حساسة وبسرعة تتأثرين بكلام الناس لج ؟تعالي شاركينا بالتتغير

[كعبية]

بنات والله عندي لكم وصفه تخفف من عصبيتكم وهي انج لمن تواجهين موقف جذي تاخذين نفس عميييييييييييييييييييييييييييييييييييييييييييييييييييييق راح تشوفين نفسج ريلاكس جربوها وادعولي

 

[froha83]

الحمدلله ثقتي بنفسي كبيرة وما تهمني انتقادات السخفاء والسفهاء
لاني واثقة جدا من الي قاعدة اسويه
ومشكووووووووووووووووورة عالموضوع

 

[q8sweeta]

الحمدلله ثقتي بنفسي كبيرة وما تهمني انتقادات السخفاء والسفهاء
لاني واثقة جدا من الي قاعدة اسويه
ومشكووووووووووووووووورة عالموضوع[/QUOTE

موشرط اللي ينتقدج يكون سفيه او سخيف لانج بهالحاله توصقين نفسج المفروض دام عندج ثقه كبيره بنفسج ماتهتمين حق كلام غيرج دام واثقه من اللي تسوينه ودامج تعتبرين اللي جدامج سخيف وسفيه معناه انج بتدي تصيرين مثله ومشكوره علي الرفع حبيبتي

 

[q8sweeta]

مشكله العصر الحالي :
التقبل والرفض
يقول الدكتور صلاح الراشد 90٪ من مشكلات العصر اساسها التقبل والرفض
احنا مانتقبل انه ننرض وماعندنا تقبل لانتقادات الناس او النصائح او الراي الاخر

بمعني احد انتقدني المفروض اني اتقبل انتقاده وارد عليه الرد المناسب وانسى في لحظتها
لكن المشكله انه لمه يصير الانتقاد اغلبنا يعارض ومايتقبل ويبتدي يغلط ويهين وهذا دليل علي ضعف شخصيه والعصبيه زايده

ومثل ماقلت الشي اللي مانتقبله الاهانات والمسبات اهني تاخذون اكشن سريع


طبعا اشلون اتقبل ؟ شسوي ؟ اقدر اتقبل؟
لا طبعا اخلي فلانه اتقولي جذي ؟ اشلون تنتقدني ؟لا لا لا ما سمحلها انا اوريها منو انا !

اوكي كل هذا بتسوينه وبتورينها انج احسن منها بجم كلمه

مشكوره علي رايج
او مشكوره علي انتقادج
انا عاجبني جذي
انا راضيه عن نفسي مثل ما انا

وافضل طريقه التجاهل طنشي اللي تقوله اهني اهي بتسكت
اوكي نرد حق تقبل
قولي حق نفسج وهم جبال المنظره انا اتقبل كلام الناس وانتقادتهم لي وبدوون اثار سلبيه علي وعلي غيري

جربوها وادعولي ​

 

[q8sweeta]

بنات انا حساسه شلون ما احب احد يدخل فيني بخصوصياتي ومشكلتي ما اعرف ازف
مثلااا انا متزوجه صارلي سنه واربع شهور ما احب احد يسألني هاماحملتي احس حيل السؤال يضايقني
مع اني راضيه باللي الله كاتبه بس الناس ماتخلي المنسدح لووول

بعدج صغيره وهذا شي طبيعي الكل يسآل لا تتضايقين
بس يعتمد منو يسآلج اذا ناس ماتحبينهم لا تقربين صوبهم
واذا اهل قراب عادي
اي احد يسآلج قوليله الله كريم او ان شاء الله لمه الله يكتب
واللي تحسين تبي تحرجج ردي عليها الحمدالله انا وريلي مرتاحين جذي ومتي ما الله كتب رزقنا
وحياج الله

 

[$كويتية$]

انتي شنو دراستج؟
هالكلام من وين من كتب ولا شنو بالضبط؟

 

[q8sweeta]

