اي استفسار لطلبة الحقوق - جامعة الكويت

[مـ سهله ـو]

الفيلي مو صج هههههههههههه

زين على زين طرشت لج رسالة خاصه تعرفين تبطلينها واله لا لووول

 

[رائحـة المطـر‘]

صباح الخير

شلونكم حقوقيـــات ؟

سويت لكم تصميم بالسكرابز

عشان يصير تغيير شوية بدال التصاميم العادية

بوريكم إياه إذا تحسون إنه مو حلـــو

عادي قولوا لي أسوي لكم واحد ثاني ما راح استحي منكم :dddds:

أو نخلي لوير تسوي لنا === > بكيفج تقررين :tomato2:






:eh_s(22):

 

[رائحـة المطـر‘]

صباح الخير

شلونكم عساكم بخير ؟

.
.

رائحة المطر نكج بشوقنيييييييييييييي

بس اقراه احس براحة نفسية لوول لاني اعشق ريحه المطر

واعشق ريحة الطين لامطرت ، يلاااااااااااا امتى ايي الاشتا

.
.

بالنسبة لشعار التجمع ،، رائحة المطر انتي تسوينه ؟

لاني فكرت اسوي انا بعد

شرايكم ؟

سويته و خلصت بس مادري ليش حاسة ما راح يعجب البنات :tomato2:

ومشكوووورة من ذوقج والله حتى أنا أعششششق المطر و ريحة الأرض من بعده

واي اشتقنا حق الشتـــا

 

[رائحـة المطـر‘]

هلا وغلا حبيبتي امبله نزلنا ومتأكده لاني انا نازله بالانتخابات :> وسجلت اسمي واحنا كنا متفقين من الاول وامس نزلنا ويوم الاحد راح تكتمل اسامينا :>

بنات هالله هالله فيني <<< ترى خوش وحده :$

بس كيفكم بنات والله ما نجبر احد المتحدون خير وبركة فيهم وما انسى وقفتهم معاي كلش والمستقله زينه بس احنا نزلنا واحنا حتى لو ما فزنا عادي اهم شي تكون هاذي بدايه لنا وانشالله مع السنين اليايه بتشوفون أعمالنا وكل شي ​

عيل الله يوفقكم

و نرررررحب كلنا بووجود منافس 3 على انتخابات حقــوقــنآ

 

[مـ سهله ـو]

يوفق الجميع يااارب

 

[رائحـة المطـر‘]

السلام عليكم بنات شلونكم شخباركم
بخصوص الكتب بنات انا سنة اولى ياريت لو تقولون لي من وين اشتري الكتب
ماده قانون دستوري طلب المقاطع او عادل طبطبائي
واصوول قانون طلب كتاب بو الليل
ومبادئ طلب كتاب الاقتصاد السياسي لدكتور خالد زغلول
والشريعه طلب كتاب مدخل لدراسه الشريعه الاسلاميه لدكتور عبدالكريم زيدان وين القاااهم عفيااا غير عن مكتبه الجامعة لأن اليوم بروح اخذهم حق يوم الاحد كلهم علي .. يوم الاحد اليوم التعيس بالنسبه لي 4 محاضرات

و عليكم السلام و الرحمة

حبيبتي إنتي 4 مواد و يوم تعيس أنا الأحد 7 مواد و الثلاثاء 6 مواد

حده كآبة يوم الأحد كراف مو طبيعي ..

بالنسبة للكتب يقولون تلقينها بمكتبات حوليبس ما أدري وين بالضبط :eh_s(1):

و ذاك اليوم شفت البنات باللوبي قاعدين يوزعون أوراق فيها أسماء المكتبات

اللي تلقين كتب الحقوق فيها مع أرقام تلفوناتهم

باجر لي داومتي إن شاء الله تعالي سألي البنات عنها

وهم وحدة قالت لي إنج تلقين هالورقة عند السكيورتي اللي بمكتبة الطالب

يوزعها عند الباب أول ما تدشيين تلقينه بوجهج ..

