360 يصرخ يااهل الكويت وين التوعيه حراااااااااااام

[:: Diva ::]

مو هنود و لا وافدين
عقد و شكثرهم مخربين المجمع
ماااالت

 

[PinKiSHo]

انا دشيت المجمع مرة وحده صراحة وكنت رايحة اتغدا وكان في حشرات يطيرون هناك غصب طيب بيشاركوني غدااي ما خلوني اكل لاعت جبدي وما كملت الغدا والقنفات وصخيين بشكل موطبيعي انا انصدمت قلت شنو هذا وين قاعدين احنا زين المجمع توى فاتحينه ماصارله وجذي !!

والي يقول عيالنا شايفين خير ومايسوون جذي وهذول الاجانب انا ما انكر ان في وافدين يسوون جذي بس هم من عيالنا في يسوون جذي ليش كل شي نقول الوافدين وعيالنا مايسوون جذي
دشوا المدارس الحكومية شوفوا الوصاخة بالحمامات والي ينكتب عالطوف والطاولات هم هذول الوافدين !!
عالطوف واسوار البيوت والمدارس وتحت الجسور الكلام والسب الي ينكتب هم وافدين
الوصاخة الي تنقط بالشارع و على الشاطئ هم كل هذا من الوافدين بس
مو دفاع عنهم بس الحق ينقال في من عيالنا الي يسوون العن من جذي
المشكلة لما يسافرون بره مايتجرأون يسوون جذي لان بالدول الاوربية لما يحطون قوانين ماتمشي على فلان وفلنتان بس لا تمشي عالكل اما عندنا يحطون القانون ومايطبقونه انزين ليش حاطينه !!

بس صراحة منظر يعور القلب لما مكان حلو الناس تشوه جذي والسالفة ترى من الاهل لما الياهل يشوف ابوه يفتح الدريشه ويحذف باكيت الزقاير وامه تحذف الكلينكس وعلب البيبسي والعصير بالشارع بيصير عنده هالشي عادي
انا مره كنت صغيره حذفت ما اذكر شنو من دريشه السيارة ابوي زفني زف لوول
انا ابوي عودنا من واحنا صغار اذا اكلنا بمكان عام او مجمع بس نخلص اكلنا نشيل صينيتنا ووصاختنا ونقطهم بالزبالة لان في غيرنا بيوون يقعدون وهالأماكن نظام هيلب يور سيلف مو نفس المطاعم الي اييج الي الجرسون لي عندج ويشوف طلبج ويشيل الصحون
انا انقهر صراحة لما انطر ناس يخلصون اكلهم ويقومون وبس يقومون يخلون وصاختهم ويروحون واحنا ننطر الفراش ايي يشيلهم في ناس يقولون لا اي شي نشيل اكلنا عيل الفراش شنو مهنته , اهو شغلته ينظف مو يشيل وصاخه الناس بس شيسوي مسكين اذا محد يحس وناس ماتعرف الاتيكيت اصلا عيب ناكل ونقط وصاختنا نفس الحيوانات !!
سوري اذا طولت ويمكن وايد مايعجبهم ردي ويطبون فيني بس شسوي منو يقدر يغير وجهة نظري

 

[<< أزيان >>]

يسلموووووووووووو بنات

وارجوكم رجاااااااااااااء

لاتحددون لاجناسي ولا غيرهم

القصد من الموضوع التوعيه

مو التجريح

التجريح شي محد يرضى فيه






الرجاء عدم التجريح




الرجاء عدم التجريح




الرجاء عدم التجريح

 

[مغربية بقلبQ8Y]

اي والله حرااااااااااام شنو هذا





بس يا بنات يالي قلتوا انه مو عيال ديرتكم؟؟؟؟؟؟؟؟؟؟؟؟





انا اشوف العكس الاجانب دايما مع امهاتهم ومايتمشون بروحهم


ولاتظلمون الكل لأن عيال ديرتنا فيهم الصالح والطالح

صح كلامك

 

[لوكي 22]

بسم الله امدامهم الله يهديهم

 

[Stylista_Q8]

شهالهمج ؟

امبيه انا لو شفت احد قط شي ع الارض عصبت هالدور يشقوووون

واي صج ما يستحووون ;/ !!

