وناستنا في رشاقتنا (( الجزء الثالث ))

[Loving Stella]

هلا فيج حبيبتي

تمام وانتي؟؟
لووووووول نفس الحاله الدوام هالكني بس ايي على نفسي باليوم لازم العب على الجهاز الطائر
الدوام والله قدمة استقالتي بتاريخ 12 وبظل لي 28 وبعدها خلاص ايصرحوني عن العمل
صج بس عادي انا احب البيض لووووووول بس ماينفعلي ر يجمات الي تنزل بطيء لانه تمللني وتخليني اخربط
ابي انزل لو 5 كيلوا بس لي حفلتي يعني وبس لوووول

اي صح البيض ينزل الوزن المفيوح بس جنه :ggdw: الله يسهل امورج بالدوام و ترتاحين باذن الله ويعطيييج العافيه حبيبتي

مسااااااااااااااء الخير عليكم كلكم

انا اليوم صايمة وحدي حدي مصدعة بعد شوي بتفطر بالبيت 3 تمرات ولبن وكوب شوربة كنور

وبعدين بروح السوق بقعد بكافيه بطلب قهوة ويمكن آكل معاها كتكات والعشا بروح ميس الغانم بطلب مشاوي وسلطة وبس

تقبل الله من من و بالعافيه حبيبتي :ggdw:

 

[al7noona]

الله يبارك فيج فنكية
انا الحين مسوية تخفيف
بس بطني طالعه فيه وايد خطوط
والجلد احسه مترهل وايد محتارة شسوي

انا قبل جربت زيت جلسرين + زيت اللوز المر تخلطينهم وتحطينهم على بطنج كل يوم والله خفوا حيييل بس الحين عقب ماولدت اطلعوا واييد وحطيت هالخلطه من زمان

ويمدحون كريم لونا بمصر وفي بنات اهني يبيعونه ويقولون ان يوخر الخطوط بجربه بشوف

وعن شد البطن سوي تمارين علشان تشد

 

[Loving Stella]

يا حلاتى اول شي مبرووووووووووك عالالتزام و عساه دووم ان شاء الله
و ان شاء الله اول مانزل المسنجر اليديد و يشتغل معاي بدش عليج و بكتب لج حتى لو انتى مواونلاين المهم يوصلج انى باااااااك عالmsn لوووووووووول :**

 

[Ya7aLaTi]

أنا باااااااك..


ريوقي كان نسكافيه..

وغداي جاي أخضر..

وعشاي لاتيه وسنيكرز ووحده معجنات ..

وشوي وبنام.. ما أعتقد راح آكل شي..

:ggdw::ggdw:







ستيلااا.. لووووووووووووول فديتوووووج والله :dddds:.... إن شاء الله.. ناطرة المسج منووووج :ggdw:

 

[Ya7aLaTi]

حسافه ماكوو أحد ..


عيل تصبحوون على خييييييير :*

 

[al7noona]

تعااالي انا اهني لووووول

 

[al7noona]

اليوم الحمدالله حدي مستانسه لان اول مره ازور بيت يدي ومااكل ولا انفجع على الاكل لوووووول

بس تغديت ورق عنب وشويه فتوش وشربت عصير

وعشاي كان كورن فليكس

 

[بطة رشيقة]

هلا فيكم بنات شلونكم انشالله بخير

انا الحمدلله كل شى تمام

الله يثبتنا ويزيدنا من فضله

يارب

ارزقنا الثبات

اليوم مشيت نص ساعه

وتغديت سلطه مع دياى مشوى

والسناك 5 تمرات

والعشا حلوم مع جرير وطماط وزييتون ومخلل مخضار ورقيه بنص صمونه فرنسيه سمره بالحبوب لذيييذ خوووش عشا وهوم ميد

 

[مس يو]

لووووووووووووول ايي والله هذا اهم شي عندهم ترى شارط اني اطبخله :dddds:

لووول من اولها يتشرط :dddds: ... يالله عيل من الحين شدي حيلج وسوي بروفات على اهلج لووول

مساء الانوار

بالعافيه عليج وطلعي والله غيري جو :dddds:

الله يعافيج حووووووبي ..اي والله استانست شوي من زمان مو طالعه ..

