رابطة "دودات الكتب " .. حياكم

[Hazel ~]

نسيت قد ما قريت خخخ ،، لكني دودة كتب بجدارة ..
مثل ماتفضلتي اللي تاريخ رائع مع مجلة ماجد تبقى في بالي قريتها أول مرة من أكثر من عشر سنوات ولازلت لما اشوفها أشتريها هع //

حاليا ً أقرأ برواية مبدعتي الرائعة أحلام مستغانمي ( رواية نسيانكم ) ،،
أعشق أحلام رهيبة ..

وإشتريت عآلم صوفي حآبة أكشف غياهب عالم الفلسفة ..

هذا الي أقراه حاليا ً وبس

 

[Bq]

هاااااااي بنات أشلونكم شخباركم ؟
اشتقت لكم ذاك المره رحت جرير
شريت روايه اجاثا كريستي شركاء بالجريمه
قريت منها فصل شكلها حلوه وليلحين ما كمليتها
عاد الحين وقت مدارس ما متى راح اقرها بس
حدي متشوقه وانشاء الله لي خلصت منها بقول
لكم عنها امممم وشريت بعد اكتسب ذاكره حاده خلال
10 ايام هذا ليلحين ماقريته

hazel أنا احب اقرى هذيل مجلات ملوت اليهال
أستانس عليهم بس ما أشتري اقرى ملوتي القدم و
إذا لقيت جذي وحده مقطوطه اب مكان أقرى اندمج
ولا لم تخلص المجله ارد اتصفحه مادري ليش خخ

 

[PinKiSHo]

هااي بنات

ابي ادش معاكم برابطة دودات الكتب شلوون ؟؟
لاني امووت عالقراءة

واخر مرة رحت جرير شريت كتابين رواية اسمها الابعاد المجهولة 2 وحدهااا روعة اهي شوي تخرع وتشوق وغامضة انصحكم اقرووها

وشريت كتاب اسمه postive thinking بس للحين ماخلصته الكتاب عجيب يساعدج انج تعدلين تفكيرج وتثقين بنفسج انا للحين ماخلصته بس وايد استفدت منه

وبليز بنات لما اروح المكتبة احتار اي رواية اخذ شنوو تنصحوني فيه ابي رواية حلوة يعني تسوى اقراها

 

[Bq]

هلا pinkisho حياج معانا
شكل الروايه ألي خذيتها واااايد حلوه معنج تكلمتي عنها شئ بسيط
ودي اشتري كتاب انجليزي بس حسافه ادري اني لي شريته راح يكون
منظر بالمكتب الأني ما راح أفهم منه معني أعرف انجليزي أذا تحبين
روايات غامضه او رعب اخذي مال الكاتب م. عبد الوهاب الرفاعي
رواياته واااايد حلوه كلهم عندج أجاثا كرستي هم حلوين

 

[كلي أنوثة]

نسيت قد ما قريت خخخ ،، لكني دودة كتب بجدارة ..
مثل ماتفضلتي اللي تاريخ رائع مع مجلة ماجد تبقى في بالي قريتها أول مرة من أكثر من عشر سنوات ولازلت لما اشوفها أشتريها هع //

حاليا ً أقرأ برواية مبدعتي الرائعة أحلام مستغانمي ( رواية نسيانكم ) ،،
أعشق أحلام رهيبة ..

وإشتريت عآلم صوفي حآبة أكشف غياهب عالم الفلسفة ..

هذا الي أقراه حاليا ً وبس

السلام عليــكم
وين لقيتي رواية أحلام مستغانمي ؟:ggdw:

 

[*سـ’ـــكـّــره*]

قوه بناااات شخبار القراءه معاكم ؟؟؟؟؟؟؟

آنا حاليا" قاعده اقرأ رواية الخيميائي واصله لصفحة 50 تقريبا"

ماأدري أحسها ما تشوق تنصحوني أكملها !!!!!!!!!!!

 

[*سـ’ـــكـّــره*]

حاليا ً أقرأ برواية مبدعتي الرائعة أحلام مستغانمي ( رواية نسيانكم ) ،،
أعشق أحلام رهيبة ..

