دمعة الريال في الحب فخر ولا إهانه؟؟

[11 ادبي]

قوووووووووووووووووووووووووووووووووه:eh_s(6):

شلوونكم شخبااركم


إن الحب هو الحب ليس هناك حب لأيام زمان أو حب لأيامنا هذه ..



تلك المشاعر السامية والملخصة في كلمة { أُحُبِكْ }:tek:


مارأيكم في الرجل الذي يبكي من أجل الحب ؟مع إحترامي للجميع ..

فالحب عاطفة جميلة تجمع روحين ..


تتجسد فيها معاني التضحية والثقة المتبادلة بين الشخصين ..

ولكن..؟


الحب اختلف الآن في هذا الزمن ..

وأصبح عملة نادرة ..


سؤال يطرح نفسه ..





ما رأيك بالرجل الذي يبكي من اجل الحب ؟


هل هو إذلال لقيمة الرجل ؟


أم


هو في قمة الرجوولهـ ؟

انا من وجهة نظري عادي يعني رجوله ​

والحين بشوف آرائكم:ggdw:

 

[فـلـفـلـهـ]

ماأحب اشوف دمعة رجال بصراحه ..

لكني افسرها بالدرجه الأولي حب

 

[ازمه وتعدي]

بالعكس اذا الرجل نزلت دمعته لاجل الحب يكبر بعينى ولا يمكن تنهز صورته قدااامى


ابدااااااااااااااااا


بالعكس احترامه وهيبته وتقديره رااح يظل موجود ولا يمكن تتغير نظرتى له


طبعا انا مريت بهاللحظه <<< الله لا يعيدها

كنا على درب الفراق والحمد لله اللى ردنا حق بعض


دموووعه اللى احرقت قلبى علمتنى شكثر انا غاليه عنده ومااااوده نفترق ونهد بعض


فديت الحب واللى يحبوون بس


تقبلى مرورى

,,,,,,,,,,

 

[miss roro]

هذا خليل بمسلسل ميرنا بس ماعتقد ان في ريال في هالزمن يبجي عشان حب بس فاضين يبجون حريمهم الله يهداهم.... مشكوره عالموضوع

 

[شوكولاتيه]

اذا رجل بكي في الحب

اعرفي انه ذيب وناوي على شر وجالس يتمسكن لما يتمكن

وبعدين انتي الي راح تبكي

لاتصدقو كلام المسلسلات عن الحب وبكاء الرجل

كله كذب

 

[نيــلــوفــر]

فخر طبعا بس مو كل مرة يبجي عاد جذي يمصخها

 

[انونا]

امبي تذبحني احس ودي اموت اذا شفت ريال يبجي

بالعكس رجوله

 

[*أم*خالد*]

اذا رجل بكي في الحب

اعرفي انه ذيب وناوي على شر وجالس يتمسكن لما يتمكن

وبعدين انتي الي راح تبكي

لاتصدقو كلام المسلسلات عن الحب وبكاء الرجل

كله كذب

لوووووووووووووووول انزين يمكن ريلها .. يمكن اخوها يحب وحده او احد من اهلها مو شرط الدمعه عليها :dddds:

عني انا
ماتنهز صورته بعيني ابدا
وأتأكد من صدق مشاعره تجاه اللي يحبها

 

[7ntota]

دمعة الريال تذبحني و مو اهانه له بالعكس فخر بس مو كل دقبقه يبجبج بالعكس هاذا دعله بس يبجي اذا في موقف قوي و راح يكبر ابعيني و راح يضل احترامه و تقديره ما يتغير

 

[GHADEERAAT]

فديته وفديت دمعته اللي راعي التصنيف الاول
نقدر نصنفهم نوعين :
1) الريال اللي نادر دمعته تنزل دمعته غاليه هذا يستحق التقدير يعني ولا يبجي واهو يحاول يخشها مو جدام احد.( اسمه قهر الرجال واعليا )

2)اما صاحب دموع التماسيح من نوعية الرياييل اللي يمثلون لانه في رياييل نوعيتهم يتمسكن ويتخذ البكاء وسيله للوصل الى غايه معينه
هذي النوعيه كريهه ماعتبرها ريال مراوغ يتلون طبعا .وهالنوعيه تعتبر وصوليه وشخصيه نرجسيه.
ويعطيج العافيه خوش موضوع .

