يوميات المشتركات((بريجيم المطوع مع ام عزيزان))

[شيخه***البنات]

رد: يوميات المشتركات((بريجيم المطوع برمضان مع ام عزيزان))

تصدقون يابنات شكلي ماراح يبين الميزان معاي هاليمعه(لان تكرمون معاي امساك):0bee2e8d89:
والامساك اذا يطول جم يوم طبيعي يكون وزنج زايد كيلوين:krkrkr:

ويابنات اكيييييييد العمر له دور واذا وحده متزوجه وعندها عيال هم يفرق(كل ياهل زياده ينقص مستوي الايض):tomato2:
يعني انا ايضي اقل وحده الله يستر:tomato2::tomato2:
اتوقع انا اكبر وحده فيكم(((لايكون اطلع امكم)):dddds:
كل وحده تدش الحين تقول بياناتها علشان نعرف بتغلبنا ولالا؟؟

الله يعينج ويا الامساك عاد صج يثبت الوزن :\ ..

الله يخليلج عيالج وابوهم قولي امين :ggdw: .. ولج طولة العمر :ggdw: ..

هههههههه ام عزيز نطالبج الحين تقولين عمرج ضروري :dddds: ...

انا عمري 23 ..

وعلى الميزان انتوو أي يوم مخلينه ترى انا مادري ..

؟!؟

 

[دمــ الشوق ــع]

رد: يوميات المشتركات((بريجيم المطوع برمضان مع ام عزيزان))

السلام عليكم

ام عزيزان حرام عليج ليششششششششششششششششششششش خربتيها انت شفافه
يعني سكت عنج ذيج مره بس هذا المره راح ازفج انت شفافه وراح ارسل عليكم القوات الخاصه حق لي المخربين الرجيم
يويلج يا ام عزيزان انت شفافه
:23_asmilies-com::23_asmilies-com::eh_s(13)::eh_s(13)::eh_s(13)::23_asmilies-com:


شيوخ عليج بالعافيه
ماشاء الله لحد الحين ماشيه صح :ggdw::ggdw:

 

[دمــ الشوق ــع]

رد: يوميات المشتركات((بريجيم المطوع برمضان مع ام عزيزان))

انا اليوم ماسويت الرياضه لان الحلوه اليوم على
بما فاطره
قبل الفطور شربت نسكافيه

الفطور

3 تمرات + 2 كوب ماء +شوربا + سلطه نخي مع ملعقه صلصه كرافت لايت
+3 ملاعق جريش +2 ملعقه معكرونه سباغيتي

كوب اعشاب

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

الله يعينج ويا الامساك عاد صج يثبت الوزن :\ ..

الله يخليلج عيالج وابوهم قولي امين :ggdw: .. ولج طولة العمر :ggdw: ..

هههههههه ام عزيز نطالبج الحين تقولين عمرج ضروري :dddds: ...

انا عمري 23 ..

وعلى الميزان انتوو أي يوم مخلينه ترى انا مادري ..

؟!؟

الله يسلمج انا اكبر منج بعشر سنين يعني اختج الكبيره عندي وحده من خواتي كبرج
وعندي 4 اسم الله عليهم
لاتستغربون متزوجه وعمري17 من الطفاقه ولا شمستعيله علي,,,يلا الحمدالله عيالي الحين تشوفينهم ماتقولين انا امهم جني اختهم طبعا عقب ماضعفت ولا قبل يدتهم:dddds:

وشرايكم نخلي الوزن يوم السبت اول مانقعد من النوم انسب وقت للميزان وبعد يكون يمدي الوزن تحرك
بس حسافه ضاق خلقي لما قريت ردج انج موطالعه مع الاهل جني انا الي قاعده

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))


اقولكم يومياتي
الفطور:
3 تمرات+شوربا بروكلي+سمبوسه
وعقب ماصليت رديت شربت ماي وعقب سلطه و4قفاش عيش مجبوس وشوية حشو ومعبوج ونتفت لحم نتيفه يعني مايي ربع الكف
انا صراحه ماحسبت اللحم لان نتفه فخذيت سمبوسه ثانيه:ggdw::ggdw:

