** عنوسة البنات و عزوف الشباب عن الزواج **

[Super_Star]

السلام عليكم


بناءاً على أخر أحصائية للهيئة العامة للمعلومات المدنية

عدد الكويتيات الغير متزوجات ( من سن 25 الى سن 45 ) 22107 آنسة
عدد الكويتيات المطلقات 34434 مطلقة
عدد الكويتيات الأرامل 21844 أرملة
عدد الكويتيون المتزوجون 105398 كويتي متزوج ( أكثر من خمس أضغاف عدد الكويتيات الغير متزوجات)
عدد الكويتيون الغير متزوجون ( من سن 25 الى سن 45 ) 10028 كويتي غير متزوج ( أقل من نصف عدد الكويتيات الغير متزوجات)


احصائية الهيئة العامة للمعلومات المدنية يناير عام 2009





بنظرة سريعة للاحصائيات هاذي كلنا راح نلاحظ انه عدد البنات اللي مو متزوجات أضعاف أضغاف عدد الشباب سواء المتزوجين او الغير متزوجين

و لو افترضنا انه كل الشباب اللي عازفين عن الزواج تزوجوا ما راح يغطون حتى نص البنات اللي مو متزوجات لانه عدد البنات أضعااااافهم خاصة اذا ضفنا لهم عدد المطلقات اللي ممكن يتزوجون للمرة الثانية و الأرامل اللي بسن الزواج

بنات خلونا نتناقش شنو أسباب عنوسة البنات و شنو أسباب عزوف الشباب الكويتي عن الزواج

انا عندي مجموعة من الاسباب للشباب و البنات لكن راح اطرحها بعد ما الاقي تفاعل مع الموضوع

 

[بنكيه دلوعه]

لووووول امبيه بنات الي مو متزوجات خلونا نسوي هجوم على العشر الاف هذيلا وندورهم دواره
لا يطيروووووووووووووووون لحقووو عليهممممممممممممممممم:krkrkr:

 

[باب الحظ]

يلا كلنا نتفاعل وياكم

 

[مس فيراري]

لووووول امبيه بنات الي مو متزوجات خلونا نسوي هجوم على العشر الاف هذيلا وندورهم دواره
لا يطيروووووووووووووووون لحقووو عليهممممممممممممممممم:krkrkr:

لوووووووووووووووول

 

[Super_Star]

عشر الآف واحد لو فرضنا كلهم قابلين للزواج هههه

هم راح يظل 12 ألف بنت مساكين من غير زواج

بنات نبي نعرف الأسباب شنو اللي وصل نسبة العنوسة عند البنات لي هالرقم الخيالي !!

 

[UK_Girl]

مساء الخير..
باعتقادي صاير في اتجاه شوي عندالبعض من الشباب الاتجاه نحو العزوبيه وتفضيلها دام كلشي متوفر له بالشارع من غير لا يتحمل مسئولية اي شيء...زوجه وبيت وغيره من متطلبات تكوين اسره ...
باختصار ليش يروح يتزوج وبالشارع الف من يسد مكان الزوجه ..

وبعد البنت بمجتمعنا شوي يتدخل في قرارتها واختيارها اهلها اعتقد في بنات قاعدين بسبب موضوع الاصل والفصل والشهاده وهذه شروط غالبا يطلبونها الاهل في الخاطب ...واحيانا البنت نفسها ..
وشكرا

 

[*caramel macchiato*]

لووووول امبيه بنات الي مو متزوجات خلونا نسوي هجوم على العشر الاف هذيلا وندورهم دواره
لا يطيروووووووووووووووون لحقووو عليهممممممممممممممممم:krkrkr:

لووووووووووووول ...حلوة حلوة....

يالله يارب يابناات الله يرزقكم ...يالله ماتمر هالسنة الا كلكم متزوجات من ال رياييل الصالحين

 

[*caramel macchiato*]

انا باعتقادي السبب مو من البنت ...من الشباب ...اهم الي عازفين عن الزواج...
والله الكويتية مو طلابة ...ولا تتشرط...بس تبي الستر ...وراضية وقانعة بكل شي...بس اهم الله يهداهم الي مايشوفون عدل ...والله بناتنا احلى بنات والسنع والمنع كله....عسى الله يرزق بناتنا وبنات المسلمين....

