هلا بدكتورتنا الغاليه واستشاريتنا الخاااااصه اشلونج عمري والله انج عزيزه على قلبي
حبيبتي حياج الله ما تقصرين على هالإطراء
وماشاء الله عليج كل اللي قلتيه لي قاله الدكتور ...........دكتوره بنتي الحين عمرها
4 شهور 20 يوم وكانت تعبانه لها اسبوع لان اخوانها كان عندهم احتقان والله يسامحهم يبوسونها لين عدوها وديتها الدكتور من اسبوع عطاها مضاد اوغمنتين 7 مل كل 8 ساعات لمدة 8 ايام بس اللي لاحظته لحد الان صوت بصدرها موبالصدر اشلون دكتوره اذا بحلجج واقف بلغم بتطلعينه جذي وخشمها مااشوفه مسكر
هذي صوت افرازات من مكان ورا تجويف الحشم مادري شيسمونه بالعربي يعني مو من الخشم نفسه لأ بالفراغ اللي ورا تجويف الخشم يطلع افرازات تنزل عالبلعوم و تطلع هالصوت
المشكله اني اعطيها تفاح مهروس واعطيها كوسا وجزر وعدس وكبدة دجاج وعيش مصري اطحنهم مع بعض لان الدكتولر يقول ضروري لان عندها فقر دم نسبة دمها 9 من ولدتها
كل اللي قلتيه مقبول نوعا ما مع اننا نفضل الأكل بعد الشهر السادس و كبدة الدجاج مو قبل 9 شهور
و اذا عدها فقر دم عطيها حديد نقاط مو كبدة دجاج مع احترامي و تقديري للدكتور اللي نصحج بالكبدة
و عيديلها التحليل الحين شوفي تصلح ولا لأ
ومن قبل شهر كانت ماتقبل حليب سيميلاك ادفانس الاحظها فورا بعد الرضاعه تخرج الله يعزج
ليش غيريتيه
هذا مو معناته انها مو متقبلته
هذا رد فعل طبيعي بالأطفال
انهم يخرجون بعد الرضعة عادي
وغيرته لها الى نان1 المشكله صار عندها امساااااااااااااااك لدرجة لازم احطلها تحميلة الجلسرين وموعارفه شسوي تنصحيني باي حليب
رجعيها على حليبها الأولي
واشرايج شنو اعطيها اكل وعصير البرتقال
الأكل خضار و فواكه فقط لا غير
لا بسكوت ولا سيريلاك
و لا منتجات ألبان بقرية
و لا لحم ولا دجاج ولا كبدة ولا سمج ولا ربيان
ولا ملح ولا عسل ولا سكر ولا دهن
ادري كثرت عليج لالالالالا بس علشان مصلحتها
توها معدتها ما تتحمل هذا كله
اعطيها وصوت صدرها جذي عادي ؟
اي عادي
والدكتور قال عطيها زبادي من دانيت وعطيها بسكويت دانيت الجاهز بالجمعيات والكريم كراميل
لألألأ
منتجات الالبان مو قبل 9 شهور
تو الناس وايد تو الناس
وانا الحين اعطيها كل يوم منقوع التمر 1 باليوم عشان الامساك بس موشايفه نتيجه للامساك والاهم دكتوره كل يوم تحرك راسها حيل كانها متكهربه لمده ثانيه ماادري له علاقه بكهرباء الراس لاقدر الله او اهي بردانه برغم الجو معتدل شسوي واسفه ضايقتج بأسألتي الوايده وربي يحفظج ,,,,,,,,,,,,,,
