أحسن عيادة للأسنان ... وين ؟؟؟؟

[غلاي غير]

فيدوان اكثر يابنات عن فرجينا

 

[^^ROSE^^]

السلام عليكم

حبيباتي أنا بس بغيت أفيدكم في هالمعلومة
ان الدكاترة الزينين الى كانو في عيادة البيان طلعوا من العيادة وفتحولهم عيادة خاصة فيه
اسمها أسنان موجودة في السالمية و الدكاترة الى فيها كلهم شباب ممتازين خريجين أمريكا
د خالد الخياط ..... تقويم أسنان
د هادي الصفار .... لثه وزراعة أسنان
د طارق بورزق .... تركيبات و جسور
د عيسى العيسى .... عام
د عبدالعزيز حسن .... أطفال
و غيرهم من الأطباء الممتازين ذو كفاءة عالية
ورقمهم 25736666
أتمني اني فدتكم بمعلوماتي

سبقتيني توني يايه بكتب عن عيادة اسنان
وصج كل الدكاترة الزينين طلعوا
انا اعالج عند خالد الخياط تقويم وماباقي شي واخلص
وحولت ملفي من البيان الى عيادة اسنان
لان المهم الدكتور مو العيادة
بس صراحة اختي راحت العيادة وركبت تقويم توها قبل جم يوم تقول تينن ويديدة وشكلها بتصك عالبيان
اصلا البيان اللي كان مقوم حظها هالدكاترة خلاص دام طلعوا الناس بيروحون وراهم​

 

[om_7mood]

عيادة باب هاني
الدكتور سمير , روعة

 

[نوار2009]

فيدوان اكثر يابنات عن فرجينا

فيرجينيا شغلهم حده اينن ووايد دكاترتهم شطار.. الدكتور عبدالهادي شهاب وايد واااايد ممتاز.. والدكتور خالد الكندري سوا اسناني تينننننن ماشاءالله عليهم الدكتور خالد للتقويم والدكتور عبدالهادي تركيبات وجسور..

 

[وردة بيتنا]

انا اعالج اسناني في عيادة بيان

في عمارة الخرافي ، في الديرة

صوب دوار الشيراتون تقريبا

حده شغلهم عجيب و خفيف . تبارك الرحمن

 

[شادو كويتيه]

والله يا بنات اهي عياده وحده و مافي غيرها من شطارة الدكاترة الى اخلاقياتهم و حتى الاسعار كل شي عندهم ممتاااااااز و انا امجربه عيادة فرجينيا و خاصة عند "الريشه" الدكتور عبد الهادي شهاب ايده خفيفه و فناااان ابصراحة اللي ما راحت له طافها نص عمرها و كل الاجهزه و الشغلات اللي يسويها احدث شي بطب الاسنان

اللي تبي اتدق عليهم

25665232
و ادعولي

 

[قطوة@@]

up up up

 

[سامرينا]

عياده البيان رووعه ودكاترتها واايد زينين

 

[جزيلة العطا]

اب
اب
اب

 

[كيوت_25]

منو جرب قسم الاسنان بمركز الربيعه ؟؟؟؟؟

 

[nfesha]

اي والله صج عيادة فرجينيا عياده ذربه كفايه الاستقبال والدكتاتره مشالله عليهم
نفسيتهم تهبل انا اروح العياده مستانسه ونفسيتي حلوه مو مالي خلق عمري
وانا دكتوري مال التقويم الدكتور خالد الكندري دكتور مشالله عليه اسلوب
وادب ونفسيه ولا احلى وشاطر الله يتمم عليه ونصيحه روحيلهم والاحلى من هذا
الاسعار اسعاهم ممتازه مو صلاخ يراعونج بالسعر والمواعيد والبنات ماقصرو عطوج
رقمهم وانا بعد بعيده عليج واهو على الدائي الرابع جبال مطافي السالميه
رقمهم: 25665232

 

[bride collection]

شكرا خواتي

انزين اشرايكم بتبييض الفوزان

 

[&أضوى&]

انا جربت الثريا حلووووووو عند الدكتور جورح لبناني مشاللله يده خفيفه
وجربت الحكمه حلوو ورخيص

 

[الفراولة الوردي]

السلام عليكم
يا بنات منو جرب تقويم الاسنان في مركز فيرجينيا؟وعند اي دكتور؟
و كم السعر؟وهل الكشف فقط مجاني؟

 

[ســـالـــي86]

حبيبتي احسن شي عياده فيرجينيا لطب الاسنان الدائري الرابع جبال مطافي السالميه
الدكاتره اكثر من ممتازين وانا مسويه كل اسناني عندهم وحاطه فينيييير عوار قلب الكل يسالني شمسويه باسناني
روحي حق دكتور عبد الهادي شهاب اهوا رئيس المركز يشوفج اول ويحولج حق الي تحتاجينه واذا تبين اهوا يعالجج
واسعارهم جدا معقوله مو نفس الباجي اسعار بالهبل ويستغلون فرصه المريض وتاجرون بالمهنه
انتي شوفي وراح تدعيلي

وياا الاخت لو بسوي اسناني بسويهم اهناك

 

[الفراولة الوردي]

nfesha
انت حطيتي تقويم الاسنان في مركز فيرجينيا بجم ؟ وهل الكشف فقط مجاني؟

 

[miss_math]

فوق

 

[Fashion Purlieu]

il fooozaan is the best
bbil muhallab foog

 

[تهونه 21]

خواتي انا اعاني من مشكلة ريحة الفم الكريهه ساعات استحي اقرب من زوجي واتكلم معاه بسبب الريحه حاولت لفرش اسناني اكثر من مره باليوم بس مانفع معاي منو فيكم عانت من هاذي المشكله وعالجتها ؟

 

[برميته]

د . وليد بوعركي عيادة دنتل سبا

السلام عليكم ياحلوين
بالنسبة لي عندي عقدة من وانا صغيرة من طبيب الأسنان
اخاف منه مادري ليش حتى ريحته ماواطنها
و أكره شي لمن ينزل الكرسي ,,,,, رررررررررعب :eh_s(1):
الحمدلله الله توفقت بدكتور
تبارك الرحمن ماشاء الله عليه
إيده خفيفة وشغله مظبوط ونفسيته تينن ومتواظع
الدكتور وليد بوعركي عيادته اسمها دنتل سبا :eh_s(6):
المكان وايد حلو ومريح نفسيا والأسعار عادية (( اصلن اللي تروح تقول المفروظ اغلى ))
ماشاء الله عليه انا وخواتي وخواني عنده ووايد مرتاحين عليه
وقلت حق وحدة من صديقاتي لا تلفين ولا تدورين روحيله .. راحتله والله قعدت تدعيلي
دارس بمانشستر وتخصصه الحشوات التجميلية والتلبيسات وهسوالف
رقم العيادة 25617500- 25617600
السالمية - ميدان حولي - شارع بغداد - قطعة 11 - بناية رقم 17
واللي تبي على الوصف:
دوار حديقة الشعب تاخذينه لين تصير حديقة الشعب على يسارج
تكملين سيدة تييلج إشارة طوفيها وعلى طول تصير العيادة على يمينج
اللي تروحله إن شاء الله بيعجبها الشغل,,,,, عاد تدعيلي مو تنسا :eh_s(6):