حلمتي حلم وتفسر عقب فتره؟ تعالي علمينا

[أإلع ـشق دلع ـهـأإ]

يووه شكثر شكثر


انا احلامي تخرع خخخخخخخخخخ


ابشر اهلي دايما

امي ماتحب احلامي ..

حلمت باختي الكبيره وبشرتها بزواجها حلمت فيها انها تفتح باب بيتنا وتلقى سياره حلوه وفيها شباب اثني حلوين وشافتهم اختي وسكرت الباب .. وبعدها فتحت الباب ولا تشووف واحد راكب عربانه وشكله شوي كبير يعني ناضج وكانت اختي لابسه عبايه ركبت معااه ..

ومعنااته انها اول شي راح يخطبونها شباب قريب عند عمرها وعندهم فلووس وصاار وبعدها خطبها ولد عمتي اكبر منها بـ 6 سنين وميسور الحال



وحلمت باختي راح تجيب بنت لاني حلمت فيها انها شرت مكتبه ..

وحلمت بخالتي عطتني خواتم ووطلعت خالتي ولحقتها قلتها هاج الخواتم وسكرت الباب .. ومعناته خالتي خطبتني حق ولدها وانا رفضته

والله شكثر شكثر احلامي ..

ماراح اخلص اذا قلتهم

 

[جنون الحلوه]

بناات انا كله احلم بالصراصير شنو يعني ؟؟؟؟

 

[Mazyoona]

؛



.

افف عاد انا يا كره أحلامي ما أحبها

حلمت انه خالي دخل علينا و معاه وحده مو زوجته

و دريت بنفس اليوم انه متزوج على مرته

حلمت أنه خالتي واقفه تبتسملي و تأشر على بطنها

و بنفس اليوم دريت أنها حامل

حلمت بخالي الصغير يقولي "تعبان يا ساره تعبان"
و اليوم االثاني قالولي في انفلونزا الخنازير بس الحمدالله
تشافى

حلمت اني داخله البيت و مطعونه من ورا و ادش
البيت و كل أهلي موجودين و لا اقول حق أمي يمه
يمه شيليها يمه تعورني و أطيح

الحين أنا حلمانه أنه أخووي قاعد معاي عالبحر
و لمني و قالي " يا ساره ديربالج على روحج
ترى الدنيا غداره " قلتله ليش تقول جذي
قاللي " نصيحة مفارق "

خايفه يا بنات لا يتحقق حلمي

.

.

 

[shaQshoQa]

مره حلمت انه ضرسين من ضروسي .. واحد طاح و الثاني شوي و يطيح .. يعني ماطاح

عمي توفى ( الله يرحمه ) .. و ابوي سوى عمليه


يعطيج العافيه

 

[الكرملين]

الصراصير والحشرات اظن اعداء وناس يتمنون لج الشر اسم الله عليج

 

[آلسحرآلحلال]

بنات نصيحة من اخت ...

اللي تحلم دايم بحشراااات ( اي نوع ) هاذي نفس وعين لازم تقراء وتحصن نفسهااا ....

ومابي منكم غير الدعاء ...

 

[reem.q8]

انا اللي اذكره قبل جم سنه حلمت ان واحد من اسناني طاح
وصج توفى يدي الله يرحمه
عاد وايد احلم بالحشرات والحيه !

 

[Spoildish]

بناات انا كله احلم بالصراصير شنو يعني ؟؟؟؟

انا الي اعرفه الحشرات يعني فيج هموم وايد بس اذا انتي محدده صراصير بالذات الله يعلم

 

[غروري بطيبتي]

انا شخصيا ماحب ادور ورا الاحلام وماحب افسرهم
اخاف وانطر اللي بيصير احسن من اني افسره واقعد مده متكدره

 

[الحـور ! ~]

وااي بنـــات ،،
آنــا احلامـي كلهـا عكس ..
يعني احلم بضرس طايح، المفروض احد يمـوت بس مايصير .. عكس الحمدالله ياربي !
+ وايـد احلم بأبـوي ميـــــت .. يعني عمـره طويـل الله يخليـه ويحفظـه لي يـارب ..