 

[حناينq8]

مجرد احصائيه

اللي اشوفه ان ماشالله نسبة الزواج مرتفعه بالكويت
وما اشوف بنات يبورون في بيوت اهلهم الا قله

والاسباب وايده

 

[mmloo7a]

خلوكم من العنوسه ممكن العانس ييها نصيبها سواء عن قريب ولا بعيد مالها الا الصبررر والدعاء

بس ياربي ليش بعض البنات الله يهديهم ماتحمد ربها على نصيبها يعني ياها ريال ومن اول يوم الملجه او اول اسبوع او اول شهر تطلب الطلاق والسبب
- ماشرالي جنطه = انا اقولج عيب من البدايه يكفي عطاج هدايا بالملجه صبري واخذي عليه وهو بنفسه راح يشتريلج بالماديه
-ماوداني السينما = موشرط يوديج الحين
-ماسفرني مكان الفلاني = انشالله لو يوديج السودان بلعي لسانج ولاتحطين على الريال التزامات على ظهره وين مايوديج روحي وياه ومالج شغل برفيجاتج لي تطنزوا
-يتطنز = ( يمكن يتغشمرمعاج) لاتصيرين كله جاده جاده
-مايقولي كلام حلو = لاولله من ثاني يوم يقولج كلام حلو واشعار ؟ صبري يمكن الريال ماخذا عليج ! ويمكن ماله سوابق او خالط بنات كل شي حبه حبه يابنت

لان ... ولآن ... اسباب تافهه

الا اذا كان صج بخييييييل وطلع صج بخيل ومايندي ولايصرف عليج
الا اذا كان يطقج ويهينج
الا اذا كان يشك فيج ولايحترمج ولا يثق فيج
اهني طلبي بس اول يومين تطلعين عيوبه ؟ صبري وتفاهمي معاه
وكان عندج فترة الخطبه ممكن تعرفين شوي عن طبعه وتسألون عنه

اهو صحيح في رياييل موزينيين وعندهم علاقات ويشربون بس بالمجتمع عندهم الريال شايل عيبه

بس البنت تطلقت اهني تقعد تتحسسسسسسسسسسف وتبجي وتشوف طليقها تزوج ومستانس ويا زوجته وتقول ياليتني وياليتني وتقعد طول عمرها مطلقه وكل مااحد سأل عنها وتطلع منفصله بسبب تافه يوخر عنها عاد ذيج الساعه شوفي منو بياخذج

وكل شي قسمه ونصيب ويرزقنا كلنا يارب

 

[شراره الكويت]

انا ابي واحد من هالعشر آلاف ممكن انقي:ada:

بس انا اشوف ان السبب من هالشباب اللي عينهم على برا مو عاجبينهم الكويتيات:0bee2e8d89: مع اني اشوف ان بناتنا يبون الستر وفوق هاذا من ياخذها تدور بس رضاه تشيل البيت والعيال ومو عاجبه وبس يتزوج من اي جنسية ثانية تشوفينه مدللها ومدلعها :eh_s(14):

صج ان لكل قاعدة شواذ بس والله مافي احلي من لما تاخذ من بنات ديرتك يحافظون على عاداتك وتربية اعيالك

تدرون انا بدوامي اذا مر علي كويتي من هالشباب ماخذ مو كويتية
ودي اسأله وقوله لييييييييييييييش اشفينا :0bee2e8d89:

بس يالله كل شي قسمه ونصيب

 

[شويهينه]

الرياجيل مالهم خلق مسؤوليه

والبنات طلبات

والطلاق مايسير الا من عدم قبول وتفاهم او مشاكل عائليه

 

[كريستال ليدي]

انا توقع العزوف من الشباب مو من البنات

البنات يبون الستر بس الشباب يخرببون على بعض يعني المتزوج يقول حق اللي مو متزوج لا تتزوج ترى الزواج سجن و ملل و روتين

و بعدين الشباب الحين وايد يفكرون بالماديات قبل الزواج

و اخيرا مثل ما قالت يوكي جيرل كل شي متوفر لهم فما يكون مهم عنده انه يتزوج

 

[آلسحرآلحلال]

