{ ...الدكتورة رشا الصفي تجيب على استفسارتكم ..} استضافة اسبوعية

[*رحيق*]

مشكوره دكتوره وماقصرتي والله يخليلج اهلج وشافي سعود وكل مريض يارب العالمين

 

[طالبه]

مشكووره دكتورتنابس انا عندي سؤال ولدي ما يااااااااااااااااااااكل عمره سنتين؟؟ما يشتهي الاكل لا بيض ولا بروتينات بس عيش وروب ونتفه اسم الله عليه وزنه من 6 شهور 12 مو راضي يتغير عيزت وانا اعطيه مالتي فيتامين شسوي يادكتوره والله شهيته صفر

 

[fatomy]

قوه دكتوره

موضوعي عن تطعيم بنتي ( ما علم على الجتف) طعمتها شهر 3 الطاف وعمرها الحين 3سنوات و9 اشر

 

[نيلفار]

دكتوره الله يوفقج دنيا واخره زيخليلج ريلج وعيالج واهلج وكل من يعز عليج

ويشافي سعوود يااااااارب

 

[منورة الكويتية]

الموضوع وايد حلو وغني ومفيد يعطيج الف عافية والله يشافي سعود يارب ويقومة بالسلامة
سؤالي يادكتورة ولدي عمره اسبوعين وارضعه طبيعي بس الاحظ من احطه على صدري يرضع شويه وينام واعيز اصحيه ماكو مايقووووم ف احس رضاعتي ماراح تكفيه ومرات يكون نايم لي 4 ساعات مايقوووم واحاول فيه اقومه مايرضى يرضع الا لمن يكون صاحي ف شنو الي اقدر اسويه وشلون اعرف انه خذا كفايته لان دائما احس ان حليبي مو مكفيه ومفكرة بس اطلع من الاربعين ادخل الصناعي مع الطبيعي هل هالشيئ راح يأثر على تقبله لحليبي وعلى كميه الحليب ولا لا

 

[متنقله]

السلام عليكم
دكتوره ما ادرى اشلون اشكرج على جهودج المبذوله وانشاء الله يكون فى ميزان حسناتج
حبيبتى ولدى دايم السال صباحا ويكون السعال جاف وبه صوت صفير ويكون وقت النهوض من الفراش مباشره
وطول اليوم الطفل طبيعى
طبعا هذا صار له فتره طوووويله وعمره الان 7 سنوات
فما ادرى هل هذا طبيعى
علما بان باقى اليوم لا يوجد له اى سعال
وشكرا

 

[أم عواشي]

السلام عليكم
د.رشا بنتي عمرها سنتين و نص في ربتها طالعه كره صغيره وديتها قبل 6 شهور الدكتور قالي تروح
بس اليوم اشوفها صارت 2 !! لمن المسها ماااتعورها
بس حدي خايفه و خايفه اوديها الطبيب تاخذ عدوه م الامراض مو زايده الامراض هالايام :\
بليز اذا شي اخرع و يحتاج اروح دكتور تنصحيني في اي دكتو ( جراحه ، اطفال )
مشكوره ياعمري :*

 

[بسكوت فارليز]

دكتوره ولدي ترقد بالمستشفى يومين علشان صدره وصار ياخذبخار كل 4ساعات واعطوه حبوب كرتيزون وطلعت من المستشفى على مسئوليتي لأن عندي صغار بالبيت ماعندهم الاابوهم دكتوره انا غيرت حليبه وحسيت ان صدره تحسن خف الصوت اللي فيه والكحه خفت عليه شوي بس والله اني خايفه بكره عنده موعد ويقول الدكتور لوماتحسن بيرقدونه مره ثانيه عطيني رايك دكتوره
وشنورايك بحليب بليميل بلس هو زين ولالأ

 

[ام ناصر 2009]

الله يجزاج خير يارب والله اني امس صليت القيام ودعيتلج من كل قلبي وربي يرضى عليج ويحفظلج زوجج وعيالج وكل غالي عليج ويشافي سعود شفاءا لايغادر سقما اللهم أمين...
دكتوره ولدي بشهر السابع يعني مرات كل مايبي ينام لازم يهز راسه عشان ينام مع اني ماأهزه كلش بس مادري اذا الخدامه
شنو السبب يخلييه يهز راسه عشان ينام؟
مشكوره يالغلا على الرد مفدما