انا حساااااااسه كثيييييييييير واتضايق وازعل بسرعه حتى صديقتي تقولي هالشي تقول خلااص انتي تزعلين بسرعه يعني بقول لكم كم موقف مره كنا جمعه بنات بالمعهد وانا مااعرف الا صديقتي هاذي وصديقتي اجتماااعيه ماشاء الله عليها تعرف اغلب البنات تمشي وتسالف وتضحك مع البنات وانا حسيت نفسي ماالي داعي يعني بس واقفه واسمع واضحك بدون تعليق المهم زعللت بعدين ليه حاقرتني عاد هي جات قالت لي لاتصيرين حساسه كثير سالفي واضحكي معنا قلت لا قطه وجه بيقولون وهي نقدت علي وعطتني محاضره تقول انتي حساسه بزياده والموقف الثاني ان انا امووون ع هالبنيه اصلا هي اختي موبس صديقتي الله لايحرمني منها هي متزوجه قلت لها بعد المعهد الاسبوع الجاي برجع معاج بيت اهلج عشان اشوف بنتج عاد قالت الله يحيج انا كل شوي اقول لها فشللله وماادري شنو خلاص مو جايه اخاف اخواانج وماادري شنو هي نففس الشي قالت لي لاتكونين حساسه بزياااده وانا ادري ان اذا ماتقدر بتقول لا اجليها ماااااادري متى اخلص من حساسيتي الزااايده ابي افتك منها ماابي ازعل واتضايق من كل شي اي شي البنات يقولونه ازعل واتضايق ماابي كذا ابي استااااانس ماادري شسوي المشكله اي شي عندي عيييب واستحي واخاف اضايق البنت وادري ان عااادي عندها

تابعيني حبيبتي وانشالله تتغيرين للاحسن

 

[q8sweeta]

انتي شنو دراستج؟
هالكلام من وين من كتب ولا شنو بالضبط؟

انا دارسه وماخذه دورات بالطب البديل الريكي والتنويم والايحاء وقانون الجذب وكل شي
الكلام هذا من كل اللي درسته في الدورات او تعلمته من كتب

 

[لاتينيـه]

اي والله يبيلي اتغير اي كلمة تأثر فيني
اقول بتغير واصير وحده ثآنيه مآ يهمني اي انتقآد
بس من ينقدني احد يهد كل اللي بنيته واموت قهر
حلوه الحركه اللي قآلت عنهآ باميآ انآ اطبقهآ من جم سنه
بس ع الاشيا اللي تخليني اعصب
وهالحركه وآيد تسآعد

انا حلوه وبشهآدة الكل والحمدلله كشخه واعرف البس بس ثقه ماكو و
اكو بنآت يحبطونج لمن اتييج وحده
ويييه شينآنه ولا وييه شفيج قمتي تهلقين لامو الاوليه اول كنتي كشخا
وانا احلى واكشخ منها
والله سآعتهآ ودي اذبحهآ
والمشكله ادري انهآ غيرآنه ومحتره بس مع هذآ اموت حره
مآدري شنو الحل

 

[بدرووة]

مشكلتي حساسة ):
زيادة


واتاثر باي كلمة ): مااثق انو انا حلوة ):


ومشكورة ع موضوعك

 

[q8sweeta]

تابعوا معاي وان شاء تزيد ثقتكم بنفسكم وطبقوا اللي قاعده اقوله

 

[صب القفشه]

بناااااات عاادي اذا وحده علقت على بدلتج مثلاا

قوليلهااا

عاااجبتي ؛ انا ديزايني جذي و يعني من هالكلااام

و الله بعدين ما رااح تتكلم .

 

[قيد الغرام]

انزين شنو سبب ان مع ناس معينه تكون ثقتي بنفسي عاليه

ومع ناس ثانيه تكون معدومه

ليش ؟؟؟؟

لا تقولون هذول اكشخ من هذول لاااااااااااااا كلهم نفس المستوى وانا مع الاثنين نفس الشي شكلي وطبيعتي

بس النفسيه تفرق الاولين طبيعين والثانين متصنعين

بس شدخل هذا بثقتي بنفسي ؟؟؟؟؟؟؟

 

[قيد الغرام]

قاعد اتذكر اني اكون سمعت من الناس اللي ثقتي معاهم عاليه كلمه تضايقني ابدااااااااا ما سمعت ولا مره وحتى لو اكون سمعت احس اني اتقبل وانسي اعرف نيتهم

عكس الناس الثانيه شكثر سمعت منهم نغزات وما ارد انقهر ويبين علي

تهقون هذا سبب بعدم الثقه معاهم؟؟؟

 

[tolay]

اذا احد قط كلمه

احسن شي ابتسمله او اطالعه نظرة استهزاء هههههههه <<< شريره

بس غلط نبين له انه انقهرنا ولا عصبنا

بس يعتمد على الكلام نفسه لانه كلمه عن كلمه تفرق

 

[sweet dashttya]

مشكورة حبيبتي على الموضوع الحلو وان شاء الله انا بطبق الكلام الي قلتيه على ارض

الواقع واقول بصوت خفيف انا واثقه من نفسي ومقتنعة وعاجبني شكلي والحمد الله

مو ناقصني شي والي اتعيب علي او تنتقدني اقولها مشكورة على رآيج فيني بس

عاجبني جذي ومقتنعه من نفسي وعارفه نفسي عدل ​

 