أول مره أسمع بهالروايه لأحلام

متى نزلت ؟؟؟؟؟؟؟؟

 

[توتو شان]

السلام عليكم
انا من محبات القراءة واول مابديت مع ابوي كان يقرالي مجلة ماجد(قبل المدرسة)
وكملت مع روايات اجاثا والمغامرون الخمسة وااااااي تهبل
بس للاسف راح جزء كبير من رواياتي وكتبي القديمة بحريق مخزن البيت
واحب اكون عضوة معاكم انشاء الله ..~

 

[Bq]

حياج الله حبيبتي انشاء الله تستفيدين و تفيدين

 

[PinKiSHo]

هلا pinkisho حياج معانا
شكل الروايه ألي خذيتها واااايد حلوه معنج تكلمتي عنها شئ بسيط
ودي اشتري كتاب انجليزي بس حسافه ادري اني لي شريته راح يكون
منظر بالمكتب الأني ما راح أفهم منه معني أعرف انجليزي أذا تحبين
روايات غامضه او رعب اخذي مال الكاتب م. عبد الوهاب الرفاعي
رواياته واااايد حلوه كلهم عندج أجاثا كرستي هم حلوين

دمعة ايي انا قريت روايات الكاتب عبدالوهاب السيد وصراحة لو اتم لي باجر امدح ما اوفي حقه ورواياته روووعة وتشوق

انا مادري اي روايات منوعة انا شدني كتاب اسمه اعتقد حب في الهايد بارك او شي جذي بس الكاتبة سعودية عفية الي قراه يقولي اذا حلو ولالا

 

[noooura]

السلام عليكم ...
هذه أول مشاركه لي ...واحب اقولكم عن الرواية اللي خلصتها هاليومين .
(أرجوكم لا تسخروا مني) للكاتبه جودي بلانكو
فيما كان الأولاد الآخر يحلمون بالحفلات الراقصة والقبل الأولى والحياة الجامعية، كانت جودي بلانكو تحاول معرفة كيف تنتقل من الصف إلى قاعة المحاضرات

بدون أن تتعرض للمضايقة بينما تعبر الأورقة..

تعرض هذه المذكرات التي لاتنسى كيف تعرضت طفلة للسخرية وإساءة المعاملة جسديا من قبل زملائها منذ المرحلة الابتدائية حتى الثانوية .

ستفتح هذه الرواية المفعمة بالحيوية عيونكم على الحقائق القاسية والعواقب الطويلة المدى لإساءة المعاملة وكيف يمكننا جميعا أن نحدث فرقا في حياة المراهقين اليوم.

لست اديبة ولا ناقدة لكني أجد هذه الرواية رائعة ،فهي تستخدم اسلوب المذكرات اليومية في سرد الأحداث وأجد هذا ممتع للقاريء .. فمشاعر وأحاسيس الشخصية تتمكن من القاريء وتجعلة يترقب النتائج..

 

[وهج الحب]

دمعة ايي انا قريت روايات الكاتب عبدالوهاب السيد وصراحة لو اتم لي باجر امدح ما اوفي حقه ورواياته روووعة وتشوق

انا مادري اي روايات منوعة انا شدني كتاب اسمه اعتقد حب في الهايد بارك او شي جذي بس الكاتبة سعودية عفية الي قراه يقولي اذا حلو ولالا

السلام:



اذا قصدك هذا الكتاب هو ذكريات للكاتبة اثناء دراستها بالندن وليس رواية فيها حب وغيرة ..هي تروي لنا كيف حياتها بالندن وتوضع بعض المقالات التي كتبتها عن تلك الفترة ..وكيف انها دخلت مظاهرات ضد حرب امريكا للعراق وكيف انها كانت لا تعرف اقل الامور وبعد ذلك استطاعت الاعتماد على نفسها ولكن كتابها مختصر وتنط من نقطة لنقطة انا الان ناسيته بس اتذكر تراطيش منه ...وهو ان تحبين القرأة اقرئية بس ماهو الكتاب اللي يشد ذيك الدرجة ..