بس بغيـــت اعرف ،،
شنو تفسـير حلم الملجة ؟
لأن حلمت بروحي وبرفيجتي !
قالولي زواج متأخر، صج عاد ؟

 

[مزونة]

يوة ياكثر احلامي كل مانام احلام واليوم الثاني اذا مافسرته هو يتفسر مرة حلمت بدوامي اتهاوش مع واحد مو كويتي وشرطة و دنيا جني اهدد الي يتكلم عن الكويت؟
انا خفت قلت بصير بديرة شي اخرها اطلعت دورة في الدوام بس صار عليها مشاكل​

 

[الورده الناعمه]

بنات حلمت ضرسي انكسر بالنص
بس رحت وسويته وجزء منه ما تسوى وقاعده اقول حق ابوي شكله مو حلو الا بسويه كله

لمن سويته كله عقب ما مريض ما يه موعده انا رحت بداله
ولمن سويته كان شكله حيل حلو
ووايد عااجبني
والكل قالي شكلج احلا من قبل بعد ما سويتي الضرس
مادري ليش احس له تفسير قوي

 

[آلسحرآلحلال]

بنات بغيت اسألكم عن شغلة ... انا الحمدلله اعرف افسر وجذي ( من كثر كتب تفاسير اللي عندي لوول )

بس دايم اعرف اذا حلمتي انة احد ميت هذا يعني انة عمرة طويل ... بس توني دريت من وحدة انة مو شرط اذا ميت عمرة طويل يمكن صج

يموت .... عاد حدي خاااااااااااااااااااايفة ... مادري شرايكم

 

[الكرملين]

اعتقد الميت بالحلم عمره طويل

 

[آلسحرآلحلال]

اب

 

[ع ْـيؤن الـشؤق]

بنات انا متعقده من شي

كل ما احلم بـ وحده او اي شخص .. اشوفه بالصج بنفس اليوم


يعني ذاك اليوم حلمانه بـوحده تصيرلنا من بعيييييييييييييييد .. و بنفس اليوم شفتها ببيت خال امي معاها وحده اعتقد بنتها
واكثر من مرا احلم بأحد واشوفه بنفس اليوم ..

امي تقولي اذا حلمتي بأحد قوليلي انه بنشوفه لوووووووول
واليوم بعد حلمانه برفيجتي بالمدرسه .. صارلي اكثر من شهرين مادري عنها .. و كنت نايمه جان يدق تلفوني لما شفته .. إلا اهيا داقه علي لوووول



يسلموو

 

[ع ْـيؤن الـشؤق]

ووي نسيت ...


اليوم حلمت بـوحده اني دقيت عليها بالغلط .. جان اتنادي اختها وانا معاها عالخط ..

وقبل اقل من نص ساعه دخلت ايميلي جان القى اختها شابكه .. واختها ما تشبك الا قليييييييييييل ..

 

[وشوشونه]

امممممممم ذكرتوني بحلم قديم كلما اذكره يضيق خلقي
حلمت انا أنثى كلب تلاحقني انا وزوجي والا تبي تدخل غرفة نومنا وانا وزوجي نحاول نمنعها ونسكر باب الغرفة بوجهها
ومع هذا كانت تحاول تدخل من فتحة الباب مع انها صغيرة ولما شافت انا مافيه فايدة راحت
بعد فترة اكتشفت انا جارتي تغازل زوجي وتبيه وماتجيني البيت الا عشان تشوفه وبعد فترة بسيطة انتقلت وانقطعت اخبارها

 

[الكرملين]

عيون الشوق انا مثلج اذا حلمت باحد اشوفه ثاني يوم

 

[H.Heavn]

السلام عليكم

اللي اعرفه انه غالبية احلام البنات تكون عكس والصبيان نفسها والله اعلم
والحلم ترى يصير على ما تفسرونه انتو اذكر كنت مشكرة بدورة من زمان والدكتورة مالت الدورة تسولف عن الاحلام وقالت لنا حديث عن الرسول صلى الله عليه وسلم بما معناه انه الحلم مربطوط بريل عصفور يعني انه الحلم حساس ويصير على اللي انتي تفسرينه
عشان جذيه كل ما احلم اي حلم حتى لوما عجبني اقول اللهم اجعله خير وانشاء الله يصير خير حتى لوكان الحلم مو زين