 

[د. رشــا الصفــي]

الله يجزاج خييييييييييييييييييير ياربي والله اني امس صليت القيام ودعيتلج من كل قلبي وربي يرضى عليج ............ ويحفظلج زوجج وعيالج وكل غالي عليج ويشافي سعود شفاءا لايغادر سقما اللهم أأأأأأأأأأأأأأأأأأأأأأأأأأأأأأأمين

حبيبتي جزاج الله الجنة ما قصرتي

دكتورة رشا كل عام وانتي بخير
انا عندي طفلة عمرها الان سنة ونصف وتعاني من نقص بالاكسجين مما ادى الى ضمور ببعض خلايا المخ مما اثر على النظر فهي لا ترى واثر على الجهاز الحركي وايضا على الانتباه .... بمعني انه اثر على تطور النمو عندها وكل من يراها يعتقد بأنا مولودة الان فهي تعاني من نقص بالوزن وعيست وانا افتش على دكتور مخ واعصاب بالكويت لحالتها كلهم يقولون لا يقبلون أقل من 3 سنوات .
فارجو من حضرتك ترشحيلي دكتور يكون له باع في ذلك المجال وخاصة بأنها ما زالت تعاني من كهرباء زائدة بالمخ مما يؤدي الى وجود تشنجات وانا عندي جميع التقارير مالتها واذا حبيتي تتطلعي عليهم انا تحت أمرك وجزاك الله عني وعن ابنتي كل خير

و انتي بخير و صحة و سلامة

منو قال لج ان دكاترة المخ و الأعصاب ما يقبلون اقل من 3 سنوات

هالكلام مو صحيح

يمكن يكونون مختصين بالكبار و يعالجون اليهال بالخبرة بس

بس اطباء اعصاب الأطفال متوفرين بالمستشفيات الحكومية كلها بس للأسف ما عندهم عيادات خاصة

عموما اهم شي بنتج لازم اول شي يشوفها طبيب اطفال و يقيم حالتها و يسويلها الأشياء اللازمة قبل عرضها على طبيب الأعصاب
و اذا راجعتي و شغلج جاهز ما تطول تتحول على طول

يارب يا دكتووووورة رشا يخلي لج زوجج وعيالج وأهلج ويارب تشافي سعود ويرد لأهله سالم يارب

حبيبتي الله يجزاج الجنة

مشكوره دكتوره وماقصرتي والله يخليلج اهلج وشافي سعود وكل مريض يارب العالمين

اللهم آمين

ما تقصرين يالغالية

مشكووره دكتورتنا بس انا عندي سؤال ولدي ما يااااااااااااااااااااكل عمره سنتين؟؟ما يشتهي الاكل لا بيض ولا بروتينات بس عيش وروب ونتفه اسم الله عليه وزنه من 6 شهور 12 مو راضي يتغير عيزت وانا اعطيه مالتي فيتامين شسوي يادكتوره والله شهيته صفر

وزنه ممتاز حبيبتي
يمكن وزنه ما يزيد هالفترة لأنها فترة حركة و لعب

و بعدين الطفل في هالمرحلة يبدى يتذوق الأكل و يختار شنو يفضل

نوعيله بالأكل

و قللي كميات الحليب اللي يشربها و خصوصا بالرضاعة

يكفي مرتين باليوم

الفيتامينات ما راح تزيد شهيته

و اذا يشرب حليب بيدياشور او بروجرس ترى مغذي بس يسد النفس

قوه دكتوره

موضوعي عن تطعيم بنتي ( ما علم على الجتف) طعمتها شهر 3 الطاف وعمرها الحين 3سنوات و9 اشر

تو الناس صبري شوية

اذا ما بينت لم وقت الروضة وديها مرة ثانية يجيكون عالتطعيم

دكتوره الله يوفقج دنيا واخره زيخليلج ريلج وعيالج واهلج وكل من يعز عليج

ويشافي سعوود يااااااارب

اللهم امين

جزاج الله الجنة ما قصرتي

الموضوع وايد حلو وغني ومفيد يعطيج الف عافية والله يشافي سعود يارب ويقومة بالسلامة
سؤالي يادكتورة ولدي عمره اسبوعين وارضعه طبيعي بس الاحظ من احطه على صدري يرضع شويه وينام واعيز اصحيه ماكو مايقووووم ف احس رضاعتي ماراح تكفيه ومرات يكون نايم لي 4 ساعات مايقوووم واحاول فيه اقومه مايرضى يرضع الا لمن يكون صاحي ف شنو الي اقدر اسويه وشلون اعرف انه خذا كفايته لان دائما احس ان حليبي مو مكفيه ومفكرة بس اطلع من الاربعين ادخل الصناعي مع الطبيعي هل هالشيئ راح يأثر على تقبله لحليبي وعلى كميه الحليب ولا لا