[q8sweeta]

انزين شنو سبب ان مع ناس معينه تكون ثقتي بنفسي عاليه

ومع ناس ثانيه تكون معدومه

ليش ؟؟؟؟

لا تقولون هذول اكشخ من هذول لاااااااااااااا كلهم نفس المستوى وانا مع الاثنين نفس الشي شكلي وطبيعتي

بس النفسيه تفرق الاولين طبيعين والثانين متصنعين

بس شدخل هذا بثقتي بنفسي ؟؟؟؟؟؟؟

السبب يتعلق بطاقه الشخص وهالته يعني اللي طاقته اعلى من طاقتج وخصوصا اذا كانت سلبيه اتأثر عليج ويسحب الطاقه الايجابيه منج وينزلها
الطاقه السلبيه تكون اما على شكل حسد او غيره او افكار سلبيه او كلام سلبي او غرور او الشخص نفسه بكبره سلبي فتتأثرين
هذا السبب العلمي اللي انا اعرفه
اما السبب على مستوى العام الناس(هذا رايي الشخصي ) اللي تحسين ثقتج معدومه يمهم اهم نوعين:
1)ممكن فيهم نوع من قوه الشخصيه او قيادين وهذا شي ايجابي
2)وممكن فيهم نوع من الوقاحه واذا قطوا عليج كلمه يحرجونج وترد بقوه يعني Defensiveبس على زود واي شي تقولينه تهاجمج وانتي ماتبين تحطين نفسج بموقف معاها اما لانج تحتاجينها او لانه لها تأثير بحياتج وبشكل كبير (مثل ام الزوج او اخته او خالتج او عمج او اختج مثلا)او لانج تخافين تأذيج او تحرجج

اهني ايي دورج اتشوفين شنو شغلات اللي ترفع من ثقتج وانتي يممهم
حددي اشخاص وشوفي ليش ثقتج يمهم اتقل ؟
هل لانهم اكثر معرفه وعلم منج ؟يعني اعطيج مثال انا عن نفسي اعرف اتكلم بالموضه والمكياج والبشره وعلاجتها وتدابير المنزليه والتربيه الصحيحه والاحجار الكريمه وبالصحه والتغذيه السليمه والرياضه وقراءاتي كله بالطب البديل غيراختصاصي بشغلي ماشاء الله لكن من ناحيه ثانيه ماعندي اي خلفيه عن الامور سياسيه او الاقتصاديه او خبره بالتكنولجيا وبالكمبيوترات وبرامج الكمبيوتر معني احاول اتعلم بس اذا تكلمتي بالسياسه اسكت واذا اعرف شي اقول لاني ماقرى جرايد ولا اتابع اخبار
هل لانهم اكثر كشخه مثل ما قلتي ويلبسون ويكشخون ؟
انا براي الكشخه بالذوق والتنسيق بعدين قيمه الجوهرات والساعه والملابس والجنطه
او هل لانهم وقحين ماتتجرئين تكلمينهم او تردين عليهم؟
قللي احتكاك معاهم او اذا كنتي بمجموعه واللي تتكلم تقط قطات مليقه طنشي واذا كانت وقحه بتكلمج وبتقولج قاعده اكلمج ماتسمعيني افضل رد تردينه قوليلها عفوا شنو كنتي تقولين؟ ولمه تقط قطتها قوليلها من ذوقج او من طيب اصلج او ماعليج زود واذا كانت وحده حدها ماعندها حيا وحباه تردين برد اقوى
لا لانه مايهمني اسمعج او لا لاني ماانتبه حق تفاهاتت ااو الكلام الفاضي
وردودج حسب المكان اللي قاعده فيه مثلا قاعده باستقبال غير لمه قاعده بعزيمه بنات وغير انج قاعده بيت خالتج وغير لمه قاعده بكليه

فكري بالسبب شنو فيهم يضايقج

 

[q8sweeta]

