Hambka Q8 in Dubai عيدالفطر (سبتمبر 2009)

[Hambka Q8]

الحمد الله على سلامتج
بس حبيبتى شنو اسم فندقج وجم سعر الشقه عندهم واذا فى غرف هم بجم ما عليج امر؟

الله يسلمج
والله ماعندي فكره عن الشقه ابـ جم :eh_s(1):

بس الغرف سعرهم كان بفترة العيد 125 دينار الليله..
و حتى الستديو عطونا اياه نفس السعر

اذا خذينا سويت زياده عن الـ 125 دينار = 300 دولار


طبعا هالاسعار حق العيد
باجي الايام ارخص


انتي بالفتره اللي بتروحين شوفي السفريات و شوفي بالنت و قارني _03BA:


و
شكرا على ردج

 

[الطيب الغالي]

وااااااااااااااااااااااااااااو
تقرير روعه

 

[Hambka Q8]

صلينا و طلعنا

ركبنا تكسي
و رحنا الى The Walk

بس التكسي ما وصلنا حق The Walk
وصلنا مكان اسمه (مارينا ووك Marina Walk)

جان اقولهم لأ مو هذا The Walk اللي شفته بالمنتدى لووول
هذاك غيير,,

افترينا فيه شويه
و صورت هالجم صوره

(ذكرني ابـ مارينا كريسنت بس الاختلاف انه اهني المنظر عمارات و بنايات)


و
طلعنا ركبنا تكسي ثاني لوول

و ودانا حق The Walk

اعجبوني الفنادق اللي اهناك
خصوصا الـ Ritz Carlton
بالاضافه الى Novotel
و
بعد في فندقين Hilton & Sheraton

احس المنطقة حلوه بالشتا
بالصيف ما تنفع كلش
رطوووووووووووبة قاتله

تمشينا بالمكان

و دخلنا مطعم ايطالي اسمه La Dolce Vita
حلو

(سفن اب)

(سباغيتي بولونيز)

(بيتزا الاجبان الاربعه - اختي تقول مو حلوه وايد)​

 

[Hambka Q8]

(رافيولي *محشيه بلحم* - لذيذه)

(فرايز)


بعد ما كلينا الحمدلله و دفعنا
طلعنا و كملنا التمشي بالـ Walk

لغاية ما وصلنا لي اخر شي
عند فندق الشيراتون و بيتزا هت

كانت الساعه 11 و زود
وقفنا تكسي و ركبا وياه
و قلناله يلف فينا شوي بالمنطقة (JBR)
و قالنا اشرايكم تروحون تشوفون جزيرة النخله و اتلانتس ؟ قلناله يالله

رحنا تمشينا و شفنا اتلانتس
و مرينا على مول اسمه (مارينا مول)
شكله حلو ,,



.
.
.


و بعد التمشي رجعنا الفندق..

و نمنا
​

و انتهى اليوم الثاني في دبي..
​

​

 

[Hambka Q8]

وااااااااااااااااااااااااااااو
تقرير روعه

الله يسلمج

ماقصرتي :eh_s(6):

 

[Hambka Q8]

يوم الاربعاء

قعدنا من النوم الساعه 11.30
هاليوم كنا مقررين نركب المترو

و نروح مول الامارات,,



نزلنا تحت اللوبي الساعه 12.30
و رحنا عند باب دبي مول عشان ناخذ تكسي

شوفوا الصور

(برج دبي ياكثر ما صورته اهوا و دبي مول كل يوم بالروحه و الرده لوووول )

(دبي مول )

(الفندق)



المهم
ركبنا تكسي و رحنا
لى محطة المترو (محطة المركز المالي)

(صورتها و احنا بالمحطه)



يالله يا جماعه الى القطارات كلنا و التذاكر عليّ

هذي تذكرتي و كل واحد وياه تذكرته لا تضيعونها

يالله مرروا تذاكركم اهني..​

 

[Hambka Q8]

صور للمناظر من القطار

وصلنا يا جماعه
يالله نزلون
شوي شوي

(مول الامارات )

يالله نركب الاصنصير و ننزل تحت
نروح المول

هالرسومات اعجبوني حاطينهم بالممر فالمحطه

(المحطه بينها و بين المول جسر)

يالله نمشي لي المول

مول الامارات




شوية صور للمول

قسم الماركات

على الساعه 5
رحنا نتغدى في مقهى Paul

تشوكليت ميلك شيك​

 

[Hambka Q8]

موزوريلا ساندويش

Cheese ساندويش

فرايز


بعد ما كلينا الحمدلله
رحنا نشوف عيالي اختي
كانو داشين السكي
كان ودي ادش بس خواتي مايبون

كملنا تمشي
بالمول

شوفوا الصور

بعد ما خلصنا من المول
بهاليوم أجرنا سياره..

طلعنا من الـ Parking

بإتجاه

سوق مرشد

معلومه :
سبب تسمية سوق مرشد :
نسبه الى التاجر الكويتي *مرشد العصيمي* كان من ابرز تجار التمر في دبي بالستينات..

كااااااااان الجو رطــــــــــــب حيييييييييييييل
انا نزلت شويه و بعدين رجعت السياره ماقدرت
اختي و ريلها راحوا
شروا اللي يبون و ارجعوا

ابرز الاشياء اللي تشترونها من اهناك..
( بخور , زعفران , دهن عود , دراريع 'جلابيات' بيت .. الخ)​

 

[law love]

خوووش تقرير
بس عندي ملاحظة فندقكم ما حسيته وااو معنه اغلى من القصر الي يمه و معروف انه ذا ادرس احسن بس هذااك واايد اشرح و احلى شي ليه صارت الغرف بالدور الارضي و تطل على البحيرة

 

[Hambka Q8]

بعد ما خلصنا من السوق
على الساعه 11

رحنا The Walk للعشاء ..

