حساسة وبسرعة تتأثرين بكلام الناس لج ؟تعالي شاركينا بالتتغير

[q8sweeta]

السلام عليكم


طبعا موضوعي للبنات الحساسين اللي يتضايقون بسرعه او يعصبون بسرعه من اي كلمه تنقال بحقهم اذا كانت سلبيه او ذم
وتحس روحها اما تبي تبجي او تفجر باللي قالها هالحجي وترد عليه بقوة ومرات ممكن ترد واغلب الاوقات تستحي
وتكتم بقلبها وتقعد مكانها بحسرتها

طبعا الموضوع واللي صار لسبب اهتزاز الثقه في النفس والحياء


انزين شنو ممكن اتسوين عشان ترفعين من ثقتج بنفسج هذا اولا

خل انقول انتي حلوة مو بس حلوة الا جميله وبشهادة الجميع ورشيقه بعد ..لكن ثقتج بنفسج تهتز اذا احد قالج كلمه اتضايقج او اهو يبي يضايقج
او وحده اتغار من لبسج وعلقت عليج لغيرتها بس هم بطت جبدج وماتبين تخربين علاقتج فيها ماقدرتي اتردين عليها رد مناسب واستحيتي

ادري هالمواقف صارت فيكم وايد
او خل انقول انتي متعلمه ومنصبج ك دكتورة او مهندسه او عندج منصب في شغلج وتحبين تلبسين وتكشخين وتي وحده من الحره اتهز ثقتج بنفسج لمجرد اهي ماعندها وماتقدر تلبس نفسج او تشتري مثل ما تشترين ..لكن هم اثرت فيج وخلتج اما تعصبين او تضايقين :0bee2e8d89:



احنا نسمع ونقرى مواضيع بالمنتدى وغيره عن هالمواضيع لكن شنو الحل؟!



احنا الحين نبي نسيطر على اول شي
1-اهتزاز الثقه بالنفس (انتي عندج ثقه بنفسج كبيرة وواثقه باللي انتي فيه
لكن في اشخاص او اي شخص ممكن يهزها وهالشي يؤدي الى:
-عصبيه ونرفزة وطولت اللسان
او
- كبت ومستحى وحسرة بالقلب وضيقة خلق طول اليوم
خلينا انفكر اليوم بالحلولوخلونا نتشارك بالحلول ونبتدي نطبق:gathering:

اتوقع وايد بنات اتحوشهم هالحالة:tek:​

 

[تنـــاســـانــي]

انا اتنرفز حيييييييييييييييل مو شوي و تصير فيني ضيقه و اقعد ابجي ساعات

و دايما اقعد اصرخ و اسب و ادعي على اللي نرفزني بس كل هاذا بقلبي ^_^

بصراحه مو عارفه الحل .. لان كل ماصار هالشي سويت وحده من هالثنتين :
يا اقعد بروحي و ساكته حتى لو احد كلمني اتكلم بنفسيه .. لو اقعد ابجي

و مشكوره ع الموضوع و انشالله البنات يفيدونه

 

[ورق عنب]

نا اتأثر وايد وبصراحة ثقتي زيرووو .. بس ماني عارفه الحل ؟؟؟

 

[Eng.shosha]

واااااااااااااي نفس حالتي بالضبط
وملاحظه نفسي هالجم لي أحد علق علي أو ذمني
أعصب وأزف وأعلي صوتي ..

اوكي عطونا الحل ؟

 

[Bamya]

عندي حل بسيط:

لما تسمعين أي تعليق مهما كان ينرفزج ... عدّي بقلبج من 1 الى 10 .. وطووول ما انتي تعدّين خليج مبتسمة وطالعي اللي قطت التعليق (بدون ما تردين عليها)

طبعا اهي خلال هالفترة بتبلّم .. تنطر منّج رد .. كلمة .. مني مناك

لا تبردين جبدها .. وعقب ابتسامج لفّي ويهج عنها وكملي شغلج أو سوالفج مع اللي كنتي تسولفين معاهم

