مسوية جراحة فك .....قولي تجربتج هني

[دانه وصلت]

ههههههه

مو متينه ... بس ابي اضعف

الحيـــــــــــن حدي ماخذه راحتي بالاكل

 

[مــســك]

صباح الخيررر شلونكم بنااات ..


دانة ياحياتي متى عمليتج ؟؟


دنونة << دايم تقول حق بنت اختها جذي دنونة لووول

فديتج .. انتي لما رحتي عند دكتور عماد على طول دخلتي عنده .؟ ولا لازم موعد من قبل ؟؟


وبما انج راح تسوينهااا بالخاص جم يوم راح تقعدين بالمستشفى ؟؟


وحلوو يعني الي راح يبلش فيج بعد العملية دكتور اشرف مو ؟؟


طيب انا شلت ضروس قبل التقويم اربعة .. اثنين فوق واثنين تحت ؟؟ يعني هذولا ضروس العقل ولا غيرهم ؟؟


اووف وربي حدي خايفة من هالعملية .. شكلهاا رعب ..


صافية بعد عمري سهالاااات ان شاءالله واجر وعافية لج يالغالية ..


ماعليه تحملي .. بس جد صدمتيني لهدرجة الشكل يخرع وما تقعدين عند اهلج


امبييييييييه يعني انا باجر اذا سويتيهاا راح انحبس بداري لوول !


طيب سؤال شاغل بالي والله ؟؟


صافية تقدرين تصلين ولا لا ؟؟

دانتيلاا متى صليتي من بعد العملية ؟؟


ماادري ليش شايلة هم الصلاة انا ..


وعساكم على القوة ..

 

[شكنوومه]

هلا dantella
صبحج الله بالخير ... انا كنت حاطه تقويم بالاميري وماشفت منه فايده وبعدين حطيته بخاص وللحين احس انه فكي العلوي بارز وشفت جم اعلان بجريدة الوطن عن الدكتور احمد الدنف وقبلها وحده مدحته لي يوم دقيت عليه وكلمته شخصيا وقلت له عن حالتي وعن بروز بالفك العلوي قالي العمليه تكلف 4000 دينار
قلت له بس بروز بالفك العلوي الفك السفلي سليم مافيه شي قالي اي اذا كان الفك بروحه يطلع عليج هالمبلغ بس قلت له لامايصير تحدد سعر العمليه وانته من الاساس ماشفت اسناني والفك
الصراحه بروز الفك العلوي مسوي لي مشكله من ناحية الشكل علي جنب باين انه اسناني بارزه ليجدام

جم كلفت عمليتج يا dantella وجم يوم كنتي بالمستشفي
المشكله حتي لو بسوي هالعمليه ماعندي رصيد اجازات ...
اقزرها مرضيات

 

[غلاااه]

safia

الحمد لله ع السلامه قلبي والباقي سهاله لا تضيقين خاطرك

المرحلة الخطره عديتيها وهذا اهم شيء

والباقي هين

مره ثانيه حمد لله ع السلاااااااااااااااااااااااامه وعقبال الباقين :eh_s(6):


....


دندونه

الله يقومك بالسلامه وتجين وتفيدينا إن شاء الله

...

وانا مع مسك في سؤالها لأنه كمان شاغل بالي

متى أقدر أصلي ؟

..

وفيه سؤال دانتيلا بس لا أحد يضحك

انا عندي الدوره الشهريه حاله فضيييييعه .. لو ما أخذت مسكن الله العالم بحالتي

سؤالي .. كيف ممكن أقدر أخذ حبوب مسكنه بعد العمليه وفمي مسكررررررررر.