مشكورة حبيبتي على الموضوع الحلو وان شاء الله انا بطبق الكلام الي قلتيه على ارض

الواقع واقول بصوت خفيف انا واثقه من نفسي ومقتنعة وعاجبني شكلي والحمد الله

مو ناقصني شي والي اتعيب علي او تنتقدني اقولها مشكورة على رآيج فيني بس

عاجبني جذي ومقتنعه من نفسي وعارفه نفسي عدل ​

تابعي معاي وطبقي التمارين وراحي تحسين بتحسن كبير بشخصيتج
وحاولي كثر ماتقدرين تعتزلين ناس السلبين واللي ينتقدونج
اذا كانوا من اهلج يعني نفرض بنات خالتج قعدي مع الحريم الكبار حتى لو تملين
اذا كانوا من الجامعه او معهد حاولي تغيرينهم او تخلصين محاضراتج وتطلعين
انا ماقول تقطعين الكل بس خففي قعداتج معاهم وقعدي مع ناس تحبج وتمدحج وتضحكين معاهم يعني اذا في وحده من رفيجاتج طيبه ودمها خفيف وتحبج حاولي تقوين علاقتج معاها بهالفتره

 

[q8sweeta]

الصمت والانعزال:

انا اجتماعيه واحب الناس واحب اسولف
شلون اسكت
لا لا ماقدر يا ربي انا كائن اجتماعي
ماقدر ما اقعد ويا بنات الدوام

اشلوووووووون تبوني اسكت ؟
وبعدين سكت شالفايده

تصدقون ذاك اليوم قاعده ويا فلانه اتقولي ويه متانه وصايره جيكره
وانا ضاق خلقي وزعلت وحدي حتريت
ياربي هالبنت كل ما اقعد معاها لازم تنتقد شنو هذا
مافي شي عاجبها
حاطه دوبها دوبي
ولا رفيجتي اليوم طالعه معاها اتقولي قلانه ليش صابغه شعرج جذيه مو حلوه صبغتج جنه رصيف شارع قتلها عاجبني وريلي قالي حلو اتقولي ايي اكيد ريلج يقص عليج اي حلو ما شاف الزين هذا لون حدي انقهرت ماعرفت شرد عليها ورديت البيت وانا متضايقه واحن على ريلي صج صبغتي مو حلوة اكيد مو عاجبتك

هذي السوالف اللي اتصير تقريبا حق اكثركم بس يختلف السيناريو تبع الحوار او القصه بس النهايه وحده اتردون زعلانين
انتي بدوام وانسانه اجتماعيه اوكي قعدي مع بنات الدوام بين فتره وفتره وسولفي
بس حطي خط احمر
لنفسج ولزوجج ولعيالج مالهم شغل يعرفون تفاصيل حياتج
سولفي بمواضيع عامه عن مكياج عن ملابس عن اي شي ثاني الا حياتج الشخصيه وتصرفاتج وسكتي اذا دار الحديث عن حياتهم الشخصيه سمعيهم بس وعقبها قومي

اوكي دوامي طويل شسوي فيه
عادي اذا دوامج يسمح يبي مجله اقريها
او حطي العاب بالكمبيوتر او دشي النت او حطي ipod طالعي فيلم او مسلسل في وايد حلول بس احنا مانسعي نفكر فيها

رفيجاتج نفس شي في خط فاصل مو اي رفيجه اتقوليلها كل شي عن حياتج وبذات الزوج ماتقولين شيحب ومايحب هذا شي خاص فيه
ثاني شي الرفيجه اللي تحبج ماتجرح مشاعرج لو كانت بتوجهلج نقد بتوجه بطريقه احسن من جذيه الا اذا كنتو اثنينكم دفاشه ويا بعض تحملو عادوثاني شي ماتدخل بحياتج حتى لو كنتي تكلمين عن ريلج جبالها ...

الانسانه اللي نهينج وتجرحج وتحاول تأذيج قطعي كل علاقاتج فيها
لا تردين على تلفوناتها ولا تدقين عليها وانهيها من قااموس حياتج
تعرفي على اشخاص والبنات اللي حواليج واللي تحسين انها تناسبج وقريبه من شخصيتج ماشيها
ماشي شخص يرفع معنوياتج يمدحج وينصحج وقله اللي ينصحون هالوقت


انعزلي شوي عن ناس السلبين سواء بالصمت او تخفيف العلاقه
طوري شخصيتج وعاشري ناس ايجابين

خلي صديقاتج بره الدوام لانه دوام مكان عمل وليس مكان للصدقات 90% من الصداقات تنتهي بالفشل في مجال العمل
حببي الناس فيج وخليج ضيفه خفيفه عليهم وغامضه بالنسبه لهم لا يضرونج ولا تضرينهم

انزين شسوي انا صارلي اشتغل جم سنه فجأه اقطع علاقتي بنات الدوام ؟!
طبعا لا بس خففي زيارات حق البنات وراح يفهمون من نفسهم بس تخفيف علاقه تدريجي

انزين واذا كلكنا بنفس المكتب
حطي سماعات باذنج وجابلي شغلج او كمبيوترج بينيلها انج مشغوله​

