بلاوي ومشاكل الخــــــــــــدم / أرجو المشاركه

[Venice]

انا صارلي سنه ما استقرت عندي خدامه يا ينحاشون او يدخلون رياييل ببيتي وعندهم موبايلات مادري شسوي؟وعلى فكره كلهم اندونيسيات

الاندونيسيات حظوظ يا اتييج هادية يا تموت على الريايييل نفس الفلبن

 

[الريشة]

الخدامات انتي و حظك ، بس الصراحة اذا تبين خدامة سوي هالنصيحة:
- قبل لا تييبين الخدامة صلي صلاة استخارة أنه الله يسخر لك الخدامة الزينة.
- و لما توصل الخدامة قولي لها : أي شيء تبينه قولي لي ، على شان تتطمن من ناحيتك و ما تخش عنك شيء.
- عامليها بتواضع و لا ترفعين خشمك عليها و لا تصير نفسيتك خايسة عليها على شان ما تكرهك أو تحقد عليك ، و على شان تحس انك مثل اختها.
ترى الرسول صلى الله عليه و سلم قبل وفاته وصانا على حسن معاملة الخدم
( ارحموا من في الأرض يرحمكم من في السماء)
و شكراً

 

[كويت الخير]

السلام عليكم

انا اؤيد اختى الريشه واضيف :

اليهال لا يعاملونها معاملت الاسياد والعبده ولا يغلطون عليها
وكل واحد يعتمد على نفسه واهانت الشغاله عند الناس يولد الحقد من ناحيتها

وكل هذا وهم مالهم امان بس الواحد انشالله على نيته !!

وترا بند المكافات حلو بالعيد برمضان بالمناسبات والعزايم الكبيره

ما فى مانع تعطينها مبلغ زهيد شنو يعنى دينارين مقابل كرفها تستانس فيه

يعنى اكثر وحده فيهم تاخذ اقل من ال60 ياجماعه احنا نصرفه بالجمعيه

بساعه وحده والله يعين..مشكوره بنت الكويت عالموضوع

 

[ام السلمي]

خدامتي اقعدت بالكويت 9 اشهر وتعرفت على 20 ريال والمشكلة انهى ماتعرف عربي و كل الي بتلفونها (الي طحنا علي طبعا) بنغال وباكستانين وكويتين (الله يفشلهم) مادري شلون يمعتهم وهية كلة معاي لين طحنة عليهه وسفرناها ثاني يوم ريلي كان عندا سفرة ولا قدر يرفع عليها قضية مايطلعونة من الكويت فسفرناها والله بس هم الله بعد عيني حبيبي مايرضى بالظلم سفرناها بمعاشها والفلوس الي لقيناهم بالجنطه عقب السالفة بس صج قذرة لقينى عندهى سوالف والله تقشعر لها الابدان الله لايوفقها وين ما راحت وحسبي الله ونعم الوكيل فيهم

 

[xxx]

سمعت هالسالفه عن الخدم قلت اقولكم


يقولون مره في اندوسية جكوها مع واحد ربي كما خلقتني الله يكافينا الشر

ودوها المخفر وطقووووها طق السنة بساعه

عاد الضابط انكسر خاطره ويابلها ماي

تهقون شقالتله ؟

لا بابا انا صايمه


هههههههههههههههههههههه

خوش صيام عسى الله يتقبل منهاااااااااااااا​

 

[امـــــل مقتول]

Venice


الله يعيج العافيهــ خيتووو طرح موفق


اي والله مشاكلهم ما تخلص ولسنتهم ما تقصرررر


الله يكفيناااا شرهم


اخر سالفهــ سمعتها عن الخدم هذي سالفة الفلبينيه

الي اذبحت جاهل عمره سنتين واطعنت الولد عمره 13 سنه وبنت عمرها 17

يقولون حالهــ نفسيهــ


زين اذا حاله نفسيه ليش تختلط بالناس قبل ما تعالج


ولي عوده بالسووولف تشيب شعر الراس

تقبلي مروري البسيط... عاشقة راشد

 

[الغاليه نونو]

من فتره قلت لكم عن خدامة امي

نيباليه ماتعرف كوعها من بوعها وسكوووتيه ومسيجينه لقينا عندها موبايل والاسبوع اللي طاف طرشتها امي الفرع تشتري اغراض وتأخرت امي قالت لي شوفيها ليش تأخرت يوم سألتها وحققت معاها والا الحلوه عندها سبعه بوي فريند هههههههههههههههههههه لا والمصيبه رحت افتش اغراضها والا ششووووووووووووف








مصوره صووووووووووور واهيا ستربتيز عالآخر اقول لها من حقه هالصور ومتي واشلون صورتيهم تقول عندي كاميرا فيها ريموت كنترول وهالصور حقي صورتها انا مادري ليش طبعا اعترفت عقب مااااهددتها اذا ماصارحتني بوديها المخفر

