تجمع المتزوجاااااااات بعمر الـــــــــ40 الله يطوّل بعمرنا

[النجوم]

مشكوره يالمباركيه الله يسلمج يالغاليه

من الصبح قاعدين وشغالين انا وزوجي والخدم
بناتي من البارحه سهرانين ومواصلين لما اليوم الصبح يعدلون ويقطون ويشيلون لما تعبوا والساعه عشر الصبح نامو
تعبوا بعد عمري

مباركيه عندج بنات وجم اعمارهم

 

[مباركيه]

عساكم على القوة ان شاء الله انتي وابو عيالج وبناتج

الله يسلمج انا عندي بنت وحدة وعمرها 26ومتزوجة وعندها بنت وولد

وانتي اسم الله عليهم جم بنية

 

[النجوم]

ام اوراد صبري الانفلونزا تطول شوي ميخلف كثري لها السوائل فيها كحه لاتعطينها حوامض بس سوائل دايفه
مو زين الحوامض حق الكحه

 

[النجوم]

عساكم على القوة ان شاء الله انتي وابو عيالج وبناتج

الله يسلمج انا عندي بنت وحدة وعمرها 26ومتزوجة وعندها بنت وولد

وانتي اسم الله عليهم جم بنية

انا عندي بنتين الجبيره 25 متخرجه وقاعده بالبيت وماياها النصيب لما الحين والجعده 18 تدرس بالجامعه
اما الولد الوحيد متزوج وعند بنيهتوها عمرها 40 يوم
الله يحفظهم ويحفظ عيالكم

 

[النجوم]

فوفو وينج ملوحه وين رحتي
شهوده وندوره بسكم نوم
كنفاني والله وحشتينا يبا روحي اخذي لج ايغو وشبكي
لي مشاعر وينج بعدج مشغوله بضيوفج الله يعطيج العافيه

بنات على فكره ترى النت عندي لوع جبدي كل شويه يفصل
ماادري انتو بعد نفس الشي0000ترى عادي اذا شفتوني مو معاكم لانه المنتدى كل شوي يفصل ماادري شسالفته

 

[مباركيه]

انا عندي بنتين الجبيره 25 متخرجه وقاعده بالبيت وماياها النصيب لما الحين والجعده 18 تدرس بالجامعه
اما الولد الوحيد متزوج وعند بنيهتوها عمرها 40 يوم
الله يحفظهم ويحفظ عيالكم

الله يحفظهم ان شاء الله 00والله يرزق بنتيتج الزوج الصالح 00

انا عندي ثلاث اولاد العود عمره 24 وتوه متزوج والثاني 21وتوه متخرج من الجامعة00والجعدة 16 سنة بالصف 11علمي والله يصلحهم اجمعين

 

[مباركيه]

صاجة النت صاير يلوع الجبد مرة يفصل ومرة يطول على ما يفتح

 

[مباركيه]

والله انا اليوم فاقدة شهودة وندورة ونجرتهم اللي تونس000

 

[النجوم]

مباركيه الله يخلي لج عيالج ويجعلهم من الذريه الصالحه انشالله ويفرحج فيهم ويخليج لهم مع ابو عيالج انشالله

الحين شنو جدولكم اليوم0000 انا سويت الغداء مرقة شبزي وعيش مشخول وسلطه يونانيه
وشوربة عدس

والحين العمال راحو ينظفون البيت ويغسلونه
وباجر نبدا شوي شوي نشيل0كل يوم شويهجدامن اسبوع

 

[النجوم]

اتوقع ندوره نايمه لما الحين بس شهوده اكيد لاهيه مع زوجها وعيالها الله يخليهم

 

[omawrad]

عليج بالعافية النجوم الغدا واذا تبين مساعدة نعين ونعاون طلعي بو العيال من البيت اليوم واحنا نشمرة عن سواعدنا ونخليج بيوم انتى نازلة المنزل المبارك ان شاء الله
اذا تنظف البيت الشيلة بسيطة كل يوم دار وتعدلين اول لا تشيلين مرة وحدة وتكودينهم في البيت وتقعدين تحوسين اكيد اول الشهر لازم تسكنين وعلشان لا تتعبين والحمد الله البنات اسم الله عليهم كبار وراح يساعدونج وترى من صج اذا تبين مساعدة بس قولي

 

[omawrad]

وترى بعد فاقدين كنوفه وصورها الروعة

 

[مباركيه]