 

[Om_Ksha]

والله مايندرا عنهم !!

 

[شوشو الشقيه]

فديته وفديت دمعته اللي راعي التصنيف الاول
نقدر نصنفهم نوعين :
1) الريال اللي نادر دمعته تنزل دمعته غاليه هذا يستحق التقدير يعني ولا يبجي واهو يحاول يخشها مو جدام احد.( اسمه قهر الرجال واعليا )

2)اما صاحب دموع التماسيح من نوعية الرياييل اللي يمثلون لانه في رياييل نوعيتهم يتمسكن ويتخذ البكاء وسيله للوصل الى غايه معينه
هذي النوعيه كريهه ماعتبرها ريال مراوغ يتلون طبعا .وهالنوعيه تعتبر وصوليه وشخصيه نرجسيه.
ويعطيج العافيه خوش موضوع .

مع الاخت
تسلمين يا اختي

 

[قـہۈه فـرنسيـہ™]

اللي يحب ويبكي ,,,هذا شهم واعرفي انه يحب من قلب مو خرااااااااابيط,,,
بس طبعا مو اللي 24 ساعه يتبجبج ,,,هذا منااافق ,,, أما اللي بكى عشاااااااان موقف قووووي أو شي هذااااا على راسي ,,,

 

[مرافئ الذكريات]

وايد يعتقدون أن بكاء الرجل ضعف منه,,

و لكني اشوفه وسيله للراحة النفسية,,

البعض يقول أن الرجل لازم تكون كرامته قويه بحيث يتماسك ولا يبكي أمام

الآخرين .. ولا يضعف أمام أي مشكله تواجهه..

و لكنهم يتناسون انه في النهاية إنسان,,

أي انه كائن حي .. ويحتاج أن يعبر عن نفسه ومشاعره وينفس عن همومه...

و هذا يرجع إلى البيئة و طبيعة تفكيرنا في مجتمعاتنا التي تعتبر الرجل الذي يبكي

كأنه استسلم و تنازل عن مكانته وعرشه.

بكاء الرجل ليس ضعفا بل على العكس كون كبرياء الرجل سمح له بالبكاء,,

فهذا شيء جيد...

فالإنسان ما لم يبك أو يعبر عن حزنه فانه يكبت الكثير بداخله و البكاء وسيله إلى

الراحة أو الارتياح النفسي...

قد تكون المرأة اكثر بكاء من الرجل.. لكن هناك مواقف لا تفرق بين المرأة
والرجل مثل وفاة والدية ,، اقاربة ,, احد اصدقائة ,, والبعد عن الاهل فتره طويلة .

برأيكم هل هذه الامور لاتستحق دمعة الرجل..

*هـــل إذا بـكى الرجل تنقص رجولته؟

*اذا رأيت رجل يبكي أمامك ما هو شعورك في تلك اللحظة؟

*وماذا يعني لك البكاء وهل تراه يخدش الرجولة ؟

*ما هو موقف الرجل إذا عيب عليه بكائه وانه ضعف منك؟

*ما هو موقفه إذا رأى نظره شفقة ورحمه من أمرأه أي كانت بالنسبة لك؟

*أنتي إذا رأيتي رجل يبكي هل تحاولين مواساته والتخفيف من مصابه أو معرفة الدافع وراء بكائه؟

أنا من رأي أن الرجل اذا بكى من أجل امراة ليس ضعفا

لعل هذه المرأه لها قيمة عنده او زوجة توفيت وبكى

ليس هناك عيب

ويسلمووووو على الموضوع الحلووووووووووو

وأسفه عالأطاله

 

[WaRoODa]

طبعا رجوووولة هذا مو ضعف و لا ذل بالعكس دمعته تدلج على صدق مشاعره و احساسه و عمر البجي ما نقص من قدر الريال و لا قيمته

 

[㋡..PRINCESS..㋡]

ما اعتبر دمعة الريال ضعف .. بالعكس شي حلوو ان تنزل دمعته عشان الحب ..

 

[حبيبه امها]

الا بقمة الرجولة والحب

وراح احبة اكثر بعد​

 

[нάγoηά cнεмίsтяγ]

اممممممم آنا سبق وشاركت في رايي بموضوع مشابه لموضوعج .. و راح ارد اشارك ثاني مرة

برايي ان الريال دمعتـه غاليـة و فعلاً مو حلوة تنزل على اسباب صغيره
حلاته الريااال قاسي شوي ويتحمل مصاعب الحياه
بس الإنسـان الي جرب الحـب راح يفهـم شلون الحـب يلعب في المشـاعر
و يغيـر حزنك إلى فرح و فرحك إلى حزن و يلخبط عندك الأمور ..!