 

[@ NIGHT_STARS @]

السلام عليكم​

طبعا موضوعي للبنات الحساسين اللي يتضايقون بسرعه او يعصبون بسرعه من اي كلمه تنقال بحقهم اذا كانت سلبيه او ذم
وتحس روحها اما تبي تبجي او تفجر باللي قالها هالحجي وترد عليه بقوة ومرات ممكن ترد واغلب الاوقات تستحي
وتكتم بقلبها وتقعد مكانها بحسرتها ​

طبعا الموضوع واللي صار لسبب اهتزاز الثقه في النفس والحياء ​

انزين شنو ممكن اتسوين عشان ترفعين من ثقتج بنفسج هذا اولا ​

خل انقول انتي حلوة مو بس حلوة الا جميله وبشهادة الجميع ورشيقه بعد ..لكن ثقتج بنفسج تهتز اذا احد قالج كلمه اتضايقج او اهو يبي يضايقج
او وحده اتغار من لبسج وعلقت عليج لغيرتها بس هم بطت جبدج وماتبين تخربين علاقتج فيها ماقدرتي اتردين عليها رد مناسب واستحيتي ​

ادري هالمواقف صارت فيكم وايد
او خل انقول انتي متعلمه ومنصبج ك دكتورة او مهندسه او عندج منصب في شغلج وتحبين تلبسين وتكشخين وتي وحده من الحره اتهز ثقتج بنفسج لمجرد اهي ماعندها وماتقدر تلبس نفسج او تشتري مثل ما تشترين ..لكن هم اثرت فيج وخلتج اما تعصبين او تضايقين :0bee2e8d89:​

احنا نسمع ونقرى مواضيع بالمنتدى وغيره عن هالمواضيع لكن شنو الحل؟!​

احنا الحين نبي نسيطر على اول شي
1-اهتزاز الثقه بالنفس (انتي عندج ثقه بنفسج كبيرة وواثقه باللي انتي فيه
لكن في اشخاص او اي شخص ممكن يهزها وهالشي يؤدي الى:
-عصبيه ونرفزة وطولت اللسان
او
- كبت ومستحى وحسرة بالقلب وضيقة خلق طول اليوم
خلينا انفكر اليوم بالحلولوخلونا نتشارك بالحلول ونبتدي نطبق:gathering:​

اتوقع وايد بنات اتحوشهم هالحالة:tek:​

وعليكم السلام والرحمة ​

يا هلا اختي​

طرحج رائع ومميز تخلينا شوي نفضفض ​

وعن نفسي انا وااااااايد حسااااااااسة وكتوووومة​

ودمعتي حيييل عزيزة علي وماحب ابينها مشكلة ثانية ​

او مثل ما ذكرتي صج مرات اعصب ومرات في مواقف​

من الصدمة والجرح ما تقدرين تعبرين عنها واظل ​

طول الوقت ساكتة متضايقة ومنجرحة والجرح يصير اكبر​

اذا الطرف الي مزعلج ومضايقج ما يحس انه جرحج ​

واتأثر بالكلام بس مو من اي شخص طبعا القراب مني والي احبهم ​

واحاول اغير هذا الطبع لكن مو بايدي ​

في اشياء تقدرين تقولين انها ما تهمج لكن من داخل القلب ما تقدرين ​

تطنشينها واحب هالمثل ( طنش تعش تنتعش ) بس صعب تطبيقه للاسف​

وانا الحين وايد اشياء صارت لي بوقت واحد وانجرحت منها ​

وكل شي صار ورا بعض ومن اقرب الناس جرح ورا جرح ​

خاصة هذي الايام وانا ماحب اقط روحي على احد بس​

المشكلة ان الي جرحوج يعتبون عليج ويقولون ليش قاطعة ​

يعني ما يحسون باللي يسووونه لازم ابتدي انا واعاتبهم ​

وفي ناس ما يتقبلون الصراحة وهم الي يزعلون اذا قلت ​

لهم شنو الشي الي مزعلني منهم ​

انا احترت مع الناس والي تعاملينه زين ينقلب من غير سبب ​

ودي اعرف ليــــــــــش !! طبعا بعض الناس ما اعمم ​

والله بقلبي وايد حجي ومن زمان كان ودي افضفض ​

بالمنتدى وهني المكان المناسب حقه بهالموضوع ​

الله يجزيج خير ما قصرتي واسفة طولت بالكلام​

بس القلب متروسة متروسة وما لقيت دوا يبري جروحي ​

ايــــــــــه يا دنــــــيـــــــا كل يوم نشوف فيها غرايب !! ​