و
اخترنا مطعم Scoozi (ايطالي/ياباني)

طلباتنا

Veal Lemoni
لذيذ طعمه مثل اللي في مطعم (نينو)

موزوريلا ستكس

بيتزا فونجي

Veal مادري شنو .. اختي تقول حلو




و بعد ما كلينا و شبعنا
الحمدلله





.
.
رجعنا الفندق و نمنا ​

 

[Hambka Q8]

خوووش تقرير
بس عندي ملاحظة فندقكم ما حسيته وااو معنه اغلى من القصر الي يمه و معروف انه ذا ادرس احسن بس هذااك واايد اشرح و احلى شي ليه صارت الغرف بالدور الارضي و تطل على البحيرة

بالنسبه للسعر كان غالي عشان العيد بالايام العاديه اقل من 100 :ggdw:


القصر
شفت صوره
شكله حلو و كشخه..
احنا غرفتنا كانت تطل على دبي مول

بس غرفه اختي و ريلها كانت تطل على النافوره و على فندق القصر _03BA:
الفيو بدارهم WOW :tek:

شاكره ردج..

 

[مس فيراري]

الحمدلله عالسلامه كملي متابعينج ياحلوج ويا حلو تقاريرج

 

[NoNy aLM]

وااااااااااااااي ياحلات دبي توني راده او ابي ارووح بعد ):
ماتنمل والله

حمداالله علي سلامتج او التقرير ايينننن او شيشتيني ابدي احن لوول p:
يعطييج العافيه

 

[أحلى همبه كويتية]

اهم شي انكم تونستوا وغيرتوا جوووووو
عليكم بستين الف مليون عافية

 

[شيهانه]

عليكم بالعافيه احنا نفس فترتكم كنا في دبي يا حلوها كثر ما نروح لها ما نمل ..

 

[DN~DN]

حتى انا كنت فدبي وناااسه معنه كل سنه اروحلها بس ما رحت صوب النافوره بليل حساافه !!

انشالله المره اليااايه و خووش تقريير يعطييج العافيه

 

[دلوعة أبوهآ]

حسااافه دن دن احلى شي النااافوره ..
حتى احلى من نافورة ماليزيا بكثييييييير

يلا المره الجايه ان شاءالله ..

انا بعد أمس راده من دبي ..

ومشكووره ع التقرير
: )

 

[احلى توتا]

عليكم بالعافيه حبيبتي وان شالله تعودونها كل سنه
والله انا غرام شي اسمه دبي وعاد بالشتاء بتكون احلى واحلى
ماشالله تقريرك يجنن
الله يسهل امور زواجي عاجلا غير اجل وارح دبي

 

[Lemon Juice]

ما شاء الله دبي في ازدهار مستمر

خوووش تقرير , تسلم ايدج

متابعتج ..

 

[Hambka Q8]

الحمدلله عالسلامه كملي متابعينج ياحلوج ويا حلو تقاريرج

الله يسلمج
ميرسي والله يا حلوج انتي :tek:

وااااااااااااااي ياحلات دبي توني راده او ابي ارووح بعد ):
ماتنمل والله

حمداالله علي سلامتج او التقرير ايينننن او شيشتيني ابدي احن لوول p:
يعطييج العافيه

الله يسلمج
اي والله يا حلات دبي
بس الصراحه اهيا احلى بالشتا
يالله ابدي حني ههههه و انا بعد بحن _03BA::dddds:

اهم شي انكم تونستوا وغيرتوا جوووووو
عليكم بستين الف مليون عافية

الله يعافيج
اي والله غيرنا جو الحمدلله خصوصا ان بالصيف مارحنا مكان :eh_s(1):

عليكم بالعافيه احنا نفس فترتكم كنا في دبي يا حلوها كثر ما نروح لها ما نمل ..

الله يعافيج

صج
ماشفتج :dddds:

حتى انا كنت فدبي وناااسه معنه كل سنه اروحلها بس ما رحت صوب النافوره بليل حساافه !!

انشالله المره اليااايه و خووش تقريير يعطييج العافيه

وي حسافه عاد وايد حلوه النافوره و اتونس و لازم تروحين قبل لا تبدى على الاقل بثلث ساعه عشان
تحجزين مكان تشوفين منه عدل لان الاوادم عليهم اشكثر :ggdw:

الله يعافيج و ان شاء الله تروحين لها باقرب وقت !

حسااافه دن دن احلى شي النااافوره ..
حتى احلى من نافورة ماليزيا بكثييييييير
يلا المره الجايه ان شاءالله ..
انا بعد أمس راده من دبي ..
ومشكووره ع التقرير
: )

العفو
انا ماشفت ماليزيا و لا نافورتها
بس هذي وايد حلوه حتى الموسيقى حلوه :tek:

عليكم بالعافيه حبيبتي وان شالله تعودونها كل سنه
والله انا غرام شي اسمه دبي وعاد بالشتاء بتكون احلى واحلى
ماشالله تقريرك يجنن
الله يسهل امور زواجي عاجلا غير اجل وارح دبي

الله يعافيج
ان شاء الله نعودها بالخير يارب :tek:
و الله يسهل امور زواجج و يوديج ريلج دبي و كل العالم :tek:

ما شاء الله دبي في ازدهار مستمر

خوووش تقرير , تسلم ايدج

متابعتج ..

اي والله ماشاء الله
انا تغيرت عليّ حيل _03BA:
الفال لنا :eh_s(1):

الله يسلمج و شاكره ردج..​