 

[آبـلـہ نـونـو]

حسبي آلله و نعم آلوكيل ، صج مو كفو نعمه ,,

يعطيج آلعآآفيهـ يآ مآركيه هلى هآلمبآدرة ،

..

 

[الأسطوره$$]

شنو هآذآ عمى بعينهم صج مو كفو

 

[sara3]

انا خذت العيال بالاجازة ورحنا نشوف فلم ولما خلصنا قلنا بنتعشا المهم العيال توزع الىىراح كنتاكى وما عجبتهم الخدمة وقاموا يتحلطمون

واحنا رحنا مطعم نادى ناخذ فلافل المهم رحنا صوب الغنفات الخضر ولا شنشوف عيالى شوى ويبجون من القهر شنو هالوساخة الغنفات كلها اكل وزيت والمجمع توة فاتح حتى المحلات مو كلها فاتحه

يا بنات شى يحر. المساله يبيلها وعى

 

[PO PO22]

:nocommint: :nocommint: :nocommint:

 

[ملاك بين البشر]

والله تحسرت على ديرتي ساعات اقول ان الشعب يسووون حركااااااات بس الله يهديهم

 

[<< أزيان >>]

حياكم الله بنات

تشرفت بمروركم

بس ليش ماصار جذي بالافنيوز مع ان اكبر

وكل يوم يدخلونه عاااااااااااالم من كل الاجناس

بس الفرق ان الافنيوز بكل مكان تلقين حراس على راسج

مايخلون المراهقين واليهال على راحتهم

وخدمتهم ماشاء الله ممتازه حتى بمساعدة الناس

وللأسف 360 يفتقد هالشي

 

[شهرزاد000]

,,,,,,,,,,,,,,,,,,,,,,لاتعليق,,,,,,,,,,,,,,,,,,

 

[ماريوتا]

امبيه انتي شفتي القنفاات الخضر ؟؟
شحلاااااااااتهم يهبلوون وشكلهم حداا كووول .. بس موصخيينهم الي مايخافوون ربهم الهييلق ويييييييييييع ليييش جذي كلا كااتشب ودهن وبيبسي ووصااخه

امبيه صج موكفو نعمه ومو كفو احد يرزهم .. مال كراسي بلاستك ويخب عليهم لووووووووووووول


ولاتقطونها براااس الهنوود والوافدييين ...

شوووووووف عيني وااحد من هالمراهقييين بالولااااعه ويحرررق ...

للاسف عيالنا عندهم لامبااالاه كل شي جدامهم يخربووونه .. ياترى ليييش ؟؟ هل هو قله وعي ولا تربيه ولا من زيااده الخير والرفااهيه ؟؟


وبالاخير انا مااعمم .. بس في فئه كبيره من هالنوووع الله يهديهم

يسلمووووووووووووو ماركيوووو عالموووضووع

 

[لذه السكر]

الصور تضيق الخلق بصراحه ومشكورة عالنتبييه

 

[q8-SoOoFi-q8]

معاكم حق أنا أمس كنت هناك ولاحظت هالشي عالقنفات

بس عندي ملاحظة

إللي يقولون إن هذيله مو عيالنا ، أنا أقول صج إنه في عيال مؤدبين ومع أهاليهم وما يسوون جذيه

بس هم عيالنا مو ملايكه نازلين من السما ... أكيييد عيالنا يسوون جذيه

 

[* EMY *]

قهر والله بس هذا موشغل اجانب شغل كويتيين هيلق شايفه حركاتهم بشرق ماكو تربيه

 

[.. مـــلاكـ ..]

شالهيلق استغفر الله ..

الله يعين المجمع ماصارله فترررررة وجذي


مشكورة اختي

 

[عــاشــقــه]

يعطيييج آلعآفيه

بس بصرآحه رحت آلمجمع مرهـ وحدهـ ولآعت جبدي من آلزحمه آلغير طبيعيييه خصوصاً آلهنود ترس وبس يخزونج

جنه آلديرهـ ديرتهم فمآ أستغرب يسوون جذي وين يلآقون رفآهيه مثل ديرتنآ ....

 

[أنستاسيا]

لا حول ولا قوة الا بالله

خسارة والله المول بعدو جديد ما حلو يخرب و يسير بهالشكل

المفرووض تكون الحراسة اشد من هيك عليه

بس بنات شو يعني قنفات ما فهمت