مع كل الود للجميع



​

 

[safia]

دانتيلا
لووووووووول مت ضحك على سالفة القطوة

دانه وصلت
لا والله مو عنونه كبيرة
وانا من زمااااااااااان حيل مفكره فيها واول واحد نبهني عليها دكتور عماد النجاده
كنا بسوق شرق وبنفسه كلم زوجة عمي قال لها من بعيد اشوف هالبنت وفكها وواضح انها تحتاج تقويم وعطانا رقمه علشان نروح له بس بوقتها ماكنت مهتمه بالمره ولا كنت اشوف واضح حيل
بعدها بفترة رحت الفوزان بسوي تقويم وقال لي الدكتور الهندي انه ماينفع انتي تحتاجين عمليه وعطاني رقم دكتور الماني بالمانيا قال يسويها وماكان يدري اذا بالكويت يسوونها ولا لا وشلت هالشي من بالي
بعد فترة شفت بنت تدرس معاي بعد العطلة تغيرت والكل يحاول يعرف شنو اللي تغير فيها لان البنت احلوت وردت ثقتها بنفسها بشكل مو طبيعي طلع مسويه فكها بالاميري
يوم عرفت ان الاميري يسوونها على طول سويت واسطتي ودخلت عند دكتور اشرف من سنة 2007 الى الان توهم يسوونها لي
وضفت بنت من السعوديه علمتني عن العمليه ودشيت مواقع اجنبيه واليوتيوب
والاحظ اغلبهم ثاني يوم العمليه ولا ثالث اشكالهم عاديه ويضحكون ويقولون مايعور لان يعطونهم مسكنات
باجر بيصير لي اسبوع من سويتها ولما الحين يعورني ووجهي متفوخ خصوصا صوب اليمين حيل متفوخ وخشمي صاير ماساه لوووووووول

مسك
الله يعافيج يارب
شوفي الشكل مادري عنه لاني حساسه واخاف اشوف شكلي وكلهم يقولون لا شكلج عادي بس متفوخ مادري من صجهم ولا خايفين على مشاعري
خواتي امس دخلوا عيالهم علي لان نفسيتي تعبانه بالبدايه حسيتهم مستغربين مني ووحده من بنات اختي كانت تنخش عني وشكلها مصدومه لكن سولفت معاهم وقلت لهم انا راح يرد شكلي مثل قبل واوديكم المدينة الترفيهيه والسينما واستانسوا صاروا يلمسون خدودي ومارضوا يردون بيتهم يبون ينامون عندي هني نفسيتي حيل ارتاحت
وبالنسبة للصلاة انا ماعلي صلاة بس اعتقد عادي مايضر

غلاه
الله يسلمج يارب
وبالنسبة للحبوب انا عطوني حبوب مسكن وماقدر ابلعهم قامت امي تطحنهم لي وتحط عليهم ماي واشربهم

بنات اللي بيسوون هالعمليه اقول لكم قلبي معاااااااااااكم واذا تبون احد يساعدكم والله ماعندي مانع بصير مثل دانتيلا ماشاءالله عليها شايله الموضوع وترد على كل الاستفسارات

 

[dantella]

بالنسبه للصلاه طبعا صعبه اول الايام بس تالي لي طاف سبوع بتكون الحركه شوي اسهل طبعا حسبي انتي جم صلاه طافتج وصليهم بمواعيدهم
شوفي غلاه انا لاحظت ان الجراحه الحين مختلفه عن قبل سنتين يعني انا سكرو حلجي بالمره بس صفيه وولد عمي ماسكروله حلجه اعتقد سهل انج تاخذين عالاقل لو مسكن شراب لان ترا البلع بكون صعب عقب الجراحه
شكنومه انا جراحتي بالحكومه مادفعت شي غير فلوس التقويم بالاميري لان هالمواد انتي تشترينهم
وحبيباتي انا ماسويت شي احنا خوات ولازم نشيل بعد ولو كنتو انتو بمكاني متأكده بتسوون نفس الشي
فديتكم الي سوت العمليه الله يقومها بالسلامه وتكون الايام سهاله عليها والي ماسوت وتبي تسوي الله يسهل امورها ويقوي قلبها جد حاسه فيكم

 

[dantella]

اي نسيت اقولج غلاه في مسكن بشكل ابر يعني روحي اي مستشفى خاص ويعطونج
بالنسبه للاجازات
يعطونج اجازه مرضيه من المستشفى اولها سبوعين تالي طلبي تجديد لان اول شهرين خطر انج تحاولين تسوقين سياره اصلا لاتفكرين تسوقين سياره

