مدارس خاصه أغلبهم أمريكيه .. كل أم عيالها بخاص تتفضل لمساعدة خواتنا المحتارات

[moony77]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

بنات شرايكم بالمدرسة الباكستانيه في منطقة الاحمدي نظيفه ولا مثل مالت الفحيحيل وشلون مدرسينها

 

[fayoona74]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

خواتي انا يديدة بهالمنتدى وسجلت فيه عشان هالموضوع بالذات فتكفون لاتبخلون علي برايكم
انا مسجلة بنتي بالاكاديمية الامريكية للبنات من اولى روضة والحين اهي بكريد 3 قريت بالاستفتاء ان مالها اصوات وايد بديت اشك بمستواها شرايكم اكمل فيها ولا شنو تنصحوني وابي معلومات كاملة عنها مناهجها مدرسينها وكل شي
بالنسبة لبنتي اشوف مستواها وسط لا اهي العالية ولا اللي كسلانه والاكسنت حلوة عندها بس مو بلبل بالانجليزي بعد وللعلم بالبيت مايدور عندنا شي اسمه انجليزي
ها شرايكم كثر ماسمعت هني عن العالمية الامريكية تشوقت لها واليوم دقيت عليهم قالولي ان كل 3 سنوات يطورون المنهج وعندهم انشطة حلوة مثل ركوب الخيل وسباحة وعندهم رحلة كل سنة الى دولة معينة اختيارية طبعا وقالو ان طلبتهم يكملون بامريكا بدون اي مشاكل وقالو ان شهادتهم بمثابة دبلومة بعد التخرج من الثانوية
بس اللي مكرهني فيها انها اختلاط اخاف على البنت
ها شرايكم ابي معلومات كاملة منكم عن الاكاديمية بالذات اكمل ولا شنو تنصحون ابي مستواها بالضبط تكفون لانها غالية بعد مو هينة هالسنة راح ادفع للبنت 2300 وتعودت عليها تبيها تقول مابي اولاد ياذوني وبنفس الوقت ابي مستقبلها وابيها تكمل بره اذا الله كتب

 

[fayoona74]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

اختي موني مانصحج بالباكستانية ولا الهندية بشكل عام مستواهم ضعيف الحكومة افضل منهم بالف مرة والاكسنت مالتهم مهجنة مو شي ياتدخلين عيالج الله يحفظهم اجنبية امريكية او انجليزية او حكومة وهذا رايي الشخصي

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

خواتي انا يديدة بهالمنتدى وسجلت فيه عشان هالموضوع بالذات فتكفون لاتبخلون علي برايكم
انا مسجلة بنتي بالاكاديمية الامريكية للبنات من اولى روضة والحين اهي بكريد 3 قريت بالاستفتاء ان مالها اصوات وايد بديت اشك بمستواها شرايكم اكمل فيها ولا شنو تنصحوني وابي معلومات كاملة عنها مناهجها مدرسينها وكل شي
بالنسبة لبنتي اشوف مستواها وسط لا اهي العالية ولا اللي كسلانه والاكسنت حلوة عندها بس مو بلبل بالانجليزي بعد وللعلم بالبيت مايدور عندنا شي اسمه انجليزي
ها شرايكم كثر ماسمعت هني عن العالمية الامريكية تشوقت لها واليوم دقيت عليهم قالولي ان كل 3 سنوات يطورون المنهج وعندهم انشطة حلوة مثل ركوب الخيل وسباحة وعندهم رحلة كل سنة الى دولة معينة اختيارية طبعا وقالو ان طلبتهم يكملون بامريكا بدون اي مشاكل وقالو ان شهادتهم بمثابة دبلومة بعد التخرج من الثانوية
بس اللي مكرهني فيها انها اختلاط اخاف على البنت
ها شرايكم ابي معلومات كاملة منكم عن الاكاديمية بالذات اكمل ولا شنو تنصحون ابي مستواها بالضبط تكفون لانها غالية بعد مو هينة هالسنة راح ادفع للبنت 2300 وتعودت عليها تبيها تقول مابي اولاد ياذوني وبنفس الوقت ابي مستقبلها وابيها تكمل بره اذا الله كتب

