تقريري عن الخبر ليله وحده بس بس بس بس

[شاي مهيل]

ياحلو الخبر واهل الخبر


عبوره انا علطول اروح الخبر



عاد انا مره رحت الساعه 4 العصر ورديت نفس اليوم بليل رحت شارع سويت وفنسيا والراشد وتعشينا بليل ونهار



بس صج كانت السفره متعبه حيل الخبر حلاتها يومين علي الاقل​

لايوقف ماركيه gdw::ggdw:​

 

[<<المها>>]

اولا يعطيج العافية على التقرير ماقصرتي وبأنتظار الباقي صج روعه ويشوق
ثانيا :لا شكر على واجب ياقلبي احنا ماسوينا شي وحاظرين وبالشوفة وونطر يية ثانية بس تكون سنعه ماتقل عن 4 ايام
عشان تفرين الديره فر ...
واي شي تامرين علية لايردج الا الكيبورد خخخخخخخخخخخخخخ
حياج الله

 

[supermarket]

حمدلله على السلامه وننتظر باقي التقرير

 

[<< أزيان >>]

اولا يعطيج العافية على التقرير ماقصرتي وبأنتظار الباقي صج روعه ويشوق
ثانيا :لا شكر على واجب ياقلبي احنا ماسوينا شي وحاظرين وبالشوفة وونطر يية ثانية بس تكون سنعه ماتقل عن 4 ايام
عشان تفرين الديره فر ...
واي شي تامرين علية لايردج الا الكيبورد خخخخخخخخخخخخخخ
حياج الله

الله يعافيج ياعمري

لاوالله ماقصرتي وتستحقين الشكر يالغاليه

وان شاء الله ازورها واقعد فيها فتره اطول بصراحه ماشبعت منها

ويبيلها روحه بالشتا ان شاء الله

تسلمين ياقلبي :tek:

 

[<< أزيان >>]

تسلمولي يااحلى بنات

وانتوا الاحلى ومروركم شرف لي

سامحوني عالتأخير انا من العصر مع بنتي بالمستشفى والدنيا زحمه موووووووووووووت

وقبل شوي رجعت وعلى ماهدت وسكتت قلت ادخل اكمل التقرير





احمل الصور وراجعتلكم

بإذن الله

 

[<< أزيان >>]

شلونكم يااحلى بنات


سامحوني على التأخير مثل ماذكرت لكم كنت مع بنتي بالمستشفى وعارفين زحمة المستشفيات


والبنت بس قاعده تحن اول ماهدت رديت لكم


واللحين اكمل لكم عاااااااااااااااااااااااااد اقولكم


عقب ماشفتوا الشقه اللي اجرناها الرخيصه والكويسه لووووووووووووووول


اهني انا حسيت باليوع :dddds:


تبون الصج انا ماكنت يوعانه خخخخخخخخخ بس كنت مشتهيه اكل _03BA:


وتدرون انا يايه ليله وحده وتغدينا قريب المغرب يعني مايمدي ايوع ومشتهيه اكل من :eh_s(6):


هرفي


لاتقولون ليش ماادري ليش وانا احب كل ديره اجرب مطاعمها خخخخخخخخخ


عقب ماقعدنا بالشقه واستقرينا شفنا الساعه 11 يعني في وقت نطلع قال زوجي امشي نفتر بالسياره


لأن مافي مجال ننزل رطوووووووووووووبه حسافه مع ان شكل الكورنيش ماشاء الله يهبل


طلعنا من فندقنا وتقريبا فندقنا قريب من الكورنيش بس القرف مومطله عالبحر لأن ادوارها قصيره


المهم مرينا على هرفي وشريت لي وجبة تورتيلا دجاج يمي يمي لذيييييييييييييييييذه لاحظوا بس وجبه وحده

زوجي ابو قليب ماكلا فشلني يقول توج ماكله مامداه يتهضم الاكل :krkrkr: انحرجت بس هم كليت :ggdw:

شوفوها صراحه هرفي اللي هناك غير عن اللي بالكويت ويييييييييييييييييييييييييع يلوع الجبد قاصينا علينا


ذاك اليوم كليت منه اشتغفر الله مرتين خليتها تبدل لي الوجبه اكلهم موفريش بايت


وبعدين رحنا اسواق التميمي وشريت شوية اغراض واكتشفت ان بعض او اكثر الشغلات الاستهلاكيه


عندهم ارخص بوااااااااااااااااااااايد من جمعياتنا وسوبرماركتاتنا لووووووووووول


امبي مو فرق بسيط فرق دينار يعني موشوي



يعني مثلا فرشة الاسنان اللي انا استخدمها اشتريها من الكويت بدينار و700 فلس هنناك لقيتها بدينار



معكرونية التورتليني بالكويت ب 2 ونص هناك بدينار شفتوا البوق اللي عندنا لوووووووووووووول