صفيه شلونج اليوم ؟ ان شاء الله احسن ؟؟ نمتي عدل ؟ نمتي على مخده مرتفعه شوي ؟؟ لاتهملين العصاير والشوربات اوكي ؟ طمنينا عنج
ولاتخافين من انك تشوفين نفسج بالمنظره ترا مهم تعرفين الفروقات يوم بيومه عالاقل تعرفين اذا الورم قاعد يخف ولا لاء قوي قلبج وعطي روحج نظره فديتج انتي قويه اقدمتي على هالجراحه الصعبه يعني ماتنقصج القوه

 

[سارة252]

الجراحة ما اخفيكم انها صعبة بس كل شهر عن شهر تحسين بثقة اكبر وراحة اكثر .. والله يتمم
بس انا عن نفسي احس التغير ما كان كبيير ابدا احس كلما يخف الورم ارجع زي شكلي قبل بس على احلى فم
يعني احس التغير الي سارلي فقط من تحت منطقة الفم والذقن احلوت وقصر وجهي بس التغير موب كبير مرة
والحين انا داخلة بالشهر ال8 وان شاءالله اذا كملت سنه اعلمكم باخر النتايج

 

[سارة252]

و انصح كل نحيفة تسمن :d انا مرة احس مشيني اني كنت قبل العملية تحت الوزن الطبيعي وسويتها ونحفت اكثر فساير وجهي مرررة رايح فيها ما فيه حيااة
والى الان مني قادرة ارجع فالي تبي تنحف بتستانس بس النحيفة لاازم تسسممن

 

[safia]

هلا دانتيلا

اليوم الحمدلله ماشي الحال احسن شوي
بس الغريب اني كنت احس بحلجي من داخلي وشفايفي بس الظهر انعدم الاحساس فيهم مره وحده
بالنسبة للنوم اااه يا النوم
ماعرف انام على ظهري ونومي مقطع واذا صحيت يا اكون نايمة على اليمين ولا على اليسار ورقبتي وظهري يذبحوني
حيل اعاني اول ماقعد من النوم

واحس بدت تحوشني لوعه من الشوربة والعصاير ابي اكل

دانتيلا شلون اول مره كليتي فيه اكل مهروس متى؟
ونفس السؤال لساره متى بديتي تاكلين؟

 

[^^ROSE^^]

بعد عمري دانه ماقصرتي
دام لعبته هالعمليه نروحله بو لعبه يلعب بحنجي لين يعدله لوووول
بشوف رفيج ابوي يعرف ناس بالبابطين ان دخلني كان بها ان ماقدر اروحله العيادة و انق الالف بعد شسوي في سبيل الحنج

 

[سارة252]

دانتيلا شلون اول مره كليتي فيه اكل مهروس متى؟
ونفس السؤال لساره متى بديتي تاكلين؟

ترا اول ايام العملية تحسين بعذاب انك ما تاكلين .. انا وصلت فيني الحالة اني احلم في اليل اني قاعدة اكل لوول .. بس في الاسبوع الثاني بديت اتعود يعني يخف التعذيب :d
المهم انا قعدت باالضبط حول ال30 يوم و بعد الثلاثين يوم تقعدين حول السبوعين تاكلين مهروس او اي شي لين زي الكرونه والتوست وكذا
بعدها خلاص ترجعيين طبييعيه D; وتبدين تاكلين ستيك او اي شي تبين

 

[دانه وصلت]

back again cup cake girls :eh_s(6):

صافيه ... صاجه كان كله بشرق عماد النجاده رفيجتي كانت كله تشوفه
يالله هانت هانت يا بطله دام سويتي العمليه تحملي شوي

شسوي اذا علي الدوره وقت العمليه !! مادري ! عاد انا حدها قويه !

مسك
عجبتني دنــــونه

اقولج سالفتي

كنت حاطه تقويم لما كان عمري 12 بالاميري و كنت مشلعه ضروسي !
عند دكتور مصري مو اشرف .. بعدين اكتشف انه عندي مشكله بالفك ما كانت واضحه بالشكل !
حولني على اشرف و قالي عمليه.. كنت ياهل حتى قصة ويهي ما بينت كان ويهي مدور و خدود.. امي ما رضت
كان عندي انيابي صاعده شوي من نزلو ترتبو اسناني شلت التقويم و بس