 

[بطه برستيج]

صبااااااااااااااااااح الخييير
بنات اليوم في برنامج مناااظره الساعه 10 على الوطن
بيطلع فيه محبوب الجماهير الفيلي

 

[L a w y e R]

انا راح اعقب على كلامج كطالبة حقوقية اولا

وكمؤيدة للقائمة المستقلة ثانيا

ولان في جم شغلة ماحبيتها بردج ثالثا

كنت اتمنى بحكم انكم قائمة يديدة تنزل بالحقوق مايصير هالهجوم على القوائم بالكلية

القائمتين فيهم الخير والبركة ، والوسط قائمة عريقة ماتتخذ اسلوب الهجوم ضد منافسينها

عموما انا احس ان الوسط كانت وللاسف الحين انتهت ، لها معزة خاصة بقلبي واعشق مخرجاتها

انشالله اللي ماسكينها الحين يردونها كما كانت ، انشالله صج مو بس مجرد امل !

السلام عليكم

2- عمليات الانشقاق الغير هادفه في تشويه كل من الجمعيتين اوكي انت انشقيت خلاص اسكت وروح للقائمة اللي تبيها ليش النشر وعوار القلب ليش الفتن احنا بحضانه واله بجامعه !!
ليش تشويه ؟ هالشي يصير بكل القوائم ، توضيحا منه للاسباب اللي استدعت للانشقاق ، ماحبيت مفردة حضانة منج ، كلنا جامعيين وكل 1 عارف مصلحته

3- : نبي الحرية والديموقراطيه
موجودين ولله الحمد ومايمنع انه نطمع بالمزيد

4- زهقنا من سالفه التعصب والتمييز يعني اذا انت شيعي احسلك المستقله وما ادري ايشش !! شدعوه عليهم !! واذا انت مطوع روح الائتلافيه (( المتحدون )) لا والله !!
في شيعة مع متحدون ، وفي سلف مع المستقلة اهي مسألة اقتناع ، وسالفة ان الشخص يكون امعة ويدخل بقائمة عشان ربعه هناك مشكلته مو مشكلة القائمة نفسها

5- : نبي نكون كلنا ايد وحده مانبي سالفه شيعي سني بدوي حضري شالتفاهه مو كلنا كويتين مو كلنا نهدف للأصلح والأحسن
مو دفاعا عن المسقلة بس اللي اشوفه ان كل طوائف المجمتع الكويتي فيها ، مادري عن متحدون بس الاكيد ان فيها شيعة وبدو

6- : نبي التغييييييييير بس تعبنا تعبنا من هالنظام الفاشل بالكلية نبي نسمع الكل نبي نشوف حتى الأقليه نبي نسمعهم نبي ابداء الرأي والحرية..
انشالله يتغير الوضع للافضل

7- : سوالف اللوبي لو اقولها لي باجر مراح اخلص خل اقولكم اول شي عن قائمة في عادة مضحكه يسوونها كل سنه بعد خسارتهم بالاتحاد ماشالله عليييييهم حيييل مستانسين بالخساره يعلقوون بولونات واييبون كيكه تدرون شنو اللي ناقص !! اغاني ونقلب اللوبي دسكو سخافه !! وفي قائمة ناس جدا جدا باارده يا بوي ما اقدر اعبر !!
لوول اهم قائمتين بالكلية ، وحدة تفوز والثانية .. ثانية
ماحبيت اسلوب الاستهزاء اخيتي واتمنى تسحبين كلمة ديسكو لانها وايد قوية !! حنا بحرم جامعي والفرحه مو حرام !.. الفرحة بارتفاع الارقام سنة عن سنة ، وهالسنة الاحتفال غير شكل لان الفوز كان حليفنا بالكلية

8- سالفة منع الاختلاط ياااااا جماعه انتوا اخرتكم راح تشتغلووون يعني بتحتكون بالغير اذا ما تعودتوا بالجامعه شلووووون راح تمشوون بحياتكم العملية احنا لازم نفكر الإنسان المحترم محترم في بيته او في شغله او في كليته خلوونا نبدي حياتنا باحترام الغير وراح ننهيها ونستمر باحترام ... وبعدين في شغله ثانيه جامعة الكويت لمن تأسست عام 1974 وطبعا ماسكتها الوسط الديموقراطي بالاتحاد كان النظام التدريس فيها تعليم مشترك ابهاتنا وامهاتنا كلهم درسوا بهالنظام وطلعوا بمراكز حيل حلوه ماكان بهالنظام اي عيوب عكس العيوب اللي قاعده تطلع مثل الشعب المسكره وتأخر التخرج والقوائم اللي ما تأيد التعليم المشترك تفكر بمصلحتها ما تفكر بالجامعه ككل ..
قرار سياسي بحت القائمة المستقلة ترفضه ، ومادري عن المتحدون لاني ماختلطت معاهم للامانه




