د. رشــا الصفــي
طبيبة أطفال معتمدة بمنتديات كويتيات
هلا حبيبتي
طبيعي انه الطفل بعد السنة تقل شهيته للأكل
لأنه يبدا يتذوق الأكل و يحب انواع و يكره انواع
فالمطلوب منج ان تنوعين له بالأكل
بعدين لا تقعدين تلاحقينه على قفشتين و ثلاث
خليه لما يجوع بياكل
و خصوصا وقت وجباتكم خليه قاعد معاكم عالطاولة و حطوله صحن و كوب و قفشة بس بألوان حلوة
بيقلدكم و ياكل
و لا تنسين التشجيع لما ياكل كل لقمة
انا لما اوكل بنتي ام سنتين اخوانها يصيرون رابطة مشجعين من التصفيق و التشجيع
فتستانس وايد و تاكل اكثر
بس في نقطة لا تحسسينه انه همج الوحيد الأكل علشان ما يستغل هالنقطة بأنه يجذب انتباهج و تتأذين نعاه عقب
ترى يفهمون و يعرفون شلون يشغلونج بدون داعي علشان تكنين معاهم على طول
و على فكرة ترى في انواع حليب اطفال معروفة انها تسد الشهية و اهمها بيدياشور و بروجرس
مغذية و لذيذة بس تسد الشهية
و عن تجربة مع النوعين
بالنسبة للفيتامينات
ممكن تاخذين له الأنواع اللي على حلاو مثل مستر تومي ياكلها مثل الحلاوة وحدة باليوم
مع اني ما اشجع عالفيتامينات ابدا
شوية فواكه او عصاير طبيعية ياخذهم كل يوم تغني عن الفيتامينات
صارلها تقريبا أسبوعين و اهي ترجع واااايد تقريبا نص الرضعة وديتها الطبيب و قال فيها احتقان عطاني fenistil بس ما كو فايده لي الحين ترجع ! شسوي ؟؟