يعني بالرغم من هذا ..
مو شي "عيب" لمه الريال تنزل دمعته عشان الحب اذا كان فيه سبب يستاهل مثلاً صار فراق اوو اي شي ممكن ان يسبب عذاب داخلي للإنسااان .. بالعكس ملايين من الناس تنزل دمعتهم بسبب الحب .. ! وما اعتقد انهـا تمس الرجولـة بشي .. !

إلا إذا كان أمام الناس لا مو حلوة بصراحة احنـا ما نقول للرجل عادي تنزل دموعـه جدام الناس عشان الحب ..!!
>> إذا آنا البنت مو سهل علي تنزل دمعتي جدام الناس مع اني أم دميعـه لووووول .. !! فـ شلون الرجل .. !

في الغالب اللي يحب ما عنده جرأة يصارح الناس بحبـه فـ شلـون يبجي جدامهم عشـان الحب .. !

بعض الناس تقول " الحب عذاب " وبعض الناس يقولون " الحب يذل " والبعض يقول ويقوووول ..

السؤال اهنيـه ليش طلعت مقولات وايد عن الحب بمسألة العذاب والكرامه ؟؟ لأن الإنسـان ما يقدر يتحكم في مشاعره بسيطرة تامه ... إذا الحب دخل قلبـه تحس جنك ماشي ورا تيـار وقلبك متعلق فيـه حيل .. يعني اذا صارت عقبـات أو حواجز ممكن انك تتعذب حيل وتعيش آلام ما يعلمها الا الله فمـو عيـب لمه الواحد تنزل دمعـه منـه سبب الحب لأن هذا شئ فطـري و احساس عفـوي بداخل الإنسان سواء كان رجل أو امرأه . .!!

وهم مووو شرط الناس تدري ان هالشي فيك أصلا حلات الحب مكتوم وبينك وبين نفسك مو جدام الناس .. !

و صحيح ان المرأة عاطفيـه أكثر من الرجل بشكل كبيـر .. بس هل هذا يعني ان الرجل غير عاطفي ؟ أو ما عنده عاطفـة .؟؟ طبعا لأ

ما أدري ليش الكل يربط مسألة الدموع بالرجولـة اهو يمكن صح كلامكم الرجل المفروض ما يبجي بس ما يبجي جدام الناس مو بينه وبين نفسـه ما يبجي بعد ..!! و بالنسبة لي لو بجى جدام حبيبته كأن يبجي بينه وبين نفسه لأن الحب عادة يجمع الطرفين كروح وحدة ..

و الإنسان يظل انسان ضعيف مهما كانت قوته ويظل عنده مشاعر مهما كانت قوته لازم يبجي وتنزل دموعه وآلام الحب صراحة مو سهلـه ولا هيـنه يعني من وجهـة نظري ان موضوع يستاهل تنزل دموعك عـشانه

واللي يقـول موضوع ما يستاهل أكيد ما جرب هالشي ................


هذا رأيي ..! و يعطيج العافيه على الموضوع

 

[M!$$.3NoNa]

مممم الصراحه !!











قمـــــــــــه في الرومانسيـــــه وهذا صج الي يحب من قلبه ممكن يصيح على حبيبته !


وكلمه حق خواتي الي قالو تماسيح ومايحبون ولا يصيحون عشان الحب !!

اقولكم غلطااااااااااااااااااااااااااااااااااااانين اصابع ايدج مو سوااا

جان ماشفتي وحده مرتاحه بهدنيا

 

[عاشقه رويشد]

اللي يحب ويبكي ,,,هذا شهم واعرفي انه يحب من قلب مو خرااااااااابيط,,,
بس طبعا مو اللي 24 ساعه يتبجبج ,,,هذا منااافق ,,, أما اللي بكى عشاااااااان موقف قووووي أو شي هذااااا على راسي ,,,

انا مع رايج صح صعب تنزل دمعه الريال والابنيه سبحانه الله تحس اذا دموعه صج ولا لا :eh_s(6):