 

[PinKiSHo]

وهج الحب ايي هذا اهووو الكتااب تسلميين حبيبتي انا كنت ناسية اسمه لووول بس اتذكر ان في الهايد بارك


بس انتي شرايج تنصحيني اشترييه ولا موذاك الزود؟؟؟

 

[نماين]

مرحبا بنات شخباركم ؟

فقدتكم حييل ؟

اللحين مشغوولة بقراءة شي مختلف ! اكييد ما راح تشتاقون تقرون الي اللحين اقراه

قاعدة اقرا المناهج الجديدة مغيرين كل المناهج وطريقة شرحها وتحضيرها .. اللــــــــــه يعيننا يارب

اللهم اني حاطه رواية اغاثا كريستي ( جريمة جريمة في القرية ) جنب السرير اقرا منها كل يوم شوي .. ما اقدر استغنى عن القراءة

دمعة شخبارك ولهانه عليــــــــك ؟

لتووول مختفية اكيد مشغولة بالتسجيل للمواد ؟

جوجو المستجدة بالجامعة وينهـــــــــــــــــــا؟

حبيبة امها و باقي الدودات وينكـــــــــــــــم .. اشتقتلكم !!!!!!

 

[Bq]

مرحبا بنات شخباركم ؟

فقدتكم حييل ؟

اللحين مشغوولة بقراءة شي مختلف ! اكييد ما راح تشتاقون تقرون الي اللحين اقراه

قاعدة اقرا المناهج الجديدة مغيرين كل المناهج وطريقة شرحها وتحضيرها .. اللــــــــــه يعيننا يارب

اللهم اني حاطه رواية اغاثا كريستي ( جريمة جريمة في القرية ) جنب السرير اقرا منها كل يوم شوي .. ما اقدر استغنى عن القراءة

دمعة شخبارك ولهانه عليــــــــك ؟

لتووول مختفية اكيد مشغولة بالتسجيل للمواد ؟

جوجو المستجدة بالجامعة وينهـــــــــــــــــــا؟

حبيبة امها و باقي الدودات وينكـــــــــــــــم .. اشتقتلكم !!!!!!

هلا والله نماين اشتاقتلج العافيه
ع طاري المناهج الصرآآحه صايرين يلوعون الجبد وألي باط جبدي
موسيقى صارت مهمه لا مو لايق لا فيها امتحان واااي العاب رسم تهوون بس موسقى لا
الله يعين المستجدات بالجامعه باجر راح يبدي الجد

 

[حبيبه امها]

هلا دودات


شلونكم حبيباتي ؟؟؟


اشتقتلكم .. من زمان عنكم

وما شفت كاتبين وايد اهو زين انه ما طافني شي وايد

بس الي مو حلو انه مبين الكل مشغول ومو قاعدين نقرا
الحالة من بعضة



نماين شلونج حبيبتي ؟؟ الله يعطيج العافية


دمعة غلا شلونج شلون الدراسة ؟


لتووووووووووووووووووووووووول

صورتج اليوم بالوطن شحلوها يا العيارة .... ماشاء الله ... قوليلنا لو سمحتى تعليقج ؟؟



قاعدة اقرا كتبا اسمة بالابيض والاسود لما اخلصة اكتبلكم عنه تعليق بشكل عام ..​

 

[حبيبه امها]

نسيت قد ما قريت خخخ ،، لكني دودة كتب بجدارة ..
مثل ماتفضلتي اللي تاريخ رائع مع مجلة ماجد تبقى في بالي قريتها أول مرة من أكثر من عشر سنوات ولازلت لما اشوفها أشتريها هع //

حاليا ً أقرأ برواية مبدعتي الرائعة أحلام مستغانمي ( رواية نسيانكم ) ،،
أعشق أحلام رهيبة ..

وإشتريت عآلم صوفي حآبة أكشف غياهب عالم الفلسفة ..

هذا الي أقراه حاليا ً وبس

حياج الله معانا .. وين احصلها رواية احلام ؟؟؟ انا قريتلها ثلاثيتها وايد اعجبتني ​

 

[Bq]

هلا حبيبه اي امبين صح أنه الكل مشغول حتى محد يدش وااايد

صج حاطين صورت لتول بالوطن أبي اشوفها

 

[نماين]

مرحبا دودات مريت اسلم

وين لتوووول انا عتبانه عليها ما عدنا نشوفها

 

[lailosh]

قوه بنات شلونكم

الحين قاعده اقرى روايه لهيب الانتقام للكاتبه المبدعه ساندرا بروان



وايد حلوه معني للحين ماخلصتها وفي لها روايه تحت الصفر سمعت انها وايد حلوه وانشالله راح اشتريها

قراءه ممتعة للجميع