هلا بالعضوه اليديده فيونه حياج الله ,, يالغاليه مو شرط يكون الاستفتاء تقييم للمدرسه لأن ممكن مايكون في نسبه من العضوات الأمهات في المنتدى وعيالهم بالمدرسه هذي ,,
لهالسبب الموضوع مو بس استفتاء , الموضوع مفتوح للمدح أو الذم بدون تجريح ! بحيث اللي تدخل وتصوت تقول ليش صوتت وشنو رايها ,,
انتي دخلي عالمشاركات وشوفي إذا فيه أحد كاتب أي تعليق عن الاكاديميه الأمريكيه للبنات ,,
وتبقى يالغاليه هذي آراء شخصيه ,, ولازم انتي تشوفين قناعتج وراحتج وين ؟ ,, وهل انتي مرتاحه أو غير مرتاحه,,

شوفي بعد المواضيع عندنا بالقسم في وايد مواضيع عن الخاص وتجمعات |, دخلي عليهم وشاركي معاهم واستفسري , وان شاله يكون منتدانا ومواضيعنا وعضواتنا الغاليات خير عون لج في قرارج.
حياج الله ,,,,

 

[fayoona74]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

شكرا ويعطيج العافية وبانتظار الردود

 

[ظلال القرآن]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

انا عيالي بالرؤيه كمدرسه ممتازه ممتازه وحيل قويه بس باللغه لج عليها يعني عيالي يفهمون ويقرون انجليزي بس
مو مثل اليهال الي تشوفينهم يرطنون وحتى بالسفر يعني مو جريئين على الكلام بالانجليزي
مع ان عيالي شطار و نسبهم بالمدرسه 98 و97 95 بس ها المدرسه قويه بكل المواد يعني مو مثل المدارس الي يركزون على الانجليزي وبس

 

[ظلال القرآن]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

بنات شرايكم بالمدرسة الباكستانيه في منطقة الاحمدي نظيفه ولا مثل مالت الفحيحيل وشلون مدرسينها

ما انصح بالباكستانيه انا دخلت اثنين من عيالي الباكستانيه روضه قلت يتقون شوي قبل الرؤيه بس تحسفت
بصراحه المدرسات هنود وفلبينيات على قوله عيالي خدامات ويطقوووووووووووووووون اليهال _03BA:
عمى بعينهم :eh_s(14): ست اشهر وطلعتهم

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

ظلال القرآن أشكر مشاركتج المفيده

 

[رهوف]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

انا بنتي بالرؤية ... والحمدلله متفوقه

الانجليزي اسم الله عليها وااااايد شاطره لان انا وابوها نتحجى انجليزي معاها من واهي صغيره يعني ما اعتمدنا على تدريس المدرسه بس.. بالنسبه للمنهج الانجليزي قوي لكن مشكلتهم بالمدرسات انهم مو اجانب فالاكسنت لج عليه

القرآن ما شاء الله حفظ وتجويد اشياء ما كنت اعرفها تعلمتها من بنتي

اللغه العربية نفس مناهج الحكومة لكن طرق التدريس نفسنا قبل يعني تأسيس ممتاز بس بنتي مو ذاك الزود بالعربي ما تحبه

الاجتماعيات الحين بالعربي ونفس منهج الحكومة لكن بعدين بيصير بالانجلش ويقولون صعب

العلوم بالانجلش والمنهج واااااايد متطور وصعب نوعا ما

الرياضيات حلو لكن ما توفقنا بمدرسة زينه السنه اللي فاتت كانت مدرستهم بااااااااااااارده وما تشجع