ماوديتها المخفر تدرون اشسويت فيها خليتها تتسبح وتكشخ عالاخر وديتها المكتب وقلت حق المكتب مابي فيها ولافلس بس صرفها ون مامشا حالها خلال اسبوع عطني خبر مالها الا بيت ابوها ههههههههههههههههههههه وبس

 

[امـــــل مقتول]

اعترفت عقب مااااهددتها

هههههههههههههههههههههههه

مو هينه والله لا حوووشك والله باجر تسويلي شي ما شيات



اقووول واللهــ صج انا اخاف من الخدم


وخصوصاا خدامة يدتي .. ماما حسينهــ لا يحوووشك


اشوفها انحاااش تزف زف مو طبيعي ههههههههههه

 

[bnt q8 in usa]

واي سوالف الخدم مرض حسبي الله عليهم يخرعون ماكو الا تحطون كاميره
انا كل شي عندي يهون الي انها تبوق..........وتطق عيالي..........وتطلع اسرار البيت............وتخربط

شبقي بعد خخخخخخخخخخخخخخخخخخخخخخخ

بس الي بيطلب خدامه وماعنده ياهل خل ياخذله خدامه عوده يعني من 40 وفوق

 

[ام منيره]

الله يعينا شر لا بد منه ..والخدامه حظ ترى ..مثل الرقيه يازينه ياشينه..مشكوره خووش موضوع

 

[xxx]

هلا بنات

هههههههههههههههه الغاليه نونو زين تسوين فيها

 

[عنايد]

آنا صار لي الحين 8 شهور معاناة مع الخدم من راحت سيلانيتي شحلاتها وياي وآنا معتفسه تقريبا اربع اللي جبتهم ولا وحده قعدت عندي لي درجة اني قمت اشك ببيتي قمت أفتش بكل مكان يمكن خدامتي الأوليه كاتبه لهم شي مو زين عني مع انها كانت زينه معاي وآنا زينه معاها والحين عندي الخامسه والله يستر بعد الله يعطيني من خيرها ويكافيني شرها آآآآمين

 

[ملح وسكر]

عامليها بالطيب تعملك بالطيب ،عامليها بالقسوه تعاملك بالقسوه
الله يكفينا شر الخدم

 

[كويتيه مذهله 87]

هلا بنات
انا بقولكم قصه اختي المسكينه
صج مسكينه
والله اشكثر اتيييب خدم ومايبونهاا لان عندهااا 4 يهااال وكلا تحت بعض
مره يابت وحده فلبينيه تقول اختي
معني مستحيل تخلي اعيالها ابروحهم مع الخدامه لازم امي او احنا نقعد معاااها
المهم مره خلتهمم بالبيت وهي اطلعت بتروح الجمعيه تقول ما طولت ولا ترد من الجمعيه ولا تلاقي اعيالهااا كلهم نايمين وتقول نومتهم مو طبيعيه ومو وقت نومتهم ما ادري شنو معطيتهم اختي خافت وقومتهم بس مو راضييين يقومون تقول انا قمت اصرخ وابجي علبالها ميتين
ولا الخايسه معطيتهم حبوب منومه علشان ينامون
لان اختي ودتهمم الطبيب علشان تتاكد
=============================
والقصه الثانيه توه من اسبوع هذي غير الخدامه الي توه اصلهااا اندونسيه
ولدهااا عمره 1 ونص دخلته الحمام وبطلت الماي علي حده الحار
تعرفون درجه الماي الحار علي حده
خلته بالحمام وبطلت الماي وراحت عنده
واختي كانت تكلم ريلهاا بالتيلفون مسكينه اسمعت صوت ماااي جان تركض ولحقت عليه وعليه حتى ما قام يصرخ لان توقف عنده النسم لان البخار كان وااايد
وهي انكرت بالاول بس اكتشفواا ان ريلهاا محرووقه
تقول انا كنت قاعده اضرب اووووتي عمااا بعينهم
وعلياا الحين محروق من فوق لي تحت وملامح ويهاا مو معروفه
الله يشافيه

 

[امة الله]

الله يغربلهم من خدم

والله لو ما الحاجه ما يبناهم

هذه خدامتي من تحت لا تحت يعني تسوي الشيء بسكوت ولين زوجي موجود ويش حلاتها وبس واقفه له تروح وتجي قدامه عشان بس يأمر عليها وهو عاطنها وجه ومخلينها على راحتها واني تعاندني وتسوي عكس الي اقول لها واليوم طحت عليها واني شاكه من مده انها تبدل ثيابها في غرفة نوم البنات ولا وتخلي الباب مفتوح الله يغربلها

والي مضى اعظم والله يستر من الي جاي

 

[سويتي الحلوه]

لاحول ولا قوه لا بالله العلي العظيم

 

[وديان@@@]

الخدم حظوظ

 

[xxx]

لاحول ولا قوة الا بالله

كويتيه مذهله عورتي قلبي على اختج

خل اتييب خدامتين علشان يقدرون على عيالها

 

[بدور555]

الله ياخذهم هالخدم
صج اذا قالوا شر لابد منه

 

[بدور555]

كويتية مذهلة
الله يشافيه انشاءالله
وشسوت في الخدامه