وعقب شغاله علي الشاي شاي شاي شاي
وبالعشر صب القفشه يميميميميميم عجيبه لان انا مسويتها:ggdw:
كليت 4مع قهوه,,,,,وبعدها شاي اخضر كوب,,وبعده شاي زعتر وزنجبيل ودارسين
وانشالله سحوري تمر ولبن بس اذا حيل يوعانه يمكن اخلي سحوري كورن فليكس:ggdw:

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

محد دش عقب الفطور الا دمع الشوق بس ماشالله عليج ممتازه صايره هالايام عيني عليج بارده:ggdw:

وينج يابقايا الليل فقدناج من غير شر,,,انشالله المانع خير

 

[شـــفـــافـــه]

رد: يوميات المشتركات((بريجيم المطوع برمضان مع ام عزيزان))

يديدة ام عزيزان ههههههههههههههههه << هذي الي ابتنطرد من التجمع

يحلييلكم والله عيل شكلي انا اصغر وحده فيكم عمري 21 ..ام عزوز وشيوخ العمر كله ان شاء الله

الحين الي بالاربعين تعطينها بالثلاثين اشعلييج يعني انتي اتوقع اعطيج 20 لوووووووول

دمع الشوق ايي ايي عفيه زفيني من زمان مانزفيت عدل وماشاء الله عليج ماشيه تمام وخلج جذي ..

ام عزيزان سلامتج حبيبتي شربي ماي دافي وقفشة عسل اتلين معدتج شوي ولا شربي قلاصين دهن عداني ههههههههههههههههه

اتغشمر مو اتصدقين

اليوم فطوووري : 3 تمرات وقلاص ماي وشوربة خضرا

الدفعه الثانيه بعدها ابنص ساعه مرق ربيان بالخضرا وربع قلاص فيمتو

ممم بعدها ابساعه شربت كوبين جاي اخضر ووراها كوب جاي اعشاب

وبعدها شربت جاي عادي ويا حبة بلح الشام وحبة دونات<عاد مادري صح ولا لأ ترا قاعده اغصب روحي اكل حلو

لاني مو وايد احب الحلو بس لاني حسيت ما اكلت شي

وبس الحين بنزل وبشوف شنو سحوري بكون كثرو ماي بنات لاتنسون

والميزان اوكي عيل صار السبت حلووو وقته حق الي خربطت شوي يمديها تنزل

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

دمع الشووق :

بعد عمررررري تسلمين عالتشجييع و ان شاء الله راح استمر على جذي ..

وعليج بالعافيه ان شاء الله ..

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

الله يسلمج انا اكبر منج بعشر سنين يعني اختج الكبيره عندي وحده من خواتي كبرج
وعندي 4 اسم الله عليهم
لاتستغربون متزوجه وعمري17 من الطفاقه ولا شمستعيله علي,,,يلا الحمدالله عيالي الحين تشوفينهم ماتقولين انا امهم جني اختهم طبعا عقب ماضعفت ولا قبل يدتهم:dddds:

وشرايكم نخلي الوزن يوم السبت اول مانقعد من النوم انسب وقت للميزان وبعد يكون يمدي الوزن تحرك
بس حسافه ضاق خلقي لما قريت ردج انج موطالعه مع الاهل جني انا الي قاعده

ماشاء الله عليج العمر كله حبيبتي ترى و الله انتي شباب :ggdw: ..

الله يخلييهم لج ياااااااا رب .. اي ماشاءالله لانج ضعيفونه وطولج حلوو عبالهم اختهم مو امهم لووول يالله ان شاء الله

علطوول :ggdw: ...

ان شاء الله السبت بإذن الله ..

وييي عادي بعد عمري المهم الحمدلله كلييت ..

بس من كليت تخيلي شب عليي راسي صداااااع مو طبيعي مو قادره اتحرك قمت جان اطيح

وبس قاعده ابجي :dddds: لووول من العوار لا اله الا الله مادري شنو صارلي وحسيت بلووعه

انا عادي يصير لي صداع بس مو لي هالدرجه اللي يطيحني و يخليني ابجي اللي راسي يمين ويسار

ينبض والعرج طالع انا اخترعت .. ماخذيت شي لا دوا و لا شي

نطرت امي تيي ودتني الطبيب خوو علاجهم المعتاد بندوووووووول :eh_s(14): لووول ..

