فضيحة دعاية أولويز

[ليدي دبي]

السلام عليكم ورحمة الله وبركاته



خواتي حبيت نتناقش مع بعض بخصوص دعاية أولويز ... ما تلاحظون من بدأ شهر رمضان ودعاية الأولويز مكثفة بشكل فظيع يعني فضيحة جدام الشباب خاصه الي تكون قاعده مع اخوانها والا ابوهاا !!! وين الرقابه من هالاعلانات .. يعني اهو مو دعايه فيمتو ولا كراميل ... بصراحه هالدعايه فشله من قلب .. واعتقد كل احد يعرف عن الدعايه الصغير والكبير... لا والحين طالعين لكم بدعايه جديده اولويز مثل سجاده علاء الدين الي تطير !!! .. وهالشغلات تدخل في عقول اليهااال .. بس تكفي هالدعايات فشلوونا .. احفظوا ماي ويهنا .......

أنا مره كنت قاعده بالصاله مع عمي ومرته ويدتي الله يرحمها .. وجان يحطون دعايه اولويز .. الي فيها مثل الخرزات تتكلم.. جان تعلق يدتي الله يرحمها وتقول حتى هذا خلوه يتكلم !! جان يقول عمي افضحوا الحريم .. واااي تخيلوا ويهنا انا ومرت عمي قعدنا نطالع بعض ونضحك من الفشله .. انقص ويهناا...




وأتمنى ما تحطون في بالكم انه هالموضوع تافه او شي .. لان بجد السالفه امصخت :eh_s(14):





خواتي

^
^

يدا بيد لمنع دعاية أولويز



تقبلوا احترامي


ليدي دبي

 

[ســكــّر]

عليكم السلام ورحمه الله وبركاته


عمرج طويل ياليدي

امس امي شافت هالدعايه لووووول الي جنه سجاده تطير

امي تقول الله يفشلكم بلا ماحطيتو الي هالدعايات بس بصراحه معاج حق فشله

يعني في ناس خصوصا البنات الي قاعدين مع اهلهم وفجاء تطلع تسبب احراج


والمفروض الشهر الفضيل له احترام كل شويه طالعه هالدعايه


والله فشلونا بصراحه


ويلا ياليدي يسعدلي ايامك :eh_s(6):

 

[cool-princess]

لووووووووول حدج معصبه

صح اهيا كثرت بس لازم حقق زيادة المبيعات لووول...........~

 

[RIHANNA_EYES]

اي حددددددده انا اكون قاعده مع خواني ومعلين التلفزون حده انا ويهي ينقص نصين :s

 

[AL 3la]

لوووول
امس انا وزوجي نتكلم بهالموضوع صج ما يستحون يعني شنو ما نعرف عشان يحطون هالدعايه
بس شنو بيدنا نسوي

 

[بسكووووتهـ]

إي واللــه صــاجه مصخــروونا فششله حسبي الله والنعم الووكيل لا والحين يطلعوون ابداعهم بالدعايه بعد
ههههههههههههههههه يسلموووو ع المووضووع

 

[ليدي دبي]

شاكره لكم مروركم

 

[om 3abody]

لووووووووووووول

بس صج مصخووهااا تخيلي قااعده مع اخوووج ولا ابووج شبتسويين يعني امبيييييييييه فششششششششششله

 

[ليدي دبي]

لووووووووووووول

بس صج مصخووهااا تخيلي قااعده مع اخوووج ولا ابووج شبتسويين يعني امبيييييييييه فششششششششششله

حده فشله .. لا واهم بعد ينطرون شي يتطنزون عليه :0bee2e8d89:

 

[* ليــــدي *]

حدهم إفشلووووووووووووووووون

 

[حنانك سر حبي]

لووووووووووووووووول عادي عادي

يعني ماكو غير هالدعايه الله يفشلهم

 

[ام عيالها الغاليين]

والله صاجة شي يفشل

مايسوى علينا هالدورة الشهرية

إن قعدنا بالبيت مع عيالنا حطوها وعيالنا مساكين يسوون روحهم مشغولين

وإن رحنا الزوارة نفس الشغلة مساكين الصبيان اللي عينه بالأرض واللي عينه بالسقف

وإحنا أدهى وأدهى ندوّر الرمونت كنترول نسوي روحنا ندور قناة ثانية
:krkrkr: :krkrkr: :krkrkr: :krkrkr: :krkrkr: :krkrkr: :krkrkr: :krkrkr:

 

[بنت.المطيري]

شنقول بس حسبي الله عليهم خلوا الرياييل غصب يفصخون الحيا
احس خلاص صارت عندنا مناعه من تطلع هالدعايات اول اذا اهلي كانوا مندمجين بالتلفزيون وطلعت هالدعاية كنت اطالع السقف خخخخخخخ
الحين لا عادي ...جنه دعاية بامبرز لليهال مولنا..خخخخخخ

خو الكل قام يعرف شنو يعني هذي ..سواء بنت او ولد ومن جميع الاعمار ..وهذا شي من الطبيعة يعني شنسوي ..
ولاااااااااااااااحياء في العلم والطبيعة........

 

[بنت.المطيري]

لوووول
امس انا وزوجي نتكلم بهالموضوع صج ما يستحون يعني شنو ما نعرف عشان يحطون هالدعايه
بس شنو بيدنا نسوي

يعني بالله منو ماتعرف اولويز ومنو ماجربتها \..كل يوم طالعين بدعاية شكل وستايل يديد ..دريييييييينا في شسمها من شركة(اولويز) الشهيرة خخخخخخخخخخخخخخخخ

 

[swaha-elb5at]

اي والله شي محرج صراحه

 

[G A L A W I]

ياااااكثر ماصارت لي مواقف محرجه حددددها

:krkrkr:
والسبب هالاولويز حسبي الله عليها


لا ويتفننون مره يخلونها تتكلم ومره تطير

ومره نايمه عالسرير:ggdw:

والله مصخره
يعني عبالهم اذا كثروا من الدعايات بنشتريها

احنا شارينها غصبن علينا موبكيفنا:dddds:

 

[وش عـاد بـاقـي]

هههههههههههههههههههه إيه والله حددددده فشله ههههههههههههههه

 

[احـــ فراشةـــلى]

ايييييييييييي حده فششششششششششششششششششله

لووووووووووووووول

الدعايات دقييييييييقه حييل وتوووصف وصف دقييق وااي تفشششششششششل

 

[cOFFEe SmeLL]

حطيتوا ايدكم عالجرح
وانا مع الأخت اللي تقول صار عندي مناعة
قمت استعبط اشغل نفسي بشي ثاني
الله يغربلهم ماكو حيا
بس لا ينطلج ياهل يكرر اللي قاعدة تقوله بالدعاية

:eh_s(1):

 

[i am kuwait]

أمبي والله فشله مره كنت قاعده أنا و بنت خالتي و أخوانها جان تطلع الدعايه و عيال خالتي ميتين من الضحك أو أنا أو بنت خالتي ويهنا أنقص أمبي فشله