الله امين جزاج الله خير

ما دام ينام معناته شبعان

تعرفين ان حليبج مكفيه ولا لأ

انه ينام بمعدل جيد و وزنه يزيد

اذا دخلتي الصناعي راح يقل حليبج و ممكن البيبي يرفض الرضاعة الطبيعية

ديري بالج

اذا ما في سبب قوي يخليج تدخلين له الصناعي ماله داعي

السلام عليكم
دكتوره ما ادرى اشلون اشكرج على جهودج المبذوله وانشاء الله يكون فى ميزان حسناتج
حبيبتى ولدى دايم السال صباحا ويكون السعال جاف وبه صوت صفير ويكون وقت النهوض من الفراش مباشره
وطول اليوم الطفل طبيعى
طبعا هذا صار له فتره طوووويله وعمره الان 7 سنوات
فما ادرى هل هذا طبيعى
علما بان باقى اليوم لا يوجد له اى سعال
وشكرا

ممكن يكون عنده حساسية بالجيوب الأنفية و الافرازات تتجمع طول الليل و تخليه يكح الصبح

لاحظيه اذا بذل مجهود يتعب ولا لأ

اذا مع المجهود يكح و يصفر صدره وديه الطبيب ممكن يحتاج بخاخ و اذا عادي ما صار شي بس وقت النوم

اخذيله بخاخ للأنف و حطيله بالليل قبل النوم و ياخذ شراب زيرتك 5 مل قبل النوم و بيتحسن ان شاء الله

السلام عليكم
د.رشا بنتي عمرها سنتين و نص في ربتها؟؟؟ طالعه كره صغيره وديتها قبل 6 شهور الدكتور قالي تروح
بس اليوم اشوفها صارت 2 !! لمن المسها ماااتعورها
بس حدي خايفه و خايفه اوديها الطبيب تاخذ عدوه م الامراض مو زايده الامراض هالايام :\
بليز اذا شي اخرع و يحتاج اروح دكتور تنصحيني في اي دكتو ( جراحه ، اطفال )
مشكوره ياعمري :*

سورى ما عرفت وين المكان بالضبط

ممكن توضحين اكثر؟

دكتوره ولدي ترقد بالمستشفى يومين علشان صدره وصار ياخذبخار كل 4ساعات واعطوه حبوب كرتيزون وطلعت من المستشفى على مسئوليتي لأن عندي صغار بالبيت ماعندهم الاابوهم دكتوره انا غيرت حليبه وحسيت ان صدره تحسن خف الصوت اللي فيه والكحه خفت عليه شوي بس والله اني خايفه بكره عنده موعد ويقول الدكتور لوماتحسن بيرقدونه مره ثانيه عطيني رايك دكتوره
وشنورايك بحليب بليميل بلس هو زين ولالأ

وديه الموعد و سمعي كلام الدكتور

اذا قال لج يحتاج تنويم نوميه احسن له

و اذا تحسن خلاص الحمدلله

و الحليب ما فهمت شنو سوري مكن تكتبينه بالنجليزي مثل مو مكتوب عالعلبة ؟

الله يجزاج خير يارب والله اني امس صليت القيام ودعيتلج من كل قلبي وربي يرضى عليج ويحفظلج زوجج وعيالج وكل غالي عليج ويشافي سعود شفاءا لايغادر سقما اللهم أمين...
دكتوره ولدي بشهر السابع يعني مرات كل مايبي ينام لازم يهز راسه عشان ينام مع اني ماأهزه كلش بس مادري اذا الخدامه
شنو السبب يخلييه يهز راسه عشان ينام؟
مشكوره يالغلا على الرد مفدما