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

انا خل اقولكم يومياتي ..

اذن كليت تمره وحده + 2 نجت مال هارديز .. :\ ..

بعدين علبه تونه ماكملتها + توسته << زين ولالا ؟!؟!؟

وانا رايحه الطبيب عزكم الله جاااااان ارجع اللي كليته كله من الصداع ..

ورديت البيت نمت وتوني قاعده والحين احس شوي راسي أهوون واحس لايعه جبدي مع ان

ودي اكل بس اخاف ارجع مره ثانيه :\ ..

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

اقولكم يومياتي
الفطور:
3 تمرات+شوربا بروكلي+سمبوسه
وعقب ماصليت رديت شربت ماي وعقب سلطه و4قفاش عيش مجبوس وشوية حشو ومعبوج ونتفت لحم نتيفه يعني مايي ربع الكف
انا صراحه ماحسبت اللحم لان نتفه فخذيت سمبوسه ثانيه:ggdw::ggdw:

وعقب شغاله علي الشاي شاي شاي شاي
وبالعشر صب القفشه يميميميميميم عجيبه لان انا مسويتها:ggdw:
كليت 4مع قهوه,,,,,وبعدها شاي اخضر كوب,,وبعده شاي زعتر وزنجبيل ودارسين
وانشالله سحوري تمر ولبن بس اذا حيل يوعانه يمكن اخلي سحوري كورن فليكس:ggdw:

عليج بألف عافيه شطووره اليوم جنج :ggdw::ggdw: ...


**

شفافه ..

العمر كله حبيبتي عاد توقعتج اكبر :tomato2: << بنطق لووووول ...

لان ماشاء الله اسلوبج واكبر من عمرج ..

وعليج بالعافيه انتي قلتي شنو كليتي بس ماحددتي الكميه :eh_s(14): ؟؟

ماشيه تمام و لالا ؟؟!؟!

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

شفافوووووووووووووو ياويلج بذبحج,,,,:23_asmilies-com:ايديده هاااا:eh_s(14): وانا كنت متخيله عمرج 28 او29 ماشالله عليج كلامج خبره كل شي تعرفين
عاد تصدقين والله الي يشوفني مايعطيني علي عمري.. كلام الناس طبعا مو كلامي
بس انا طبعي احب كلام العيايز حتي بالدوام يسموني غنيمه الفهد

بس ياريت تلتزمين يعني شكو ماكله دونت؟؟ كلش كلش اكلي كاكاو
اومحلبيه,,كريم كرميل

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

شيخة البنات

سلامتج حبيبتي ماتشوفين شر
عاد صداع الي ينبض ياكرهه مجربته وحاشني اول يوم رمضان,,بس يبيله راحه

اخاف بس من هارديز رجعتي تري اكلهم مو ذاك الزود بالنظافه انا مااحبه ولااخلي عيالي ياكلونه


شفافه
مدامج اصغر وحده ياويلج اذا مانزلتي دبل(الصغيره نزولها اسرع)

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

ام عزوز ..

شيخة البنات

سلامتج حبيبتي ماتشوفين شر
عاد صداع الي ينبض ياكرهه مجربته وحاشني اول يوم رمضان,,بس يبيله راحه

اخاف بس من هارديز رجعتي تري اكلهم مو ذاك الزود بالنظافه انا مااحبه ولااخلي عيالي ياكلونه

الله يسلمج بعد عمري .. اي و الله حده كرييه هالصداااع :\ ..

والله يمكن من أكل هارديز بس ترى كليت 2 نجتس مو وايد ..

امي تقول يمكن عشان خلطتي بين نوعين دياي و تونا ..

