههههه ضحكني نكج

انا وقفت عللي الدورة من 10 يوم من نفااسي وعقب جتني اخت نفاااس بعد طلعتي من الاربعين ب 10

 

[Anestazya]

مرحباا بناات


انا استخدم شامبو بيقون عجيييييبه ريحته وحتى بودرته ولوشنه احب ريحته

انزين بسألكم الحين تطعيم 4 شهور ابرتين وقطره ؟؟ وتسخن؟؟ ياحيااتي تعور القلب


انزين بناات انتوا لما تسوون مميه حق البيبي وعلما تطعمونه ماتبرد؟؟

 

[om_3azoz]

رد: ّ~ * أحلى ديوانية لأحلى الأمهات مع سكونونو و النونو *~

مبارك عليكم الشهر

انا ولدت شهر 4 عادي اكون معاكم ؟؟؟؟؟

انا عمري 19 واسبوع بالضبط وعندي عزوزي توته عمره 4 شهور وشي ,,

انا بطنه ذاابحه ليلحين يخرج لون اسود مادري شنو اسوي وايد صااير يحن حن موطبيعي وكله يفرك بلثته ويحك اذونه وراسه

 

[دلووعة ابووها]

رد: ّ~ * أحلى ديوانية لأحلى الأمهات مع سكونونو و النونو *~

قوة بنات شلونكم ؟؟ ياحلات تجمع يوليوم و اغسطس و سبتمبر و تجمع بنات النفاس والحين اهني عسى الله يتمم علينا
و سكونون مشكورة حبيبتي على هذي الدعوة و التجمع
انا عندي بنوتة عمرها سنتين و 5 شهور الله يحفظها و ولد توه صغيرون ماكمل الشهرين الله يخليه ولدته بتاريخ 13/7
شنو سوالفكم مع البيبيز ؟؟