هاي بنات
وينج فيرغو طمنينا عنج؟؟؟
هلا والله دوناتيلا حبيبتي فقدتكم وايد بالمنتدى
خنقولكم شصار معاي طبعا انا موعدي كان يوم الثلاثه 1/9 ورحت العياده والا مسكره
سألت السكرتيره قالت ان الدكتور يسكر العياده يومي الثلاثه والسبت لان هذي ايام العمليات عنده
طبعا قالتلي موعدي يكون اليوم اللي بعده الاربعه 2/9 اللي اهو امس ورحت الموعد
طبعا العياده كانت مزدحمه الناس كلها بتتفخ خدودها حق العيد والعروس اللي بعد العيد
دشيت على الدكتور طبعا وايد استاااانس لما شافني وشاف الفرق بالصور قبل العمليه وبعدها
وقلتله عن كل الاعراض اللي صايره فيني مثل:
اثر الغرزه قالي مع الوقت 6 اشهر وتروح وتخف تدريجيا
وعن الغرز داخل خشمي عند الفتحات كان في خيط غرزه مبين طرفها وقصها لي شوي وقالي في كل شهر راح يبرزون اكثر
واتيين اقصهم لج لما يطيحون من نفسهم
وسالته عن الصلاة بالسجود قالي لاتضغطين على خشمج حيل اثناء السجود لان وقت السجود حسيت اني اضغط عليه
وسالته عن الانتفاخ بالارنبه قالي يبيلها وقت مع ان رفعتها كانت حلوه بس راح تنزل اكثر ويخف انتفاخها بعد 6 شهور الى سنه
وسالته عن الحبوب استمر فيهم بعد قالي اذا ماكان في اتفاق للحمل تقدرين تاخذينهم وتسهل عمليه فش الانتفاخ
وانا بصراحه من نفسي ابي اخذهم ولاني مو متزوجه لان قامت بشرتي تتحسن وايد عن قبل واحس في تأثير على خشمي
وقالي شي طبيعي تشوفين خشمج يوم متفوخ ويوم فاش ويوم وارم لاتخترعين لان للحين ماتشكل بالشكل النهائي فلا تحاتين
النتيجه وايد كان مستانس منها ومرتاحلها الدكتور وانا بعد كل ماروح مكان الناس تقولي محلوه وصايره حلوه اكثر من قبل
بس يظل السبب محير للناس مايدرون من شنو لان شغل الدكتور جدا طبيعي
وطلعت واخذت موعد بعد شهر للمراجعه
وهذي كانت اخر اخباري