 

[هوت ميل]

رد: يوميات المشتركات((بريجيم المطوع برمضان مع ام عزيزان))

الله يعافيكم يابنات نزلوا لنا الحمية حقته

 

[NaNa88]

رد: يوميات المشتركات((بريجيم المطوع برمضان مع ام عزيزان))

]قووووة بناااااات شخباركم ؟؟؟
شفافه انا وياج كبر وبعض ونااااسه يعني احنا اصغر 2 بالتجمع اشعلينا بيدلعونا عدل
بنات اشفيكم استمرضتوا اسمالله عليكم ماتشوفون شر ام عزيزان وشيخة البنات اقووول وخروا ومناك شوي لا تعادونا
اليوم فطوري : تمره وشوربه كبتين صغار وتوسته صغيره فيها دياي وخضره و4 قفاش هريس وقفشة يريش بعدين عقبها حليت بحلو الاوريو انا امسويته الكل قالي انتي اكلي اول عشان تتسممين قبلنا كليت 4 قفاش عادي ؟؟
وسحوري : راب الخس والجبن من لوفات وسلامتكم

 

[مدرسة طفشانة]

رد: يوميات المشتركات((بريجيم المطوع برمضان مع ام عزيزان))

حبيبتي ام عزيزان يعطيج العافية يا ريت تقبليني بالتجمع لأني حاسه اني قاعده آكل من غير سنع وودي انضم لكم وان شاء الله التزم معاكم

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

NaNa88

العمر كله حبيبتي ..

اي و الله مادري شفينا استمرضناا لوووول الشر ما ييج ..

عليج بالعافيه .. بس جنج كثرتي بحلوو الاوريوو 4 قفاش وايد و الاوريوو دسم :\ ..

اذا سويتوو حلو بالبيت اكلي منه بس قفشتين عن خاطرج انا جذي اسوي ..

وشلون طعمها راب الخس بالجبن حلوه ؟؟ باجر يمكن اجربها ..

 

[دمــ الشوق ــع]

رد: يوميات المشتركات((بريجيم المطوع برمضان مع ام عزيزان))

انا انا عمري 26 يعني اختكم وسطيه

ام عزيزان لو خربطت راح قطها براسج وقول كله من عينج (حجه) هاهاهاهاها

شيوخ الله يعاطيك العافيه ماشاء الله عليج دايم تدخلين وتشجعينا

شفافه انا ترا جهزه حق الزف بس انت امري وتدللي هاهاهاهاها وتسلمين على تشجيع

 

[شـــفـــافـــه]

رد: يوميات المشتركات((بريجيم المطوع برمضان مع ام عزيزان))

هههههه الله يقطع بليييسكم موتوني ضحك شنو 28 هههههههه يحلييلكم عاد اتصدقون لو تشوفوني بالصج

بتقولون مانعطيج فوق ال 20 ايي كلامي ينقاله فوق عمري بس ام عزيزان مايصير جذي الانظار كلها بتكون علي خوفج مانزل وايد

وابتضحكون ضحك والعيايز ينزلون اسرع هههههههه اتغشمر وياكم نزول العافيه ان شاء الله والله يقدرنا وانكمل ونلتزم

ام عزيزان بيني وبينج من بديت ارمضان اكلي جليل ليش ان الاهل مسافرين وانا قاعده ويا اختي الصغيره بالبيت

قلت مابي اكلف عالشغالات يطبخون مايسوى اهم شي الشوربه والسلطة والايدام والحلو مقدور عليه

بس سوالف لقيمات ومحلبيه الله يخليها الوالده اهي الي تسوي من جذي اضطر اكل اي شي خلاص اخلي بدال الحلو سلطة افيد واخف عالشغالات

الا جان اتطرشيلي حلو يزاج الله خير لووووووووول ..

شيوووخ حبيبة قلبي سلامات عسى ماشر ؟ يتراوالي من هالنقت الي اكلتيه بلاها مطاعم وانا اختج سويلج القيمه بيدج لو شي بسيط

احسنلج هالمطاعم مامن وراها خير .. مافيج الا العافيه ان شاء الله يمكن فايروس ولا ماخذه برد

لاتشربين شي بارد وعشان الترجيع اخذي امصوفه نقعيها ابماي وشربي الماي مالها بتخف عنج اللوعه والله يعينج حبيبتي

نانا 88 ايي حسيت انج من عمري قلت هال 88 اكيد مواليدج يالله شدي حييلج العيون علينا الله يعين لازم اكثر ثنتين ننزل