Make OVERs Girls diet بشكل يديد وحماس اكثر حياكم

[om.5doja]

ليش نايمين بنات وينكم @_@

 

[Eng_7asasa]

هلا ام خدوجة قاعدة ادرس والله

 

[om.5doja]

هلا فيج ياقلبي

موفقه يارب

الله يسرلج امورج ياحساسه ياقلبي ووتخرجين بعلى معدل اللهم امين

شدي حيلج حبيبتي

وموفقه

انا عيل بحوس بالمنتدى وباميلي

شدييييي حيييييييييييييييييييييييييييييلج يا احلى مهندسه

 

[almassa]

فديييييييييييييييتكم والله

يزاكم الله الف خييييييير ,,,الله يكافيني شرررهم ياارب ويوفقني

ويوفقكم ويرزقكم كل خييييييييييييير

توااااااا اختي الصغيره تقولي في بنات يصيرولنا يسئلونها ؟؟؟
ريل اختج يكلمها ؟؟ يجيكم البيت ؟؟

شلون شكله بالضبببببببببط


بذمتكم ليييييييييش هالاسئله ,,,مع العلم انهم سائليني ورديت عليهم
؟؟؟؟؟؟؟

حساسه وام خدووجه

مشكوووووووووووووورين

وانا اموووت ع البوب كورن بس اشتري الجاهز المجيس المملح

شكلي بجررب اللي حطيتيه قليل الدسم

ويااااااااااربي يخليلج خدووجه ويحفظها من كل شرر ...

 

[om.5doja]

حبيبتي والله الماسه تسلمين وماتقصرين

اوووف هالعالم مايخلون احد بحاله شكووووووووووووووووووووو

خل يولون يبا طاااااااااااااف ولا كأنج تسمعين

اللقافه هذي انا ماحبها نهائي

وموفقه ياقلبي

وانتي الحين بتتزوجين وبتشوفين ناس وبتسمعين كلاااااااااام يشيب الراس والله بس كل اللي عليج انج تتعلمين انج تعطين طاااااااف ولا تحاولين تناقشين هالاشكال نهائي لانه ترى بتتعبين منهم

مهما تكلمتي وقلتي هم بقثونج يعني بالعربي ماكو فايده غير بالحقران

والله يسهل عليج يارب ووفقج ويبعد عنج عيال الحرام اللهم امين

 

[ليمونه79]

مرجبا بنات اشلونكم تغديت دجاج وشوية عيش ودايت بيبسي وبس كويتيه ماتعرفين شنو اسم الكريم واذا تقدرين حطي صورته واي صيدليه وبكم زهقتج من الاسئله

 

[om.5doja]

مرااااااااااحب اهلا ليموووونه

عليج بألف عافيه يارب

 

[Eng_7asasa]

تسملييين ام خدوجة حبيبتي على الدعوة الله يخليج بنتج وتفرحين فيها ان شاء الله

الماسة طنش تعش تنتعش خلهم يولون من الحره اعوذ بالله

 

[BiiShOoO]

قوووة بنات شلونكم

انا اليوم حدي مغلقة

 

[almassa]

فديييييييييييييييييييييييييييييييييييتج والله دمعت عيووني جنج حااااسه فيني

يخووفون ويتعبووون حتى اقررررب الناس لي

وانا ع نييااااتي كل بكــــــــل شي وام دميييعه

الله يبرد على قلبج مثل مابرد ع قلبي كلامج >>>على عيني وراسي والله


باي بناااات بفصل الحين

العشا>>>>>>تونا مع مايو لايت وتفاحه

حبيتكم والله

اشوفكم على خير

 

[Eng_7asasa]

بالعافيه على قلبج الماسة والله يحميج من العين يارب

 

[om.5doja]

اهليييين لوووو ليش حبيبتي ليش مغلقه عسى ماشر ؟؟؟


حبيبتي الماسه اي شي تامرين فيه بس قولي افا عليج ومالج شغل بهالعالم طقيهم بالطووووف