المهم رجعنا الفندق ونمنا نومه مريييييييييييييييييييييييييييييحه من عقب هالتعب ماحسينا بروحنا


الا والمنبه يقعدنا الساعه 11 عشان نسوي جيك آوت ونروح نستلم العبي من شارع سويكت ونروح نتغدى


بأي مجمع ونرد الكويت هذي صورة شارع سويكت طبعا السوق مسكر بس المحل بيفتح لنا مخصوص

يزاه الله الف خير ماانسى مساعدته لي وهذا اهو المحل

وهذي لقطات من الشارع

بعدها رحنا مجمع الراشد احمل الصور وراجعه انتظروني



وهذا لكل من تابع موضوعي :tek:

 

[fruit salad]

خووووش تقرير

من متابعينك:ggdw:​

 

[mr000]

خوش تقرير ناطرين باقي الصور وسلامتها بنيتج ماتشوف شر! آنا من شفت تقريرج دقيت على عيالي قلتلهم أبي واحد منكم يوديني الخبر ضروري كيفكم! خخخخخ

 

[الشرقية]

خووووووووش تقرير بس لاااااا تطوليين..........

 

[كيوي كويتي]

عليج بالعافية حبيبتي خوش تصوير والله

انا ماعجبتني الخبر كلش

 

[<< أزيان >>]

شفتوا شارع سويكت شلون بسيط


اغلبية المحلات تبيع عبي وفي محلات مواعين ودراريع بيت وبجامات وذهب ومحلات مختلفه


طبعا ماقدرت اصوره بالليل واهو مفتوح كل ناس وزحمه


المهم المحل خلص العبي ملوتي لكن حظي العاثر خلاه يغلط بالملفع ويخلي التطريز يسار


وانا يمناويه مااعرف الفها يسار اهئ اهئ اهئ عصب علي زوجي وقالي تاخذينها قلت شسوي فيها ماراح البسها


والريال مسكين ماقصر قال عطوني ساعه واخلصها لكم بس زوجي يقول جذي راح نتأخر على الرجعه


واحنا مانبي نرجع بالليل الكل محذرنا من الطريج بالليل


المهم كنت متردده بخاطري اروح مجمع الظهران واخاف اروح ومايعجيني عاد رحت الراشد



هذي صور لمجمع الراشد من داخل

شفتوا الصدمه سفرتي هذي لازوم اسميها سفرت الصدمات لووووووووووووول :dddds:


المحلات مسكره اثاري مولاتهم تسكر الظهر انا حسبالي نفس نظامنا تفتح من 10 الى 10 وحدي مترهيه



لقيت محلات السواني بس وزهور الريف وجيس والعربيه للعطور وجم محل فاتحين


تسوقت وشريت لي جنطه وتغديت تعالوا اوريكم المطعم التحفه اللي تغديت في :krkrkr:



مطعم الف ليله وليله

هالمطعم نظامه غريب عجيب طول مااحنا قاعدين ماسكين بطونا ونضحك :krkrkr:

اللي ياخذ الطلب لبناني موصااااااااااااااااحي كااااااااااااااااااك لأ لأ موصج عليه فصله موطبيعيه

والله لوبالكويت جان مااخليه مااطلع من المطعم الا وانا مبرده جبدي ومكلمه صاحب المطعم لووووووووووول

خل اقول لكم شيسوي بالزباين

اول مادخلنا شفنا هالطاوله شوفوها عجبنا مكانها رومانسي ولشخصين على قدنا

قلنا نبيها قالنا والله هاااااااااااي محجوزي قلنا انزين هذي قال هااااااااااااااي كمان محجوزي انزين وين نقعد قال هون

قلنا شورك وهدايت الله بعد شنسوي مجبورين نتحملك خخخخخخخخ



قعدنا وطلبنا هالاكل شوفوا


صياديه سمك الله يزيد النعمه

ولزانيا شكلها موحلو بس للأمانه طعمها يمي يمي يهبل

وهذا ربيان

وهذول عجبوني لووووووووووووول قلت اصورهم

المهم كل مادخل احد وحط عينه على طاوله قاله محجوزي لوووووووووووول اي طاوله تختارينه محجوزه


لازم اهو يقعدج بالمكان اللي يبيه طبعا كلك لامحجوزه ولا شي اصلا السوق فاااااااااااضي مافي احد


دخلوا بنات ثنين ومساكين قعدهم عالطاوله اللي جبال الباب الداخل والطالع يمر عليهم قالوا غير لنا الطاوله موشي مكانها


قال لالالالالالالالالالالالالا مافيكم تغيروا هون يعني هون قاموا يضحكون حسبالهم يتغشمر ياو بيقومون