مادة الرؤية حييييييييييل حلوة وتغير بشخصية الطالب من ناحية الاخلاق والاداب

عيب المدرسة وحطوا تحتها خط احمررررررررررررر الواجبات وااااااااااايد وتصير حياة ولدج دراااااااسة وبس

يعني اليوم الدراسي طويل يخلص دوامهم 2 ونص على ما يردون البيت ويرتاحون ويتغدون بعدين يبلشون دراااااسه لي حزة النوم

ساعات تكسر خاطري بنتي حتى تلفزيون ما يمديها تشوف

هذا غير المشاريع والكوزات والامتحانات واللي يزيد الطين بله لما تقولي بنتي بشترك بنشاط

وعيزنا واحنا نقول خففوا عنهم ... عمر الواجبات ما كانت مقياس بس عمك اصمخ

وعموما الدراسة صعبه وما يقدر يكمل فيها الا الطالب اللي فوق المتوسط

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

أشكر مشاركتج رهوف

 

[البقشة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

خواتي بس بغيت استفسر عن مدرسة التكامل جم اسعارهم وعندهم حضانة ولا لا واذا عندهم حضانة اقل عمر ياخذونه جم

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

البقشه حياج الله .. هذا رابط تجمع أمهات التكامل .. ضغطي على الرابط كليك وتدخلين على تجمعهم .. اقري الردود وكتبي لهم أي سؤال ماراح يقصرون معاج .. تفضلي الرابط ضغطي عليه:
http://www.q8yat.net/showthread.php?t=461779

 

[ام رناد]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

وين المجموعة الانجليزيه للتعليم المبكر من التصويت
انا بصراحه لي تجربه مع هالمدرسه ومرتاحين انا وولدي

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

حزة اللي سويت هالموضوع كان الاستفتاء مايشيل أكثر من عشر خيارات ..
وآنا تابعت المواضيع في القسم وحطيت في الاستفتاء المدراس اللي الغالبيه قاعده يستفسرون عنها ويتكلمون فيها .. لو تروحين حبوبه تقرين بالردود في الموضوع تعرفين هالشغله .. حياج عموما كتبي لنا تجربتج في المجموعه ,, لأن الموضوع أيضا يشمل الكتابه عن مميزات أي مدرسه عاجبتكم

 

[البقشة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

مشكورة حبيبتي ما تقصرين

 

[sparkles]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

شكرا عالموضوع الروعة
وياريت اللي عندها فكرة عن مدرسة أسرار القبندي تفيدنا

 

[حلم الطفولة]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

شكرا عالموضوع الروعة
وياريت اللي عندها فكرة عن مدرسة أسرار القبندي تفيدنا

العفو سباركلز , , .. في مواضيع متكلمين فيها عن مدرسة أسرار

مشكورة حبيبتي ما تقصرين

العفو البقشه

 

[1980nono]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

انا عيالي بمدرسه اجيال يم الافنيوز مكانها جدا راقي
1 المبني يديد صارله بس 4 سنوات وحيل مرتب والصفوف حلوه وشرحه
2 المديره غاده الشعار اعتقد كانت تشتغل بالابداع ناظره 14 سنه اذا ماني غلطانه
3 الناظره والمدرسات امريكيات وكنديات وبريطانيات بنتب كانت تدرس اولى ابتدائي عند مس باتريشيا وايداووك رااااااائعه اسستها عدل
4 عندهم مسابح غير انتو عارفين رحلات وايام مفتوحه الخ
اتمنا يتضمن الاستفتاء مدرسه اجيال لاني بصراحه مرتاحه منها واسعارها معقوله

 

[sparkles]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

منو عندها فكرة عن أسعارمدرسةدسمان؟؟

 

[سمبوسه2]

رد: استفتاء لأفضل المدارس الخاصه .. كل أم عيالها بخاص تتفضل لمساعدة خواتنا المحتارات

خواتي منو عندها فكرة عن مستوى الاكاديمية الانجليزية في الجابرية؟؟