واهم شي راحت بالج واهتماماج بنفسج حق ليلة العمر وراج ريل وعفسه مالج شغل بالعالم خشي اعصابج حق بعدين

لوووووول خشيه حق اللي يسوى مع انه ماكو شي يسوى تحرقين اعصابج عليه وموفقه حبيبتي وبالعافيه على قلبج عشاج

 

[Eng_7asasa]

عسى ما شر لوو

انا تعشيت كوب كورن فليكس سبشيل k

و حليب خالي الدسم وبس

 

[om.5doja]

الله يسلمج حساسه حبيبتي وان شاءالله نفرح فيج وانتي متخرجه اولا وبعدها وانتي عروس اللهم امين


عليج بالف عافيه حبيبتي حساسه عشاااج

 

[ROSIE]

بالعافية جيسي شلون الجو عندكم عندنا بدا البرد الاسبوع اللي طاف الصبح لما اروح دوام الماء اللي يتكون الصبح علي زجاج سيارات صاير طبقة تلج هههههه

بس حلو حمد لله احب البرد

 

[Eng_7asasa]

يعافيج يا قلبي ام خدوجة امييين يارب الله يسمع منج

هلا روزي والله قام يصير الجو حلو عندنا بس تو الناس على البرد هههههه

 

[BiiShOoO]

مادري فجأة حسيت بغلقة

استغفر الله العظيم من كل ذنب عظيم

 

[Eng_7asasa]

تعوذي من بليس لوو عادي الواحد مرات تحوشة غلقه من الشيطان

 

[om.5doja]

حبيبتي لوووو ماتشوفين شر والله يشرحلج صدرج اللهم امين

حبيبتي هذول ادعيه وان شاءالله يريحونج اللهم امين

(دعاء لمن اصابه هم او حزن):اللهم اني عبدك ابن عبدك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتابك او علمته احدا من خلقك او استاثرت به في علم الغيب عندك ان تجعل القران العظيم ربيع قلبي ونور صدري وجلاء حزني وذهاب همي وغمي

(دعاء المكروب):الللهم رحمتك ارجو فلا تكلني الى نفسي طرفة عين واصلح لي شأني كله لا اله الا انت

(دعاء ازالة الهموم):ياحي يا قيوم برحمتك استغيث

(دعاء من اصابه كرب وشدة):الله ربي لا اشرك به شيئا

(دعاء لدفع الهم وانواع البلاء):لا حول ولا قوة الا بالله العلي العظيم

(الدعاء باسم الله الاعظم يزيل الهموم والكروب)
اللهم اني اسالك بأن لك الحمد لا اله الا انت وحدك لا شريك لك المنان
يا بديع السماوات والارض ياذا الجلال والاكرام
اللهم اني اسالك بانك انت الله الذي لا اله الا انت الاحد الصمد الذي لم يلد ولم يولد ولم يكن له كفوا احد
توكلت على الحي الذي لا يموت الحمد لله الذي لم يتخذ ولدا ولم يكن له شريك في الملك ولم يكن له ولي من الذل وكبره تكبيرا

(دعاء ابراهيم عليه السلام):حسبنا الله ونعم الوكيل
رب لا تكلني الى احد ولا تحوجني الى احد واغنني عن كل احد يامن اليه المستند وعليه المعتمد وهو الواحد الفرد الصمد لا شريك له ولا ولد خذ بيدي من الضلال الى الرشد ونجني من كل ضيق ونكد
اللهم امين

 

[BiiShOoO]

تسلموون حبايبي ما قصرتو


لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السموات ورب الارض ورب العرش الكريم

بسم الله الرحمن الرحيم ، ولا حول ولا قوة إلا بالله العلي العظيم

يا احي يا قيوم ، برحمتك استغيث

سبحان الله العظيم

يا حي يا قيوم