قال ماتقومون انا قلت هون خلااااااااص حلفت ماتغيروا مكانكم خخخخخخخخخخ وتعابيره مومالت واحد يتغشمر


لامن صجه انا قمت اتلفت قلت يمكن كامره خفيه :dddds: والله صج الوضع موطبيعي انطر يقول


بصي الكاميرا الخفيه بتصور لووووووووووووووووووووووووول


بس والله بردت جبدي وحده سعوديه زفته وخلته بيزه مايسوى جان يقولها ماتعيطي علي مداااااااااااااااااام

انا مابسمحلك تكلميني هيك ماتعيطي بلييييييييييز جان تقول ياغريب كون اديب بعد جبدي زفته

بهالوقت بقيت اقوم ابوس راسها خخخخخخخخخخ لأن فاقع مرارتي من اول مادخلت

وحرمني من القعده الرومنسيه :eh_s(6):







احمل الصور وارجع لكم بسوالف ثانيه

 

[آبـلـہ نـونـو]

فديتــــج مآآآركيه ,, :tek:

عززز آلطلــب ، :dddds:

آنآآآ دآآآخله هآلقسم كنت آبستفسر عن آلخبرر و آسوآآقهآآ ,,

كملي كملي حبيبتي ,, :ggdw: :ggdw:

و آبيج عآلخآص شوويه ، :eh_s(22):



..

 

[آبـلـہ نـونـو]

تسلمولي يااحلى بنات

وانتوا الاحلى ومروركم شرف لي

سامحوني عالتأخير انا من العصر مع بنتي بالمستشفى والدنيا زحمه موووووووووووووت

وقبل شوي رجعت وعلى ماهدت وسكتت قلت ادخل اكمل التقرير





احمل الصور وراجعتلكم

بإذن الله

سلآمة بنتج مآ تشوف شرر ,,

آلله يشآفيهآ و يعآفيهآآ يآ رب ,,

..

 

[دااانوه]

سلامة بنتج ماتشوف شر ان شاء الله


ونااطرينج ^__^

 

[<<المها>>]

هلا ماركيه اولا سلامت بنيتج الله يشافيها يارب
وصراحة حدج تونسين لا حبيبتي اليية الياية عشاج وقهوتج عندي ما فيها كلام
وش الله قطج بمطعم الف ليلة وليلة وييييييييييييييييييع انا ما اواطنة..
وبعدين انا مو مطرشة لج اسامي المطاعم الحلوه ليش ماتسمعين الكلام
اللي مايطيع يضيع خخخخخخخخخخخخخخ (عاد اتغشمر)
عليج بالف عافية

 

[<< أزيان >>]

واللحين طلعت من الراشد العصر



ورجعت لسويكت عشان اخذ العبي لوووووووووووووووووووول



بعدها توجهنا لطريج الرجعه بيبااااااااااااااي الخبر



صراحه حبيتج ولي زياره ثانيه ان شاء الله

وطبعا ماتخلى اي سفره من الاخطاء والمغامرات مشينا متوجهين ناحية الدمام انا زوجي مايدل وناااااااااادر

مانسافر بالسياره ماشي على وصف خواله وعيال عمه قالوله امش مع لافتات الدمام وعقب اذا شفت لافتت الرياض

امش عليها لحد ماتشوف لافتت الخفجي مشينا عالدمام مانشوف الا لافته مكتوب عليها



مرحبا بكم بالدمام او وسط الدمام وبيوت ومحلات عرفنا انا مضيعين :0bee2e8d89:


اهني زوجي خلاااااااااااااااااااااص وصل حده وعصب عصب وقال كل منج ضيعتينا :eh_s(1):


انا شعلي جان يقول اخرتيني وتعبت مومركز احس مااقدر اسوق اللحين الدنيا ظلمت


سأل ريال عن الطريج ويزاه الله خير ماقصر دلانا مشينا وحسينا ان الطريج :0bee2e8d89:


هم غلط انتهى الشارع ولقينا نفسنا بمصنع كامكو :krkrkr:


لووووووووووووووووووووول تمصخرنا حد المصخره نصحيه اللي تحب سفر السياره ختسوي حسابها


وتتزوج بدوي ترا الحضر مومال سفر سياره وبر تعب الريال وعصب وهم قال كل منج لوووووووووووووول


ردينا فوق تحت ومشينا بطريج ثاني وهم حسينا



:0bee2e8d89:




من تشوفون الويه الازرق لازم تعرفون انا ضيعنا لاتقولون اغبيه ماااااااااااااااااااالي شغل



وهالمره لقينا نفسنا بالقوات المسلحه :dddds:



مت خوف قلت ياربي اللحين اخاف احد يمسكنا ويقول متسللين ولا جواسيس مخي قام يودي وييب


هذي قوات عسكريه مولعبه واحنا داشين عليهم عرض ردينا فوق تحت ولالالالالالالا



:0bee2e8d89:


