بنات ابي رايكم بليييز ؟

عموما موفقين انشالله وكلنا خوات

الاختلاف بالراي لايفسد للود قضية

 

[L a w y e R]

صباح الخير

شلونكم حقوقيـــات ؟

سويت لكم تصميم بالسكرابز

عشان يصير تغيير شوية بدال التصاميم العادية

بوريكم إياه إذا تحسون إنه مو حلـــو

عادي قولوا لي أسوي لكم واحد ثاني ما راح استحي منكم :dddds:

أو نخلي لوير تسوي لنا === > بكيفج تقررين :tomato2:






:eh_s(22):

تسسسسسلم ايدج حبيبتي :*

خوش تصميم ماشالله

بالنسبة للتصميم راح انزله بهالجم يوم انشالله ، وانشااااااالله ما اطول فيه

 

[مـ سهله ـو]

لوير حبي انا ما هاجمت بس هذا الواقع وعموما يا قلبي رايج واحترمه والله يوفق الجميع

 

[مـ سهله ـو]

صبااااااااااااااااااح الخييير
بنات اليوم في برنامج مناااظره الساعه 10 على الوطن
بيطلع فيه محبوب الجماهير الفيلي

اشم ريحة تتطنز لوووول ​

 

[رائحـة المطـر‘]

مساء الخير جميعا

شوقني موضوع التوقيع الحقوقي المشترك

لوير يا قلبي انا بخير و سنه رابعه بدايتها حلوه .. اهم شي انها اخر سنه فالمفروض نتقبلها بحلوها و مرها

انا عندي لج كم نصيحه لسنه ثالثه

اولا : ثالثه معروفه بكميات الكتب المهوووله يعني اقل امتحان يصادفج راح يكون عباره عن 200-300 صفحه
فعشان جذي حاولي تذاكرين اول باول و تلخصين لان راح توهقين حزة الامتحان مايمديج اتخلصين الكميه و ما راح يبقى عندج وقت للمراجعه فحاولي دايم تخلين قبل الامتحان بيومين حق المراجعه

من حظج انج صرتي عند عبيد صراحه هالدكتور شهادتي فيه مجروحه صج راح يتعبكم بس كله لصالحكم و عن التنويت نفس مشكلتي كنت ما الحق وياه بس جزاهم الله خير البنات قبل الامتحانات ينزلون نوتهم بالتصوير عشان نستفيد منه ان شاء الله اتحصلين احد معاكم ينوت عدل و يتطوع ينزله بالتصوير

جزاء دكتوركم وايد زين بس مشكله البطء حيل يطول بالشرح
و عقود انا خذيتها عند د.حسين والله الماده حلوه و يبلها مجابل بس امتحاناتها صعبه عاد الله يعينكم على امتحانات د.حسين الرشيدي
وميراث حمدوا ربكم ما اخذتوها عند الربيعه و لا جان حولتوا
و بس الباجي كلهم سهالات تجاري و اداري و تشريعات ان شاء الله تاخذون فيهم اعلى القريدات

و الله يوفق الكل لان جد هالكليه متعبه بكل مراحلها اولى - ثانيه - ثالثه -رابعه >>> حتى الماستر عندنا صعب

مشكورة على هالنصايح الحلوة ..