لووووول امبيه بنات الي مو متزوجات خلونا نسوي هجوم على العشر الاف هذيلا وندورهم دواره
لا يطيروووووووووووووووون لحقووو عليهممممممممممممممممم:krkrkr:

ههههههههههههههههههههههههههههههههههههههههه


يلا بس خلوني انقي

 

[مسك الجنوب]

اب
اب
اب
ياخوني اصير عااانس

بس توني 21 يااااااااااااارب يرزقني بالزوج الصالح والكل البنااات يرزقهم

 

[happy&single]

بالكون كله نسبة الاناث للذكور 3 الى 1
يعني احنا اكثر منهم من الله ،،

بعدين اهم سبب لكل هذا عدم تحمل المسؤولية الريال ما يبي يتحمل مسؤولية بيت وعيال
والبنت تبي من يكون مسؤول عنها حسب الشرع والدين ..

قال تعالى في سورة النور {الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ}
فكل شي مقدر ومكتوب ..

والزواج رزق من الله عز وجل والرزرق لا يأتي الا بالشكر على نعم الله قال تعالى {ولأن شكرتم لأزيدنكم}
قال رسول الله صلى الله عليه وسلم "من قال حين يصبح وحين يمسي اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد ولك الشكر إلا أدى شكر ذلك اليوم"
فاحمدوه واشكروه على نعمة وترقبوا الخير من الله ..

 

[junabody1]

السلام عليكم
أختي عزوبية وسعيده
قلتي شغله بالبدايه هي ((بالكون كله نسبة الاناث للذكور 3 الى 1 , يعني احنا اكثر منهم من الله ،،))
وهذا إن دل يدل على سبب تشريع رب العالمين حق الرجل بأخذ أكثر من زوجه --> والله العالم

((والبنت تبي من يكون مسؤول عنها حسب الشرع والدين)) وهم هذي معاج فيها , لكن المشكله إن الشباب يدورون على إلي معاشها كبير علشان تشيل نفسها ومصاريفها وبعدين مصارييف عيالها وبيتها ---> يعني مادري إشخانته!!.. وليش أتزوجه أصلا إذا بضل مثل ما آنا يوم كنت في بيت أهلي بفارق إني ينام جنبي على السرير شخص يلقب بزوج لكنه لا يحمل ما تحمله الكلمه من معنى..
والأدهي والامر إن فيه من توافق إنها تصير مسؤوله عن نفسها وبيتها وعيالها بعد بس على بو إنها تبي تتزوج وخلاص علشان ما ينقال عنها عانس.... والله غريبه!!....
بالنسبه لي أفضل أموت في بيت أهلي عانس ولا إني أمر بتجربه أشيل جروحها ليه آخر العمر مع شخص ما يستاهل لأنه مهو كفو

وعلى العموم الله يكتب لنا ولكم الصالح بأمورنا دنيا وآخره

وشكرا على الموضوع

 

[بنكيه دلوعه]

:krkrkr:جاري البحث عن العشر الاف هذيلا الي حصلت واحد اتعلمنا عاااااااااااااااد لا تصير نحيسسسسسسسسسسسسسه لوووووووووووووووووووووووووووووووووووووووووووووووووووووووووووووووووووووووووووووووووووول

 

[عاشقة الكاكاو]

لووووول امبيه بنات الي مو متزوجات خلونا نسوي هجوم على العشر الاف هذيلا وندورهم دواره
لا يطيروووووووووووووووون لحقووو عليهممممممممممممممممم:krkrkr:

ههههههههههههههههههههههههههههه يلا فوووقه ويييييييييييينهم ؟؟

والله كل شي نصيب بس اذا تبون تعرفون الاسبااب شوفوا طريقة البنات والشباب

منو المسؤول عن عنوسة البنات وعزوف الشباب ؟

هل البنات ولبسهم وستايلهم ؟

او الشباب واعتمادهم على الغير واتكالهم والتشبع اللي صار عندهم من اللي يشوفونهم ؟

اختااروا الاجابه الواقعيه​

 

[SaD FaCe]

مجرد احصائيه

اللي اشوفه ان ماشالله نسبة الزواج مرتفعه بالكويت
وما اشوف بنات يبورون في بيوت اهلهم الا قله

والاسباب وايده

انا معاها


ولا جان مو كل يوم عندنا عرس ههههه