:dddds: لالا اتغشمر هالمره ماضيعنا بس عقب هالتعب روسنا صدعت وزوجي قالي لاتكلمين


مااتحمل منج ولا كلمه خفت صراحه والله وقعدت وحطيت ايدي على حلجي وانطميت


وصلنا محطت البانزين الاولى تدرون بانزينا خلص شكثر رحنا وردينا وضيعنا خخخخخخخخخ

وكان فيها هالكافيه الله يعطيه العافيه ويوفقه دنيا واخره صاحب هالكافيه

لأن كنا مقفلين خلاص انا موقادره ابطل عيوني والدنيا ليل اسود ماتشوفين كف ايدج

تفضلوا شتبتشربون انا طلبت كوفي توفي وزوجي طلب لاتي

التوفي طلع حااااااااااالي والاتي ماصخ وزوجي مايكلمني بقت قلاصه بسكات وشفته ماصخ وانا سحنت جبدي

حلات التوفي قمت خلطتهم ابعض واهو يطااااااااااااااالع موعاجبه بس الطعم صار يمي يمي عجييييييييييييب

ووصلنا الكويت الحمدلله خلال 3 ساعات لأن كان دايس وسرعته ماقلت عن ال 180


صراحه ماانصح بسفر الليل الطريج كان يخرع صج الشوارع متعدله عن اول بس مافي اضائه كنا ندخل بالشارع


اقول لزوجي انت تشوف ولا تشير جني بلعبة بلي ستيشن ماشوف شارع اشوف سواد جدامي وانا ادخل في


السفره كانت خفيفه وظريفه وماكلفت علينا شي واذكركم بالاسعار


السكن ليله وحده ب 350 ريال مايعادل 29 دينار


البانزين بالروحه والرده ترسنا مرتين يعني المجموع 4 مرات سيارتنا جيب 6 سلندر


البانزين كلف للرحله كامله تقريبا 10 دنانير روحه ورده بس من غير المشاوير الداخليه


مطاعمهم ارخص من الكويت


مطعم ماضينا كانت فاتورته تقريبا 6 دنانير لو بالكويت جان ماتقل عن 10


العبي بالخبر ماتفرق اسعارها عن الكويت نفسنا بالضبط واحنا بالمديلات سابقينهم

مديلات الكويت اجدد واحلى بس اهم خاماتهم حلوه

وجبة التورتيلا مالت هرفي بالسعوديه ب 18 ريال يعني دينار و300 فلس

بالكويت تنباع بدينار و 600

يعني في فروقات بسيطه وفي فروقات كبيره مثل البانزين بانزينهم وايد ارخص من عندنا





واللحين شوفوا معاي شي ماشفتوا

لوووووووووووووووووول

اقصد صور سقطت سهوا ماعرضتها بوسط الموضوع

 

[شنووفه]

وااااااي مت من الضحك سفرتج كلها مفاجآت وناسه حلاتها السفره جذيييه يالله ناطرينج :>

 

[<< أزيان >>]

هذي صوره لأسواق التميمي

السوبر ماركت اللي تسوقت في

وهذي قائمه للخدمات اللي يقدمها الفندق

قهوه مع تمر ب 15 ريال قهوه بدون تمر ب 10 ريال بطل ماي ب 2 ريال وغيرهم

هذا مطعم ماضينا اللي وصلناله اول شي وطلع مافي مكان للعايلات

هذي صورة مسيره مسوينها الشباب عالكورنيش هرنات ولابسين بواريك وتيشيرتات مادري اي نادي لوووووووول

ماافهم بالكره كلللللللللش عاد خلنا معاهم خو احنا يالكويتيين نموت عالمسيرات مانصدق على الله :ggdw:

وهذي صور فنادق ومجمعات صورتها وانا ماشيه بالسياره

واللحين خلص التقرير

واتمنى يعجبكم وسامحوني عالاطاله

ولاتنسوني من دعائكم

 

[Ŋǿ ǿnệ łiќệ мệ]

ربي يهنيييك وبسعدك يالغاااليه والخبر جوناااانيه ورااااقيه فديت الشرقيه كللللهااا

 

[ahhaat]

اللحمدالله على السلامة نورتي السعودية والله وكويس انك انبسطتي بس بغيت انصحك اذا ماتدلون استعينوا بالجي اس بي ترى يفيدكم حيل وترى مجمع الظهران احلى من الراشد واكبر وفيه كل الماركات العالمية وفي محل سيفورا للمكياج مكياجهم مره حلو ومحل اسمه دسجوال بضاعتهم مميزة ورهييييييييييييييييييييييييييييييييييييييبه وحسافة ماذقتي المثلوثة والرز البخاري امممممممممممممممممممممممم وان شاءالله تكررين الزيارة مرة ثانية