على فكرة في تلخيص مادة مرافعات تلقونه بمركز التصوير

باسم ( فاطمة البلوشي ) البنية مسوية التلخيص من زمان

و عرضته على دكتور عبيد و قال لها حلو عطيه البنات

روحوا عند زينب طلبوا منها نسخة لأنها تطول على ما تصوره


و حتى أنا مشكلتي نفس لوير ما أللللحق على دكتور عبيد حيل سريع بالشرح :eh_s(1):

 

[بطه برستيج]

مو سهله لا حشى من تطنز :$
ياويلي ويلاه يا زين خشته و بس ههههههههههه >> خقت

 

[بطه برستيج]

رائحه المطر :
تسلم ايدينج على الابداع الاسطوري
وربي كافي ايدينج مسويتهم
ياعلني ما اخلى من هالشوفه

 

[L a w y e R]

لموووس حبي انتي :*

موفقة برااابعة

شعليج خريجة ماشالله

ابسط ياعم مين ادك لوول

الله يوفقج حبي :*

مادري ليش احس ثالثة حلوة واحلى من ثانية < انشالله يارب لول

الله يسهل علينا جميعا يااارب

.
.

رائحة المطر

مشكورة توني ادري عن نوت فطوم البلوشي

خل اخذه ماشالله فاطمة شاطرة يحلوها

مشتاقتلها اويييي لول

وشوفي في نوت ثاني رفيجتي العام درست منه ، نوت اسما الصيرفي

ماشالله وااااااااااايد متين فيه 500 او 600 صفحه

رفيجتي وااااايد تمدحه وتقول ماشالله كاتبه كل شي ، جربي شوفيه يمكن يعجبج بعد

سبيشالي وان عبيد يعتمد اعتماد تام عالنوتس

الله يوفقنا جميعا اميين

 

[رائحـة المطـر‘]

بنات سكروا الموضوع

بليز مانبي نتهاوش نبي نقول راينا مانبي يكون تج مالنا شغل بالاختلاط اللي تبي تعلق تعلق على القائمة لا نطلع بره الموضوع

بالضبط مانبي الموضوع ينقلب لمنحى ثاني ..

ولانبي التجمع ما ينقلب لانتخابات و منافسة بين القوائم

نبي يكون تجمع لبنات الحقوووق فقط مو بنات القوائم :eh_s(6):

بلييييز بنات ما نبي سوالف قوائم و نقاشات لا تودي و لا تجيب

 

[future lawyer]

رائحة المطر
التصمييييييييييم ايننن تسلم ايدج
بس ياليت تقربين كلمة ( كلية الحقوق) على الساعة يعني تدخلينها عليها شوي حسيتها وايد شاطحة لبره
و الساعة تطلعين تفاصيلها اكثر حسيتها مطموسة شوي
ما عدا ذلك صج صج عجبنييييي :ggdw::ggdw::ggdw:

 

[بطه برستيج]

رائحه المطر مبدعه جدا
ياويلي عليج ههههههههه تسلم ايدينج مره ثانيه

 

[رائحـة المطـر‘]

انا راح اعقب على كلامج كطالبة حقوقية اولا

وكمؤيدة للقائمة المستقلة ثانيا

ولان في جم شغلة ماحبيتها بردج ثالثا

كنت اتمنى بحكم انكم قائمة يديدة تنزل بالحقوق مايصير هالهجوم على القوائم بالكلية

القائمتين فيهم الخير والبركة ، والوسط قائمة عريقة ماتتخذ اسلوب الهجوم ضد منافسينها

عموما انا احس ان الوسط كانت وللاسف الحين انتهت ، لها معزة خاصة بقلبي واعشق مخرجاتها

انشالله اللي ماسكينها الحين يردونها كما كانت ، انشالله صج مو بس مجرد امل !



عموما موفقين انشالله وكلنا خوات

الاختلاف بالراي لايفسد للود قضية

بالنسبة قانون منع الاختلاط ، ذاك اليوم محمد المطوع بالمناظرة اللي عالوطن

قال إنه القائمة المستقلة مع هالقانون

لكنها ضد التطبيق السيء له ..

يعني المستقلة مع فصل الطلبة عن الطالبات لكنها ضد التطبيق السيء يعني نفس موقف الائتلافية

هذا اللي فهمناه :eh_s(1):

 

[رائحـة المطـر‘]

تسسسسسلم ايدج حبيبتي :*

خوش تصميم ماشالله

بالنسبة للتصميم راح انزله بهالجم يوم انشالله ، وانشااااااالله ما اطول فيه

الله يسلللمج

بس ما فهمت ، ألحين تبون تحطون هذا بتواقيعكم و لا اللي بتسوينه .. ؟