عليكم بالعافية الشبزي 000عاد انا احبه بس ما اعرف اسويه 00لي اشتهيته اوصي اختي ما شاء الله عليها تيبه ييب0000 اليوم انا جدولي قاعدة بالبيت 00وغداي جبدة محموسة ومشخول بقاعة الجدر بطاط وبذنجان وبصل00وشوربة المشروم بالكريمة

 

[النجوم]

عليج بالعافية النجوم الغدا واذا تبين مساعدة نعين ونعاون طلعي بو العيال من البيت اليوم واحنا نشمرة عن سواعدنا ونخليج بيوم انتى نازلة المنزل المبارك ان شاء الله
اذا تنظف البيت الشيلة بسيطة كل يوم دار وتعدلين اول لا تشيلين مرة وحدة وتكودينهم في البيت وتقعدين تحوسين اكيد اول الشهر لازم تسكنين وعلشان لا تتعبين والحمد الله البنات اسم الله عليهم كبار وراح يساعدونج وترى من صج اذا تبين مساعدة بس قولي

مشكوره بعد عمري ماقصرتي الله يطول عمرج كلج ذوق
انا مارح اثقل على عمري كل يوم شوي شوي

على فكره ام اوراد خل نشوفج ودنا نتعرف عليج اكثر انتي ومباركيه ترى احنا تجمعنا اكثر من مره
يوم عند فوفو عميدة الديوانيه
ويوم في الشاميه مول وشربنا قهوه وحلو
ويوم في جمعية الشاميه مطعم ريتز ويوم بيت ملوحه ويوم بطعم
يعني اذا لج خاطر نطلع كلنا مطعم او كافيه ترفهين عن نفسج

 

[مباركيه]

يا ريت والله لي الشرف00

بس ابي اتعرف على اعماركم اذا مافي مانع

 

[omawrad]

ان شاء الله امس كلمتنى ندور والله ما قصرت يالحلوها وسوالفها تينن والله وان الحين بعدي بمشاكل مع زوجي واهو ما يخليني اطلع بالمرة من البيت مع انه تارك البيت وما ابي اسوي مشاكل معاه اكثر بس ان شاء الله بس يفرجها ربي ان شاء الله نزورج في بيتج اليديد وانتي الحين واهو يغسلون البيت حطي مسجل اللي ما تسكر عرفتيها وحطي سورة البقرة وفي نهاية الغسيل حطي ماي زمزم محصن يعني انتي اقري عليه الحمد والمعوذتين وايه الكرسي ورشيه في البيت قبل لا تدخلون البيت وان شاء الله يسهل امروكم ويحلو الحفيد الحلو اللي عندج سلم قلبهم والله شسميتوه

 

[الشهد كله]

صباحوووووووووووووووووووو


مساؤؤؤؤؤؤؤؤؤؤؤؤؤؤؤؤؤؤؤؤؤؤ


سلامووووووووووووووووووووو






وحشتوني​

 

[النجوم]

عليكم بالعافية الشبزي 000عاد انا احبه بس ما اعرف اسويه 00لي اشتهيته اوصي اختي ما شاء الله عليها تيبه ييب0000 اليوم انا جدولي قاعدة بالبيت 00وغداي جبدة محموسة ومشخول بقاعة الجدر بطاط وبذنجان وبصل00وشوربة المشروم بالكريمة

اعليكم بالعافيه غداكم يشوق
انتي بس اشري اي وقت بغيتي مرقة شبزي بس قولي لي وانا اسويها لكم واطرشه لكم برسم الخدمه انتي بس آمرينا ووين بيتكم
احنا الحين بيتنا اليديد في بيان

وعلى فكره هذي ثالث امره اعيد الكتابه كل شويه يفصل النت عندي

 

[النجوم]

اي والله ام اوراد صدقتي الله يفرجها عليج ويسهل امورج باذن الله انا كل بيت اروح له اشغل سوره البقره 3 ايام

مباركيه احنا لنا الشرف نتعرف عليج
انا بالنسبه لي عمري 47 اكبر وحده والباجي كلهم صغار حلوات يعني هم يقولون لج اعمارهم احسن

شهوده هلا بالطش والرش والثوب المزركش مساء الحب والبركه:eh_s(6):

 

[omawrad]

واذا يوم رحتو الافنيوز قولولي لانه المكان الوحيد اللي اقدر اروحله لانه اخلي وروده في بروي تلعب وانا استانس معاكم