 

[مس يو]

هلا فيكم بنات شلونكم انشالله بخير

انا الحمدلله كل شى تمام

الله يثبتنا ويزيدنا من فضله

يارب

ارزقنا الثبات

اليوم مشيت نص ساعه

وتغديت سلطه مع دياى مشوى

والسناك 5 تمرات

والعشا حلوم مع جرير وطماط وزييتون ومخلل مخضار ورقيه بنص صمونه فرنسيه سمره بالحبوب لذيييذ خوووش عشا وهوم ميد

بالعافيه .. بطبط وان شاء الله دووووووم الالتزام يااااااااارب..

 

[al7noona]

باركولي باركولي:dddds:صرت من كبار الشخصيات

 

[مس يو]

لووووووووووووووووووووووووووووول

الحنوووووووووووووووووووووووووونه

أأأأأأأأأأأأأأأأأأأأأأأأأأأأألف مبرووووووووووووووووووووووووووووك حبيبتي تستاهلين :ggdw:

 

[al7noona]

لووووووووووووووووووووووووووووول

الحنوووووووووووووووووووووووووونه

أأأأأأأأأأأأأأأأأأأأأأأأأأأأألف مبرووووووووووووووووووووووووووووك حبيبتي تستاهلين :ggdw:

حبيبتي الله يبارك فيج :dddds::dddds: يالله انتي بعد شدي حيلج مابقالج الا جم مشاركه وتصيرين ماسيه _03BA:

 

[mn.mn]

صباح الخير

لاتنسون اليوم تطرشون لي الوزن عالخاص

وان شاء الله باجر يكون التقرير احسن من اللي طاف

 

[Loving Stella]

الف الف الف مبروووووووووووووك الحنونه تستاهليييييييييييييييييييين حبيبتي

 

[teenaa]

صباااااااحو\

بنات انا علي الدوره ووزني شوي زايد منها

اقيس ولالا
اخاف اقيس واتحطم

 

[Ya7aLaTi]

هلووو


شلوونكم ؟ :eh_s(6):


ليلحين ما تريقت.. بس بعد شوي بتريق نسكافيه ..







الحنووونه.. مبروووووووووووووووووووووك كبار الشخصيات :ggdw::ggdw:

تعالي تعالي صفي يمين.. يمي أنا ومنمن ونوروو :dddds:







منمن.. أنا بدزلج وزني باجر الصبح إن شاء الله :eh_s(22):

عالأقل خل أنزل شوي.. مايصير التقرير إلي طاف زايده وهالتقرير زايده بعد :0bee2e8d89:

الحين وزني نفس آخر مره.. بس فرق 100 قرام.. إذا إلتزمت عدل اليوم.. إن شاء الله أكون نازله عن التقرير إلي طاف :ggdw:

 

[بطة رشيقة]

صباح الخير بنات شلونكم عساكم بخير

انا اليوم تمام الحمدلله تريقت كورن فلكس وحليب

حدى بلوعمى يعورنى وصوتى رايح حده ...

:0bee2e8d89:

انتوا شلونكم عساكم بخير

عطوونى فكره حق الغدااااا​

 

[Ya7aLaTi]

بطه رشيقه.. سلامتوووج.. ما تشوفين شر إن شاء الله

وعلييج بالعااافيه حوووبي :eh_s(6):

 

[Loving Stella]

صباح الخير يا حلوييييين

شلونكم

ابشركم نزلت ياحلاتى انا نزلت و قربت من عالم ال 80نات مثل ما وعدتج من قبل ههههههههههههه
اخيرا صرت 92

المهم انا اليوم اول يوم لي من رجيم المطوع و تريقت الحمد الله تونى جاي حليب و موزه
و يمكن نطلع عالعصاري ويا اهلي و مادري شاكل بس يمكن ابدل العيش بنص خبزه

ادعولي الله يثبتني اللهم امين