وعلى ظمانتي .. هالحركة تبرررررررررررررررد الجبد وتحفظ لج مكانج جدام الموجودين وتقص ويه كل من يتجرأ لج

 

[q8sweeta]

باميا حركتج عجيبه حدها ...بطبقها بس يبيلها تدريب

 

[q8sweeta]

انزين بنات خل نبتدي عيل التغير انا بعطيكم جملة قعدت وقت طويل على ما لقيت الكلمات المناسبه لها
قولها دايما حق روحكم
اول شي جابلي المنظرة وقوليها مع الوقت بتحسين يثقه في كلامج
ولمه تكونين راكبه السياره قوليها بصوت تقدرين انتي تسمعينه واذا بروحج علي صوتج وهم بدوام قوليها بينج وبين نفسج

بس اهم شي : لازم تسمعين نفسج وانتي تقولينها واللي ثقتهم ميح وصفر بروحهم جابلوا المنظرة
قولي :
انا الان واثقه من نفسي جدا ومن اختياراتي وبدون اثار سلبيه علي وعلى غيري
جربوها مدة اسبوعين لين ارد وابي اسمع النتايج ...ولا ترا ما اكمل (اهدد ترى لوول) وادعولي بظهر الغيب الله يوفقني ويسعدني

 

[العين الكحيله]

انا مرات اتنرفز وأعصب و اساامح بسرعه بس ما انسي

عندي حل بسيط:

لما تسمعين أي تعليق مهما كان ينرفزج ... عدّي بقلبج من 1 الى 10 .. وطووول ما انتي تعدّين خليج مبتسمة وطالعي اللي قطت التعليق (بدون ما تردين عليها)

طبعا اهي خلال هالفترة بتبلّم .. تنطر منّج رد .. كلمة .. مني مناك

لا تبردين جبدها .. وعقب ابتسامج لفّي ويهج عنها وكملي شغلج أو سوالفج مع اللي كنتي تسولفين معاهم

وعلى ظمانتي .. هالحركة تبرررررررررررررررد الجبد وتحفظ لج مكانج جدام الموجودين وتقص ويه كل من يتجرأ لج

اقتراااااااح يهبللل راح أجربه>> اصلا منو يتجرئ يعلق علي :dddds:

 

[آلبلسم]

خواتي انا كنت حساسه قبل سنوات بس عرفت اتعامل مع الكل كنت اكتم وابكي بس من تالي شفت حقي يضيع قدام عيني فاقسم لكم يابنات بالله الواحد الاحد اني لما بديت اخذ حقي سوا بالرد او غيره صتر الكل يحط لي الف الف الف حساااااب ويحترموني اكثر من الاول وموبس هذا الا بالحب والمعزه بس بصراحة بعد ماواجهت وطالبت وناديت باعلى صوتي وبقوه شخصيتى طبعا بعد الله سيطرت على كثيييييير من الامور وبنفس الوقت يحبوني ويغلوني ولا يستغنون عني باي راي بطلبونه مني سواء صغار او كبار رياجيل او حريم لان هالزمان ماينفع الطيب لان_03ba:_03ba: بنظر الاغلبيه انه خوف او خبال او ضعف شخصيه بس هم مافهموني انا عمري ماكنت ضعيفة شخصيه بس كان الحيا والادب والذوق مانعني امارس حياتي بشكل عادي بس الحين عرفت اتعامل مع الناس اذا بالذوق والادب او بغيره عرفت اخذ حقي وانا راضيه ومرضيه فكل شي تغير وهذا بعد اعاااااائي لربي دايم [color_03BA:="magenta"][/color]

 

[Eng.shosha]

مشكووووووورين
عالحلووول .. بنجرب ان شااء الله

 

[catwiti]

وااااااي اكثر وحده اعاني من هالشي ثقه معدووووووووومه اي احد يعلق على شي فيني يخترب يومي كله
واظل افكر امبيه صج محتاجه تغيييييييييير

 

[q8sweeta]