حببتي جزاج الله الجنة يا رب

ما قصرتي

اذا يهز راسه ممكن الخذامة تهزه

الياهل ما يعرف بروحه يهز راسه الا اذا متعود عالهز

مافي سبب ثاني

​

 

[نيلفار]

دكتوره حبيبتي

بغيت اسالج انا ولدي فيه g6pd وفيه فيتامينات يعطونه الياهل بالقطاره اسمه baby vet

حاليا ما قمت اعطيه لان كل ما اعطيه يرجع
فبعرف هذا ضروري ولي اي عمر ؟؟

وهم بعرف ما ياثر على ولدي لان الي اعرفه ان فيتامين سي مو زين حق الي فيهم تكسر بالدم واهو فيه فيتامين سي



وشغله ثانيه انا ولدي كمل ال3 اشهر في شي اقدر اعطيه غير الحليب
لان سمعت عن بسكوت فارليز
اعطيه الحين ولا تو الناس



ومشكوره مره ثانيه

 

[بسكوت فارليز]

جزاك الله خير دكتوره والله يحفظلك زوجك وعيالك ويشافي سعوديارب

الحمدلله ولدي تحسن ومايحتاج تنويم وحليبه خلاص هونت ماراح اغيره بقعد على السيميلاك لأنه رفض يتقبل غيره

كل عام وانتي بصحه وسلامه

 

[@الياسمين@]

السلام عليكم يعطيج العافيه دكتوره وعيدج مبارك .....
انا بنتي عمرها سنه وشهرين وصار لها جم يوم فيها كحه واحس جنه صدرها في بلغم وخشمها مسكر ؟؟؟؟ وبالليل تزيد الكحه
وللعلم هذه اول مره يصير فيها جذي
عادي اشتريلها دوا كحه من الصيدليه ؟؟؟

 

[شفايف توت1]

حبيبتي دكتوره بنتي عمرها 5 شهور ولاحظت عندها بلسانها مثل الجبن باجي انظفه مايروح ومبقع ع اطراف الحلج من الداخل اظن فطريات شنو تنصحني اعطيها افضل نوع دهان واشرايج لازم مضاد وربي يوفقج ويحقق مرادج

 

[سهى1980]

السلام عليكم شلونج دكتورة يعطيج العافيه بنتي عمرها 5 سنوات لها اكثر من شهر او شهرين تقول بطني يعورني كان فيها التهاب البول والحمدالله هي بخير بس تشكي بطنها تقول جوعانه كل شوي تجيني تقول جوعانه وزنها ضعيف حيل انصحيني لوتشوفينهاتقولين عمرها3سنوات حيل ضعيفه كل ماناكل تجوعه اخافه عليها يمكن دودانتي شنوبتنصحيني

 

[@ الرسامة @]

مشكورة دكتورة على الموضوع المفيد


ولدي عمره شهرين واسبوع
من طاحت سرته واهي بارزة حيل
عاد وديته الطبيب قبل جم يوم وقالي فيه فتاك ومع الايام راح يدش
المهم شكل سرته يخرع وانا اخاف اجيسها

خالتي مصممة اني احط امية فلس عليها واربط سرته علشان اتدش وتقولي ان ابوه كان نفسه



وانا خايفة


ما ادري انتي شرايج

 

[أم عواشي]

السلام عليكم
آسفه خطأ مطبعي ....
ربتها=رقبتها
و شكرا

 

[البندورة الحمرا]

السلام عليكم دكتورة رشا ,,

يعطيج العافية على رحابة صدرج و تقبلج لأسئلتنا ..

دكتورة ولدي عنده موعد للتطعيم من شهر و للحين ما وديته ,, و السبب انه من شهر و هو فيه حرارة تروح و تجي و تكرمين اسهال معاه دايم لانه يسنن .. و الى الان مستمره الحالة معاه ,,

عمره سنة و ست شهور و التطعيم على ما اعتقد لشلل الاطفال

هل في خطورة عليه لانه متأخر عن موعدها ,,

 

[@ الرسامة @]

دكتورة وينج ؟؟؟؟

 

[Shathawy]

دكتوورة يزاج الله خير بنتي عمرها سنة الا اسبوع فيها حرارة شوي وكله دايخة وماتاكل شي..هل هذي اعراض التسني العادية لانه بس طلعلها ضرسين تحت اللي فوق ماطلعاو؟؟!!