مع الكبر و ضروس الغقل كانو ضحمين و دزو ضروسي لي جدام انا فكي صغير و ضيق
و قام المفصل يعورني .. رحت 2006 عند ابها
قالي العضه عندج ما تسكر و لازم تقويم + عمليه
قلت نو
رحت عند عياده خاصه دكتوره مصريه .. و كانت وايد شاطره حتى دكتور اشرف لما رحتله الاسبوع اللي طاف مدح شغلها !
حطيته و فعلا سكرت ضروسي من جدام بس قام يحوشني عوار بالمفصل و يتحرك و يطقطق
و قام الغدد اللعابيه بالفك التحتي تعورني و الغده اللي تحت اللسان تنتفخ و سويت عمليه صغيره و شلت التقويم
فعلا قام يتعبني و قام يرقل يوم عن يوم تسوء الحاله

حطيت ريتينر من 2008 شهر 8 لي اليوم

رحت للدكتور عماد و طرشني للدكتور اشرف بالاميري و قالي لا تلعوزينه بالاسئله دازج حبيا حقه و كتبيلي اشعه اسويها بالاميري !
دكتور عماد عنده اوراق حكومه حق التحويل هههه_03BA:

جان ادش سيده عالاشعه و اوريهم الورقه قلتلهم من دكتور عماد بابطين هههه سوولي
جان ادش عند اشرف و اشعتي معاي .. قالي بدرسها
بعدين مريته و خذيت التقرير و القياسات و دقيت تلفون عالعياده قالولي اي وقت تعالي

دشيت عل طول
و لا انا مسويه نقويمي و خالصه عند الخاص !
و راح يشرف علي الدكتور عماد بعد العمليه لأني مو عند احد .. اشرف يعتمد عليه عالتقرير ماله لأنه دكتور تقويم جراحي

و صراحه مابي الدنف
و لا ابي دكاترة الاسنان الهزيم و الرامزي و العصفور هم يسوون هالجراحه نفس الاميري
ابي جراحة راس و فكين احسن

فا انتي دقي عالعياده قولي ابي موعد قريب انا حالتي فك و ابي اسوي عمليه راح يبدونج عالباجي لأن الباجي اغلبهم تجميل
و انتي اهم و اغلى :eh_s(6):
راح يعطيج ورقة تحويل للاميري حق اشعه و حق تقويم
و سلامتج و تعيشين

روز

اي بالضبط لو منج ايمع كل شهر 200 دينار و احطهم على جنب لي عطلة الربيع

 

[safia]

سارة
الله توست ومعكرونيه << والله مسكينه لووووووووووول
ان شاءالله يمر الشهر على خير باجر ان شاءالله يصير لي اسبوع من سويت العمليه

دانه
انا يوم ادش المستشفى تكرمين كان اخر يوم لي
وحطولي بربيش ولما وردت لما الحين تنزل علي مادري ليش

اعتقد عادي ناس كثار يسوون العمليه وعليهم الدورة

 

[دانه وصلت]

صافيه بربيش احححح
جني باكل حبوب ابرك او أأجل من قلب مالي خلق دوره و عمليه

 

[^^ROSE^^]

افا عليج دانه دشيت جمعيه ب 1000 استلمها شهر 1 وازيدهم 300 حق المستشفى والمراجعات
الله كريم راح المعاش لووووول بس فيها نيو لوك و نيو حنج نو بروبلم

 

[غلاااه]

جزاكم الله خيييييييييير بنات والله يسعدكم.

​

 

[dantella]

اهو عموما مايقدرون يسوون لج الجراحه اذا عليج الدوره دوم قبلها يسلونج عن موعدها لان السالفه فيها بربيش للبول تكرمون فصعبه يركبونه وعليج الدوره

 

[غلاااا الروح]

مشكوره اختي دانه بس صج وايد 5000 ليش هالمبلغ وبالحكومه بلاش بس ماعليه اهم شي انتي مقتنعه وربي يوفقج وتسوين العمليه وتطلعين احلى من قبل
صافيه الله يعينج انا توني مابلشت تقويم وخايفه
شكلي بركب تقويمي بخاص وبعدها اشوف عماد شيقوووووووولي الله يعينا

 

[دانه وصلت]

ويـــــه دانتيلا هالبربيش فيني فيني !
ما احب شي يدخل فيني !

ههههه

الله يعين نتمسخر شويه و نضحك بعدين ان شاء الله