ها يا بنات بشرونا بالنتايج

طبعا انكمل موضوعنا
ثاني شي تسونه اتنفس وتقولون انا اتمتع بالهدوء الان واسترخاء الاعصاب
وطبعا ممكن قبل النوم تاخذون نفس عميق وتفكرون جذيه واول ماتقعدون من النوم
او بعد كل صلاه اذا حابين​

 

[q8sweeta]

ثالث شي ممكن اتسونه انه تحقرون لمه احد يعلق عليكم بقروب وماتردون عليه بتخلون اللي جبالكم يحتقر نفسه علر اللي يقوله لكم وتنبط جبده

 

[q8sweeta]

رابع شي اذا احد هانكم او سبكم او غلط عليكم هزؤا لا تخلونه و مسحو فيه الارض لانه لمه احد يغلط عليكم بكلمه او يهنيكم ماينفع تطنشون او تحقرون لا ومليون لا لازم توقفونه عند حده يعني مثلا
وحده اتقولج يا (....) وانتي ماتعرفينها ومابينج وبينها ميانه وليش اتسب اصلا...رجاء عن الغلط ولزمي حدودج ...او اتقوليلها تقصدين نفسج اكيد لانه ماكو غيرج اهني .....فيه هالصفه مثلا
بس ماتسكتين او ثمني كلامج او ماعليج زود
عمركم ماتسكتون عن المسبات

 

[بدورة القمورة]

انا حساسه واييييييييييييييييد وايييييييييييييد و بسرعة أتضايق وماأحتمل شي ... الوجه فضيحه يبين فيه :0bee2e8d89:

 

[LuLiTa]

صااااجه والله بس هم الويه فضيحة يطلع كل اللي قي قلبج

 

[chanel N22]

بنات انا حساسه شلون ما احب احد يدخل فيني بخصوصياتي ومشكلتي ما اعرف ازف
مثلااا انا متزوجه صارلي سنه واربع شهور ما احب احد يسألني هاماحملتي احس حيل السؤال يضايقني
مع اني راضيه باللي الله كاتبه بس الناس ماتخلي المنسدح لووول

 

[قطوتي]

وااااااااااي انا لما احد يقط على كلمه مااقدر اسكت

واذا سكت ارجع البيت ومااقدر اقعد واتحسف حدي لووول

مشكوره موضوعج حلووووو

 

[فرزاتشى]

انا حساااااااسه كثيييييييييير واتضايق وازعل بسرعه حتى صديقتي تقولي هالشي تقول خلااص انتي تزعلين بسرعه يعني بقول لكم كم موقف مره كنا جمعه بنات بالمعهد وانا مااعرف الا صديقتي هاذي وصديقتي اجتماااعيه ماشاء الله عليها تعرف اغلب البنات تمشي وتسالف وتضحك مع البنات وانا حسيت نفسي ماالي داعي يعني بس واقفه واسمع واضحك بدون تعليق المهم زعللت بعدين ليه حاقرتني عاد هي جات قالت لي لاتصيرين حساسه كثير سالفي واضحكي معنا قلت لا قطه وجه بيقولون وهي نقدت علي وعطتني محاضره تقول انتي حساسه بزياده والموقف الثاني ان انا امووون ع هالبنيه اصلا هي اختي موبس صديقتي الله لايحرمني منها هي متزوجه قلت لها بعد المعهد الاسبوع الجاي برجع معاج بيت اهلج عشان اشوف بنتج عاد قالت الله يحيج انا كل شوي اقول لها فشللله وماادري شنو خلاص مو جايه اخاف اخواانج وماادري شنو هي نففس الشي قالت لي لاتكونين حساسه بزياااده وانا ادري ان اذا ماتقدر بتقول لا اجليها ماااااادري متى اخلص من حساسيتي الزااايده ابي افتك منها ماابي ازعل واتضايق من كل شي اي شي البنات يقولونه ازعل واتضايق ماابي كذا ابي استااااانس ماادري شسوي المشكله اي شي عندي عيييب واستحي واخاف اضايق البنت وادري ان عااادي عندها

 

[LuLiTa]

لا يوقف ,, لا يوقف ,,,